،
،
بدا الشتاء يرسل مراسيله .. وبدا الليل يطول .. وبدا الجو يحرض على الحُب والقصيد .. ويملأ الصدور بـ الحنين .. ابخرة الآكواب .. جمر المدافيء ..سحاب ومطر .. وريحة الصوف العتيق .. ومن يسهر ليل الشتاء الطويل ؟.. الا عاشق ينتظر موعد .. وبينتظر حتى الفجر ..
:
جلست غادة على كرسي في حديقة بيتهم تلف نفسها بـ شال خفيف .. اليوم خميس وماجد مسافر تشعر الليلة انها وحيدهـ... تعودت عليه او حبته؟؟..
رغم الوقت الطويل الي يقضونه في المكالمة ما قدرت تتحرر من عدم الثقة في احد لذا من اول مكالمة للمكالمة الاخيرهـ ما يعرف عنها شيء ..
احيان يتصل عليها من رقم غريب او رقم خاص او رقم خارجي في كل مرهـ يسافر ويكون مشغول تكون في باله يكلمها دقايق ويسكر ..
ابتسمت غادهـ وهي تفكر رجل اعمال بـ حجمه يلقى وقت لها .. ويستميت عشان يخلق دقايق يكلمها فيها وغاده في قرارة نفسها كانت سعيده باهتمام شخص مثل ماجد خاصة انه ما يخفي اعجابه بأرائها او سوالفها او صوتها .. ولا يكدر هذي السعادهـ الا شيئين ؛
النظر لوالدتها واحساسها باستغفالها ..
وإلحاح ماجد على الخروج معه ..
" ماجد ؛ انتي تدرين كم عمري ؟! انا اكلم بهذا الشكل بدون ما شوفك ؟
غادة ؛ للأسف ما قدر ابداً
ماجد ؛ غادة خلينا نطلع لمكان عام كوفي او مول
غادة ؛ لا تضغط علي يا ماجد اذا ما قدرت اسوي الصح خلني على الاقل اسوي نصف الخطأ ..
سمعت زفرته وعرفت انه غضب ؛ طيب على الاقل خليني احط لك هدية في اي مكان خاطري اهديك !!
غادة ؛ لا
ماجد بعصبية ؛ ليه !؟ عطيني سبب
غادة ؛ اذا اخذت منك شي فقدت الندّيه معك
ماجد ؛ الندية !!!
غادة ؛ اي الحين احنا متساويين في العلاقة اذا اخذت انا وعطيت انت صرنا غير متكافئين !!
ماجد ؛ انتي دايم كذا والا بس معي ..
غادة : بما اني ماعرف غيرك ولاكلمت غيرك فماراح اعرف .."..
هل كلام صديقتها صحيح هل تعلقت في ماجد لانها تفتقد لرجل كبير ..؟؟
هل انجذبت له عشان قوته الي تحس فيها حتى من خلال مكالمته ؟؟..
او تسلل لقلبها لانه في لحظات يتغير من شخص قوي لعاطفي صوته الخافت يأسرها والتحفظ في التعبير معه يخليها تضغط على الجوال تحتاج صوته يتخلل مشاعرها :
"
: غادة ! انا اعرف ليش اكلمك ؟ بس انتي ليش تكلميني !؟
؛ احتاج اكلمك ؟ ولاتسأل ليه فقط احتاج !
؛ لإيش بـ الضبط تحتاجيني ؟ وش اكون في حياتك غدو ؟
؛ كن صديقي !
........
من انت؟
كالضوء مررت، كخفق العطر، كهزج اغانٍ شعبيه
من انت؟
من انت؟ زرعت بنقر خطاك الدرب وروداً جوريه
من انت؟
كالضوء مررت، كخفق العطر، كهزج اغانٍ شعبيه
ومضيت شراعاً يحملني كقصيده شمس بحريه
ومضيت شراعاً يحملني كقصيده شمس بحريه
لوعودٍ راحت ترسمها احلام فتاه شرقيه
لوعودٍ راحت ترسمها احلام فتاه شرقيه
احلام فتاه شرقيه../
تقلب ماجد الغريب يخليها تتخذ من الردود الذگية مخرج لها في محادثاتها معه العاطفي والعصبي والمتكبر لكن اذا كان الشگاگ او الغيور تجد ان حتى الردود الذكية والدبلوماسية ماتگفي ...
دائم تستغرب رسائله لها وينك ؟ ليه ماتردين !؟ من عندك !؟
عصبيته وصراخه اذا ماردت عليه او تجاهلت مكالمته .. تخليها تعاقبه بتجاهله طوال اليوم
مايحق له يصرخ عليها او ينتظر منها الإذعان والخضوع .. لكن احيان تشعر به يضغط على نفسه ويحافظ على كبريائه بتجاهل عقابها له ..
ودائماً ماكانت تكره فيه التسلط المالي الي يمارسه عليها ابتسمت ؛ ( اعتقد انه بحكم حياته المرفهه يعتقد ان الشعب مثله )
: ليه مارديتي ؟
؛ كنت مشغوله
؛ في ايش !
؛ اغسل ملابس !
بإستغراب : انتي !؟
غاده بضحكة : صدق او لاتصدق نسبة السعوديين الي بدون خدم او عماله ٤٥٪
..
محاولته في اغداقها بالهدايا مضحكة
ومحاولته الوحيده في شحن هاتفها بائت بالفشل
لانه ارسل لها مجموعة ارقام بطاقات شحن
ورجعت ارسلتها له
: ليه ارسلتيها
: يعني ارجعها لك
: استخدميها
؛ ماحتاجها
..
عرفت كل حالات ماجد كلها خاصة ماجد المستميت لمداراة ضعفه امامها ..ولامره تبادلوا كلمات الحب بشكل صريح ولامره نطق احبك الا بمزح او لأغاضتها مع ذلك تسمع لهفته لأي كلمة منها .. وضحكه بجذل اذا قالت له ؛ اممم اعتقد انك شخص مثالي للحب ..
:
يتبع
|