البارت(6)
وصايف: وليش انتي ماتتصلين ان شاءالله
ملك : انا ماعندي رصيد وهم اذ كلمتهم بيسالفون معي وبيخلص رصيدي
وصايف: يسلام عاد انا الي رصيد فل
ملك: وصايف لا تجادلين وخليك عاقله واسمعي الكلام
وصايف: مو شغلي انتي كلميهم وانا بروح اشتري لنا فطور باي
صكرت الخط
ملك:وصايف..اخخ الكلبه صكرت بوجهي انا اوريك ياوصايف
(ننتقل الى شخصيات جديده وبتحديد السعوديه)
دخل مع الباب وبصراخ:زياد
ام زياد وهي طالعه من المطبخ:ابو زياد وش فيك تصرخ؟!
ابو زياد: وينه الكلب ذا وينه ؟
ام زياد: نايم بغرفته
ابو زياد يهز راسه:نايم طيب انا اوريه
ام زياد : وش فيك؟ وش صاير
ابو زياد:قولي وش الي ماسوها ولدك ذا ماراح يرتاح الا يوم يموتني
ام زياد:بسم الله عليك بعد عمر طويل
طلع مع الدرج متوجه لغرفة زياد دق الباب وبصراخ:زياد افتح الباب احسن لك
زياد لارد
ابو زياد: ادري انك مو نايم وتسمعني افتح الباب لا اكسره فوق راسك
زياد من وراء الباب:يبه اسمعني بالاول
زياد:وش اسمع هاه وش اسمع ؟...اسمع المصيبه الي سويته لي
زياد:يبه والله ماكان قصدي اصدمها بسياره
ام زياد لما سمعته حطت يدها على فمها
ابو زياد:زياد افتح الباب الحين فهمني السالفه كلها
زياد ببكي وترجي:يبه وربي ماكان قصدي هي طلعت بوجهي فجأه
ام زياد:والبنت صار فيها شي ؟وينها الحين؟
زياد:م..مدري مدري ركبت سيارتي واتصلت بالاسعافه
ابو زياد:اهل البنت اشتكوا عليك واتصل المغفر علي اليوم وطلبوا اجيبك لهم
زياد بترجي:يبه تكفى تكفى مابي اروح لهم
ابو زياد بتنهد:اطلع وخلنا نروح للمغفر عشان نعرف القصه كامله ونتفاهم مع اهل البنت
زياد: يبه تكفى لاتخليهم يسجنوني والله مو قصدي
ابو زياد:خلاص وانا ابوك هد واطلع عشان نروح ونحل القصه
فتح الباب وطلع قرب منه ابوه وعطاه كف
(ننتقل الى الامارات)
في قصر كبير وفخم نزل ناصر وزوجته عبير
راكان:يبه ليش مستعجل كذا اجلس كم يوم
ناصر :خلاص جلسنا هنا شهرين تكفي بعدين لاتنسى ان وراي شركه بالندن
فارس:بس ذا مو عذر يبه حنا مشتاقين لكم ماشبعنا منكم
عبير:ياعيال خلاص بعدين انتم مو صغار واحد مستلم شركة ابوه والثاني اخر سنه له بالجامعه
راكان:ههههه بعد قولي بنزوجكم هذا الكلمه دايما تقوليها
عبير:اي مو مشكله نزوجكم
فارس: انا واحد ابي اخلص جامعتي واخذ سنتين ارتاح فيها وافله وبعدين افكر بزواج
راكان:وانا لاتناظري فيني شايل فكرت الزواج من بالي
عبير: ناصر تفاهم مع عيالك
ناصر:عبير الله يهديك اعيالك مو صغار كل واحد يعرف مصلحته والحين اهتمامك كله لجوري ترا السنه هذي اول سنه لها بالجامعه
عبير:اي وانت الصادق..لحظه لحظه الا هي وينها؟!!
جوري نازله من الدرج: موجوده بس انتظركم تخلصون من فلمكم الهندي