سلّمت على البنات وجلست في الزاوية تناظر فيهم
أفنان بحماس : يازينك ليال كنت متحمسه اشوفك , توقعت جميلة لأن امك الله يرحمها جميلة مره بس ماشاءلله ما توقّعت كذا جميلة مره
ابتسمت ليال بخجل واضح لدرجة أن خدودها صارت حمراء ..
دلال : يوو ذبتي خلاص .. والله صادقه افنان طلعتي موب هينة ..ماشاءلله
ناظرت فيها مشاعل بنظرات من فوق لـ تحت
رفعت حاجبها تغريد في وجهه مشاعل , لكن بسرعه تغيّرت نظرات مشاعل الى نظرات لطيفة : مره حلوه ..
ليال ناظرت فيه وبـ ابتسامة صغيرة : شكراً ..
تغريد : بنات تبون قهوة .؟؟؟
أفنان بحماس : لا بنأجلها لـشي مسوينه لكن سوبريييز
تغريد : واااو مسوي نشي لي .. وش
دلال : والله تحمسنا ممره انا وافنان نسويه .. عاد كل شي في وقته حلو
ليال : حمستوني ..
دلال : بنعلّم ليال .. بس انتي لو تموتين ماعلمناك
تغريد كشّرت : يا شينكم ..
مشاعل حطّت رجل على رجل وهي تقول : حمييييده .. جيبي مانكير حقتي
جت حميدة وفي يدها المناكير
مشاعل تأشر على اصبع رجلها الصغيرة : حطي مناكير هنا
كان المنظر بمثابة الصدمة لـ ليال و البنات مهما كان مفروض ما تجيب العاملة تحط لـ اصابع رجولها مناكير وسط البنات !
وقّفت دلال وهي تقول : تغريد غرفتنا زي ماهي
تغريد هزّت راسها : انا وانتي وليال
ابتسمت افنان : اخذتي مكاني
ليال ابتسمت بخجل : سوري
افنان وقّفت : تحسبونني بفككم بنقل اغراضي عندكم ..
ليال : حياك الله
تغريد : عاد نشبه بنت الحلال افنان غصب تنام عندنا
افنان : ام لورا تعوذي من ابليش لا تشيننين النفوس بيننا لا اكفخك انتي وبنتك ام خدود
توجّهوا لـ الاصنصير دلال وتغريد وافنان
افنان بصوت هامس : من جدها ذي جايبه الخدامة تحط لها مناكير وسطنا ؟
تغريد بنفس الهمس : الله لا يبلانا
..
مشاعل وعيونها على ليال : أنبسطتي
ليال ناظرت فيها وبصوت هادي : الحمدلله
مشاعل رفعت حواجبها الثنتين وبـ ابتسامة سخرية : تقبلوك بسرعه
ليال تكتّفت : زي ما انتي شايفة والله ..
مشاعل ناظرت فيها وهي تبتسم : ماشفت للحين .. بشوف ..
دخلت الجدّة وهي تبتسم : مشاعل .. ياهلا والله وغلا
وقّفت مشاعل وهي تمشي بشويش بسبب مناكير رجولها : هلا مامي .. شلونك اشتقت لك
الجدّة وهي تبوس مشاعل : لو انك مشتاقة لي تدلّين درب بيتي
مشاعل : ماما لطّوفه خلاص عاد
الجدّة وهي تجلس : وين البنيات ؟
ليال : راحوا فوق ..
الجدّة ناظرت في مشاعل : وين اخوانك عسى جا حمد ؟
مشاعل : كلمهم ماما لطيفة لا تشيلين هم
الجدّة : الله يحييهم .. وين مرت ابوك الجديدة ؟
مشاعل بعد اهتمام : قلت له لا يجيبها ..
الجدّة هزّت راسها : ضعيفة يا بنتي .. كان جبتوها تتونس مع البنيات كبرهم هي ؟
مشاعل : ايه يمكن ام ثلاثة وعشرين .. بيجيبها الليل
رفعت ليال حواجبها بـ استنكار ثلاثة وعشرين ! زوجة عمّها متعب الستيني عمرها ثلاثة وعشرين ! حتى اصغر من بنته
دخلت افنان وهي تركض : ماااامماااا لطيفه
ضمّت جدتها وباست راسها : شلونك ؟ وحشتيني والله افكر فيك واتصلت عليك قبل امس جوالك مقفّل
الجدّة لطفية وهي تبوسها : بخير يا امي الحمدلله .. المجحود جوّالي صار له يومين خربان, اتصلت على متعب ولدي ومن عقبها ما عرفت اشغله ابيك تسوينه له
افنان : ابشري على هالخشم
دلال قرّبت من جدتها وهي تبتسم : ماما لطّوفه ..
ضمّتها وهي تقول : يازين ضمتك .. شلونك طمنيني عنّك
الجدّة لطيفة وهي تبتسم : نحمدالله ونشكره .. انتن طمنّني عليكن ؟ شلونكن ؟
البنات بصوت واحد : الحمدلله بخير
الجدّة لطيفة : وين امك يا دلال ؟
دلال : بتجي يمه ..
دخلت تغريد وهي تقول بضيق : يمه عيّت تاكل لوراء وش اسوي فيها
الجدّة لطيفة وكـ العادة : يا بنتي انتي ماتفهمين .. البنيه صغيره معطتك كبراصبعي لا ما بغت تاكل خليها اكيد انها شبعانة
جلست لوراء : وش يدريني انا يمه اول بنيه هذي
ليال ابتسمت , ياحظّهم ماشاءلله .. كيف متوالفين مع امي لطيفة وكيف امي لطيفة , صايره صدق لطيفة معهم .. مسحت على يدينها زي كل مره تواسي فيها نفسها ..
..
في بيت ابو محمد
الساعه اربع العصر ..
في مكتب ابو محمد
سلطان : هذا اللي عرفته ..
ابم محمد ويه على لحيته البيضاء : عنده قضيّة تحرش في الفين واثنعش ..
سلطان هز راسه : هذا يا عمي وانا مابحثت اكثر .. هذا الملف اللي فيه القضيّة انسجن شهرين لكنّه طلع منها بسهولة ..
ابو محمد : وش ابي في ملفه .. خله يتقلّع .. ما عاد ينبغى وانا عمّك
سلطان وقّف وهو يقول : يعني ما عاد ابحث في
انطق الباب
دخلت الجوهرة وعليها طرحتها : آمر يبه ؟
ناظر فيها سلطان وفي يدّه الملف
ابو محمد : تعالي .. شوفي هاللي انتي جايبته لنا وش طلع وراه
الجوهرة بـ استنكار : مين
سلطان : خالد ..
الجوهرة ناظرت فيه بنظرات تعبت من الموضوع : وش فيه
ابو محمد : عطها الملف ..
سلطان وهو يتقدم لـ الجوهرة ويمد الملف : ابشر .
اخذت الملف , فتحته وقرت فيه
ناظرت في جدّها : قضية تحرش
ابو محمد : اشرح لها يا سلطان ..
سلطان ناظر فيها : ما بحثت عنه كثير لكن .. اول ما طلع لي انه مسجل في قضيّة تحرش
الجوهرة ناظرت فيه وبسخرية : انت اللي باحث , امداك ماشاءلله
سلطان رفع حاجبه بمعنى * وش فيه * : ايه ..
الجوهرة مدّت الملف لـ سلطان وهي تقول : ما اثق فيه يبه .. اكيد ماعرف يبحث او تشابه اسماء .. خالد محترم اكثر منّه
سلطان : ما اضن في محترم سجلونه قضية تحرش
الجوهرة ناظرت فيه و بـصوت طبيعي مشدّدّ : محترم اكثر منّك
ابو محمد : الـجـوهـرة ..
سلطان ناظر في الجوهرة : بكيفك . ما تبين تصدقين شي راجع لك انتي ..
الجوهرة ضحكت بسخرية : اكيد راجع لي
وقّف ابو محمد وهو يقول بغضب : بنكذب عليك ؟ ولا سلطان بيكذب علي ويلفق لـ الولد تهمة ..
الجوهرة بتوتّر : العفو يبه .. لكن ما اقتنعت
ابو محمد : عنّك ما اقتنعتي ... الملف قدامي والولد هذا ما يصلح لك ومن قبل لا يجي بكلّمه هو وابوه واطردهم
الجوهرة ناظرت في جدّها بنظرات مطولة : اللي تبي .. براحتك
سلطان ناظر في ابو محمد : تامر بشي قبل لا اطلع عمّي ؟
ابو محمد : حافظك الله .. خلّص الشغل اللي وصيتك فيه ..
سلطان حط يده على خشمه : ابشر قبل لا يصبح الصبح ..
ابو محمد هز راسه
طلع سلطان ..
الجوهرة ناغزها قلبها : يبه أي شغل
ابو محمد : علوم مالك فيها
الجوهرة اخذت نفس : طيب سامحني تعبت والله
ابو محمد بنظرات قوّيه : لا جا الوقت وشفت اني لازم اسامحك سامحتك
الجوهرة هزّت راسها : طيب ..
لفت متوجّهه لـ غرفتها , كيف خالد يسجّل في قضية تحرش .. مستحيل ...
جلست في سريرها .. اكيد ملفقها سلطان له .. اكيد .. خالد من سابع المستحيلات يكون متحرّش ..
....................
بعد صلاة المغرب ..
الجدّة لطيفة لـ البنات : يا بنات قوموا سووا القهوة ..
تغريد : يمه حليمة تسويها
الجدّة : كم بتسوي حليمة قهوة .. مليون قهوة بتسوي ..
افنان : يمه مفروض العيال يسوون لنفسهم موب حاله خدمنا يالله يكفوننا
دلال وقّفت وهي تقول : خلاص لا تعصبين يمه بقوم ..
ليال وقّفت : بروح معك
تغريد وقّفت : خذوني بعد معكم
الجدّة : ماشاءلله يوم قامت دلال قمنتن كلكن ... انتي يا افنان اجلسي عشان توقّفين لـ عماتك لا جو ..
افنان وقّفت : انا اساساً وضيفتي اني اوقف لـ عماتي ..
توجهوا البنات لـ المطبخ
تغريد بحلطمة : والله لو تشوفونهم كيف متكّين و الاكل داخل وطالع عليهم ولا شغله ولا مشغله
دلال بنفس حلطمتها : هذي شغلتهم في الحياة اساساً
ليال : يمه اموت من القهر اذا جلست اشتغل واللي قدامي مرتاح
دلال ضحكت : اجل وقت الفطور انصحك تموتين ..
تغريد : شفتي على كثر الخدم هذولا كلّهم .. والله جده ما تعترف فيهم لازم حنّا نقوم لو بس منظر
ليال : اقولكم شي .. لا تسون لهم اليوم الفطور .. خلوا الخدم يسوون لهم
دلال ناظرت فيها : المشكلة ان فيه مليون من عيال عمّانك ما يكلون من الخدم .. احمد اخو مشاعل ينهبل لو الخدامة لمست له شي .. و عبدالرحمن لو درا ان الخدامة ماسكة اكله انهبل .. وعمي يوسف ما يحب مره ...
تغريد وهي تاكل تشوكلت : لا تنسين سعود .
دلال : هاه ولا يهون سعود .. وش رايك
ليال بصدق : رايي ان كل واحد يطق راسه في الطوفة اذا مالقوا احد يعطيهم وجهه والله لـ ياكلون لا تسون شي اليوم خلهم يدرون ان الخدامات اللي مسوينه ..
تغريد : والله ماراح اقضي وقتي في المطبخ اطبخ لهم .. بس حرام حبيبي سعود ما ياكل ..
دلال : هيه .. اصص.. اذا بتقولين حرام تنقعي هنا وسوي لهم