[da3ooi]

طلعت مع بنت أخوها عند الشارع العام ينتظرو ليموزين وطبعآ بفضوله المعتاد مشى وراهم..


: خير أختي محتاجه مساعده
حنان: لامشكور >>وتباعدت عنه

: لا بس حنا جيران وشفتكم واقفين هنا قلت أوصلكم المكان اللي تبون

حنان: لا مــــ...
قاطعتها رنا: تسلم ماتقصر إذا تقدر تودينا المحكمه
: خير تفضلوا اركبوا السياره
حنان بعصبيه: رنا
رنا: عمتي شفيك عادي جارنا موب غريب تعالي أركبي



ركبوا السياره وطول الطريق يناظرها في المرايا..

<< فديت هالعيون العسليه
لكن لهالحين موب مصدق معقول عندها عيال كبار والله موب مبين عليها


وصلو المحكمه..
حنان: مشكور أخوي
: العفو أنا بانتظركم لين تخلصوا
حنان: لا مايحتاج راح نتعبك
: تعبكم راحه خلصوا شغلكم وانا بانتظركم هنا



أنتظرهم لين طلعوا وركبوا السياره..

: ها انشالله خلصتوا شغلكم
رنا بلقافه: أووووووه شغل المحاكم مايخلص خاصة إذا موضوع طلاق
حنان ضربت رنا بايدها وبصوت واطي: موب صاحيه
رنا: عادي شفيك
>> عمل حاله مايدري وانبسط كثير أن في حد بيسحب منه الحكي وبيعرف القصه كامله

: لاه لاه عسى ماشر عبدالعزيز مافي مثله
رنا: اسم الله علي موب أنا عمتي زوجها مغربلها لين قالت بس وموب **** يطلق عشان كذا رفعت عليه قضيه

: أهااااااا بس انشالله مافي عيال عشان لا يأثر الطلاق على حياتهم
رنا: مسكينه ياعمتي عندها أربعه زوجوها صغيره وابتلت


وظلوا طول الطريق يتكلموا وحنان ودها تذبح رنا من القهر واللقافه..


وصلو عند العماره اللي ساكنين فيها:
: تفضلوا وأي شي تحتاجونه أنا حاضر ومايردك إلا لسانك

رنا: تسلم مع السلامه
حنان نزلت من السياره وقفلت الباب بقوه..
: ياعيني عليها عصبيه كأنها كبريت
عرفتك يا... إلا صدق عرفت كل شي إلا أسمها..
يالله موب مشكله سهله علي أعرفها بطريقتي..



$$$$$$$$$$$$$$$




: رنا تراك زودتيها معه شدعوه من باقي أهلنا تحكي له قصة حياتي
رنا: ياعمتي ياحنونه أستهدي بالله لاتعصبي عادي خذيها بروح رياضيه وبعدين أنا أعرفه من خمس سنين أول ماتزوجت وتعودت عليه وبعدين تراه طيب

حنان: هو وش سالفته موب متزوج
رنا: سلمك الله مطلق
حنان: ليه
رنا: زوجته معقده وماتتعاشر لدرجة أنها دخلته السجن
حنان: صدق ليه وش مسوي
رنا: بعد ماطلقها شكت عليه أنه مايصرف عليها وماعطاها نفقتها أنسجن
حنان: الله أكبر عليها أعوذ بالله موب مرأه أنا مع أن سعد غربلني تغربل ومافكرت ولا راح أفكر أني أسجنه مهما كان عشان عياله
رنا: هم حتى عياله مانعته عنهم وإذا زارهم ماتخليهم يطلعون له قشره أعوذ بالله
حنان: أممممم




%%%%%%%%%%%%




: ياربي أنا شسويت في حالي ضيعت نفسي بنفسي بس أنا عاجبني هالوضع اللي أبيه يوصلني مكاني مقابل Xxxxxx‏ ‏ لكن سمعتي الكل بيحكي عن شرفي لكن عادل هل بيصدق ويتزوجني هو وعدني يتقدم لي بأقرب وقت لكنه دايمآ يتهرب ياربي ياربي شسويت بعمري ياربي

>> هالحين عرفت ربي بعد أيش وأمي غضبانه علي بعتها برخيص عشان نزوتي آآآآآه ياربي شسويت أنا شسويت

معليش خلني أعيش حياتي أصلآ أنا عاجبتني حياتي مغامره ووناسه وحفلات ورقص وهدايا وكل اللي طلباتي أوامر
وش لي بالهم والكدر وأمي تدبر حالها هالحين مرتاحه محد يتحكم فيني وبعدين موب أنا وحدي في هالطريق حتى ليالي على الأقل أعرف بس عادل وهي أكثر من خمسه حتى
حركات عندي خاله مشهوره ههههههههههه




%%%%%%%%%%%%%




#..ماأنساك لوتطلع الروح لأجلك..#

: قولي أنتي شرايك
البندري تكابر: وشو رايي أنا مالي دخل
ريماس: بس أنتي رايك أهم
البندري: هذي حياتك وأنتي ادرى
ريماس: بس أنا مابي الزواج أنا أحب الدنيا عشانك فيها مابوافق
البندري: على راحتك فكري زين وبعدين قرري
ريماس: فكرت وقررت يا الزواج عشانك أو مابي
البندري: كيف عشاني
ريماس: أيوه عشانك أصلآ إذا وافقت بصير قريبه منك أكثر خاصة أنك عارفه أهلي وتحكمهم فيني بالموت اطلع
البندري: بعد الزواج بتنسيني
ريماس: تتوقعي أتغير عليك مستحيل أنتي روحي ماعيش بدونك
البندري: غيرك قال وماوفى بتجي أنتي علاقتي بك ثلاث مدري أربع سنين بتوفي بوعودك
ريماس: تقارنيني بالجازي
البندري: الجازي وغيرها
ريماس: بس أنا غير
البندري: شلون غير انشالله
ريماس: انتي حبيبتي وقلبي وروحي وعمري وكل دنيتي
البندري: والجازي أختي بس كانت
ريماس: أنا قطعت لك وعد مستحيل أنساك تفهميني مستحيل والأيام بتثبتلك
البندري: نشوف يعني أنتي اصلآ موافقه
ريماس: واللي خلقك لوتقولي لاتوافقي ماوافق
قولي ريحيني إذا موب موافقه عادي عندي أصلآ مايفرق شي
البندري واثقه من كلام ريماس صحيح انها ماتتخيل ريماس مع أحد غيرها وان كان زوجها لكن هذي حياتها وهي موب دايمه علاقتها بها مهما كانت مدى قوة هالعاطفه: لا ياريماس وافقي
ريماس: من قلبك
البندري: من عقلي




%%%%%%%%%%%




: هلا
البندري: أهلين شفيه صوتك فيك شي
ملاك: ملانه شوي
البندري: أها فهمت
ملاك: وشو فهمتي
البندري: عشان نواف محتفل مع خالتي اليوم ورايح معها البحرين عشان عيد زواجهم
ملاك انصدمت وتحجرت دموعها في عينها: أيش
البندري: ليه ماتدري
ملاك: ومن وين باعرف
البندري: أهااااااا عارفه شعورك حبيبتي بس أنتي ماكان معك اليوم
ملاك تضحك من سخرية القدر لها: إلا كان عندي بس من خمسة أيام
البندري: ليه
ملاك: أبدآ مجرد أن كلمة الحق تزعل هالأيام أتصلت عليه كثير لكنه مايرد علي
البندري: وش صاير فهميني
ملاك: شيمو صورتني بالجوال
البندري شهقت: إيش مجنونه دي
ملاك: ولما شاف الصور حط اللوم علي وحملني أنا الذنب
البندري: وبعدين
ملاك: قهرني كلامه طعني في الصميم ومثل ماجرحني خليته يجرب كيف ينجرح وينهان
وبدأت نوبه البكي>> أنا تعبت منه صبرت بمافيه الكفايه من عرفته وأنا متعذبه ومهمومه مايوم أنبسطت معه وش ذنبي أنا إن كنت حبيته وأغليته يجازيني بالنكران خلاص ماعدت أتحمل شي ودي أموت وأرتاح


#..كل تمنى في حياته أماني
وأنا أتمنى أمنيه أني أموت..

#..مظلوم في دنيا بها الله بلاني
عايش ولكن عايش انسان مكبوت..

#..عايش ماعرفت الأماني
غصبآ علي أقبل أنا الظلم بسكوت..

#..الحظ ضدي والبشر والزماني
باسبابهم همي بدا يلوتني لوت..

#..حسره طوت قلبي وحزن طواني
الين حزني صار بالصدر منحوت..

#..حتى حبيبي خان حبي وحناني
وحط بفمي علقم وأنا مذوقه توت..

#..خان المحبه صار شخص أناني
وحرم علي حتى أتصل اسمع الصوت..

#..مدام صرحي انهدم مع كياني
وش تنفع الصرخه أذا فايت الفوت..

#..الموت أرحم من حياتي أعاني
ولو ظني في أرحم علي من الموت..


$..يازينها لاصار جسمي بتابوت..$

#..يارب حقق لي أنا هالأماني
أرجيك يامنجي نبيك من الحوت..

#..مدام مسموحه لنا الأماني
عندي امنيه وحده ودي..

$..أمــــــووووت..$



: طيب أنتي أهدأي هالحين وخمس دقايق وأنا عندك




###############




وصلت البندري...

حضنتها ملاك تبي تفرغ همومها عند أي أحد..
: خلاص أرحمي حالك أنا هالحين أتصل له وأتفاهم معه

أخذت البندري جوالها واتصلت عليه وخلته على السبيكر..

: هلا البندري
البندري: أهلين مشغول..؟
نواف: لا آمريني بغيتي شي
البندري: محد معك
نواف: إلا خالتك معي تدري اليوم عيد زواجنا وقلت أخليها تنبسط وتغير جو رحنا البحرين

>> لما سمعت ملاك كلامه ماتحملت وصارت تبكي مسكت البندري إيدها عشان تسكت شوي..


#..متى ماجات لك على الكيف أتصلت
ومتى ماودك كذا ماتتصل..

#..ومتى ماطقت براسك زعلت
حتى ولو مابه داعي للزعل..

#..واذا عارضتك على حق انفعلت
وقمت احس انك من مزوحي تمل..

#..واثر يوم انك تتعمد ماسألت
اثر لك احباب عن حبي بدل..


البندري: أهااااا وملاك
نواف: شفيها
البندري: أنا اللي أسألك عنها
نواف: مدري عنها
البندري: ليه موب زوجها
نواف: زعلان منها
البندري بانفعال: هي اللي مفروض تزعل
نواف: حكت لك شي
البندري: بدون ماتشكي لحد حنا نشوف حالها خطوبه مثل كل البنات ماحست شهر عسل بس أسم وأنت دايم مع ربعك ومخليها في الفندق لحالها وبعد ماوصلت البلد تحملها ذنب زوجتك مع أنها مظلومه حرام عليك
نواف: موب عاجبها هالوضع
البندري: أكيد محد يعجبه
نواف: دام موب عاجبها أجل كل واحد بطريق وطلاقها بيوصلها


ملاك شهقت وصارت منهاره من البكي >>


البندري: بعد كل شي بكل بساطه تطلق
نواف: أنا محد يتحكم فيني وقولي لها يا أنها ترضى بالواقع أو بيت أهلها موجود



: أكرهــــــك أكرررهــــــــــــــــــك

خلاص ماعدت أبيك ما أبيك أكرهك أكرهك أكرهك


وصارت تضرب حالها وتكسر أي شي تشوفه قدامها..

والبندري تحاول تهديها لكن مافي فايده..


: خلاص خذ اللي يبيه والحين بكل سهوله مايبيني بعد أيش بعد أيــــــــــــش


وطبعآ نواف يسمع صراخها وكلامها..


قفل الخط..

: محد قالك تزوج أنت جبتها لنفسك

نواف: أنتي اللي حديتيني على الزواج


>> هذا اللي قدرت عليه يانواف وإلا تراعي مشاعرها..




: ملاك أهدأي وفكري بمصيرك هو خيرك وأنتي قرري

ملاك: شسوي أحبه
البندري: فكري بمستقبلك بحياتك وش راح تكون يا مطلقه بعد شهر من زواجها والناس ماترحم بيألفوا ألف حكايه عنك وبيطلعوك الغلطانه
أو ترضي بهالواقع المر وتصبري لين يجيك الفرج ويمكن يتغير

ملاك: أنطعن في اليوم ألف طعنه ولا أبتعد عنه
المشكله حبه باليني مقدر أعيش بدونه أحس بالضياع




%%%%%%%%%%%%