[لامارا]

\\


...........(...الــبــارت الــرابــع...)..............


اللهم الرفيق اللي ؛
"وان جت في صدري ثمانين قَفله ،
رحّب وفك قفول صدري بحرفين ".


كــنــدا

كنت بسيارتي طالع للمطار اعصابي تلفانه لاني ماشربت شاي ثقيل مستحيل اصحصح وابدا حياتي لين ابتدي يومي بالشاي الثقيل(عاده تعودت عليها من ايام الثانوي)اخخ ياايام الثانوي وايام حياتي كلها حسيت اني ولهان خصوصا على الغاليه بس لا ماراح اضعف انا حالف ماارجع لين يتم اللي ببالي سمعت رنت جوالي تتصاعد مسكت جوالي وكشرت يوم شفت اللي متصله علي فتحت السماعه وانا اسمع صوتها اللي فيه دلع خلقه(اخخ ياكم اكرهه):هاااي عُناد..
عناد (بطفش):اهلن انجييلا،،،مابك؟
انجييلا (بارتباك):فقط والدتي تسأل أين أنت؟أليس اليوم يوم إجازتك الأسبوعي!؟،،،،
عنـاد( ببرود):عفوا انسه هل السؤال من والدتكِ ام انتي؟؟،،،
ردت انجيلا( بتوتر):لا لا انها والدتي قلقه عليك،،
عناد( تنهد ونطق):اذاً اخبريها اني ذاهب الى المطار،،،اخي سامي قادم الى كندا،،
(سكرت السماعه بدون مااسمع ردها وزفرت بضيق):اوف ياهالبنت ماادري متى تفهم،،،،
وصلت للمطار ونزلت من سيارتي ابي بس أخذ سامي واروح للمقهى العربي اللي تعودت عليه من اول ماجيت هنا حتى حفظوا شكلي بس اجيهم الصبح يقدمون لي شاي ثقيل على مزاجي ابتسمت وانا اشوف سامي يلوح لي بيده من بعيد مشيت بخطوات سريعه سلمنا
على بعض وانا استعجله ركبنا السياره وانطلقت للمقهى المعهود،،،،،
سامي (بابتسامه):اي وشش مسوي مع هالشقراء،،
عناد(بنرفـزهه وهو يرص على اسنانه):سااااميـوووه ترا اعصابي تلفانه وللحين ماروقت لاتجييب طارييها لاقوم عليك،،،
سامـي(وهو يضحك):يومااه يامتوحش كمل بنعاس:اقول روح للبييت بنااام مييت نعااسس،،
عناد:تخسسي اول تطسس معي نفططر وبعده خذ لك شقه فندق كوخ اللي هو بس الاهم صرف نفسك عششان اجي عندك ارتاح على الاقل هالأسبوع،،،،
ضحك سامي بصوت عالي:ولايههمك لهدرجه مو طايقها عاد انا عشت عندهن اربع سنين ماتنرفزت مثلك،،،،
عناد (يلف عليه وهو متنرفز حده):تتلصق فيك؟؟
سامي:لاا،،، رجع وسآله:كل دقيقه تكون برا البيت تتصل وتقول امي تسال عنك؟؟؟
سامي يضضحك:ههم لاااا،،،،
عناد (يلف وجهه لقدااام):اججل تلاييس وكل تببن،،،،
ضحححك ساااامي وابتسم عناد من صوت ضحكته اللي تضحك،،،،.
-------
مشت الأيام وجاء يوم السـبت وأبتدت إجـازه الترم الاول بالـرياض الساعه سبع الصبح،،
الكل كان حايس لان اليوم المتفق عليه انهم يروحون للمزرعه حقت الجد اللي بالخرج
ببيت الجـد

مهـا (تنزل مع الدرج وهـي معصبه حـدها):الحييين بلوزتي ويينها؟؟؟،،،،
فيصصل (باستغراب):الحيين نازله بشرك واخر شئ تدورين عن بلوزتك!!،،،،
مها(وهي ماسكه جزمه بيدها والثانيه لابستها جلست قريب من ابوها الجـدمحمد):يـوبه شوفهم قولهم يطلعون بلوزتي؟؟،،
الجـد(يبتسم على هبال بنته ويلف للجده):الحين ليش ماتقولين لبنتك وين بلوزتها،،،
الجـده(وهي تشرب الفنجال اللي بيدها نطقت ببرود):اي بلوزه قصدك الحمراء؟،،،،
مها(ترمي الجزمه اللي بيدها وتقرب من امها):اي يوومه العنابيه قصدك وينها تكفين،،
الجـده(وهي تمد عصاتها نوت تضربها بس هربت مها بعيد عنها):اول شئ البسي جزمتك الثانيه تدرين انه مايصلح هلون..كملت ببرود:جدعتها بالزباله،،،
مها(كانت تلبس جزمتها الثانيه يوم سمعت امها رفعت راسها وهي تشهق):يووومااهه ليييييشششش؟؟؟؟تدريين انها ماركه وغاليهه ولالبستها الا مره شوي وتصيح منقهره من امها،،
الجـد(يلف للجده):وراك يامزنه حاذفتها!!!
الجـده:والله يامهاوي لوشاريتها من الصين واخر حبه ودافعه مادونك ووراك عليها ماتلبسينها نعنبوا بليييسك مالها زنووود وعليها صورت حريم مفاصيخ،،،الخلاا بس،،،
الجـد يلف لبنته:دااام كذذا مالي كلمه خلاص،،
فييصل(وهو يكمل كوب الحليب اللي بيده وميت ضحك):تستاهلييين زيين سوت فيك امي،،
مها(وهي حدها منقهره):ييوممااهه اللي عليها رسم وعاجبتني..
الجده (ببرود):اللي عليه شياطين مايدخل بيتي مانيب طارده الملائكه عشانها عاجبتك ،،،
الجد(بحنيه وهو يحاول يراضيها):الحييين اعطيك قيمتها واوديك تشترين مثلها حبتين،،،
مها (بقهر وهي صاعده الدرج):هاذي هديه من راكان قبل تطردونه ومحتفظه فيها لانها ذكرى منه،،،
الجـد سكت مايدري وش يقول والجده مسحت دمعه حنونه نزلت من عيونها لودرت انها من راكان كان مارمتها هذا راكان ولدها البار اللي ولامره رفض لها طلب،،،
فيصل( يحاول يلطف الجو):يوبه تبي تخاويني انا بأخذ معي بنات خالد وام راكان،،،،
الجد:لا انا وامك نبي نروح مع جراح واهله،،
فيصل (يوقف وهو يتفقد اغراضه كلها كامله بجيوب بنطلونه طلع وهو يقول):اجل استاذنكم بروح استعجل اهل خالد،،،،
الجد والجده:بحفظ الله،،،
----------
(بيت العـم أحمـد)

ام راشد(بعصبيه):غلوووه قوومي ياملا الصلاح قوووومي اخرتينا النااس وصلوا المزرعه مابقى غييرنا،،،
غلا(وهي تتغطى بالبطانيه ومليانه نعاس):يمه بس دقيقه وصحيني،،،
ام راشد (تقرب من سريرها وترمي البطانيه عنها ):يلاااا اشوووف قدااامي اخوووك معصصب،،،،
غلا(كانت تبي ترجع تنام بس سمعت صوت جوالها يعلن عن وصول رساله فزت واقفه وخذت جوالها ابتسمت يوم شافت رساله من سعـود(صباح الحب قلبي اكيد صاحيه وفيس يغمز)ابتسمت بحب وباست راس امها:صباح الووورد والنووور والسروور لاحللى ام بالدنيا..
ام راشد(تناظر لها بصدمه هزت راسها باسف):الله يخلف علينا منكم ياهالجيل،،لو دريت كان اتصلت على جوالك عشان تقومين من بدري...
ضحكك غلا من كلام امها ونطقت:يوومه بس نص ساعه بتعدل واجييكم،،،
ام راشد وهي طالعه:لاتتأخرين على اخوكك يمه،،،،
غلا وهي تفتح باب الحمام:حاضضر يوممه،،

بنفس البيت تحت نزلت ام راشد وهي معها عباتها شافت ولدها فاارس نايم على الكنببه،،،

قربت من عنده وهزته مع كفوفه ونطقت:فارس يممه قوووم الحين انا اصحي اختك واجي القاك نايم هنا،،
فارس(وهو يفتح عين ومسكر عين بيده):يمه مانيب نايم بس انتظر بنتك تتكرم حضرتها وتنزل،،،
ام راشد (بخوف):فييك شئ يبه تعبان،،
جلس فارس (وهومبتسم):لا يالغاليه بس فيني نوم خبرك من البارح سهر مع الشباب ماجيت الا بعد الصلاه...
ام راشد (وهي تشوف بنتها نازله لهم):اول مانوصل نام يابوي،،،
فارس(يتثاوب):ان شاءالله الا يومه ابوي وينه ماشوفه،،،
ام راشد:ابوك سبقنا مع راشد ومرته وولدهم،،
غلا:يلااا وييين النااس مستعجليني واخر شئ نايم هو،،
فارس (يقوم ويخرب نقابها اللي لابسته):اركبوا السياره يلا،،،،
غلا(بقهر وهي تعدل نقابها):هييين يافويرس،،
طلعت ام راشد وهي تدعي ان الله يحفظ لها عيالها،،،،
----------
(بيت ام راكان(بيت خالد))

دخل فيصل بعد ماتنحنح لقى ام راكان وعندها سميه وشهد بنتها سلم وقعد ،،،
سميه:العذر عمي دخلنا القهوه بالعزبه ،،،
فيصل (وهويبتسم لها):تسلمين ياام شهد متقهوي مع الشيبان وخالص،،،
ام راكان:عساها عافيه دايمه يارب،،،
فيصل:تسلمين الا وين التومم(يقصد يارا وتالا)
ام راكان:مادري وين راحن الله يهديهن،،،
دقيقه وتدخل يارا وبعدها تالا
يارا (تطق تالا مع كتفها ونطقت بصوت واطي):يلا قووولي لها،،،
تلف ام راكان عليهن:وشش تقووول لي،،؟
تالا:ييوومه نبي نروح مع شهد بنت عمي،،
ام راكان( باستهزاء):ومع منـو انسه تالا مع سعد والا صالح والا محمد؟؟؟،
يارا (ببرائه):لا يومه شهد تبي تروح مع سعد وحنا بنروح معها،،،
ام راكان(وهي مكمله استهزاء):اها دامه كذا مايخالف،،،
تالا(بغباء وفرحه):صدددق يييووومه،،،
ضحك فييصصل وسميه عليهم،،حتى ابتسمت ام راكان وهي تقول:لواشوف وحده راكبتن مع الرجال ذبحتها تركبن مع عمكن،،،
فيصل :وانتي ياام راكان معنا ان شاءالله،،،
ام راكان(باحراج):لا يابوي يبون يمروني عبير ومحمد وبروح معهم،،،
فيصل( يقوم يوم شاف عبير داخله عليهم
سلم عليها واستعجل البنات يركبن)،،،
وراحت ام راكان مع عبير وزوجها،،،
----------
نـرجـع لـكنـدا عنـد سامـي وعـناد

تعشوا باحد المطاعم القريبه من البيت وطلعوا مشي للبيت اللي يسكن فيه عنناد،،
سامـي:عناد ياخوي شرايك تسافر معي لباريس هناك،،
عناد:بالله عليك وش اسوي هنالك انا ماصدقت القى لي شغغل محترم هنا على اني متضايق بالسكن بس الحمدلله اشوى شغل محترم وراتب سنع،،،
سامي(بجـديـه):اترك شغلك هذا وتعال هناك تشتغل بالشركه حقت ابوي ولك مني الراتب دبل راتبك الحيين،،،
عناد(باحراج من خويه):لا مسستحيل وبعدين لاتنسى انا عاقد معهم اتفاق اشتغل سنتين وباقي لي ثلاث شهور على السنتين وبعدين لاتنسسى ابوك واهلك هناك يعني انسى اروح معك ،،،
ابتسسم سامي:اوك كل شئ وله حل عادي تقعد الثثلاث شهور وبعده تجي هناك واذا على اهلي بكرا ماشين لسعوديه ولاراح يرجعون من غير شر وابوي وكلني على الشركه اديرها وانا قلت له عنك وعن قدراتك ووافق انك تكون موظف عنده،،وبعدين لاتنسى ياعناد حلم طفولتك انك تأسس لك شركه من عرق جبينك وين راح حلمك؟؟
عناد (بحنين للماضي):قسوه الدنيا خذت مني حلمي،،
سامي (يحط كفه على كتف خويه):لاتستسلم لها وخلك قوي مثل ماكنت واذا على حلمك تقدر تتوظف وتاخذ راتبك بالحلال ومنه تأسس لك شركه صغيره وبعدها تطورها بذكاءك،،،
عناد (ماقدر الا انه يبوس راس خويه احترام له)
(استنكر سامي وهو يدفه): يالورع وش تسوي،،
عناد(ضحك بمرح وكمل بجديه):والله يابوعبدالله مااقدر اوفيك حقك وماادري كيف ارد جميلك انا لولا وقفتك معي انت وجراح مادري وش يصير معي اشكرك والله،،نزل راسه ورفعه بسرعه قال وهو يبتسم:وبما ان الاهل راجعين اجل ان شاءءالله بس اكمل معهم العقد واترك كندا واللي فيها واسكن عندك،،،
سامـي (وهو يبتسم بمرح مايبي يحسس خويه انه متفضل عليه): افا ياخوي لاتنسى اننا ربع من يوم ماكنا صغار وبعدين انت اهديتني شئ مستحيل انسى معروفك فيه وغمض عيونه راح باله بعيييد للماضي قبل خمس سنين كان هايم باخت عناد اللي كان عمرها وقته16سنه وهو 24سنه كان دايم يتكلم مع عناد ويوضح له انه يحبها من كانت صغيره وحلف عناد انها ماتكون الا له بس ماكان له امر عليها لان ابوه كان عايش وهو ولي امرها دايم عناد كان يمدح بسامي عند ابوه لين ابوه حب سامي وقبل وفاته بايام نادى سامي ووصاه انه يتزوج بنته وقال تراها لك بعدها توفى ابو عناد وترك ولده يصارع قسوة الدنيا بروحه مالقى السند يوم اشتدت عليه مصيبته الا يد سامي وجراح ولدخالة سامي كانوا خير سند له ووقفوا معه وقفه مستحيل ينساها،،،
ماصحى من سرحانه الا بصوت عناد وهو يقول:وين رحتت يالحبيييب،،،؟؟
ساامي (بابتسامه): احبببببككك عنااد بس مو لسواد عيونك عششانك اخوها بس،،،
عناد (ضحك وهو يدفه مع كتفه يبيه يمشي):اقوول احسسن شئ تغغغزل باختي قدااامي،،،كمل بنذاله:وبعدييين يمممكن ماتبيييك،،
سامي (وهو يحاول يبعد هالفكره من باله):عشششان اذبحها واذبحك وراها،،،
عناد يضحك:هو انت تققوى تسويها بس!!،،
سامي بابتسامه: لا والله مااقدر عليها ولا عليك،،،
------------

بعد ساعتين وربع تقريبا وصل الكـل للمزرعه
وبدوا بتنزيل الاغراض وترتيبها وبعده الكل تفرق الشباب ناموا لانهم طول ليلهم سهرانين والشياب اللي راح يتقهوى واللي يتمشى مع الجد
اما عند الحرييم كلهن اجتمعن مع الجده بالزرع الجديد اللي زارعه الجد وكان منظره روعه
عدا البنات كلهن نامن بعد التعب الا ششهد اللي استغلت نوووم الـبنات وابتعاد الحريم
حطت الشيله على كتوووفها وراحت للجهه الثانيه من المزرعه بحيث ماحد يشوفها جلست على الكراسي الموجوده واتصلت على الرقم اللي كانت حافظته ثواني ويجيها رده،،
...........:الــووو شهووده،،
شههـد بششوق:هلاااااوغلاااا فييكك طمني عليك وش مسوي وكييف الدنيا عندكم؟؟
ضحك عليها:شوي شوي انا طيب ماعلي خلاف دامني سمعت صوتك والدنيا عندنا تخوف المهم انتي طمنيني عليك وعلى اهلك؟؟
ششهد باستنكار:اههـــلللكككك!!!!!.. .
رد عليها بتنهيده:المهم شخباركم...
شهد بحزن:كلهم بخير بس انا مو بخير،،،،
الطرف الثاني:افا شهييد شفيك؟؟
شهد وهي شوي وتصيح:اشتقت لككك وربي ..........
------

كـان توه واصل للمزرعه وهو ماقال لاحد حاب يسويها مفأجاءهه لجده وجدته ولههههان علييهم كلللهم الشباب والمزرعه والـكـل دخل من الباب الخلفي للمزرعه اللي كان معه مفتاحه ودخل بشويش عشان يفاجئ جـده ،،،دخل وانصدم من اللي شافها قاعده على الكراسي باخر المزرعه كانت معطيته ظهرها مايشوف منها الا ظهرها وشعرها من ورى ذكر الله على الجسم اللي شافه صح انها كانت مليانه بس مع هذا كان باين خصرها مع انه بعيد عنها مايشوف الا ظهرها وشعرها البني اللي طايح بإهمال على كتوفها والشيله عليه أستغفر ربه وصد عنها صحيح انه عايش من صغره برا ومايجي السعوديه الا بالمناسبات والعططل بس مع هذا عيشته برا ماغيرت من كوونه رججل شرقي شديد المرؤءه يخاف على محارمه ويغض البصر عن شوفتهن تنهد لانه لازم يمر من عندها عشان يقدر يوصل للبيت اللي يستقر وسط المزرعه،،،
مششى وهو يستغفر ربه ويحاول مايناظر فيها وهي ماانتبهت عليه لانها ماتشوفه وخطواته كانت خفيفه مشى ولما قرب من عندها انصدم منها لما سمعها تقققول،،،
شهد وهي شوي وتصيح:اشتقت لككك وربي واشتقت لايامنا ققبل،،،،اي حنا بالمزرعه،،،هههههههههه لا ماعدت اخاف منهن مثل قبل،،،،اي البركه فيك،،،اسمع حبيبي لازم اسكر وبعدين اسولف لك عن كل شئ،،،،،اي انا استغليت نومت البنات بس اخاف امي تحس على غيابي ،،،اي قلت لها بتمشى انا بالمزرعه،،،ههههههههه اي ياقلبي انتبه ل......
ماحسست الا بالجوال ينسحب من يدها ويد تلف يدها بقووه..ماكان هذا الا مؤيد اللي انصدم ان وحده من بنات خواله والا خالته كذا تفكيرهن وماعندهن خوف من الله قبل اهلهن وماتهتم لسمعت اهلها سحب الجوال من غير شعور وهو يلف يدها لورى ظهرها حط السماعه عند اذنه ونط فيه عرق الغيره على محارمه لما سمعه يقولششهههود فيك شئ وينك ياقلبي)
سكر السماعه وشال الجوال بجيب بنطلونه (صرخ فيها والعصبيه واصله حدها):...................




وانضمت شخصيه جديده لروايتي
*عــنــاد خــالــد الســيـف..!
-هـل له دور قوي بالروايه او لا،،،؟؟
-وش اللي راح يصير بين شهد ومؤيد..؟يفضحها او يستر عليها،،،؟
-وش راح يصير بالمزرعه بين الابطال...؟؟

لاتحرمـوووني من تـوقعـاتتكم الجمييلهه..

دمــتــم بــوووود🌹