بسم الله الرحمن الرحيم
البارت الاول
قاعده تمشي هي وصحبتها يوم النتايج بالساحه
مها:لو عرفو شيقولهم ؟؟؟؟؟؟
اروى :نفس اسطوانة كل سنة
مها :لاوالله خايفه هالمره محذريني
اروى:تستاهلين قلتلك اهلك هالمره محذرينك رميتي ورا ظهرك
مها:ياشيخه بقولهم وبس بيزعلون شوي وبيخاصمون ويومين ترجع الامور
تعريف بببطلتنا مها((((انسانه عايشه حياتاها ماهمها لا دراسه ولابطيخ فالتها عالاخر ماتحسب حساب لآي شي الي يطق براسها تسويه عمرها 17 وهذي السنه كانت ثاني ثانوي
بالبيـــــــــــــــــــت
ام محمد (ام مها):هذا اخرت الدلال كان رسبتي احسن
مها:شدعوه يمه هذا اخرت الدلال واماني عارفه ايش وبعدين لا رسبت العام بعدين سويت دور ثاني ونجحت
ام محمد:وتراددين بعد
بدخول ابو محمد:شفيكم ليش اصواتكم عاليه
ام محمد: ماتشوف بنتك كان باقي تكه (دزه)وترسب محد بموتني ناقصه عمر غيرها
ابو محمد:نعم نعم وليش انشالله ماذاكرتي وجبتي نسبه عدله وهذا وان محذرك رح يكون لك عقاب لاكن والله لاتشوفين
مها:دادي روق اصلا فترة الامتحانات ماكان ليا نفس اذاكر
ابو محمد:ليش من متى وانتي يصيرلك نفس تذاكرين
وطلع وهو معصب
مهابنفسها:يعني نهايتها بترضون
**مو بكلـــــ مره تسلمــــ الجره**
بشركة ابو محمد وشريكه ابو سعد
دخل ابو سعد بعد مااستأذن من ابو محمد
ابو سعد:السلام عليكم
ابو محمد :........................(مسرح)
ابو سعد :الســـــــــــــــــــــ� �ـــلام
ابو محمد : (قام من سرحانه) هلا هلا ابو سعد حياك تفضل
ابو سعد :علامك ياخي مسرح فايش تفكر ترا يقولون كثرة التفكير تشيب الراس
ابو محمد:وهو يعني ماشيب شيب وانتهى
ابو سعد:لاتقول كذا ترا عادنا شباب (كمل بجديه )شفيك ياخي
ابو محمد (تنهد) شقولك ياخوي هم البنات لين الممات محد بيموتني ناقص عمرغيرها
ابو سعد:اذكر ربك
ابو محمد:لاالله الا الله
ابوسعد:وبعدين محد متعبك غير هالمها (ابو سعد يعرف مها من يومها ضغيره ويعتبرها وحده من بناته)شمسويه
ابو محمد:ياخي ماهي مهتمه بشي غير اللعب ومافي عقاب ماعاقبتها اياه لكن مافيه فايده وهالمره كانت بترسب
ابو سعد:انا اعرفلهم البنات ياتشيل التلفزيون عنها ياتمنعها تطلع
ابو محمد:مانفع معها شي
ابو سعد :انا عندي حل يعقلها
ابو محمد :شنو
ابو سعد : زوجها
انتهى البارت ادري قصير بس هذي بداية الرواية وانشالله البارتات الجايه رح تكون اطول
اتمنى ان البدايه تكون عجبتكم لاتحرموني من توقعاتكم وارائكم وممكن انتقاداتكم
اذا شفت ردود رح اكمل