[da3ooi]

البارت السابع..





ملخص الأحداث في الشهور الماضيه..


#.. خالد قدر يتخلص من الشرطه بمساعده بندر اللي تفاهم معهم وعدى الموضوع على خير بعد ماقربت الجازي من الأنهيار بسبب الخوف


%%%%%%





#.. رهف وصلت لحاله نفسيه سيئه جدآ بعد اللي صار في الحادث وكونها فقدت أحساس الأمومه ماغير من طبعها الشين إلا زادت سوء

فيصل مقدر شعورها كثير غير أنه متضايق من تصرفاتها الغير مرغوبه في الفتره الأخيره لكنه يحاول يلتمس لها الأعذار اللي فقدته موب سهل..






%%%%%%




#.. جلسه صريحه بين ملاك وأسيل..

: حبيبتي أنا أعرفك زين أنتي موب ملاك الأوليه أنتي تغيرتي كثير دايمآ جالسه بحالك أو سرحانه غير نظرة الحزن اللي أشوفها بعينك
ملاك والدموع بدت تذرف من عينها: أسيل بليز مابي أفتح جروح
أسيل: تخبين علي أحكي ريحي حالك
ملاك ساكته وتاركه المجال لدموعها تعبر عن اللي فيها..
أسيل: ملاك ناظريني
ملاك رفعت راسها:
أسيل: نواف سوالك شي
ملاك رجعت تبكي بكا يقطع القلب..
أسيل: ملاك دموعك موب حل >> وبتصميم: نواف ليه ماشوفه معك دايمآ جالسه بالبيت وقليل يطلع معك موب مثل أي خطيبين أكثر شي تكوني مع البندري ومرام
ملاك: آآآآه يا أسيل ياليتني مت قبل هالخطوبه تتم
أسيل أختها كاسره خاطرها: ليه هالحكي
ملاك: لأن حالي هالحين مثل حالي قبل ماكأني مخطوبه دايمآ مع الشباب أو مع شيمو
أسيل: وما حكيتي معه بهالخصوص
ملاك: إلا بس هو مايسمع مني شي ودايمآ مختلفين في كل شي يداري خاطر الكل وأنا كأني ولاشي وبعدها يحكي ولا كأنه عامل شي ولاراح يتغير لدرجة أنه يهيني حتى قدام زوجته
أسيل منصدمه: عن جد نواف يطلع منه كل هذا
ملاك: فات الفوت ولازم أصبر
أسيل: هذا الحكي الصح الزوجه لازم تتحمل وتصبر خذيني أنا مثال بداية زواجي دايمآ أزعل وأتضايق وتصير بيني وبين سعود مشادات في الكلام حتى الجيران يسمعون أصواتنا العاليه ولأني صبرت وخليته تاج على راسي بالرغم من كل اللي سواه فيني شوفي النتيجه صار مايستغني عني
ياختي الزواج يبي له صبر وقدرت تحمل وأهم شي عشان لاتتصعب الأمور بينك وبين زوجك الأهل لازم مايعرفون باللي يصير بينكم
وتبتسم لها<< وأنتي أتقنتي هالشي بمحافظتك عاللي بينكم

إلا موبايلها يرن
حبيب الروح...........<<يتصل بك
: ردي عليه ومثل ماقلتلك الصبر ثم الصبر

ملاك: هلا عمري

أسيل<< الله يعينك ياختي دام زوجك مزاجه صعب يارب تهديه


%%%%%%



#..
للملا أعلنت ..
إن حبك للعمر نبض الحياة ...
وبالعزيز أقسمت ..
إن قلبي محد غيرك خذاهـ ..
وللملا أعلنت ..
إن حبك للعمر نبض الحياهـ ..
غيابك لي مماتي ..
وشوفك لي نجاه ..
أحبك حيل والله ..
يانبض الحياة ..
فكري ولا مرة سلا ..
وللملا أعلنت ..
إن حبك للعمر نبض الحياة ..



بعد ست سنين حب..
البندري § عبدالرحمن حبيبين الطفوله تمت ملكتهم وأحلى حفلة خطوبه صارت بجرأة البندري وحب عبدالرحمن لها الواضح عند الكل



%%%%%%





#.. شيماء ولازالت محاولاتها للانتقام وحتى الآن كل شي لصالحها .....<<ماتدري أن الله يمهل ولا يهمل



%%%%%%




#.. مرام § الجوهره ...
ثنتين الحب عنوان علاقتهم..
والغيره أساسها..
والزعل دوم لابد منه في حياتهم..
وللنهايه مع بعض هدفهم.. بس لمتى...؟




%%%%%%




#.. صدمـت قلبي
وتركته على فراش الهــوى مطروح !
وكتبت
جمل التعـــازي وخليتني بين الناس مذبوح



ريماس والحاله الأنطوائيه اللي جاتها بعد ملكت البندري
صار الدمع هو الصديق الصدوق لها
رافضه تشوف أو تحكي مع حد
ورفضت رفض قاطع ماتحضر الحفله
باختصار..<<قالبتها مناحه




%%%%%%




#.. وبدأت المشاكل..

حنان أستقلت بعيالها في غرفتها بعد المشاكل اللي تعملها لها ليالي وأمها (أم طارق) وللأسف شهد في صف خالتها <<لايكون أمها وحنا ماندري..




%%%%%%





في إجازه الصيف..



ليله الكل ينتظرها بفارغ الصبر أصدقاء وأعداء وكل له هدفه

في أكبر وأفخم قاعات الشرقيه..

شابكه يدها في يده ويمشون بهدوء تحت أوامر المصوره..

شعورها أكبر من حد يقدر يوصفه..
كيف لا والوحيد اللي دق قلبها له جنبها والليله بيكون لها وحدها راح تكون في أحضانه مغموره بحبه وحنانه..

أما هو سعادته غير أحلى ماخلق ربه معه عشقها من أول نظره شافها فيها وصمم ماتكون إلا له وصارت زوجته حلاله <<بس موب عارف وش اللي يصير فيه أكيد في إن..



*.. مرحبا يا أجمل عروس في الوجود ..*

*.. مرحبا بالزين كله والجمال ..*

*.. مرحبا بك يا دفا القلب الوقود ..*

*.. يسري للمجد يا مجد الرجال ..*

*****

*.. نال قلبي وردة من أحلى الورود ..*

*.. إلا أعذبهن وأكثرهن دلال ..*

*.. أشهد إن السعد في الدنيا يجود ..*

*.. يوم حظي كان بكل البنات ..*

*.. أنتي أجمل ما رأت كل العيون ..*

*.. أنتي آية في الحسن أنتي ..% مـــــلاكـــ ..*

*.. أنتي ما مثلك بهالدنيا يكون ..*

*.. في دلالك في جمالك في حلاك ..*

*.. أنتي قلب من الغلا وافي حنون ..*

*.. بك أرق دنياي عين تراك ..*

*.. دنيتي تضفي لها طعم ولون ..*

*.. كل ما أتخيل أنا نفسي معاكــــ ..*

*.. شوف خطي كيف هو وافي معاي ..*

*.. يوم نلتك نلت في الدنيا كثير ..*

*.. من عزمتك يا أوّل وآخر غلاي ..*

*.. وابتسم قلبي وصار السعد خير ..*

*****
ووصلوا للكرسي المخصص لهم وقفوا يناظرون بعض وكل منهم يبادل الثاني بنظرة شوق..


*.. أوعدك أقطفلك نجوم الغرام ..*

*.. وأوهبك من نــورها عقد فريـــد ..*

*.. وأجعل الفرحة على قلوبك تنام ..*

*.. وأرسم الأيام لك بهجة وعيد ..*

*.. وأوعدك بالكون بنصحك سعيد ..*

*.. وأوعدك أشعل شموعي كل عام ..*

*.. واحتفل قربك بعالمنا الجديد ..*

وباس يدها اللي ماسكها وباس راسها..



بعد الرقص والتصوير..

ركبوا الأهل لهم يسلمون ويباركون..

ومن بينهم ماعمرها توقعتها تكون موجوده ولاتمنت وعرفت ليلتها بتتعكر من بدايتها..

بأكبر إبتسامه تخفي وراها خبث مصحوب بحقد دفين ويالقدرتها الفائقه على التمثيل كل شي يهون مقابل هدفها اللي تبي توصل له يتحقق..

تقربت منه والغريب أنه ماتعجب من وجودها هنا إلا أنه أبتسم لها وكأنه مبسوط منها.. باسته : مبروك حبيبي

شنوصف حال ملاك..
تعجب.. غيره.. حقد.. مقابل نظرة الناس الموجودين البعض شماته والبعض راحمينها دخلت في عايله ماتعرف الرحمه
تجمعت الدموع في عينها..
وبكل وقاحه جات وسلمت وباركت لها..


أسيل شافت اللي يصير موب طبيعي ركبت لأختها.. : ملاك حبيبتي قاومي

ملاك ماتبي تحكي لأنها لو نطقت بكلمه دموعها راح تنزل..
أسيل: لاتبكين صيري قويه
ملاك: قـــ.. ولي لــ.. .ــهم بطــ.. لع

دارت له ومسكت يده وقربت من أذنه.: لاتشمت الناس فيني

شيماء: راح أنادي على المصوره نصور مع بعض

ملاك>> مابقى إلا هي
نواف: أو...
قاطعته ملاك: هالحين بنطلع

شيماء: شوي بس مابناخذ وقت

إلا والمغنيه بدت تغني..
ملاك بحقد: معليش بدت الأغنيه لازم نطلع

سحبت نواف ومسكت يده ومشت بتطلع..

جت بلقافه وراهم أخذتها أسيل: خير إنشالله


عند الباب قبل ماتطلع...


البندري: ملوكه أبتسمي هذي ليلة العمر <<وغمزت لها تروق أعصابها
لاتنسين تحكيلي بالتفصيل شيصير *_^

مرام: لاتخربين هالليله حاولي تتناسي ضبطي أعصابك ليلتك طويله..


ملاك حاولت تهدي أعصابها..
جت لها أسيل: ملاك لاوصيك أنتبهي اللي صار هالحين أنسيه الليله
هالليله هو ملكك أكسبيه لصفك وتحملي من أي غلط

ملاك: طيب

أسيل: أبتسمي
ألف مبروك حبيبتي وسلمت عليها





%%%%%%




بابتسامه غصب عنها تسحرها وتجذبها له: وين حبي
ملاك بحيا زايد عن اللزوم: ببدل ملابسي
نواف بحماس: أوكي يالله بدلي
ملاك طلعت عيونها قدام: هااااااااااااااا
طيب يعني أأأ قصدي شوي تطلع برا عشان أبدل
نواف عامل نفسه زعلان: أفاااااا يالغلا تطرديني
ملاك: بس شوي
نواف يتقرب منها ويناظرها من فوق لتحت: فستانك معقد مابتقدرين تبدلين بحالك لازم حد يساعدك فيه ويقرب أكثر وأكثر<< وإلا شرايك
ملاك بتعترض: بـــــ...
نواف مارد عليها *_^




*****




جلست عالساعه 1 الظهر ألتفتت جنبها ماشافته موجود..
قامت تاخذ شاور وبعد ماجهزت أتصلت عليه..

: هلا
ملاك>>هلا بس شفيه قالبه الأخلاق : حبي وينك
نواف: بالبيت
ملاك: نعم..!
نواف: بالبيت أحاكيك بعدين


>> آآآآآآآه على حظك ياملاك زوجك تركك في صباحيتك وراح لزوجته الأولى



شافت جوالها فيه أكثر من رساله قرأتهم..


%.. حبيبتي مابغيت أدق أزعجكم ويقول عني زوجك ماعندي ذوق هههههه
حبيت أتطمن عليك
أنتبهي لنفسك
الله يسعدك ..%

ضحكت بحسره: لاتخافين يا أسيل مابيقول ماعندك ذوق إذا لساتني ماشفته


%.. صباحيه مباركه ياعروسه
هابشريني عنك بعد ليلتك الحمراء..
لاتتوقعين باسكت عنك لي جلسه معك بعد شهر العسل تقولين لي كل صغيره وكبيره موب كيفك *_^ ..%

: الله يرجك يالبندري ماتتركين حركاتك

*****




الساعه 3 العصر وصل..

: تأخرت عليك
ملاك تحاول ماتبين زعلها: لا أبدآ
نواف: الظاهر أنك زعلانه
ملاك تبتسم ابتسامه صفرا: صدقني موب زعلانه اصلآ ليه أزعل
نواف يتقرب منها: أعذريني حياتي بس رحت أطمن على عيالي
ملاك: حصل خير
نواف: كذا وأنتي مكشره
ملاك: موب كذا بس ماتوقعتك تتركني اليوم بالذات
نواف: طيب وش المشكله هالحين أنا معك شهر كامل وشتبين بعد




%%%%%%





: أبي أعرف وين كنتي
شهد بتذمر: طالعه
حنان: أدري أنك طالعه أشوفك هالأيام تطلعين على كيفك محد حاكمك
شهد: أوووووووووه أنا كيفي <<تركت أمها وبتمشي
حنان تمسك يدها بقوه توقفها: إذا حاكيتك تسمعيني لاتفتكرين بأسكت على حالك
شهد: أتركي يدي
حنان: تهدديني
شهد: تراك مللتيني أعـ....
قاطعها صدى صوت صفعه جاها من أمها..
حطت يدها على خدها وبحقد: بتندمين <<وراحت



تحجرت الدموع في عينها يمكن تعودت عالمصايب اللي تجيها من كل جهه
بس الموضوع مايوصل لحد أن بنتها تهددها
وماتعمل لها أي حساب
ياشينها من لحظه إذا صار الناس والزمن ضدك



*****




: يمه شفيك موب على بعضك
حنان: ولاشي يمه
رغد: إلا فيك حالك موب عاجبني
حنان: شقولك وأنتي تشوفين هذي حاله عايشينها محبوسين في هالغرفه أكلنا جلستنا نومنا فيها مظلومه في بيت أبوي آآآآه يايبه ظلموني بعد عينك
حتى خالك محمد ماعاد يدري عنا
قومي يابنتي نروح لخالتك نوسع صدرنا عندها بدل هالكتمه



: وجعني راسي منها مابقى إلا هي تتحكم فيني
ليالي: ماعليك منها ولاتعطيها وجه
شهد: كل ماشافتني طلعت وقفت لي عظم في البلعوم
ليالي: راح ترتاحين الليله منها وتروحين المكان اللي تبي وأبشرك عادل **** عليك بعد اللي خبرك ولوتطلبين عيونه حاضرلك
شهد: عن جد
ليالي: أيوه بس باقي خطوه صغيره مره
شهد: اللي هي
ليالي: أمك تبتعد عن طريقك وأنا الليله باتصرف




*****




: يوووووه الباب مقفل
حنان: كيف تأكدي
رغد: والله شوفي
حنان سكتت ودموعها تنزل هي عارفه بحركتهم هذي وكلت أمرها لله وطلعت
رغد: يمه شفيك وين بنروح
حنان: أرض الله واسعه مسكي أخوانك


$.. يضحكو بصوت واطي: ماقلت لك
شهد ماتدري تضحك وترضي خالتها أو تزعل وترضي أمها
لكن فضلت راحتها وداست على أمها وماهتمت بوجودها من أيش قلبك ياشهد..



وقفوا ليموزين..


: عمتي
حنان: أنا آسفه جايه هالوقت غصب عني
رنا: شهالحكي البيت بيتك تفضلوا
حنان: تسلمي
كنت عارفه زوجك موب هنا قلت أجلس معك وبكره أروح فكرت أروح لدلال بس مابي أثقل على بوفيصل
رنا: خوفتيني شصار

وحكت لها عن كل اللي صار..

رنا: أنتي مالك طلعه من هنا بتجلسين معي وعبدالعزيز مابيقول شي لاتنسين بنتي ذكرى تحبك ومنها تحس بوجود حياه في البيت




%%%%%%





: حبيبتي بعد مانتغذى شرايك نروح تسلمين على شيماء قبل مانسافر..؟
ملاك ببرود من القهر اللي داخلها: سوري مابروح أنا موب مستعده أكدر خاطري بسببها
نواف: فهميني كيف يتكدر خاطرك
ملاك بايعتها: كفايه خربت ليلتي بحضورها الزواج
نواف: تراك ماتفكرين وشيماء صارت أحسن منك تبي رضاي وحضرت الزواج لأن هذا اللي أبيه دايمآ تدور راحتي
ملاك: أهااااا هالحين الست شيماء تدور راحتك زين قلتلي
نواف: ملاك بلاش أسلوب الأستفزاز تبعك ماحبه
ملاك: بليز لاتطلع روحك الصح وأنا دايمآ الغلطانه وإلا في حد من أول يوم زواج يترك زوجته ويروح لزوجته الأولي
نواف: آآآآ الحكايه كذا غيره وكلام فاضي
ملاك: لا موب غيره وكلام فاضي على قولتك بس الشي بالعقل لو حد عرف شراح يقولون مع أني متأكده الشرقيه عرفت دام شيماء موجوده
نواف: لا تكونين ظالمه شيماء تحبك بس أنتي الغيره خلت قلبك حاقد وبعدين أنا رايح لعيالي أطمن عليهم وحتى لو رحت عشانها موب مسوي حرام فاهمه
ملاك: واللي يسلمك قولتك محد عنده عيال إلا أنت يالله مثل ماتقول زوجتك <<باستخفاف: هه والنعم
نواف بعصبيه: كلامك خطير أوزنيه أحسن لك
ملاك: عن أذنك وراحت عنه الغرفه

راح بيمشي وراها لكنه حكم عقله وتمالك أعصابه.. أعوذ بالله من الشيطان الرجيم

وطلع..


أما ملاك بعد مادخلت الغرفه تركت دموعها تحكم على اللي صار..



بعد ساعه ..


#.. ســـــاعــــــــــات..
ساعات أحس أن الزمن قاسي..
قاســـــي ولايمكن يلين..

ســـــاعــــــــــات..
ساعات أحس أن الفرح محال ولايمكن يحين..

هذا اللي شفته بدنيتي من مامضى لي من سنين..

يامن يعلمني الفرح..
يامن يعلمني الفرح..

#..يفـــــرح القلـــــب الحـــــزين..#


قطع سيل الدموع من عينها نغمة الرسايل..


من.......>> حبيب الروح


%.. باقي ساعتين على موعد الرحله جهزي حالك نصف ساعه وجاي ..%


قامت جهزت وجلست تنتظره وهي لابسه عبايتها..

وصل وماحكى ولا كلمه حتى وصلو المطار وركبوا الطائره
طول وقتها ساكته وعينها تحرقها من الدموع المتجمعه فيها وصاير لونها أحمر..

أما نواف ساكت عنها وغصب عنه ألتفت لها يناظرها شاف دموعها كسرت خاطره وحط يده على إيدها
ألتفتت له ومن ناظرته صارت تبكي بصمت..
مسح دموعها بيده: أنسي حبيبتي لا تزعلين حالك <<حس بغلطته بس مستحيل يعترف إلا بطريقه غير مباشره
ملاك ظلت ساكته إلا أنها تناظره بنظرات عتاب
ضغط على إيدها: ملوكه خلاص بلاش هالدموع
سندت راسها على الكرسي وغمضت عينها تحاول توقف بكي




%%%%%%




: أنا من بكره بروح المحكمه
دلال: يعني خلاص قررتي
حنان: أيوه لمتى وأنا ساكته عن هالموضوع شهور عدت ومثل ماتشوفين معلقه لامتزوجه ولامطلقه وأخوانك مايعتمد عليهم ولاهم بجايبين خبر فقررت أرفع قضيه عشان يطلقني
دلال: بس خوفي يطالب بالعيال وفي المحكمه معاه حق
حنان: لاتخافين أنا أعرف سعد أكثر من نفسي هو يبيها من الله مايكونون عنده
دلال: خير انشالله بس أنتبهي لازم عيالك يعرفون تدرين مهما صار أبوهم
حنان: معاك حق وأنا حكيت مع رغد صحيح حسيتها زعلانه لكنها ماعارضت وتقول معي حق والأولاد لساتهم صغار مايفهمون شي
دلال: وتتوقعين يماطل
حنان: والله ياختي سعد توقعي منه الغير متوقع




%%%%%%





: تقدرين تقولي نزوه وعدت
البندري بعصبيه: نعم..! نزوه بعد كل اللي صار بينكم ياسلام عليك ياسلطان
سلطان: موب سألتيني جاوبتك بالصدق
البندري: في حد قال لك من قبل أنك حقير و؟؟؟؟؟؟
سلطان: البندري أحترمي حالك أحسن
البندري: هذا الصدق أنك تتصف بهالصفات دامك سويت كذا ببنت عمتك شذنبها الجوهره ذنبها أنها حبت واحد ؟؟؟؟ وثقت فيه وهو موب قد الثقه
سلطان: لوسمحتي ماله داعي التجريح
البندري: ياحرام جرحتك ولساتك ماشفت شي ناس أكبر منك وينخاف منهم دمرتهم بسهوله وأنت بكل بساطه جبان ولاتهش ولاتنش فتوقع اي شي مني
سلطان بخوف: يالبندري أفهميني أنا والجوهره مانناسب بعض هي تفكيرها غير تفكير مستحيل نتفق
البندري: أدري من زمان بس الغريب أنك توك تعرف بهالشي أسمعني أصلآ الجوهره ماعاد تبيك تبي رجال وللأسف أنت مو من مؤهلاتك الرجوله عشان كذا ماتبيك




%%%%%%





: من وين جاي
فيصل: بيت أبوي
رهف: أكيد أمك تحكي عني وتحرضك تتزوج علي عشان يجيك عيال هالحين أنا ماصلح لك
فيصل يتنهد: يارهف ياحبيبتي ياقلبي أنتي دنيتي كلها ومستحيل أستغني عنك وأمي تحبك وماتحكي عنك إلا كل خير ودايمآ تسألني عنك وتبي تشوفك وزعلانه عشانك
رهف بعصبيه: ليه تزعل عشاني وش شايفتني مجنونه عشانها راحمتني
فيصل بصبر كبير هو مقدر اللي فيها: لا ياحبيبتي أنتي مابك إلا العافيه وأنا مايهمني إلا أنتي
جا يتقرب منها بيجلس جنبها..
رهف بتوتر: تباعد عني لاتلمسني أطلع من هنا وتصرخ>> أقولك أطلع
فيصل يقوم بسرعه: خلاص خلاص طالع بس أنتي أهدأي
رهف: ماتفهم أطلع
وطلع من الشقه..

أما رهف كالعاده تبكي..



فيصل: آآآآآآه يارب أرحمني