روايتي الاولى اذا ذاب القلب
البارت الثالث الجزء الأخير
شبك يده بيدها وفتح الباب :حبيبتي لا تخيبي ثقتي فيكي
ياقوت تضغط على يده :أوعدك أكون مثل ما تبي نزلو وكانت داخله جرتهم على العماره
الجاره :مساء الخير يا عروسه
ياقوت بصدمه (عروسه اوووووف أكيد قال لهم أني زوجته الكذاب انا اوريك يافيصل ) وبعد سكوت دام ثواني بهدوء:مساءالنور انا ياقوت (تركت يده ومدت يدها )
الجاره تصافحها :وانا ام عزام حبيبتي اذا احتجتي اي حاجه بس دقي الباب علي اعتبريني مثل أمك ما يردك الا لسانك وإذا تبين شئ من البقاله قولي لي اعيالي على طل بالبيت
ياقوت :ان شاءالله خالتي تشرفت فيك عن إذنك
الجاره ام عزام :إذنك معك
ياقوت مسكت يد فيصل ومشت معه فيصل بهمس :كان راح يوقف قلبي لما سكتي
ياقوت بضحك :انا عند وعدي
فيصل ابتسم :دخيل إللى قد وعده
ياقوت أخذت نفس عميق من زمان ما شافت الشارع :حبيبي وين السيارة
فيصل يمشى ويده بيدها وفتح السيارة :هذي سيارتي وش رأيك
ياقوت بفرح :وااااااو وأخيرا راح اركب همر
فيصل يضحك ويأخذها عن الباب الثاني وفتح الباب :بنت فضحتيني اركبي
ركبت وهي تلف برأسها وجسمها وتناظر داخل الهمر :يجنن
فيصل شغل السيارة :ليكون عينك حاره اذكري الله
ياقوت تضربه على زنده :انا الحسود مووو انا
فيصل يضحك من قلبه :وربي بزر
ياقوت بزعل لفت على الشباك :لا تكلمني
فيصل بهدوء :حبيبتي أسف كنت امزح معكي
ياقوت تناظر الشارع :قلت لك لا تكلمني
فيصل مسك يدها وبسها :اذا نويه تخربي الطلع نرجع على البيت الحين
ياقوت بعصبيه تمسح يدها بعبايتها:والله ما ترجع البيت
فيصل بهدوء :لأنك مسحتي يدك برجعك البيت
ياقوت تلف عليه :انا حلفت ما ارجع ومسحت يدي لأنك جربان
فيصل بعصبيه لف باشر على نفسه :انا جربان
ياقوت تهز راسها بنذاله :اي انت في احد غيرنا بالسيارة
فيصل يكبر عقله لانه يعرفها تبي تتهاوش معه :يعطيكي العافيه
وشغل المسجلة على أغنية
اسمعني
إسمعني إسمع آخر شي عندي وبعدها سو اللي ودك
لحظة لحظة لا تودع وقبل لا يجرحني حكيك
أبغى أقول إني أحبك وانت لسه اللي عشقته
قبل لا دمعي يغير وجهك اللي بك عرفته
وماابي اسال وش حصل ومافي داعي للامل
مستعجل حبيبي يمضي عمري مو معاك
خل هاللحظه وانت لسه في عيوني ملاك
مدري باكر وش بيوجع من كلامك من جروحك
وانا لها الحين يشفع قلبي ويقدر ظروفك
مااقدر أوقف لك في دربك دام بعدك باختيارك
واللي خلى في قلبي حبك ما يطول انتظارك
لسه في قلبي كلام قبل جرحك ابتسام
قبل العين تدمع وتنطفي لحظه لقاك
ودي الوقت يوقف وانت في عيوني ملاك
ياقوت صارت تغني مع الاغنية بهمس يادوب فيصل يسمع وهي تناظر الشارع
وقف السيارة :وصلنا
ياقوت تعدل نقابها
نزلت ومشى قدامها بدون ما يعطيها وجه جلسو بجلسه خاصه لان الجلسات مقسمات بجدران قصيره بحيث إللى داخل الجلسة يأخذ راحته
فيصل وبعد ما جاهم الطلب :نزلي النقاب
ياقوت نزلت النقاب :ريحت المعسل بالتفاح تجنن
فيصل يطالع لها بصدمه :وش رأيك تجربي
ياقوت :اجرب ايش
فيصل بمسخر :يعني ايش الشيشة
ياقوت بفرح :بجد
فيصل بعصبيه من بين اسنانه :حلم ابليس بالجنه يا قليلة الأدب
ياقوت بملل :انت إللى سالت وبعدين عادي اغلب البنات يشيشون مافيها شئ ولا حلل على الرجال وحرام على البنات
فيصل يحول يضبط أعصابه قبل ما يكفر فيها :إنتي ناويه تجننيني
ياقوت هزت راسه بلا :أبدا ترى انا جربتها من قبل ببيت صديقتي
فيصل بعصبيه :ولا كلمه
ياقوت سكتت شوي ولما حست انه راق :اطلب لي شيشه بالتفاح
فيصل مسك يدها وضغط عليها بقوة وبهمس :بس نوصل البيت اعلمك دروبك
يا قوت بالم وبهمس :اترك يدي قاعد توجعني
ترك يدها ورجع يشرب من عصيره
ياقوت لبست النقاب :قوم ابي الحمام وبعدين البيت
فيصل يولع زقاره ووقف :روحي وانا انتظرك برا
ياقوت مشت وراء فيصل ودخلت على الحمامات وهو ضل ماشى فكت طرحتها وفكت شهرها تبي تسويه ما حست الا باللى يكتهم انفاسها بكفه ناظرت المرايا تبي تشوفه وصارت تبكي وهو يهمس بإذنها :ياقوتي لا تخافي انا هنا عشانك
فيصل وهو يشوف الساعه :فيصل
رفع عيونه :تاخرتي
ياقوت :خلينا نمشي
طول الطريق ساكتين
اول ما دخلت البيت على طول غرفتها واستمر وضع السكوت ايام
حطت الاكل قدامه :بس تبي شئ دق بابي
فيصل :اجلسي بقول لك شئ مهم
ياقوت جلست :قول
فيصل بهدوء :انا تزوجتك
ياقوت (صح النوم ) تدعي الصدمه : متى تزوجتني
فيصل :بعد ما بستني الجنيه من شفايفي بيوم
ياقوت وقفت :عن إذنك
فيصل يمسك يدها :لسى ما خلصت كلامي
ياقوت :انا مشغولة وانت
فيصل قاطعها :ابي نكون زوجين
ياقوت تسحب يدها وحطت يدهاعلى رقبته ونزلت لمستوى فيصل :خذ إللى تبيه لان ما عاد تعنيلي الحياة شئ
فيصل بهمس :اجلسي يا زوجتي
ياقوت جلست بهدوء مد لها علبة الدخان المفتوحه :تفضلي
ياقوت رفعت عيونها :مشكور انا ما ادخن
فيصل ما زال مد لها :لا تكذبين يا سراقه خذي
ياقوت عرفت انه مافي مهرب وبعصبيه :ما ابي اشرب قدامك مووو غصب
فيصل ابتسم ورمى العلبة جنبه بعد ما ولع زقاره :ترى أدري من زمان انك تسرقني وريحتك تذبح
ياقوت تكتف أدينها :شم ريحتك قبل ما تشم ريحتي وما لك اي علاقة ان شاء الله اشرب مخدرات
رمى عليها علبة المناديل :ليش ما تبين تدخنين قدامي تخافين مني
ياقوت جلست وسحبت الزقاره من فمها وحطتها بين إصبعها وسحبت منها ورجعتها له سحب منها ومدها لها ياقوت :ما ابي اشرب
فيصل بروقان :برحتك بس لا عاد تسرقني خذي قدام عيوني
ياقوت :انت متخلف
فيصل ابتسم :اي والله لو ما كنت متخلف ما كنت تزوجتك
ياقوت بغرور:ما طلبت تتزوجني
فيصل بهدوء :من متى تدخني
ياقوت باستهبال:يعني من متى من لما شفت زوجي القدوه يدخن
فيصل حط يده على ظهرها :لهذي الدرجه نفسيتك زفت
ياقوت تبعد يده :يا ليل ما أطولك
فيصل باهتمام :ياقوتي انا مزعلك
ياقوت وهي مبوزه :ابي انام
فيصل :جوبي حبيبتي
ياقوت ابتسمت وبغصه وشفيفها ترجف :لا
وصارت تبكي وغطت وجها بيدنها ضمها بقوة وبهمس :ابكي راح ترتاحي
وبعد خلصت ونشفو دموعها راسها على صدره وماسكه قميصه بقوة :ارتحتي
همست بصوت مبحوح :ما ادري
باس راسها :وش رأيك نسافر على كندا او دبي نغيري جو
ياقوت بنفس الهمس :قلبي يوجعني
فيصل وهو يمسح على ظهرها :سلمت قلب حبيبتي
ياقوت تبعد عنه وتضم رجلينها لصدرها :اشتقت لاهلي ابي أشوفهم
فيصل بهدوء (ياربي استر تبي تشوف اهلها الميتين أكيد راح تنتحر ):ياقوت تدرين اذا لا قدر الله انا صار لي شئ وتوفيت راح انتظر بالقبر لين ما تقوم القيامه وما راح اشوف احد
ياقوت ناظرت فيه :استغفرالله وش جاب سيرة الموت
فيصل حط يده على كتفها وقال من الاخر :إنتي قاعده تفكري تموتي
ياقوت :أبدا ما فكرت أني اموت ليش فتحت سيرت الموت
فيصل ابتسم :ان شاء الله تشوفي اهلك بالفردوس الأعلى
ياقوت ابتسمت :أمين وياك
فيصل :تبين تشوفيني بالجنه
ياقوت :لا ما ابي لاني قاعدة أفكر اتزوج من شباب الجنه
فيصل يكتم ضحكته :والله ما اخليكي لا بالدنيا ولا بالآخرة
ياقوت :لا انت نشبه بجد انا رايح انام
فيصل :تغطي زين
ياقوت توقف :ان شاءالله
فيصل يوقف :لحضه
ياقوت :خير
فيصل باس خدها :الخير بوجهك تصبحي على خير
ياقوت :وانت من أهله
راحت على غرفتها وقفلت الباب وبهمس :يا ربي سامحني على إللى راح أسويه هو ما يستاهل
ثاني يوم دخلت على غرفته بسرعه :فيصل فيييصل
ناظر فيها :حبيبتي وش فيكي
ياقوت تجلس ومسكت يدينه :امس قلت انو رايحين نسافر
فيصل ابتسم :يعني كل هذا الحماس عشان السفر
ياقوت ابتسمت وبدلع :اناااا ابي اروووح بس لزم نروح على مكه
فيصل ذاب وزادت ابتسامته وأشر على عيونه :من عيوني إنتي بس امري
ياقوت بفرح وبعدها نروح على المدينة المنوره وبعدين الهدى و
فيصل يقاطعها :هذول يكفو بكرا اروح على الشغل ادبر أموري ونسافر الظهر
ياقوت تجلس مثل الحورية :انا ما أحب اكل الاستراحات لان المطاعم خقتهم خايسه لزم نشتري من السوبر ماركة معلبات وفواكه عمرها طويل وأغراض سفري
فيصل يتعدل :لا اذا كذا انا ما راح اسافر معاكي بالسيارة
ياقوت :انت قوووم السوق وانا راح أتولى كل شئ بلييييز
فيصل انسدح ورأسه على فخذها :مووو الحين انا تعبان
ياقوت تقرص خدوده :قووووم أيها الشايب ما ينفع نسوي كل شئ بكرا
فيصل يمسك يدينها :يا بز لهنا وبس ممنوع تقرصين خدودي إحتراما لعمري
ياقوت رجعت تقرصه وبضحك :اذا ما قمت راح اقطع خدودك
فيصل بالم :بنت خلص وجعتيني
ياقوت تضغط اكثر :تقووووم ولا لا
فيصل :آآآآه خلص استسلم انتصرتي
ياقوت تركته قبضت يدها ورفعتها فوق :يس النصر للنساء
فيصل بالم ويدينه على خده قدام المرايا :غداره
ياقوت توقف جنبه :يا حياتي خدودك حمرا دخيل الخجلان
يفصل يفرك خده:اي تطنزي بعد روحي اللبسي قبل ما أغير رأي
ياقوت وقفت على روس أصابعها وباست خده ونزلت اقدامها على الارض :أسفه
فيصل يحوط خصرها :لا تتاسفي لو تذبحيني يكون قليل
ياقوت استغربت من حكي فيصل :ليش
فيصل ابتسم :يهمك تعرفي
ياقوت (تجرائي هذي فرصتك)حطت يدينها على كتوفه :أكيييد
فيصل :ندمان لاني ظربتك وحبستك وظلمتك بدون ذنب أسف
ياقوت :خلينا ننسى الماضي لان غلطت وانا اجرحك بكلامي القاسي
فيصل ابتسم :من قلبك
ياقوت عضت شفيفها ورفعت راسها اكثر :من داخل قلبي
انحنى لها و....................
.................*_^...............
.....................................
في مركز الصيانه
بدر :لا ما اقدر عندنا ضغط بالشغل ولزم تروح تقابل الزبون
فيصل عصب :بدر بس ثلاث ايام وبعدين أسوي إللى تبيه ان شاءالله اشرف على توزيع البضاعة
بدر :فيصل افهم الحين مووو وقت راحتك
فيصل جلس :بس انا وعدتها نسافر
بدر ابتسم :فيصل لا تصير خروف ضبط الأمور بهديه وكلمتين معسولات
فيصل يهز راسه :بدر من الاخر تسمع لي ونضل بالسليم ولا اروح غصب
بدر يوقف :الزبون ما يرضى الا يتعامل معك
فيصل :حريقه تحرقه ابي اروح مالي شغل تصرف معه
بدر يضحك :انت غرقان أيها العاشق الولهان
فيصل يرمى المناديل عليه :لا تخليني أندم أني قلت لك
بدر بعد وتفدا العلبه وبضحك :انت مصاحبها ولا متزوجها
فيصل :وش اصاحبها أمني مجنون
بدر يجلس :جيبها تتعرف على العائله الكريمه
فيصل يوقف :لسى ما جاء الوقت المناسب ما صدقت أمي سكتت عني ونست
بدر :اي والله بس أتوقع قاعده تخطط تزوجك
فيصل يوقف :تبي شئ يوم الخميس ان شاءالله ارجع
بدر يفتح الدرج :يا ولد انتظر
فيصل يلف وبزمره :ولد بعينك
بدر :انتظر اعطيك افلوس لا تفشلنا قدام المدام
فيصل :مشكووور معي إللى يكفيني وطلع
ياقوت مرجعه الكرسي لآخر شئ وماده رجلينها فوق :خلص يا لائيم
فيصل :اقول لك نزلي رجولك
ياقوت بصراخ :والله ما انزلها الطريق طويل لزم ارتاح
فيصل :ياقوت اقول لك نكته
ياقوت تناظر فيه :اي اي بالله قول
فيصل :اممممم هذي وحده متزوجه وعندها عيال سالت زوجها راح تتزوج بعد ما اموووت قال لها لا قالت له حبيبي حرام لزم تتزوج عشان عيالنا وافق الزوج ورجعت سالت راح تجيب لها ورد جوري
قال لها لا هي تحب ورد الأقحوان
ياقوت تضحك :الكلب حسبي هههههه الله عليه هههههه حيوااان
فيصل يضحك :ان شاء الله بعد ثلاث سنوات أصير معرس
ياقوت تظرب كتفه :والله أذبحك
فيصل يضحك :حبيبتي هذا شرع الله
ياقوت بزعل :اي حلل اربعه بس مووو بدون سبب تتزوج وش الحجه يا الشيبه
فيصل ابتسم :اي شيبه وهذا السبب اجدد شبابي
ياقوت ترفع يدينها :يا رب أكون الاولى والاخيرة بحياتك
فيصل يمسك يدها وهو ميت من الضحك :لا تدعين حرااام عليكي
ياقوت بغرور :تحمد ربك رضيت فيك شايب ومنتوف
فيصل :الحمدلله الفلوس اخر همي
ياقوت :تشرب شاي ولا قهوة
فيصل يتثوب :قهوة
تمد له الكوب :فيصل
أخذ الكوب :الله يسلم يدينك
ياقوت :ا..انت تحب من ايام الجامعة صح
فيصل :لا مو صح ومن وين جبتي هذا الكلام
ياقوت :مستحيل واحد بعمرك ما جرب الحب وبالذات انت عايش برا سنين
فيصل نزل الكرب ومسك يدها وهو يبوسها :والله العظيم إنتي اول حبيبه بحياتي
تتوقعو/ مين الرجال إللى شافته ياقوت بالحمام وليش ياقوت تغيرت وصارت تتقرب من فيصل
انتهى بانتظار ردودكم وتوقعاتكم
ابي اشوف تفاعلكم
|