[لامارا]

ام محمد : دوم الوناسه ان شاءالله اكيد ودي أشوفك دايم مبسوط وفرحان
محمد : تسلمين لي يمه الا وينها عروستنا
ام محمد بحزن: فوق في غرفتها وانت من قال لك
محمد : ابوي قال لي ، استغرب ليه جالسه في غرفتها ليكون مستحيه عاد يمه بنتك مافيها وجههه حياء
ام محمد بضجر: بسم الله ع بنتي انت ماتدري انه اختك ماتبغى عامر
محمد بصدمه: لا وليه ان شاءالله
ام محمد: والله ماأدري عنها روح لها وأسالها وأقناعها يمكن تغير رايها
محمد تضيق: ان شاءالله يمه راح تقتنع
فرح :محمد وانت ليه ماتاخذ منيره
ام محمد قاطعت علياه : بسم الله ع ولدي هذا لي ناقص بعد انا ماأبغاه ياخذها
فرح أنصدمت : ليه يمه منيره فيها شي علشان انتي تعترضين
ام محمد: مافي هاشي بس انا ماأبغاها لولدي وياويلك ان رحتي وقلتي لها شي
هذا انا حذرتك ، محمد استانس من راي امه في موضوع خلها حجة له : انا بعد رائي من راي امي ماأبغاها وبعدين تو الناس الزواج لاحقين عليه
فرح : انا مستغربه منكم وش فيها منيره شايفين عليها شي وهي مؤدبه وخلوقه وان شاءالله يمه مو مهبوله انا اروح أقول لها امي واخوي مايبغونك كان تقاطعني ماتكلمني
محمد( تقول وش فيها مغروره شايفه حالها والناس عندها كانهم عبيد ولا بعد تقعد تطل ب درايش هذا بحد ذاته قلة ادب ): هي مودبه خلوقه ماختلفنا بس انا ماأبغاها موغصب يافرح الله يوفقها مع غيري
فرح تبغى تقنع اخوها بس ام محمد سكتته وبصرامه : فرح خلاص سكري ع الموضوع وياويلك ان فتحتيه مر ثانيه خلاص
فرح زعلانه علشان منيره وانه اخوها مايبغاها: زين يمه خلاص ماراح افتحه مره ثانيه
محمد يقوم: عن اذنكم بروح حق سعاد
ام محمد : اذنك معك يمه حاول معها
محمد : ان شاءالله ، طلع فوق متوجهه الى غرفة سعاد
***********************************
غرفة سعاد.
محمد يطق الباب ، سعاد بدون نفس : ماأبغى اشوف احد خلوني بحالي
محمد : حتى لو كان انا يرضيك تخليني واقف عند الباب
سعاد تمسح دموعها ماتبغى احد يشوفها تبكي تحاول تغصب نفسها تبتسم : لا مايرضين تفضل حياك
محمد يفتح الباب يبتسم: الله يحيك شفيه القمر زعلان من زعله اوريك فيه
سعاد تضحكك (شر البلية مايضحك) ماحد زعلني بس متضايقة شوي
محمد يجلس ع كرسي تسريحه: وش منه متضايقة
سعاد ( أقول ولا خليني أقول يمكن محمد يقنع ابوي) بصارحه محمد انا مابغى عامر ياليت تقول ل أبوي يرفضه
محمد: طيب ابغاك الحين تعطيني سبب واحد يخليني ارفض عامر او ابوي يرفضه اذا عطتيني خلاص انا اول واحد بيرفضه وبوقف معك بعد
سعاد بضيقة : ماعندي ولا سبب بس مابغاه اتزوجه
محمد بحده وحذر: انتي تحبين احد علشان كذا ترفضين عامر
سعاد بصدمه من تفكير اخوها فيها كذا بسرعه تردعليه: لا لا ي خوي وين راح تفكيرك انا ماأحب احد وتشك في اختك انها كذا ان الحمدلله متربيه عدل واخاف الله قبل كل شي
محمد برتياح: لا انا ادري انك متربيه عدل قلت يمكن تتمني غير عامر زوج لك بس دام مافي في بالك احد طيب ليه الرفض
سعاد وهي تقوم بغصه: ي محمد افهمني انا ماأبغى الزواج بكبره ابغى اكون حره ل نفسي صح تعبير
محمد يحشرها في زوايه: طيب ليه وافقتي ع مازن ورفضتي عامر هذا اذا اصلا ماتبغين الزواج انتي ماتبغين عامر مو رافضه زواج
سعاد بنرفزة : بصراحه انا انخطبت اكثر من مره ورفضت الى درجت امي يأست مني طيب يوم كلمته خالتي امي ظلت تزن في راسي وافقي ترى مااحد راح يجي وبصراحه انا وافقت علشان احر عامر واقول له اني مولك وانا عارفه اذا عامر خطبني راح توفقون كلكم بس قلت يمكن تسمعون رايي وترفضونه
محمد بصدمه من تفكير اخته: ليه كذا ترى انتي جالسه تضرين نفسك بتفكير كذا لنفترض انك اخذتي مازن راح تعيشي سعيده وانتي بس تزوجتي علشان تقهرين عامر تفكيرك سطحي
سعاد غصه في حلقها: ادري انه تفكيري سطحي طيب لنفترض اني تزوجت عامر ورجعت لكم مطلقه لانها تزوجت غصب ماراح تمشي حياتها طبعا مو الكل الحين نسبة طلاق مرتفع عندنا في سعوديه وغالبهه بنات تزوجوا غصبن عنهم ثلاث شهور اوربع شهور ترجع مطلقه ليه الاهل ماهم بس يزوجون بناتهم حرررام عليهم >ترى الكلام صحيح غالب لبنات الحين تتزوج مغصوبه ماتالس عند زوجها الى اربع شهور تطلق تقول له انا ماأبغاك طلقني اهلي جبروني عليك واكيد تعرفون رجال عنده كرامه فيقوم يطلقها مايجبر قلب ع قلب<طيب يامحمد تكفى اقنع ابوي
محمد بحده خفيفه: سعاد ان ابقولك شي حطيه حلقه في اذنك سواء انك وافقتي او رفضتي ابوي بزيوجكك إياها وغصبن عنك من احسن لك تعودين ع انك حرم عامر وتقبلين الفكره في راسك علشان تعيشين حياتك انا معك انه اكثر البنات يرجعون مطلقات بس يمكن ماقدرو يتحملون المسوليه بس انتي ماشاءالله عليك ربت بيت بامتياز مو علشانك اختي امدحك لالا ان أقول كلمة الحق
سعاد الدموع في عيونها خلاص يعني مافي مفر منه: خلاص يعني انا باخذ عامر طيب ، بصراخ انت و ش له جيت علشان تزيد اوجاعي
محمد بجديه اكثر: ي سعاد انا جيت علشان انبهكك وانصحكك انك ماتضيعين نفسك بعدين راح تشكريني لاني اقنعتك وتشكرين ابوي على هالزواج وقولي محمد ماقال ع فكرة ترى عامر شاريك لو بمليون شاريك هو يبغاك
سعاد ( تقول شاريني توه يقول انا ماأبغاك بس باخذك بمزاجي) تناظر اخوها بصامت
محمد يقرب منها يبوسها ع راسها: فكري زين
سعاد بضيقة وكانه دنيا سكرت ابوابها في وجههها: ان شاءالله
محمد : هذي اختي اللي اعرفها مو تتسرع في تاخذ القرار ، وتاخذ الأمور بساطه
سعاد تبتسم ( ماشاءالله عليكم ماخذين فكر حلوه عن عامر انه رجال)
محمد : ي الله سعاد اخليك مثل ماقلت لك فكري عدل ، طلع من غرفة سعاد، بعد ماحاول يقنع اختها( الله يهديك بس )
********************************* ******
في احد المقهي شباب جلسين(ناصر، ياسر ، نادر)
نادربقصد: ياسر وش اخبارها عساه الحين احسن
ياسر فهم عليه والله انك شرير ي نادر: الحمدلله احسن الحين
نادر ينظر ناصر بنظرات كرهه: الا ماقلت لي وش سبب الي خلها تتعب ويغمى عليها ماقلت لي
ياسر وبعدين مععك يانادر: بعدين اقولك موالحين ( وإذا قلت لك بعد شكلك موناوي تجيبها ع البر)
نادر برود : طيب مو مشكله
ناصر طفش من سوالف نادر يقطع عليه الكلام: الا ياسرمبروك عليكم المناقصه الي رست ع الشركة حقتكم
ياسر يحب ناصر مايلومه في الي صار بينه وبين اخته لانهم ماوضحوا وش سبب طلاق يحترم ذا شي فيهم: الله يبارك فيك الا تعال انت وينك ماغير مختفي ماتنشاف كلش ي ناصر لا عاد تقاطعني ترى انا صديقك لا بعد اكثر انا خوك الي ماجبتها امك
ناصربحزن لانه ياسر يتعامل معه بطيب : اول شي لي شرف انك تكون اخوي وانت فعلن اخوي ، وش أقولك بس دنيا ضيقه علي بس المهم انا باخذ بعثه بسافر بر اكمل دراستي
ياسر : ليه عسى بس مايكون هروب من الواقع لا ي ناصر ماتوقعتك تهرب حل مشاكلك واجهه لاتفكر في الهرب ترى الهرب موحل
ناصر : ربي يسهل ان شاءالله لا هذا موهروب باخذ فترة راحه وأنسجام بفكر في حياتي بدون ماحد يضغط علي
ياسر الله يوفقك يارب ،ناصر : اميين
نادرمايحب ناصر يكره كره العمي وبكراهيه: احسن شي تسويه علشان نفتك من خشتك انت ماتستحي ع وجههك ياخي فارق ليش جالس معنا كانك ماسويت شي ياخي أستحي قال ان لم تستحي افعل ماشئت ترى اذ المثال ينطبق عليك
ناصر ترى انا موناقصني الا انت يانادر ،تضايق من كلامه قام : انا مو اخر واحد ولا اول واحد يطلق زوجته وانا ماضريي لمياء هي طلبت الطلاق ، يالله ياسر عن اذنك للاسف شكله مومرحبا فيني هنا سلام عليكم
بعد مامشى ناصرنادر: اوووف قلعة ودرين ياخي ثقيل طينه
ياسربضيقة ع صاحبه: وبعدين معك يانادر على اقل احترمني اني موجود ترى ماأرضى عليه هو صاحبي حتى بعد اللي صار مايصير احاربه علشان انه طلق اختي ليه تسوي كذا معه حررام عليك
نادر بقهر انه ياسر يدافع عنه : اللي سواه في اختي ماراح انسى له الوعد قدام برده له
ياسر بعجز منه: مافي فايده فيك كم مره قلت لك اختي هي طلبت طلاق هو رفض بعدين لاتظلمه ماتدري ليه صار كذا بينهم وع فكره تراه موغبي فاهم عليك يوم تسال عن لمياء و يومك هويبغاها بس مافي نصيب بينهم
نادر بحقد: اسكت لاتدافع عنه وتخليه بريء في عيني قلت لك ماراح اسامحه حتى أبرد قلبي فيه>الله يعينك ي ناصر طحت في يد نادر
ياسر : الله يهديك بس
نادر بضيقة : الله يهدي الجميع ان شاءالله يقطع عليهم حوارهم رنين جوال نادر تغيرت ملامح وجههه من ضيقه الى فرح : هلا هلا بالقاطع اللي مايسأل عن احد كل شي وينك ماختفي
محمد بضحكك: هههههههه هلا فيك انت وينك بجي عندك
نادر ابتسامه: انا في المقهي ال******* تعال انا جالس بنتظرك
محمد: خلاص انا بجيك الحين مع سلامه
نادر : الله معك
ياسر: من هذا الي بيجي ،نادر : محمد خويي اللي مره كلمتك عنه
ياسر يقوم: اجل انا بمشي لاني اكيد بضايقكم أترخص
نادر: والله ان تجلس وش تضايقنا استحى ع وجهههك أي والله قال يضايقنا قال
ياسر اضطر انه يجلس بعد محلوف نادر ، بعد خمس دقايق وصل محمد
نادر شافه من بعيد يدوره أشرله بيده هنا تعال جاء ياسر ونادر وقفوا يسلمون عليه حب خشوم
نادر : هلا وش اخبارك علومك مالك شوفه مول
محمد بضحكة: مول ولامجمع هههههههه
نادر : سخيف ماصخه
محمد : الحمدلله تمام انت وش اخبارك ها عسى بس قررت تتزوج والله تعرف شغل ومناقصه اللي خسرانه أحاول ارجع الأرباح اللي خسرتها ولاهي مع الاهل
نادر : الله يعينك لا بسم الله عليه لايكون عادتك امك كل شوي ياوليدي تزوج خل هالموضوع لين يجي وقته كل شي في وقته حلو أعرفك ع اخويي ياسر عبدالرحمن ال***** وياسر هذا محمد فهد ال******
محمد ابتسامه: هلا تشرفنا بمعرفتك
ياسر :انا الي تشرفت بمعرفتك ،محمد : شلونك وش اخبارك من كثر مايتكلم عنك نادر تمنيت اشوفك والحمدلله شفتك أخيراً
ياسر يبتسم : انا الحمدلله بخير وتسلم حتى انا تمنيت اشوفك
نادر يقاطع عليهم كلامهم بسخريه: أقول وش رايكم كل واحد يغازل ثاني احسن تراكم غثيتونا بسوالفكم
محمد و ياسر ماتوا ضحك ع كلام نادر
محمد : انت ماتخلي طبعكك ابدا ، نادر بحده : ولاراح أغيره اعجبكم ولا كيفكم
ياسر : انت كلش ماتتحمل أي كلام بسرعه تعصب هادي من نفسك شوي
محمد : خلك من نادر ترى أسلوبه كذا ولا راح يغيره المهم بغيت اسالك ياسر انتو الي رست عليكم مناقصه
ياسر :أي الحمدلله وترى انا ماشتغل في شركه ابوي قايم فيها هذي جهود الوالد
محمد: ماشاءالله. مبروك عليكم يعطيكم خيرها ويكفيكم شرها تراكم شركة منافسه قويه لشراكتنا
ياسر : امين وياك ماشاءالله انا ماأعرف شي في هالشركه ابوي يحاول فيني اداوم واترك شغلي في ارامكو بس انا رافض
محمد : صحيح شغل في ارامكو مكسب بس حلالكم لازم تدورونه
ياسر : بفكر ان شاءالله ، في الحظه يرن الجوال ياسر
ياسر: هلا خالد
خالد : هلا فيك انت وينك انا بجيك الحين
ياسر : انا في المقهي ال******** ترى معي نادر وخويي نادر
خالد : طيب انا بجيكم الحين
ياسر: في انتظارك حنا ، نادر : من هوهالي يسال عني
ياسر : اخوي خالد بيجي الحين ، محمد ونادر : حيا الله
ياسر : الله يحييكم ، نادر: الابسالك وش اخباره وين مختفي ومتى رجع من أبها ولا عطيتني خبر
ياسر بصدمه: وش كل هالاسئله هذا هو وصل اساله ام اني بجاوبك عليها خل خالد يرد عليك
خالد : السلام عليكم
الجميع باصوات متفرقه: وعليكم السلام ورحمة الله وبركاته ، خالد يسلم عليهم بحب الخشوم
ياسر : ترى نادر يتشره عليك يسال متى وصلت وليه ماقلت له
خالد بضحكه: ووووف انت القاطع مو انا والمفروض انا الي اتشره عليك وش اخبارك واخبار شغلك مع الأطفال ماطلعو عيونك من محله
نادر بسخريه : وش عقبه تسال عن احوالي عقب المعاتبه ، انا الحمدلله تمام وسكت بس سكت الا مطالعين قروني من محلها
خالد وياسر يضحكون عليه : هههههههههههههههههه، خالد: تستاهل ماأحد طقك ع يدك وقالك اشتغل دكتوراطفال حذرتك قلت لك تعال معي اشتغل بس مافي فايده منك ، من هو الي انبك ياسر
ياسر بسخريه: تو ناس تسال عنه كمل هواشك مع نادر ههههههههههه هذ محمد صاحب نادر
خالد باسف : اسف بس تعرف نادر ماحد يجلس معه الايتهاوش وياه ههههه تشرفنا
محمد: هههههههههههههه شرف لي تعلمني فيه عشرة عمر هههه
نادر : لا لالا اشوفكم قلبتو علي نعم وانت ي خويلد تقول عني كذا لا هذي فيها قبايل
خالد : نعم تقول اسمي كذا لابعد فيها قبايل من تكون انت حيا الله نادر
ياسر يقطع عليهم هواشهم: ههههههه خلاص انتم بزران وش خليتو للأطفال
نادر وخالد سكتو ، ياسر : الابسالك ي خالد مو انت قلت بتجلس عند جدتي وش جابك هنا
خالد طفش : أي كنت بجلس بس وش اقولك زي العاده تفتح معي موضوع زواج الا غصب اتزوج عاد عطيتها كلمه اني بتزوج اذا فكرت في مالوضوع ولابعد حطيتها في راسك ونحشت يالله الله يعينك الحين بتحنن عليك متى يتزوج ياسر خلني اشوفك عريس->يقلد جدته ههه
نادر و محمد وياسر يضحكون عليه ياسر : طيب وش ذنبي انا تقوم تحطه في راسي ، وترى ع الفكره جدتي ماتكلم كذا ههههههههه وإذ جدتي كلمتني بقول له زوجي خالد علشان تعرف كيف تحطه في راسي
خالد بضيقه: أي ضحكو ماحد بياكلها غيري انا وش اسوي انا اذا جدتي كل ماتشوفني يالله تزوج مافي الا في العايله عندها صقر نواف انت فهد تزوجهم بعدين تفكر فيني
محمد يسال : وش السالفه، خالد :قال السالفه كلها انه جدته بس تشوفه تقول تزوج مافي الا هو في عايله معنا عندها احفاد غيره
محمد مات ضحك : ههههههههههه الله يعينك وانت ماعندك الا نحشه
خالد بحسرة: امين وياك شفت كيف ماعندي الانحشه بس اليوم ماأدري وش الي خلاني اروح
ياسر :الي خلاك تروح انك ماشفتها من ٦اشهر من يوم رحت دوره
خالد: أي صح راحت عن بالي لاني كاني عايش هنا ماكاني سافرت
نادر بنذاله: الله يعينك ي ياسر شوف كيف تتطلع من هالسالفه واخوك نذل مابغى الايحطها في راسك
خالد: انت مثل نذالتك ماشفت مثلها ولا ابغى أشوف بعد تقوم تحرض اخوي عليه نذل.
ياسر : الله يعين ان شاءالله وانت خالد مابغيت تحطها الا في راسي وش اسوي انا الحين
خالد بضجر: وش تبغناي اسوي يعني ، انا صح فكرت اني اتزوج بس مالقيت شريكة حياتي وانت ياسر اخوي الكبير لازم تتزوج قبلي مايصير وش ثاني الحين لو تقولك تعال بخطب لك وش بترد عليها
ياسر: بقول لها بفكر، وانت الله يعين الي بتاخذك يمكن تنحاش اليوم ثاني
محمد يضحك: حرررررام عليكم وش فيكم ع خالد ترى رجال ماشاءالله الكل يتمناه
خالد بغرو يرد ع ياسر: الا بتحب يدها ورجولها لانه خالد تزوجها ، وانت يامحمد وش عقبه عقب ماضحكت معهم بس ماعليه بمشيها لك هالمره لانك توك تعرفني الله يسلمك هذا من طيب اصلك
ياسر : مغــــــــــــــــــــــر ور، خالدبغرور: يحق لي
محمد: ههههههههه ماعليك زود والله انه الجلسه معك فله وخاص نادر وخالد اذ جتمعو صح ياسر
ياسر : أي انت ماشفت شي توك هههههه ذولا مهابيل
نادر وخالد: حنا مهابيل ماأسمحلك ياسر ولاأوريك نادر نقوم عليه
نادر : اناأتفق معك انه ماراح نسامحه الا اذا أعتذر ولابرويه الويل
محمد وياسر : هههههههههههههه خلاص سماح يمه منكم تدري يامحمد اول مره يتفقون مع بعض ههههههههه
محمد : هههههههههههههه اتفقو عليك ، الا خالد بسالك انت وين تشتغل
ياسر: هههههههه شفت كيف بس اتفقوا عليه هين اوريكم بعدين
خالد يضحكك: الله يسلمك في شرطه
محمد بفخر انه يشتغل في شرطه: الله يعينك ويوفقك انتوا تخدمون الشعب كلها واللي امثالكم قليل جهدوكم جباره الله ينصركم ع من اعدائكم وخاص اخوانا اللي في الحد الجنوب الله ينصرهم ع من عداهم ويرجعون الاهليهم سالمين ومعافين من كل شر لاتنسونهم من دعواتكم
خالد:تسلم وهذا شي قليل في حق بلادي الغاليه سعوديه لو تطلب روحي ماراح نوفيها حقها ذره من اللي سواتها لنا في حمايه شعب الله يحفظ حكومتنا الغاليه وع راسهم خادم الحرمين شريفين اكيد ماراح ننساهم من دعاءنا
ياسر نادر : امين الله يحميها من كل من سولت له نفس انه يغدر فيها ويخونها
ياسر : اللهم امين ماراح ننساهم من دُعاءنا الله يسدد خطاهم
في هاللحظه قطع كلامهم رنين الجوال ياسر كانت المتصله في: الوهلا أي وش بغيتي خالد من نتبه له عرف انه في بس استغرب ليه مادقت عليه
ياسر : خلاص انا بجيكم الحين بس ها تكونون جاهزين ههههههههه اي عطول ابغى ارجع البيت انام خلاص في امان الله
ياسر يقوم: يالله شباب ع اذنكم ، أي محمد تشرفت بمعرفتك يالغالي
محمد : وانا لي شرف وان شاءالله لنا لقاء ثاني
ياسر :ان شاءالله ، نادر : وين تو ناس
ياسر: وين توناس الحين جاءت ساعه ١١:١٣ بعد بروح اخذ اخواتي و بنت عمي من بيت جدتي بعدها بروح انام
نادر محمد : اذنك معك
ياسر : خالد خالد وش فيك سرحان ساعه وانا اناديك قوم وصلني لاني جيت مع ناصر بسيارته ماعندي سياره
خالد سرحان( لا بروح معك مايصلح اخليك انت ومي في مكان واحد استغفرالله انا وش أقول بديت اشك في اخوي لالالالا بس خاف ينعجب فيها يتزوجها يتورط معها بعدين من يفك منها هي عوبه >مسكينه مي لهدرجه ياخالد تقول عن مي كذا الااقول انك تحبها لما وصل لهالفكره انزعج)
خالد بضيقه : مافيني شي يالله اكيد بوصلك معي ، نادر : لاتلومه اللي ماخذ عقل يتهنى به
خالد يبتسم : ماأحد خذ عقلي موجود مكانه ، يسلم ع نادرو محمد بحب خشوم أي محمد ان شاءالله اشوفك قريب
محمد ونادر: أي واضح انه موجود في مكانه ههههههههههه
محمد : ان شاءالله في اقرب فرصه تشرفت بمعرفتكم
خالد : حنا لنا شرف ان شاءالله ، يشر بيده يالله سلام عليكم
خالد ياسر طلعوا من المقهى متوجهين بيت جدتهم
***************************************
في شركة ( أبو ياسر)
سكرتير جلس ع مكتبه في لحظه دخل ابومحمد المكتب : السلام عليكم
زياد : وعليكم السلام ورحمه الله وبركاته ي هلا امر أي خدمه
ابومحمد :مايامر عليك عدو، لوسمحت موجود صاحب شركه
زياد: أي موجود من أقوله
ابومحمد برسميه: قول رجال اعمال فهد ال********* ينقالي بومحمد
زياد يوقف بحترام له: تشرفنا عن اذنك بروح ابلغ المدير
ابومحمد: أشرف لي اذنك معك خذ راحتك
زياد يطق المكتب ابوياسر
أبو ياسر جلس يشتغل ع ملفات الموجوده عنده سمع طق الباب ع طول عرف انه زياد: تفضل ي زياد وش عندك ، ليه الحين مارحت البيت ترى الوقت تأخر
زياد ابتسم ع حرصه عليه: طال عمرك اذ اطلعت انت بطلع وراك ، أي طال عمرك ماابغى اخر رجال اكثر من كذا
ابوياسر: الله يعطيكك العافيه مستغرب : أي رجال
زياد بعجله: طال عمرك في واحد يبغاك بر
ابوياسر من هو الي يجي هالحزه: ماقال من هو
زياد : الا طال عمرك اسمه رجال اعمال فهد محمد ال********. ينقال بومحمد
ابوياسر : بسرعه رح دخله وش تنتظر ساعه كامل مخليه برا
زياد بعجله : سم طال عمرك ، طلع من المكتب أبو ياسر
زياد: اسف طال عمرك اخرتك يقول تفضل
ابومحمد بطيبه: ماعليه ياوليدي انت تقوم بشغلك زاد فضلك
زياد : وفضلك
ابومحمد دخل برسميه: السلام عليكم ورحمة الله وبركاته
أبو ياسروهو يوقف له ويسلم عليه حب خشوم: وعليكم السلام ورحمة الله وبركاته ي هلا ي حيا الله من جانا تو مانورت شركة
ابومحمد ابتسامه من ترحيب ابوياسر: منور باهله الله يحييك ويبقيك و ش لونك وش الاخبار والله جايك اليوم ابرك لك ع مناقصه الي رست ع شركتك من اعترف عليك
أبو ياسر يبتسم: الله يبارك فيك وعقبال المناقصه الجاي ترسو عليك
ابومحمد : ان شاءالله يمكن تقول وش ضيف الوقح جاي متأخر ، والله من كثر مايمدحونك التجار تشوقت لمعرفتك وماشاءالله عليك تدخل القلب بدون استئذان
ابوياسر: حاشاك يقص لسان اللي يقول لك انك وقح ضيف جاي عندي أي وقت يبغى مافي خلاف وانا لي شرف اني تعرف ع رجال مثلك
أبو محمد : ماعليك زود انا الحين بترخص بس حبيت ابارك لك
أبوياسر : والله جيتك عندي غاليه بس ها ماتمشي الا لما تعطيني وعد انك بكرة تتغداء عندي
أبو محمد : تعذرني ، أبو ياسر بسرعه : حلفت انا انك تجي عندي بكره البيت
ابومحمد : من يقدر عليك انت خلاص تم
أبو ياسر يضحكك : مافي غيرها ام ياسر
ضحكك بو محمد هههههههه
أبو ياسر كلم ام ياسر علشان تحسب حساب ابومحمد معهم بكره ع الغداء
*********************^^***********
في مكان ثاني وأبطال جدد ولي اول مره ندخل في عالمهم
في بيت أبو رائد
نوف جلست من نومها متضايقة حدها راح تتوضاء وصلت صلاواتها الفائتة ونزلت تحت شافت أمها ورائد جالسين عند تلفاز
نوف جلست قريب من امها :مساء الخير
ام رائد: أي مساء الخير والحين بندخل في منتصف اليل وش هاانوم عندك ماتشبعين نايمه من ظهر الى اللحين استغفرالله يارب وصلاواتك تجمعينها
رائد بنرفزة: يمه هذي فيل تبغين تشبع نوم ماتشبع اللحين بترجع تنام
نوف تعطيه نظره الحقران يقطع المصران نوف صوتها محبوح من نوم : يمه ابوي مارجع من سفر
ام رائد : لا بس اتصل وقال خلال هالاسبوع هذا راح يرجع اويمكن يتاخر ع حسب ظروف العمل
نوف تضايقت : طيب يمه عن اذنك بروح غرفتي
ام رائد حست انه بنتها تضايقت : يابنتي وش فيك تعبانه تحسين بوجع
نوف مالها خلق أي شي: لا بس مصدعه اشوي باكل فيفادول
ام رائد : ماتشوفين شر اكلي لك شي بعدين اخذي مسكن موتاكلينه ع جوع
نوف تقوم : شر مايجيك ان شاءالله يمه بريح شوي بعدين انزل ادور لي شي اكل عن اذنك
ام رائد : اذنك معك ، رائد مستغرب : يمه وش فيها نوف غير العاد ترج البيت رج من صراخها
ام رائد : ماأدري وش فيها هالبنت من يسافر ابوك ع طول تضايق
رائد : الله يعين اللي بياخذها حساسه ع أي شي بتزعل
ام رائد: وش فيك انت ع اختك مفروض تقول الله يوفقها ويسعدها ماتقوم تقط كلام ماتثمنه
رائد : اسف يمه خلاص ولايهمك الله يوفقها ويسعدها حلو كذا يمه
ام رائد : أي خلك كذا ادعى ل اختك الله يوفقكم يسعدكم يارب
رائد : امين يمه وانتي معنا
******************************************
في بيت الجده ام عبدالرحمن.
مي ولمياء نزلو تحت جلسو يسولفون مع جدتهم قضو يومين عندها
مي : يمه وش رايك تجين تسكينين عندنا ع طول
ام عبدالرحمن: انت متفقه مع عمك عبدالرحمن تزنون فوق راسي لا بيتي اريح لي
مي : لا والله مادأري عنه انا انه يكلمك في الموضوع بس صدق جدتي ليه ماتروحين عنده اوتجين عندنا
ام عبدالرحمن : يابنتي ماراح غير رايي قلت لك لا يعني لا
مي تضحككك: جدتي انتي عنيده وانا أقول من طلعت عليه في اثريها طالعه عليك تراها مثلك عنيده ولي ف راسها تسويه
لمياء تضحككك: والله انك صادقهههه يامي الحين عرفت انا بعد
في تدخل الصاله : وش فيها في وش عندكم تحشون فيني يالله كلكم الحين تعترفون اقول وش قلتو عني عاد اكيد مدحتوني صح
لمياء: مغروره بلحييل بعد واثقة الاخت انه مدحناها انتي وش فيك علشان نمدحك ها هههه
في : انا الزين كله وش لون اذا مدحتي يزيد الجمال ياربي منقههر مني لاني احلى منها اوووف قولي ماشاءالله علي
ام عبدالرحمن تبغى تسكت هالمغروره: اانتي من قص عليك قال لك انك حلوه ها. ماتكلمنا عنك الا بالخير بس تطولين السالفة وهي قصيره شوي تكتبين عن نفسك شعر خبله الناس تمدحك مو انتي تمدحين نفسك
في : احسب بعد تحشون فيني أي جدتي الناس تمدح مو انتو بُخل حتى في المدح
ام عبدالرحمن بعصبيه متصنعه: وش بتسوين ها بتضربيني مثلاً قربي ب هالعصى ع ظهرك
لمياء تضحككك: تستاهلين ماجاءك خلي طولات لسانك تنفعك
في خافت أبتعدت عن جدتها علشان ماتضربها بالعصى: لا جدتي كلش لاتعصبين علي مافي الا انا الي تهوشينها عندك مي ولمياء هاوشيهم بعد
ام عبدالرحمن : هم عاقلين مو مثلك مهبوله ، أقول اعقلي بس
في :لا لا خلاص انا انهنت اكثر من مره في بيتك ماراح اجي مرة ثاني ، أي ع طاري بيتنا نسيت اقولكم انه ياسر بيجي يالله لمياء ومي جهزو اغراضكم بنمشي الحين
مي : تو ناس ابغى اجلس عند جدتي الى بكره
ام عبدالرحمن: أي والله تو ناس وقعدو الى بكره
لمياء والله ودي اجلس انا بعد بس تعرفين جدتي عندنا اشغال لازم نخلصها
في : أي صحيح ع طاري الاشغال انا بروح اكمل البحث حق الكليه ماأقدر اجلس اكثر من كذا ان شاءالله الجايات اكثر
ام عبدالرحمن بتهديد: ياوليكن اذا قطعتوني بالعصى راح اجيكم
ضحكو كلهم
في : ان شاءالله ي جدتي بتشوفين عندك ع طول>والله شكل في بتسكن عند جدتي ع كلامها
لمياء : ان شاءالله جدتي راح نجيك مانقاطعك الاا الظروف اجبرتنا
مـي: صح جدتي ان شاءالله نجي وهذا وعد مني
ام عبدالرحمن : انتي ولمياء مصدقتك ام في عارفه تقص علي ماتأمل بعقليتها الحلوه
في بصدمه : انا جدتي لا لالا هالمره صدق ماني بجايتها ابدا
مـي ولمياء يضحكون ع صدمت في هههههه
ام عبدالرحمن بخبث : كثري منها ماتزوريني انتي اول وحده راح تجين عندي حتى بدون الزياره
في تضايقت من كلام جدتها لانه ذكرته بشي نسيته او تناسته طنشت جدتها: يالله بتروحون معي انتو ولا ارجعو مع خالد
لمياء : وش فيك مستعجله كأن البيت بيطير اكيد بروح معك
مي من سمعت اسم خالد تغيرت ملامح وجها( تقول هذا اللي ناقص بعد اروح مع خالد): لالالالا خلاص بروح معك
ام عبد الرحمن بذكاء : مي وش فيك غيرتي رايك يوم عرفتي انه خالد بيوصلكم بينك وبين خالد شي
مـي بارتباك :




كــــــــــــــــــــــــ ـــــــــــــــــــــــــ ــــــــــــــت


ما احلل ولا اسامح اللي ينقل الرواية بدون ذكر اسمي هايدي فتاة صحراء

سبحانك اللهم وبحمدك، أشهد أن لا إله إلا أنت، أستغفرك وأتوب إليك، لا إله إلا الله وحدهُ لا شريك له، لهُ الملك وله الحمد وهو على كل شيء قدير.


أتمنى اشوف ردود ع البارتين تبرد خاطري لو كلمة شكرا ع اقل
راح اغيب عنكم طوال شهر رمضان مبارك وان شاءالله ارجع اكملها بعد العيد