[فيتامين سي]

<< البــــــــــــــــــــــ ارت الـــ 16 >>
ماجد : فيصل روح ورى العيال وقلهم طمنوا الاهل وقولوا لهم ان الشباب بخير
فيصل : طيب ,,,,,,,, قام فيصل يكلم العيال قبل لا يروحون وماجد بمكانه وحاط ايده على راسه وش بيسوي
الحين ؟؟؟ ياااااااااااا رب صبرني
رجع فيصل ...فيصل : ماجد هدّي اعصابك مايصير كذا
ماجد : فيصل لا تقهرني تراني مو طايق نفسي
فيصل : أدري ان الشباب مو بخير .. من طريقة تصرفاتك أنا أعرفك زين يا ماجد ولا نسيت ايام زمان؟؟
ماجد : لا ما نسيت .. فيصل احسن لك وخّر عني الحين بالذات لا تخليني اغلط عليك
فيصل : والله؟؟ احلف بس ... وش رايك تجي وتسطرني كف بعد؟؟؟
ماجد : اللهم طولك يا روح ... وبعدييييين ؟؟
فيصل : ما راح اسكت وانت عارفني الين تقولي وش صاير عليهم صدق
ماجد : مو صاير عليهم شي اطلع من مخي عاااااااااااااد
فيصل : مجوووود ادري انا انت ليش زعلان ... عشان مالقيت احد تفضفض له , شوف انا ادري ان اخوي
فهد معهم لكن هذا ما يمنع اني اكون قوي واستحمل عشان اهلي ماجد تكلم
ماجد : بتكلم بس مو هنا اخاف احد يسمعنا ,, امشي برة
فيصل : اوكي بس قبل روح للجين واعتذر حراام عليك البنت خطيبها بالمستشفى ومالهم يومين متملكين
اجبر خاطرها يا ماجد
ماجد : اخاف اذا شفتها اعصب وما امسك اعصابي وبدل ما اكحلها اعميها
فيصل : لالا ما راح تعصب لكن خليك هاااادي عالاخير وكلمها شوي شوي
راح ماجد للباب اللي بين الصالة والمجلس
ماجد : بنت الووو .. تعالي هنا عشان انا مقدر ادخل جوة
لجين بضيق : ما يحتاج تجي ولا يحتاج اجيك لانو مافي موضوع نتكلم فيه
ماجد : الا فيه واللي هو مصعب .. يللا تعالي المجلس اشوف
وراح وهي جاية وراه وفيصل ينتظر ماجد بالسيارة
ماجد : اسمعيني زييين ... مصعب ما صار له شي بس هو تحت الملاحظة زي الشباب هم بخير بس
لسة تأثير الحادث مثل ما تعرفي ..اوعدك اذا وافق الدكتور انك تزوريه اوديك
لجين :يعني هو بخييير ؟؟
ماجد : زي الحصاااااااااان يللا امسحي دمووعك
لجين : الله يبشرك بالجنة قووول آمين
ماجد : ههههه آمين وياك يارب
لجين : يعني اتطمن
ماجد : ايوة
راحت لجين جوة وهي فرحانة ماتدري ان الجاي اعظم
راح ماجد للسيارة مع فيصل يعلمه كل شي ونسى جواله بالمجلس
عالمغرب ماجد وفيصل راجعين للبيت وعلى دخلة ماجد لجين كانت بالمجلس تنظفه وترتبه
سمعت رنة جوال ماجد ( هم عاااادي يمونون ومن الميانة يردون على جوالات بعض احيانا )
رددت لجين : ............
الدكتور : الو السلام عليكم .. انت الاخ ماجد قريب الشباب اللي عندنا
لجين ضخمت صوتها : ايوة
استغرب الدكتور الصوت بس مشّى : المهم تعال بسرعة فيه واحد فيهم ساءت حالته بشكل خطير
وظني اسمه مصعب ( هنا انصدمت لجين بقووووة الا مصعب لالالا كل شي ولا هو تونا ما امدانا نفرح وش اللي صاير )
المريض حالته خطيرة جدا واحتمال الوفاة كبير لان احدى حدايد السيارة مخترقة القفص الصدري وقريبة عالقلب مررة
وفيه نزيف شديد لازم تحضر وتشوفه حالا
لجين : ليش .... مصعب مو بخير؟؟؟ماجد قال انه بخير
الدكتور انصدم : يا اختي عطيني ماجد
سمع ماجد شهقات لجين دخل يررركض وشافها ماسكة جواله ودموعها تنزل بحرقة ولجين منهارة وكلمة ( احتمال وفاته كبير )
لسة باذنها ... اخذ ماجد الجوال وطلع يكلم الدكتور برررة وراح المستشفى ولجين لسة بالمجلس
دخل ماجد يررركض : هاه يا دكتور وش صاير عليه؟
الدكتور : تفضل معنا اذا بتستحمل
ماجد : اقلك انا دكتور يقولي اذا بتستحمل اجل بذمتك شلون صرت دكتور انا
الدكتور : طيب اسف ... تفضل
دخل ماجد وشاف مصعب شكله مررة يخوف تحت عينه مخيط وكللللله دم ومصعب نص مخدّر ونص لا
ماجد قرب لمصعب اللي يون من الالم
ماجد : مصعب اذكر ربك ان شاء الله تقوم بالسلامة
مصعب بصوت واطي متقطع : مـــ... اجد
ماجد : نعم ؟؟ انا جنبك لا تخاف
مصعب : قول ... ل..لجين اني اسف ,, وقول لامي اني احبها وخليهم يدعولي
ماجد : مصعب اصحى خليك معاي
مصعب : تأسف من أبوي وخليهم يحللوني اذا صار شي .. بارك لاخواني بدالي وقول للجين اني احبها
ماجد : على تبن ... انت بتقوم وبتقولهم هالكلام بنفسك .. يااااا دكتووووور تصرف بسرعة
وماجد يكلم مصعب بس انه مايرد عليه
ماجد : اكلمه مايرد وش صاااير؟؟
الدكتور : المريض تخدّر .. خلاص استنى بررة وانا اتصرف روح
ماجد : ومتى تخلصون؟
الدكتور : تقريبا اربع ساعات واذا استقرت حالته بعدين تقدر تشوفه,, روح جيب ابوه وآباء المرضى الباقيين
راح ماجد اول شي لبيت ابو مهند ياخذ اغراضه اللي يبيها .... وشاف لجين قدامه
على طول نقزت له : ماجد ... وش صار عليه؟؟
عصّب مااااجد هنا وارتفع ضغطه وانقهر منها لانها ردّت على جواله مرتين بدون شوره
ومن كثر ماهو معصّب سطرها كف ........... ماجد : عشااان مرة ثانية ما تردين على اتصالاتي
اول مرة اتصال يزيد ما علمك شي؟؟؟ ولاّ لازم اقول لك كل شي يعني؟؟؟
لجين اللي لسة ما استوعبت الكف : انت اصلا كذّااااااب ...وقاعد تلعب علي وهذا مو اي احد هذا مصعب زوجي
الله يساااااامحك يا ماجد الله يساااااااااامحك دخلت لجين جوة البيت وخدّها احمر مكان الكف وشايلة هم مصعب وخايفة عليه
طلع ماجد من البيت واتصل على ابو مصعب وابو عبدالله وابو فهد يقابلونه بالمستشفى
اول ما وصل لللمستشفى جاه الدكتور : واخيرا جيت ؟؟
ماجد : ليه وش صاير؟
الدكتور : فهد زادت حالته خطورة
ماجد : بعد؟؟ واحنا ناقصين ,,,, طيب وينه؟
الدكتور : ابوه واخوه الكبير عنده الحين
ماجد : امشي نشوفه
الساعة 7 الصباح اليوم الثاني ماجد والشباب كلهم تعبانين من الحوسة اللي صارت وهم لسة بالمستشفى
ابو مهند : هاه بشروا صار شي ؟؟
ماجد : ما صار شي بس لا تشغل بالك
طلع الدكتور من عند عبدالله كلهم التفتوا له ينتظروا اجابة
الدكتور : عبدالله الحين حالته استقرت تقدرون تشوفونه ,,,,,,,,,,, دخلوا كلهم له
ماجد : الحمدلله على سلامتك
عبدالله : الله يسلمك .. شخبار مصعب وفهد؟؟
سكتوا كلهم .. ماجد : لا تشيل همهم.. كلهم بخير
عبدالله : الحادث كان مررة قوي عساهم ما تعوروا مثلي
ماجد بنفسه : مثلك .. هه ..انت تحمد ربك عاللي انت فيه لو دريت عن حالتهم بتقوم من تعبك وتروح لهم
ماجد : شلون صار الحادث ؟؟
عبدالله : كنا بالطريق السريع رن جوال مصعب التفت له وصار اللي صار مصعب وفهد كانوا بالجهة اللي طاحت علينا التريلللا
فيه اما انا عالجنب الثاني
خالد : اجل اللي صار فيك شوية عاللي صار فيهم
عبدالله : ليه وش صار ؟؟
ماجد : ما صار شي لا تهتم ... وناظر خالد بنرفزة وضيق خلق
طلع ماجد ومعاه فيصل من غرفة عبدالله .... جاهم الدكتور يركض
ماجد : وش صاير بعد؟؟؟
الدكتور : مصعب
ماجد : وش فيه ؟؟؟
الدكتور نبضه عمّال يضعف اكثر واكثر
ماجد : تستهبل انت ووجهك ... وش قااااعد تخرف انت ... خلاص شوي ويطقه مسكه فيصل يهديه
الدكتور : للأسف ما بيدنا شي
ماجد : وخر عني خليني اشوفه ...... راح له يركض وفيصل دخل ينادي عمه ناصر
راحوا كلهم لمصعب بخووف .... لجين استأذنت من ابوها تروح مع دحوم ونورة ووافق لها
دخلت لجين تركض بعد ما سألت وعرفت انه بالغرفة وعنده كلهم مجتمعين فتحت الباب وعيونها مليانة دموووع
ماجد اللي عرفها : ايش جاية تسوين هنا .. اطلعي برة انتظري
لجين : مااالك دخل يا ماجد .... اسمحلي ركضت لجين ووقفت قرب الدكتور اللي يفحص مصعب
الدكتور : النبض خفيف جدا وكل شوي ينقص
مسكت لجين ايد مصعب وما انتبهت لشكله اللي يخوف ولا شي
حس مصعب بايدها فتح عيونه بضعف وطالع فيها ابتسم : لجين
كلهم وخروا شوي يعطونه مجال يتنفس ولجين جلست على طرف السرير وهي ماسكة ايده
لجين : نعم؟
مصعب شال الدبلة من اصبعه وحطه بايد لجين : خليه معك قالها بصوت متقطع ... قربي شوي
هاتي اذنك
قال لها باذنها : رد رسالتك انا احبك اكثر منك آسف على كل اللي صار لك بسببي
صاحت لجين بقوة وراسها على ايده ما استحملت تشوفه بهالمنظر اول مررة مصعب المغرور يحن بهالشكل ويضعف
لا لاتضعف قدامي يرحم والديك لا ......
لجين : آسفة مصعب والله اسفة ادري كل اللي صار بسببي
ضغط على ايدها بقوة : مو انتي السبب
طلعت لجين من الغرفة تبغى نفس اختنقت من المنظر مو قادرة تستحمل تحس بالذنب
تلعن نفسها ليه ارسلت له الرسالة بذاك الوقت الغبي ليييييه؟؟
طلعت برة شافت فطوم ونورة قدامها صاحت باحضانهم وهم يهدوها
نورة : بس يا لجين بس
لجين : انا السبب انا ارسلت له ذيك الرسالة وش اللي كنت افكر فيه ؟؟
نورة : هذا قصاء وقدر مو انتي السبب
فطوم : احمدي ربك انه كلمك فهد مسكين الى الان اهله عند الباب مو قادرين يشوفوه
سمعوا البنات صرخة من جوة الغرفة خافت لجين الكل صرخ باسمه باسمه باسمه هو باسم ... مصعب
فتحت لجين الباب بتوتر دخلوا جوة الغرفة ماجد متكي عالجدار ويبكي بصمت وابو مصعب متسند على يزيد وراسه على كتف ابنه
وخالد جنب مصعب يبكي
لجين : لا ... لاتقولون لاااا ... مستحيل تقولها بصدمة بصوت وااااطي قربت له مصعب قووم لا تسوي كذا حرام عليك
فطوم : مصعب ياااااا عبيط عن البيااااااخة قووووم
لجين وهي تصيح : لا مصعب ... قوم الله يخليك مو الحين تكفى مو الحين رجيتك انت وعدتني
ضمته وهي تصييييح
ابو مصعب اللي راحم حالها : يللا ياشباب خلونا واطلعوا ,,, عظّم الله اجرك يا بنتي
زادت شهقات لجين بألم مو الحين هو وعد ليش مايوفي بوعده لييييش
ماجد : خلاص لولو خلاص
طنشت لجين ماجد
ابومصعب : خلاص يا لجين ادعي له يدخل الجنة
لجين : لا تقولون كذا مصعب بيقوووووم
فطوم اللي ماسكة نفسها للآن مجرد دمعتين وترجع تثبت : الله يرحمه لولو الله يرحمه اصبري .. ربي يعوضك احسن منه
لجين : انتي مااا تفهمين ؟؟ انا مليت صبر فكووووني بس ارحموووووني من هالفلسفة
ماجد : لولو ... وتوّه بيكمل
لجين : انت ولا كلمة على بالي انك اخوووي واعز انسان لي بس طلعت العكس .. هاااه ؟؟ وش رااايك
باللي صار كله منك ولو اني ساامعة كلامك كان راح من ايديني ولا عاد شفته ولا كلمته كللله منك حسبي الله عليك يا ماجد
ماجد : والله اني .........
لجين : ولا كلمة انطم انطم مابي اسمعك مااااااااااابي
اخذوها للبيت بحالة تقطع القلب ودخل الدكتور يتفحص مصعب للمرة الاخيرة وبيغطونه وخلاص انتهى الحلم انقتل
لجين تصيح بغرفتها طول اليوم وتدعي على نفسها تروح بعده خلاص مو قادرة تتحمل هي السبب لما يحس الانسان انو سبب
في مقتل شخص وبالذات لو انه غاااالي عليه صعب صعب مختنقة تصيح من قلب تطالع الدبلة لسة ما تهنينا وترجع تحاول تثبت
بس تضعف مرة زيادة و تبكي مصدوومة راح مصعب اللي عشقته وغااارت عليه وهي السبب آآآآآآآه يا دنيا
والاهل في بيت ابو مصعب واهل الشباب عبدالله وفهد بالمستشفى معهم


هالبارت هدية للكل لا تعصبون ولا تنقهرون انا سبق وقلت راح تنصدمووووون ... شوي شوي علي>> احس اني بنذبح
عالعمووووم هذا انا ضغطت على نفسي كله لعيونكم عشان لا تستنون كثير وتملون مني وان شاااء الله عجبكم >> وحدة ما تحس هههه