أنا لميس عز الدين فهمي...
أيوة برافو عليكو ...لسه فاكرينه...
اللي تاب بعد وفاة ماما الله يرحمها واتجوز خالتي...
خالتي اللي قدرت تغيره و يغير طبعه عشان حبها بجد.
بس فضلت حكايته هي سبب مشكلتي!!
يعملوها الكبار ويقعوا فيها الصغار!!
اصل جمال الست ده عامل زي "التّكت" اللي على الهدوم الجديدة...
مبهر لأول مرة وانت بتحس إنك أول واحد يمتلكها...
بس بعد كده ...بتشيله و...."تلبس"!!!
وجهة نظر غريبة إنها تطلع من واحدة ست؟!!
بس أنا اتعودت أشوف الدنيا بنظرة حيادية!!
سرير كلاسيك بعواميد عالية وزخارف فخيمة كده تفكرك بجو "حريم السلطان"...
وستاير وسجاد ودهان حيطة مودرن بألوان "مطرقعة"...!!
ع اليمين هتلاقوا "قمصان" و"بناطيل" ...
وع الشمال هتلاقوا عبايات و طُرَح...
وفي "النص" هتلاقوا "جيبات" واسعة و "بلوزات" ب"أكمام" طويلة!!!
أصحابي برضه بيقولوا كده لما بيشوفوه...
بس أرجع وأقول إن دي أصل مشكلتي...
حكاية "شورت" و"فانلة" و"لاب"!!!