[فيتامين سي]

<< البـــــــــــــــــــارت الــــ 23 >>

اليوم الثاني في بيت لجين ومصعب ....
مصعب : يللا عيوني بسررعة جيبي العصير ابغى افطر قبل لا اروح الدوام
لجين : وهذا العصير لعيونك
مصعب : تسلم ايديك حبي
استحت لجين ووطّت راسها ... ضحك مصعب عارف انها استحت هو بالعمد يسوي كذا
لجين بصوت واطي : مصعب؟؟
مصعب : عيونه؟
لجين : عندي طلب صغيرووووون مرررة ..
مصعب : ههههه طيب بس عندي شرط
لجين : توني ما قلت الطلب قمت تتشرط خلاص مابي
مصعب : هههههه خلاص اطلبي بس عندي شرط ولا تخافي تراه زي طلبك صغيرووون
لجين : اممم .. وش اسمه .. اممم ايه , ماجد بيمرني وبروح ويّاه ( انقلب وجه مصعب >> يغار من ماجد )
لجين تكمّل : تكفى صعوووبي طلبتك
مصعب : ودي بس اعرف ايش مسوي فيك هالماجد ايش مسوي رااااافع ضغطي
انقهرت لجين منه وشبكت ايديها ببعض ( لا توترت لازم تسوي كذا )
انتبه مصعب لايديها : لجووووني ... انا قلت عندي شرط صح؟
رفعت لجين عيونها له وهي مش مصدقة توّه كان مو موافق : آآآآآآآآآآآآمـــــــر تدلل عيووووني لو تبغى
مصعب : احم احم .... قربي عشان اقولك وش ابي
رفعت لجين حاجبها وزمّت شفايفها : مصعب عن الحركات ... ترى من جد اكلمك
مصعب : انا بقول لك سر ما راح اسوي لك شي ياااااا خواااااااافة
ورفع ايديه ببرائة ...... لجين : ترى يااااا ويلك اذا سويت لي شي
قربت له بعدين تذكرت شي وؤجعت مكانها : عااادي قول بصوت عالي احنا في بيتنا ياااادب مافي احد
مصعب : لا انا استحي
لجين : مصعب لا تنرفزززني
مصعب بطفش : خلاص انا بجيك لا تجين ارتاحي .... قرّب لها : ابغى بوسة
وخرت لجين وجهه من قدامها بيدها : يووووووووه مصعب؟؟!!!!!!!!!! >> مستحية خخخخخ
مصعب : ههههههه وش فيك .... ترى ما قلنا لك اقتليني ... كلها بوسة ثغنووونة يللا عاد ولاّ ماااافي روحة مع مجود
لجين : حراااام عليك مصعب .. يااشين هالحركات اللي تجيك ... مو لازم
مصعب بنفس اسلوبها : ايه مو لازم تروحي مع ماجد .. اجلسي في بيتنا فكري فيني على ما ارجع من الدوام >> ثقة
لجين : مصعب لا تستهبل
مصعب : انا ما استهبل ... بوسة تروحين .. مافي بوسة اجلسي
قامت وهي متضايقة وجات جنبه : طيب بس اوعدني توافق مو تسوي حركات اكثر
مصعب : هههههههههه يا لبى عيوووونك وعــــد حياتي هذا انا وعدتك .. يللا عاد تأخرت
باسته بسرعة ورجعت مكانها وعيونها بالارض ومصعب سوّى نفسه ميّت عالكنبة
طالعته لجين وماتت ضحك على شكله وهو يستهبل .....
مصعب : لجون .. ( وهو يلبس جزمته )
لجين : هلا ؟
مصعب : الحين ايش بينك وبين ماجد بالضبط ؟ ليش ناشب لي هنا ( يأشر على حلقه )
لجين : مصعب وش فييييييييك ؟؟؟ ماجد اخوي مو عمي وبس ... انت ناسي؟
مصعب بضيق : لا ما نسيت .... وبعدين ليش تروحين معاه ؟؟ انا مو مالي عينك ولا كيف؟
لجين : مصعب خلاص ... ماجد هو اللي يبغاني في موضوع يخصه لا تسوي قضية
مصعب : طيب طيب انا ماشي ... شوفي .. قللي هالطلعات معاه ترى وصل حدي منه
ضحكت لجين على غيرته الواضحة : طيب حبيبي .... انتبه على نفسك
باسها بخدها على السريع ومشى ....
ماجد : هلا صعوب .. صباح الخير يا حلو
مصعب : اهلين .. صباح النور .. شوفها بالبيت
ماجد : ههههههه ما شاء الله عليك دريت ..
مصعب : اصلا انت من عرفتك ما تجي الا عشانها روح بس وراي دوام
تركه ماجد ودخل الشقة ...
ماجد : لجوووني ... وش فيه زوجك الاهبل
لجين : مافيه شي ... الناس تصبح بالخير وانت تحش في مصعب
ماجد : يووووه نسينا انه حبيب القلب
لجين : يللا عاد لا تمصخها ... ترى عطيتك وجه
ماجد : يللا مشينا .. عشان لا نتاخر
لجين : اوكي .................................
بالسيارة ...
لجين : وين بنروح الحين ؟؟؟ عساه بيتها؟
ماجد : لالا مو بيتها .. المستشفى .. عندها اليوم موعد واكيد بتجي
لجين : أكششششخ ... حافظ المواعيد
ماجد : يالخبببلة انا دكتورها شلون ما احفظ؟
لجين : هههههه مزحة عاد وش فيك؟
ماجد : ادري فيك تمزحين .. شكل مصعب عداك بالمزح السامج هع
لجين : تدري شلووون ... مو منك .. من اللي يتكلم معاك
ماجد : ياااااااااااشين الدلوعين ... انا بعد امزح
لجين : ساااااااااااااااامج
ماجد : مسوية تردينها يعني؟؟ طيب طيب .........
لجين : هي دارية انك ......
ماجد : لا لا ما تدري ..
لجين : ليش طيب؟
ماجد : اخاف تفهمها غلط .. وتعتقد اني استغلها
لجين : اووف لهالدرجة عاد ....
ماجد وهو يناظر ساعته : بعد شوي بتدخل
وبعد ساعتين ونص ..............
ماجد بقلق : تأخرت صح ؟
لجين : لا أبدا ..... وش راااااااااااااااايك؟؟
ماجد : وش دخلني انا ... لا يكون صاير فيها شي
اتصل ماجد على تلفون بيت ابوها ...بس ما احد يرد
ماجد : انا قلبي ناغزني ... قومي خلينا نروح لهم
لجين : لا يا ماجد صعبة ... اهجد وفكر بعقلك
ماجد : اقول لك قووومي
لجين : بصفتك ايش تروح لها؟
ماجد : الدكتور المسؤول عنها ... يللا قوووومي
راحوا لبيت ملاك ........... دقوا الباب كثير ما احد فتح
ماجد : ليش ما يفتحووون ؟؟
لجين : يمكن مو في البيت
ماجد : الا هم في البيت .... لحظة .. ملاك قالت ان فيه مدخل ثاني
طب (= نقز = نط ) على سور البيت وفتح للجين الباب
لجين : ماجد .. ما يحق لنا ندخل بهالطريقة
شوي الا ويسمعون صرخة من جووة البيت
قرّب ماجد للباب المسكّر وسمع ....................
ملاك : تكفين .. طلبتك لا تسوين فيني كذا انا ما سويت لك شي خااافي ربك
ام وليد : اقووول يللا البسي الفستان وادخلي عنده ولاّ ترى دخلتك كذا
ملاك وهي تبكي بحرررقة : طلبتك خااااااااااااافي ربك فيني
ام وليد : هههههه من متى التزمتي؟؟؟ وش رايك ,, عشان تتقبليه تصوري انه خويك هذاك شسمه هو ؟؟ ايه ايمن
ملاك : انطمي يااااااااااااا حقييييييييييييرة
انقهر ماجد ما حس بنفسه الا وهو جوة البيت بعد ما فتح الباب
ملاك بصدمة : د.ماجد؟؟
ماجد : البسي عبايتك وعلى السيارة .. صرخ فيها .. بسررررررررررررعة
ملاك اللي مبين عليها مضروبة ومتسندة على الدرج وهي بوسطه
ملاك : دكتور .. انا مو قادرة امشي

لجين : ماجد اطلع
ماجد : تعااالي لجين .. ربي جابك ,, روحي لها وساعديها تنزل سريييع
ام وليد : انت بصفتك مين تدخل بيتي بهالطريقة
ماجد : بصفتي انسان ياااا واطية .. وبعدين هذا بيت ملاك بالاول والاخير
لجين جابت عباية ملاك وساعدتها شوي شوي تنزل
ماجد : يللا انتي وياها بسررعة عالسيارة
ملاك : دكتوووور انتبه وراااااااك
اول ما التفت ماجد جاته ضربة قوووية من الرجّال اللي كان بالغرفة طاح ماجد عالارض الضربة كانت قوية بعصا
لجين بصراخ : مااااجد
ملاك : لا تروحين له
الرجّال : يا ام وليد وش السالفة ؟؟ اذكر انك وعدتيني احنا ما اتفقنا كذا
ام وليد : يللا انتي تحركي
ملاك : مووووو رايحة ,, انا مو لعبة بايدك ,,, روحي له انتي
ام وليد : ياااااااااا واطية
ملاك : ما الواطي الا انتي
قام ماجد بشويش بالقووة يشيل جسمه الثقيل بعد الضربة العصا مرمية اخذها وعلى راس الزفت
ماجد : عالسيااااااااااااااااااار ة
ركضت لجين وهي تساند ملاك .... ولحقهم ماجد ..
بالسيارة ...........
ملاك : شكرا د. ماجد
احمروا خدود ماجد ولجين جالسة جنبه تناظره من فوق لتحت
ماجد : احم .. ما سوينا شي
ملاك : غريبة .. ليش جيت بيتنا؟
ماجد : لأنك اشغلتي بالي لما تأخرتي عالموعد
ملاك : ما قدرت امشي بالقوة اسحب رجولي بالارض سبحانك يا رب والله لو ما طلعت من الغرفة كان بيصير شي ثاني
لجين : الحمدلله على سلامتك .. ماجد , ما عرّفتنا على بعض
ماجد : ههه ايه والله نسيت .. هذي لجين بنت اخوي اللي خبرتك عنها
ملاك : تزوجت مو؟
ماجد : ايه تزوجت حبيبها مصعب هههههه
ملاك : الف مبرووك مع انها جات متأخرة
لجين : يبارك بعمرك ههه عادي .. يللا عقبالك وناظرت ماجد اللي عطاها نظرة حاااادة
ملاك : تصدقون حسبتها زوجتك
ماجد : وشلوووون ؟؟ هههههههههه
لجين : ليش ما تعرفين انو مش متزوج؟
ملاك : لا والله,, كنا بس نتكلم عني .. ماقد تكلمنا عنه
لجين : أفااااا يا ماجد ؟؟ ليش كذا؟
ماجد : لولو وبعدييين ؟
ملاك : هذا شي طبيعي هو دكتور وانا مريضته
ماجد : مين قال انك مريضة ؟؟ ما شاء الله عليك هذا انتي ... تراك كذا توهمين نفسك انك مريضة بجد واللي مرّت عليك مجرد صدمة
ملاك : يعطيك العافية
لجين : ملوكة .. مدامك ما تطيقين مرة ابوك ليش ما تروحي لاعمامك؟
ملاك : للأسف عندي عم واحد وعمة وحدة عمي كان دايم يتطاق مع ابوي ومتزاعلين ولا هو يحبني ولا انا احبه لا هو ولا عياله
وعمتي في المانيا شلون اروح لها ومرة ابوي واقفة بحلقي
لجين :وخوالك؟
ملاك : ما عندي خوال امي كانت وحيدة امها وابوها
لجين : طيب ما تقدم لك اي شخص؟
ملاك : هه وشلون بيصير كذا ومرة ابوي مشوهة صورتي قدام الكل
لجين : يعني الحين اذا تقدم لك واحد بتوافقين؟
ملاك : على حسب شخصيته .. انا ما ابغى واحد يعذبني يكفيني اللي شفته
ماجد : واذا كان اللي بيتقدم لك دكتور .. مثلي
ملاك : هههه يا حظي اذا صار مثلك انسان واعي
ابتسم ماجد ... ولجين حسّت ان الوقت جاء لازم تتكلم الحين
لجين : اممم طيب ملاك؟
ملاك : هلا؟
لجين : ماجد خبرني انو معجب فيك وبشخصيتك ووده يتقدم لك بس كان خايف لا تفهميه غلط ..
ملاك استحت وفضلت الصمت
لجين : عيوني خذي راحتك .. فكري وردي لي خبر متى ما انتهيتي
....................... في بيت ابو عبدالله ....نورة زايرة عند اهلها
نورة : عبووودي عطيني جوالك باخذ ذيك الصورة اعجبتني
عبدالله : اوكي .. خذيه
وهي تدوّر الصورة
عبدالله : نويّر خذي الصورة وبس لا تلفلفين بالجوال ثواني وراجع لك
نورة تسلّك : طيب طيب
وهي تدور وتسمع وتشوف لقت مقطع صوتي .. مكتوب عليه ( احلى صوت ,, جننتيني يا بنت )
فتحته وقامت تسمع وركزت كويس عادت المقطع ثلاث مرات عشان تتاكد مووو راضية تصدق هذا صوت بشرى وهي تغني
وهو راجع للصالة سمع صوت بشرى جاااااااااااها يركض ونتف الجوال من يد نورة
عبدالله منقهر : انا ما قلت لك لا تتلقفيييين؟؟
نورة : وانا ايش سويت ؟؟
عبداللله بصراخ : تلقفتي يالملقوووووووووفة
نورة : وجع .. اكلتني بقشوري وكل هذا عشان مقطع صوتي بجوالك
عبدالله : شكلي بحرم اعطيك جوالي مرة ثانية يالملقوووفة
نورة : ايه على طاري الصوت مين هذي ؟؟
عبدالله : نهى
نورة : كذاااااااااب.. نهى صوتها خايس انا سامعته قبل .. تكلم
عبدالله : طيب مو نهى وحدة مدري مين هي صديقي معطيني اياها بالبلوتوث
نورة : ياكذااااااب ياكذااااااااااااب استحي على وجهك تكذب عيني عينك؟؟
عبدالله : وش عندك ؟؟ لايش حابة توصلي يعني؟
نورة : حابة اوصل للوقت اللي تعترف فيه ان هذا صوت بشرى
انفجع عبدالله وانخطف لونه ..
نورة : بسم الله عليك وش قلنا؟؟
عبدالله حاول يرجع يضبط الوضع
عبدالله : احم .. بذمتك ما تقولين لي ايش درّاك يالجنيية
نورة : ببساطة انت وياها تحبون بعض
عبدالله : والله؟؟ تحبني ... هههه ادري
نورة : ياااااااااااااا نهى جيبي حبل لا يطير علينا عبدالله
عبدالله : نورة يا زفت قصري حسك
نورة : خلاص ولا يهمك بقول لامك تخطبها لك روقنا
عبدالله : تسوييين فيني خييير انا المسكين ... والله منحرج من امي اطلبها هالطلب ,, فدييييييييت النوري يا ناس
نورة : لا والله؟؟ توك تقول زفت

عبدالله : لساني هذا يبغاله قطع .. ولا يهمك يا عسل
نورة : ههههه شلون بتكلم بشرى بعدين ؟
عبدالله : انا بلسان ولا من غير لسان ما اقدر احكي قدامها
ام عبدالله : ومين هي هذي اللي ما يقدر ولدي يتكلم قدامها
انخطف لون عبدالله وشات نورة برجله وغمز لها بمعنى لا تتكلمين
نورة بلعانة : انا اقووول لك يمممة .. هذي............
عبدالله : يمة انا رايح مشوار تبغين شي؟؟ طيب مع السلامة >> ماعنده وقت
باااااااااااااااااي
نورة : ههههههههههههههههههه تعااال وين رحت ؟؟ استحيت ياا بعد قلبي
ام عبدالله : ومين هذي ؟
نورة : بشرى بنت خالي يمة
ام عبدالله : ما شاء الله يبيها؟؟

نورة : ايه يقول توسطي لي عند امي تخطبها لي
ام عبدالله : ما يحتاج واسطة ولا شي يقول لي انه يبيها وانا رأسا اخطبها له
نورة : شفتي شلون عيال آخر زمن
ام عبدالله : على طاري العيال مافي شي بالطريق؟
نورة : يمممماااااااااه .. وش يدريني انا ؟؟ بعدين ليش الاحراج؟؟ عن اذنك
ام عبدالله : تعااالي ما صارت كلمة ..
نورة : بجيك . بس بطل على نهى واجيك




نهاااااااااااااااية الباااااااااااااااارت اتمنى ينال اعجابكم .... الى الان ظروفي مستمرة
لكن بس لقيت الفرصة كتبت ونزلت لعيووووووووونكم بس .. اعذرووني عالتأخير
تراه مو بايدي
عالعموم يا حلوين اللي عندو توقعااات يورينا شطارتو