سعود ناظر فيها عن طريق المراية بنظرات مطوّله وكأنه يقول عارف انك انتي اللي سمعتي ..
ليال عدّلت جلستها : تغريد لوراء نامت
تغريد لفّت تناظر فيها : ياعمري بنيتي ..تموت على السيارة بالعادة ما تنام ..
ليال : والله ما الومها انا ظهري تصلب ابي انام
تغريد : على طاري النوم ترى غرف البنات مقسمه ..كل غرفه فيها ثلاث بنات , يعني فيها ثلاث سراير
ليال بتوتّر من الطاري : طيّب خليني معك ..
تغريد : ايي ايي .. انا وانتي وبنتي..
ليال ابتسمت : انقذيني تكفين ..
تغريد : ولا يهمك .. لا تشيلين عن ..
مر الوقت في الطريق وتغريد تناظر جوّالها
و ليال حاضنه لورا وكل شوي تبوسها وسعود يسوق ويسترق النظر كل شوي لـ ليال بنظرات غير مفهومة ..
توتّرت بسبب النظرات اللي يناظرها اياها نظراته كأنه يحاربها نفسياً
دخلوا منطقة المزرعة
قرّبوا من المزرعة ..
ليال وهي تناظر اسوار المزرعه : ماشاءلله تبارك الله ..
تغريد : سور سجن ماهو مزرعه
ليال وهي تبتسم : لازم مزرعه عايلة في النهاية
سعود بهدوء : ابوك له مزرعه هنا ..
ليال هزّت راسها : ادري .. لكن ما ادري وينها ولا اعرف أي شي
تغريد : ليال هو انتي يعني .. كيف جيتي وخليتي ورثك
ليال بقلّة حيلة : ما ادري عن شي والله يا تغريد ولا اقدر اسوي أي شي بلحالي .. و .. يعني ما اقدر اجلس اكثر في دبي بدون ابوي ..الله يرحمه ..
تغريد بـ استنكار : يعني خليتي ورث ابوك وجيتي
ليال : ما اعرف بس المحامي حقه في يده كل شي و بطاقتي ماشية تمام الباقي ما اعرف ..
رفع نظره لـها عن طريق المراية يناظر فيها وهي تتكلّم ..
دخّل السيارة لـ المزرعه توجّه لـ مواقف السيارة وسفط الـسيارة
نزل من السيارة وهو يشوف حارسهم المصري من سنين طويلة مبتسم ويسلّم على جدته و ولده البصباص خلفه ..
نزلت ليال وتغريد اخذت بنتها
حطّت تغريد الطرحه على وجهها
لف سعود لـ تغريد وليال ..
ناظر في ولد الحارس اللي تقريباً عيونه شوي وتكون في يدينه من كثر ما كان يبصبص
وقّف قدام ليال , ناظر في ولد الحارس بنظرات قويّة دايم كان يفكر يطرد لكن بسبب لطف متولي كان يضغط على نفسه و يخليه
ليال ناظرت في سعود , اشرت لـ تغريد : وش فيه
تغريد بصوت واطي : عشان ولد الحارس بصباص
ليال ناظرت اخذت شنطتها وتوجّهت بالقرب من جدتها
اشر سعود لـ العمّال ينزلون الاغراض
توجّهه لـ جدته ونظراته على ابن الحارس
قال بصوت عالي : حمدي وش رايك تجي توقّف بيننا ؟
حمدي لف لـ الجهه الثانية وهو يقول : لامؤخذه
سعود : اعقل وتأدب واعرف عيونك وين تشوف احسن لك
ناظرت فيه ليال , بعدها ناظرت في تغريد : وش فيه
تغريد : قلت لك بصباص ..
سعود لـ العامل : جب سيارة القولف
ركض العامل ورجع وهو يسوق سيارة القولف
وقّفها قدام الجده وساعدها سعود تركب
تغريد وهي تركب السيارة و ليال جنبها : يا كثر ما اسوقها واعيش جوّي مره كأني اسوق
ليال وهي تضحك : والله تونّس مرره مرره ..
تغريد بصوت هادي : الفجر بسوقها انا وياك ..
ليال مبسوطة : يلاا ..
كانت السيارة تمشي في مكان اخضر , اغلبه نخل ..
تغريد تأشر بيدها : هناك في اسطبل فيه خمس خيول , و فيه بحيره كمان الجهة الخلفيّه , وهناك فيه مسبح البنات بس .. وهناك عاد فيه مزرعه الخضار ومشتل ... وهناك في خرفان ودجاج ...
ليال : ماشاءلله كبييرة
تغريد : مرره ما شفتي شي ..
وقّفت السيارة عند الـفيلا ..
نزلت الجدّة وهي تقول : عامر .. حذّر العمّال ما يدورون في المكان الا بالاذن المزرعه كلها بنات
عمر : حاضر ..
الجدّة : وقل لـ سعود امك تقول لاجت الذبيحه حقت الغداء خلهم يحطونها في مبطخ الرجال
عامر : تأمري ..
نزلت ليال وهي تناظر الفيلا الاغلبها زجاجيه ..
تغريد نزلت وفي يدها لوراء
دخلوا لـ الفيلا اللي كانت من من اجمل الفيلل .. من حيث التصميم او الاثاث اللي بالالوان الفاتحه كلّه واطلاله على الـبحيره الصغيرة الصناعية و الدرج اللي كان وسط المكان لولبي ..
وفيه اصنصير زجاجي وسط المكان ..
الصالات متداخله مع بعضها والوان الاناره صفراء و بيضاء وفيه ملوّن ..
تغريد : يمه انا بروح بحط اغراضي انا وليال و ننزل
الجدّة هزّت راسها
توجّهت تغريد وليال معاها لـ الاصنصير , ركبوا الاصنصير متوجّهين لـ الدور الفوقي اللي كان عبارة عن غرف نوف وصاله كبيرة
دخلت تغريد لـ اول غرفة وهي تقول : هذي دايم اسكن فيها انا ودلال وافنان .. لكن الحين انا وانتي بنسكن فيها ودلال اذا تبغى
دخلت لورا وهي تشوفها .. الدريشة كانت كبيرة جداّ زجاجيه بـ شتر , والغرفة وسيعه وطويلة .. الاسرّه باللون الابيض كانت جنب بعض لكن بينهم مساحة ممتازة , وقدّام كل سرير تسريحه , وفيه ثلاث خزائن صغيرة منفصله عن بعض , وفيه كنبه طويلة لونها ازرق فاتح وعليها خدّاديات بيض
ليال : حبيت .. مريحه
تغريد : أي تجنن .. كل الغرف تقريباً كذا لكن الكنب بس اللي يتخلف الوانه ..
نزّلت ليال عبايتها وعدّلت شعرها وفستانها ..
تغريد وهي تعدّل شعرها ناظرت في ليال : ايش ؟ وش فيك
ليال : مدري .. انزل الحين ؟
تغريد رفعت حواجبها : انزلي وخشي في عيونهم وش فيك
ليال : أي صح صح .. تذكرت الدرس اللي عطيتيني اياه
تغريد وهي تبتسم : لا تنسين
ليال: نيفر
لوراء بتمتمات غير مفهومه تلاعب فيها نفسها
قرّبت ليال منها وهي تشيلها : ياربييي خلّه لـ امه واااه ياناس
ليال : انا بنزل فيها خلصي والحقينا
تغريد : اوكي
شالتها تغريد ونزلـوا لـ الدور الارضي
كانوا الخدم يرتبون الاغراض في المكان
وحليمة تسوي القهوة
جلست ليال مقابل الجدّة وهي تقول : يمه لطيفة ..
الجدّة لطيفة ناظرت فيها :....
ليال بصدق : الحين كلهم بيجون ؟ يعني قصدي العائلة
الجدّة لطيفة : هذي العادة ..
ليال هزت راسها :..........
نزلت تغريد : شغلوا كل المكيفات ..
جلست تغريد وهي تقول : قربوا بنات عمي صالح
ليال فركت يدينها في بعضها بتوتّر تام ..
الجدّة : حياهم الله ..
...............
في سيارة مالك
دلال بتوتّر : مالك انتبه لـ الطريق .. ياربي انت وجهه طلعه انت
مالك وفيه النوم : خلاص منتبه
افنان : والله البقر حنّا اللي جينا مع مالك ..
مالك : ياليل ام البزر .. اسكتي
دلال : يا بابا المزرعه موب من هنا شف سيارة ابوي راحت يسار
مالك عدّل جلسته : أي والله هذي سيارة ابوي ..
افنان : لا يا شيخ ..
دخلوا المزرعه ..
و نزلوا من السيارة متوجّهين لـ الفيلا ..
..........
في سيارة أحمد ..
احمد يسوق وعلى يمينه ابوه متعب وفي الخلف مشاعل وفي الخلف خادمة مشاعل
أحمد بغضب : مشـــاعل .. كم مره قلت لك عدّلي التبن الطرحه اللي فوق راسك
مشاعل ببرود : وش اسوي تطيح
متعب : عدّليها يا بابا كويس
مشاعل بنفس البرود : اوكي ..
متعب : شف سيارة اخوك ورانا
أحمد : ايه شفها ورانا ..
متعب : هذي موب سيارة مالك ؟
احمد : الا هي ..
متعب : طيب ادخل وراه ..
احمد : ابشر ابشر.. بس خلّه يدخل وبعده انا بدخل ..
انتظر لحد ما دخلت سيارة مالك ودخّل السيارة
نزل من السيارة وهو يقول بحمقيّه : مشاعل اقسم بالله لو ما عدلتي طرحتك موب صاير لك طيّب
مشاعل نزلت من السيارة : ففف طيب ..
متعب نزل وهو يقول : احمد .. خل العامل ينزّل الاغراض
أحمد : ابشر
حمد وهو ينزّل شنطته من السيارة : احمد بالله حطها معك في غرفتك
احمد : ابشر ..
توجّهت مشاعل مع خادمتها لـ الفيلا ..
..........
داخل الفيلا وقّفت ليال مع تغريد وعلى وجهها ابتسامة خفيفة تخفي التوتر اللي فيها
دلال وهي تبتسم : اهلين وسهلين .. اخيراً شفناك
سلّمت ليال على تغريد وهي تبتسم : هلا فيك والله
أفنان بـ نفس ابتسامة دلال : يا زينك والله مره كنت متحمسه اشوفك
ليال وهي تسلّم : موب كثري والله ...
دلال وهي تجلس : على كثر ما عشتي في دبي بس ما اخذتي كلامهم
ليال وهي تبتسم : يجنن كلامهم لكن احب اتكلم سعودي عاد ..
افنان وهي تبتسم : مطقمين ..
تغريد : ولوراء معنا لو سمحتي
دلال : غرت والله ليتكم قلتوا لي اطقّم
ليال وهي تبتسم : صدفه والله ..
دلال : جدّه وين ؟
ليال تأشر : راحت تصلي الظهر
دخلت مشاعل وخلفها خدامتها : هاي ..
تغريد وقّفت وهي تبتسم بمجامله : اهلين ..
مشاعل تسلّم على تغريد بكل لطف ..
ناظرت في ليال مدّت يدها : هاي
ليال مدّت يدها : هلا ..