[لامارا]

\\


السلام عليكم كيفكم ان شاءالله طيبين
شكراَ من اعمق قلبي لكل من شجعني ان استمررر
ساستمر من اجلكم حبايب قلبي وان شاءالله اكملها معكم حتى نهاية الروايه لاتلهيكم روايه عن الصلاه اللهم بلغت اللهم فشهد
اللَّهُمَّ صَلِّ عَلَى مُحَمَّدٍ، وَعَلَى آلِ مُحَمَّدٍ،
*
*
*


& البارت الثامن &

ابومحمد كان جلس ع كنب وقف وبعصبيه غير معهوده منه:من هو الي جالس قدامك تحسبين اخوك ولااختك تكلمي انطقي
سعاد واقفه في عيونها الدموع وقهر وساكته ماتقدر تجادل ابوها
ابومحمد:تكلمي انطقي بس شاطره تطولين لسانك على ابوك بنبرة تهديد:اسمعي زين ي سعاد تراك ماشفتي وجهي الثاني ولا حسابي معك بيكون عسير
سعاد تبكي: وش بقى ماسويته ي بومحمد كافي انك بتعطيني واحد ما ابغاه راح أعيش معه في جنهم
ابومحمدعطاها كف ع وجهه:انا تقولين لي ابومحمد وماكني ابوك صدق قليله ادب ماعرفت اربيك
سعاد تنظر ابوها بنظرات قهر(تقوله مشكور يبة راح اتعذب في زواجي وانت السبب ) طلعت من الصالة تمشي بخطوات واسعه
ام محمد كنت جلسه جنب ابومحمد:المفروض ي ابومحمد تخليهم يسوون تحليل بعدين نتكلم في التفاصيل يمكن بعد مايطابق التحاليل ’’مادري وشفيها ع عامر ليه خايفة منه
ابومحمد : ان شاءالله تحاليلهم مطابق ويسوونه اليوم اوبكره الحين مافي شي يتعطل بسهول تطلع النتيجه . اما سالفة انها خايفة من عامر هذي نتيجته دلعك لها
ام محمد بضيقة: لااله الاالله كل شي فوق راسي يعني الحين انت دلعتها حتى انه ولد خالك بغاها وانت تبغاه ياخذها بس بنتكك ارفضت قلت لها لك الي تبغين ياسعودتي
فرح تقطع عليهم كلامهم: يبة يمه خلاص ,يبة تكفى هدا اعصابك مايستاهل الموضوع انك تتعب علشانه
محمد يايد فرح:صح كلام فرح يبه سعاد راح تقتنع ان شاءالله
ابومحمد ارتفاع ضغطة: حسبي الله ع ابليسها موراضيه تفهم ان عامر شاريها مومعذبها وانا ابوها واعرف مصلحتها , فرح يمه روحي جيبي لي حبوب ضغط وجيبي مويه
فرح راحت تركض غرفه ابوها تجيب الحبوب : ان شاءالله يبة , جات تركض بسرعه , سم يبه
ابومحمد: سم الله عدوك ,كل حبوب قام يرياح في غرفته عن اذنكم بروح ارتاح
كلهم بصوت متفرقه:اذنك معك
ام محمد:أي روح ارتاح ولاتفكر في شي خل كل شي ع رب العالمين هو يحلها ان شاءالله
ابومحمد وهومتجه الغرفة : ونعم بالله
ام محمد بااسف: موعاجبني تصرف سعاد كذا ترد ع ابوها صراحه صدمتني
محمد: الله يهديها , انتي بس ادعي لها الله ييسر الأمور ان شاءالله
فرح بضيقة: صراحة هي غبيه ماعندها عقل احد يرفض رجال مثل عامر,بتهديد والله اذ صار في ابوي شي ما تلام الاهي
محمد : خلاص يافرح سكري ع موضوع ولاتزيدين النار حطب
************************************
في بيت ابوياسر
العائله بتطلع بيروحون السوق يشترون أغراض العزيمه
رجال بكره الي بيجي ابومحمد يكملون باقي الاغراض
ام ياسر لابسه عبايتها واقفه عند باب الصاله:في و لمياء انزلو يلا علشان بنمشي عنكم
ولمياء من بعيد بنعومه واقفه ع الدرج: ان شاءالله يمه راح انزل الحين
في بصراخ وهي في غرفتها: زين يمه الحين بنزل,طلعت من غرفة توجهت الى درج وهي تنزل: يمه مين يوصلنا ياسر ولاخالد
ام ياسر بستغراب من سؤال في: اول شي انتي ليه تصارخين بطول لسانك ,ثاني شي ليه تسالين صار شي
في برتباك: علشان تسمعيني يمه ’,لالالا ولاشي بس اسال (حمدلله عدت ع خيرولا شكت امي انه فيه شي بتنهيده الحمدلله)
ام ياسر : اعرفكك فضوليه راح اريحك اخوك ياسر هوالي بيوصلنا
في تبغى تقول ل أمها خلاص مابغى اروح في هالحظه يدخل ياسر : يالله يمه وراي شغل انا موفاضي’
في تلبس نقابها علشان ماتبغى تحط عينها بعين اخوها بعد الي صار بينهم
ياسر طلع وطلعوا وراه كلهم
ياسر ركب وجنبه امه
وراء ام ياسر لمياء وفي وراء ياسر
ياسر حرك السياره مبتعد عن بيتهم وينظر اختها من المرايه يقول لـ امه: يمه وش رايك في بنت ترفع صوتها ع اخوها الكبير
ام ياسر: أقول لها انها قليله حياء
في تنظر امه(لالا يمه لاتقولين كذا عني انا مسويت شي غلط)
ام ياسر:الا ياسر وش سواء اخوها علشان ترفع صوتها عليه
ياسرهويحرك المرايه تجاه اختها: بس قال لها انتي جاك خطيب قامت تصرخ عليه انت موكيفك تصرف ان شاءالله ’’تقول له ماعندنا بنات لزواج قال انا عطيت رجال كلمه سواء رفضتي او وافقتي بطيب بتاخذينه يعني بتاخذينه وش رايك يمه انتي
ام ياسر: انا اشوف انها معها حق انها تعترض بس باداب موترفع صوتها عليه’’,واخوها بعد غلطان المفروض يبلغاها بهدوء بسايسه مويروح ويقول الموضوع كله مره وحده يصدمها أي وعلى طاري الرجال سمعته زفت موكويس علشان ترفضه
ياسر يأخذ لفه ع اليمن بسيارة: لا لا هو ولد حلال ينشرى بعد وانا اعرف بعد
ام ياسر: دام كذا توافق وهي مغمضه عينها
ياسرابتسامه ويناظر في في(وش رايك يا في وهذا راي امي عندك اعتراض)
في تتدخل :يمه يمكن البنت عايفه الزواج خير شر ماله داعي يغصبها
ام ياسر: مافي بنت في هالدنيا ماتبغى تتزوج الا اذ كان عندها احد تحبه اوفيه سبب ثاني
في ترد سرعه : لالالالا يمه لايروح فكرك بعيد,طيب عندك انا مابغى اتزوج خير شر
ام ياسربروعه: وش تقولين انتي هذ الي ناقص بعد انتي أصلا مخطوبه حق فهد وراح توافقين انتي سمعتي ماعندي بنات يرفضون بدون سبب
في تبغى ترد ع أمها بس لمياء مسكتها بيدها قلت لها بهمس :في اسكتي الحين وبعدين ناقشي امي في هذا الموضوع
ام ياسر :في لاتخليني اوسوس ’’ولاتخليني الناس بعد تتكلم علي تقول ماعرفت اربي
في بعصبية تجاهلت كلام امه اعن انها ماتبغى تتزوج : ينقص السانه الي يقول هالكلام حنا ماتربيين عدل واحسن تربيه بعد بس الواحد له وجهة نظر
في :يمه لو زواج فيه عذاب لي راح اتزوج علشان اسعدك بس
ام ياسر : مين قال انك راح تتعذبين حنا في الغابه ع هالكلام فهد رجال ينشرى الله يسعدك معه ويسعد اخوانك
كلهم :امين يارب
في اسكتت الا انها عارفه النقاش في هالموضوع تعتبر هي الخسرانه ماله دعي تجادل اذ جاء وقت الملكة ذاك الوقت بعترض > كانك بتقدرين تسوي شي يافي الله يعينك بس هههههه
في بضيقه: هايدي خليني بحالي تكفين
هايدي : يمه معصبه نحشههههههه
@@@@@@@@@@@@@@@@@@@
في بيت ام زايد
ام زايد في الحديقة ، الحديقة كانت في الجهة الخلفيه من البيت فيها أشجار وعشب وحوض ورد كبير زرعته جمان وهي تعشق الورد كانت جالسه ام زايد وجنبها الراديو تسمع الاخبار كانت جالسه ع كرسي الحديقه وقبالها شاي وقهوه
والحلا مصلحته بنتها جمان. جالسه تشرب قهوة وتحلي كانت الجلسه مظلله ب مظله كبيره و الجو كان رائع لا بارد ولاحار والجلسه وسط الحديقه وفيها مرجيحه كبيره كانها كنب
جمان طلعت من غرفتها تدور ع أمها وينها دورت في المطبخ ماحصلتها ولافي الصاله قالت يمكن في الحديقه طلعت من باب المطبخ الخلفي جمان :يمه وينك
ام زايد: جمان انا هنا تعالي
جمان كانت لابسه بجامه وسيعه مرتاحه فيها وشعرها كان مفتوح طويل يوصل نهاية ظهرها وناعم والهواء يحرك شعرها وهي تحاول تبعده عن عيونها: زين يمه بجيك الحين
جمان تجلس ع الكرسي جنب أمها :يمه وش تسوين برا والله هنا مووت حر يالله عذابك من النار
ام زايد : والله طفشت من الجلسه داخل قلت بغير جو
جمان تضحك : اوخص يمه تغير جو حسستيني كانك في اوروبا
ام زايد : انا امك يابنت احترمي حالك
جمان :اسفه يمه


ام زايد :ي بنتي ماكلمك الوليد علشان يحدد موعد زواجكم
جمان بتنهيده: لا يمه ليه في شي جديد في موضوع زواجنا
ام زايد :لا مافي شي بس حبيت اسال
جمان : اها يمكن كلم زايد انا مادري ماقال لي شي
ام زايد: الله يسعدك ويوفقك يارب انتي واخوك
جمان : امين . في هالحظة يقطع عليهم رنين الهاتف يدق برقم غريب من عادات جمان ماتردد ع احد غريب
ام جمان : يابنتي ردي يمكن احد يبغيك ضروي
جمان : يمكن واحد يلعب انتي تعرفين يكثر مايتصلون ع ارقام مايعرفونها ويقول حنا غلطانين واسفين بعدها يرجعون يدقون مرة ثانيه شوفي برد بس اذ طلع صوت ولد بسكر ع طول في وجهه
ام زيد تصب لها بيالة شاي : أي يمه سوي الي يريحكك بس ردي يمكن ضروي
جمان قامت تبعد عن امها وجلست في المرجيحه وهي ترجح : الونعم مين معي
البنت : واخير رديتي علي انتي جمان صح انا اكثر من مررة اتصل عليك
جمان : أي نعم امري اعرفك انا ’انتي تعرفيني علشان تتصلين علي . يعني انتي الرقم الي اخره’’6677
البنت : أي شوفي انا بقول لك شي بس لاتفهمين غلط انا حبيت اشكرك واشكر زوجك الوليد
جمان بصدمه وش تقول ذي وش دخلها في زوجي: نعم انتي كيف تعرفين زوجي ها
البنت : لا لا يروح فكرك بعيد بس انا ام طفل وزوجك الله يسعده ساعد ولدي كثير فقلت خليني اشكر زوجته بس
جمان : طيب بغيت اسألك وش سو الوليد علشان تشكرينه المطلوب مني
البنت: زوجك عوض ولدي بحنان لانه ابوه ميت الله يرحمه بس تشكرين لي زوجك
جمان : الله يرحمه ان شاءالله يوصل

البنت : الله يعطيك العافيه أي وابغى اتعرف عليك ممكن ولا اذ لا مومشكله اكيد بتكونين حريصه من هي اذا تبغين تقابيليني
جمان بطيبه وع نياتها: لالالالا عادي طيب ان شاءالله في أي وقت تحبين لو تجين عندي اذ تبغين ’تعرفين بيت اهلي ؟؟
البنت اللي تبغاه وصلت لها : أي ما يحتاج مشكوره مرة ثاني السلام عليكم
جمان: وعليكم السلام
جمان (يالله ي الوليد كبرت في عيني مرة ....تصدق ودي اليوم نحدد موعد زواج قريب ......ماتدري وش كثر احبك..... جمان تحرك شعرها باصبعها وهي مبتسمه بالي سواه الوليد..... لوتدري انك انت غيرت فيني اشياء كثير........ اول كنت مااطيق ارفع عيوني الناس ليه لانه ابوي ميت ........ولاني يتيمه ما حد يحبها ولا يمشي معها........ اذكر مرة كنت جالسه في الفصل وجنبي بنت كان عمري وقتها 8سنوات ابوي خذ له سنه متوفي ........تسالني عندك مثل هالمريول الجديد أصلا ماعندك انتي ابوك ميت شوفي وش جاب لي ابوي حذيان جديده ........مسكينه ماعندك اذكر وقتها قمت ابكي من القهر حطيت راسي ع الطاوله لاني طفله وشي اكيد بنقهر ’’انا ابوي مات صحيح واخوي زايد ماقصر معي كل شي يوفر لي بس كنت انقهر لما اشوف البنات ابوهم يجي ياخذهم ام انا ما حد يجي ياخذني غير الحافله حق المدرسه الحمدلله ع كل حال وين كانا وين صارنا اذكر مره كنا مجتمعين ببيت جدي وكانت عمتي تعيرني انه ابوي مات وانه انا السبب في مووته ,بس انا ماسويت شي كنت جالسه العب ومشغله ع التلفزيون والصوت كان مرتفع وابوي انزعج وقام يصرخ علي قال طفيه ولاقصري عليه وانا قصرت ع التلفزيون بعدها رجع ابوي يجلس ع الكنبه الي في الصاله ويقرا جريده وانا كنت جالسه ع الأرض العب بعدها بساعه ابوي طاح قمت اصرخ يمه الحقي علي ابوي مادري وش فيه ابوي مات بسكته قلبيه فجأه قبل لا اتغطى من الوليد جاء وقال لي
جمان انتي ماسويتي شي خطأ علشان تنزلين راسك
رفعي راسك ولايهمك كلام احد عمي مامات بسببك عمي مات فجأه مو انتي السبب اسمعي ياويلك مني اذ نزلتي راسك وبكيتي
جمان الدموع ع خدها لانه تذكرت ابوها وتذكرت كيف كان الوليد دايما جنبها الله يرحمك يبة وان شاءالله انك في جنات النعيم)
****************************
في مكان اخر
البنت (الحمد لله وقدرنا نوصل لجمان ي الوليد والله حسيتها طيبه وع نياتها بس ان شاءالله نتعرف ع بعض اكثر لا لالا لازم نشكرك ونشكر زوجتك ما يصير كذا )
**************************
في بيت أبو ناصر ٥:٢٣ ام ناصر جالسه ع كرسي الطاوله في المطبخ و تعلم خدامتها وين تحط الاكواب والبيالات والفناجيل :وتعبت معك انا كم مره اعلمك
الخدامه: اسفه ماما الحين بسوي كويس ان شاءالله
ورحيل جالسه في الصاله والصالة كبيره وواسعه والمطبخ مفتوح ع الصاله ، ومشغله التلفزيون وكاتمه ع الصوت وفي يدها كوب شاي وماسكة جوالها في يدها ثانيه دخلت تويتر تغرد وترد ع بعض متابعينها
وابوها جالس في الكنبه الي بصدر الصاله ويقراء جريده
ناصر دخل البيت يصرخ :يمه يبة رحييل وينكم
ام ناصر طلعت من المطبخ : انا هينا في المطبخ وش فيك تصارخ صاير شي
رحيل وابو ناصر :حنا هنا في الصاله تعال
ناصر كان لابس بنطلون اسود وبلوزه بيضاء جاء جلس مقابل ابوه:ابشركم حصلة ع وظيفة ممتازه
أبو ناصر :كل هالصرخ علشان حصلة وظيفه
ناصرالا لازم تحطم مجاديف يبة :يمه جلسي وش فيك واقفه ترى ما خلصت موضوعي
ابوناصر بحده:الا وين زوجتكك
ناصر:مادري عنها (لازم يعني تذكرني فيها))
ابوناصر بصرمه : روح نادي مرتك بعدين تعال وقول لنا وش عندكك
ناصر بضيقة محد لاحظه غير رحييل :ان شاءالله
يبه
ناصر طلع من الصاله متوجه الى جناح غرفته يتكلم مع نفسه هو يمشي في ممر مودي الى الجناح ابوي الا لازم يذكرني في اشواق الحمدلله هانت كله كم شهر واسافر وافتكك من اشواق وهواش ابوي ) دخل الجناح والجناح فيه صاله ومطبخ وغرفتين غرفه زي المجلس الضيوف دخل المطبخ يبحث عنها الا انه الانوار مشغله ام الصاله الانوار طافيه
دخل غرفة النوم الباب كان مفتوح جلس يتأملها ترى هي حلوه وناعمه بس القلب مايهوي اشواق كانت لابسه جلابيه ناعمه لونها عنابي غامق وحاطه مكياج ناعم وشعرها قاصته بوي وناعم صايره كنها طفله صغيره وعمرها٢٤ جسمها لا ضعيفه ولامتينه محافظه ع جسمها اكيد تقولون كل هالجمال ي ناصر ولاحبيتها .قلبي يحب غيرها وصعب أوصل لغيرها لانه طارت