[لامارا]

(( البارت الثالث والعشرون ))

.... مشت زينه عشان بتروح عند الاستقبال وكانت منزله راسها وبدون ماتنبته صقعت في جسم صلب وطاحت الورقه الي عندها . رفعت راسها تبي تشوف مين هالشخص وانصدمتتتتتتتت .

الشخص : اسف يا اختي ..
زينه للحين مصدومه ومو مستوعبه الي شافته !

الشخص وهو ماسك الورقه الي طاحت منها : تفضلي ورقتك .

زينه للحين مصدومة وحست انها مو قادره تتحرك من الصدمة كانت دموعها تطيح مثل الشلال .


الشخص استغرب ولما ناظر عيونها استغرب اكثر وحس بأحساس غريب .

الشخص بستغراب : لو سمحتي فيك شي ؟ .... وحط الورقه علئ الطاوله الي جنبه وطلع ..

زينه وهي تبكي ووصوتها رايح من البكي : انتظر انتظر .... ووقفت لما سمعت عبير تناديها ..

عبير من بعيد شوي : زينه .
زينه لما سمعت صوت عبير رفعت يدها بسرعه ومسحت دموعها وقالت بصوت مبحوح شوي : هلا .
عبير بستغراب وهي تناظر عيونها : زينه وش فيك ؟ وقالت بصدمة : كنتي تبكين !
زينه بكذب : لا وليه ابكي . المهم وش فيك ؟
عبير وهي مو مصدقه : مغذي مشعل خلص وكنت ادور الدكتور ولقيتك واقفه هينا .
زينه ؛ اها طيب تعالي بجي معك ...... وناظرة وراها بحزن . يمكن تشوف هالشخص الي شافته قبل شوي .

عبير شافت زينه تناظر ورا وقالت بشك : زينه متأكده مافيك شي ؟
زينه وهي تجر عبير : اي متأكده يلا تعالي ..

في غرفه مشعل :

الدكتور : الحمدالله علئ السلامة .
مشعل : الله يسلمك .
الدكتور : بس ما اوصيك يامشعل التزم باالعلاج الي عطيتك واذا نسيت قول حق زوجتك تذكرك .

زينه استحت مره وقالت ؛ ابشر يادكتور .

مشعل ابتسم من كلامها . بس حس انها فيها شي .
عبير وهي تكلم ام مشعل : اي يمه حبيبتي لا تخافين احنا جايين ...... يايمه مافيه داعي تجين اقولك جاين .... وقالت بتعب : مشعل امي تبيك .
مشعل : الووو هلا نبع الحنان .
ام مشعل بفرح ؛ حبيبي مشعل وش فيك وش يألمك قولي.
مشعل : مافيني شي حبيبتي سلامتك بس شوية تعب .
ام مشعل : طيب حبيبي ليه ماترد علئ جوالك؟
مشعل : يمه حبيبتي اذا جيت اقوولك كل شي يلا احنا بنطلع الحين باي .

وطلعو من المستشفئ وشافو السواق .

عند زينه الي كانت سراحانه وماكانت تبي تطلع من المستشفئ بسبب الي شافته كان كل تفكيرها وعقلها فيه ..


مشعل حس انها سرحانه وفيها شي مو طبيعيه وقال : زينه .
زينه : نعم .
مشعل ؛ وش فيك اركبي .

ركبت زينه السيارة وناظرة النافذه .

وبعد نص ساعه وصلو البيت :

ام مشعل وهي تضم مشعل : حبيبي ولدي بسم الله عليك ...... تعال اجلس .

مشعل : لا تخافين يمه مافيني شي .
ام مشعل : ليه ماترد علئ جوالك خوفتنا وين كنت .

عبير بمسخرة : يمه لو تدرين وين كان راح تموتين من الضحك .

مشعل قالها كل شي :

ام مشعل بصدمة : كنت محبووس بالحمااام ؟ طيب كيف طلعت؟

الكل سكت .

مشعل بكذب : ابو علي السواق .
ام مشعل : طيب حبيبي الحمدالله علئ سلامتك .
مشعل : الله يسلمك .
ام مشعل : يلا روح غرفتك لازم ترتاح الحين . زينه حبيبتي .
زينه : لبيه .
ام مشعل : خذي مشعل غرفته عشان يرتاح .
زينه وهي تقوم : طيب .

دخلو الشقه ..

زينه : تبي تروح الغرفه ولا تجلس هينا ؟
مشعل وهو يناظر زينه بشك : لا الغرفة .


ادخلو الغرفة وجلس مشعل علئ السرير وزينه غطته بالحاف وكانت بتطلع بس سمعت مشعل يقول :

مشعل بنذاله : اكيد كنتي مبسووطه .
زينه وهي تلف وبصدمة : ايشش؟!
مشعل بحقاره وبعصبية : اكيد كنتي تتمنين اني ما ارجع عشان يحلالك الجوو صح !

زينه عصبت من كلامه تذكرة السهر والخوف علئ مشعل وقالت بعصبية وقهر من كلام مشعل وبكذب : اي اي ماكنت ابيك ترجع ارتحت الحين ..... كانت بتطلع بس يد مشعل اسرع منها سحبها ولصقها في الجدار .

مشعل بعصبية وصراخ : ليه !! ليه تكرهيني ليه !
زينه بعصبية وهي تدف مشعل : ابعد عني .... مشت بس مشعل مسكها بقوة في اليد المجروحه ..

زينه بألم وهي تغمض عيونها : اييييي .
مشعل بصدمة : وش فيك .... وناظر يدها ..

طبعا زينه كنت لابسه العباه ..
زينه بتوتر : مافيني شي .
مشعل بعصبية وخوف : الا فيك ..... رفع مشعل العبايه عشان يشوف يدها وانصدم من الجرح والدم .
زينه بخووف وتوتر وهي تسحب يدها : ليه ترفعها مين سمح لك .
مشعل وهو للحين مصدوم ؛ من وين لك ذا الجرح ..... وسكت شوي وتذكر لما كان بالحمام .

مشعل بصدمة : كنتي انتي !

عبير : اي هي .
زينه بصدمه : عبير !
عبير : اسفه زينه بس ما اقدر اسكت اكثر من كذا زينه هي الي جااتك وساعدتك وتعبت صار لها يومين مانامت وهي قلقانه عليك ولما دقينا علئ رهف نسألها ماكان هامها المووضوع وسكرت في وجهنا واحنا شفناها صدفة في المستشفئ عالعموم انا جيت هينا عشان اعطيكم صحن الفواكه من امي ولما شفتكم كذا ما قدرة اسكت اسفه يازينه ........... حطت صحن الفواكه وطلعت .
زينه بخوف وتوتر وهي تناظر تحت : انا ...
مشعل وهو يقرب من زينه وبحب وبهمس : كنت حاااس والله كنت حاس .
زينه بخووف : طيب ليه تقرب .


مشعل ابتسم لها بكل حب والهام وسحبها وضمها بكل قوته ..

زينه بخوف وتوتر : مشعل ابعد عني وش تسوي اذا تبي تشكرني مافيه داعي .
مشعل وهو للحين ضام زينه ؛ اسفف لان قسيت عليك اسف علئ كل شي يازينه وقال بحب : زينه انا..... قاطعته زينه : انا بروح عند خالتي تحت .... وطلعت .

مشعل وهو يبتسم : خجوله هالبنت ..

عند زينه الي كانت بتموت من الخجل :

زينه ؛ وش. كان يبي يقول ؟ وقالت بصدمة : معقووله !!! لا مستحيل ...... وسطرة روحها عشان تصحه من افكارها وقالت وهي تناظر المرايه : حبيبتي زيونه لا تتوترين يازينك بس (( ههههههههههههههههه مجنونه ))


ومرررر يومين ومشعل يحاول يتقرب من زينه بس زينه ماتعطيه وجه لان الي في قلبها شخص ثاني ورهف تتصل علئ مشعل ويطنشها صار مايحب يرد علئ اتصالتها واميره الي مو مرتاحه حق حمد وعرسهم الخميس وزينه عقلها مليان افكار تفكر بالشخص الي شافته بالمستشفئ ..

في بيت ابو مشعل :

كانت زينه تشرح حق عبير ..

زينه بصدمة : عبير تمزحين صح ؟ والله ان هالقانون اسهل قوانين نيوتن .
عبير بطفش : افففف طيب ولي يقولك ان القانون الاول والثاني اسهل .
زينه بمسخره : لا والله ؟ .
عبير ؛ طيب انتي اشرحيه دامه سهل يلا اشوف .
زينه وهي تلبس نظارتها ؛ اسمعي ياعزيزتي طبعا القانون الثالث هو لكل فعل ردة فعل مساويه لها بالمقدار ومعاكسه لها بالأتجاه مثل الكره اذا رميتها علئ الجدار يسمئ فعل واذا ارجعت لي يسمئ رد فعل فهمتي ؟
عبير : يعني احس بديت افهم شوي كملي ابي مثال ثاني .

وفجاه دخل مشعل ..

مشعل بستغراب : وش تسوون ؟
زينه بستهبال : هلا بالرفيق .
مشعل بضحكه : هههههههههه ايش ؟
عبير : ههههههههههه المهم مشعل ابيك تشرح لي قانون نيوتن الثالث .
مشعل وهو يتذكر : ثالث ؟ غبيه انتي الثالث اسهل شي.
عبير : لاحووول عارفه ان سهل بس عندكم مو عندي .
مشعل : طيب انا اشرحه لك اسمعي نعطيك مثال امممم اي الكره .
عبير بطفش : الكره مره ثانيه ابي مثال ثاني عشان تثبت المعلومه ..
زينه بعصبية ومزح : وش تبيننن ترا مثال الكره اسهل شي .
مشعل وهو يفكر : شكلك تبين مثال من واقع الحياه .
عبير : اي.

جات في بال مشعل فكره مجنوونه وناظر زينه وشافها تستنئ الفكره بحماس .

زينه بحماس : يلااا وش هي؟

سحب مشعل زينه ولصقها جمبه وعبير انصدمت وفتحت عيونها ..

زينه بخكل وعصبية خفيفه : هييي وش تسوي ؟

مشعل غمض عيونه وباس زينه في خدها وزينه وجهها قلب طماطم من الخجل والصدمه .

مشعل وهو يبتسم : شوفي عبير هالبوسه الحين تسمئ فعل ...... ومسك وجهه زينه ولصق شفايفها في خده وزينه راحت فيها خلاص (( ههههههههههه )) وقال : وهاذي ردة فعل فهمتي ؟

اما عبيررر كانت خااااقه عليهم وانبسطت مره ..

وزينه كانت مرره خجلانه ومو عارفه وش تسوي دفت مشعل بقوة وطلعت من غرفة عبير ..

عبير بفرح : كفووو اخوي كفو .
مشعل وهو يضحك علئ زينه : كفووك الطيب .


طلع مشعل من غرفة عبير ودخل شقته ومااشاف زينه ودخل الغرفة ونفس الشي ماشفها كان بيطلع بس جاه فضول انه يشووف الالبوم مره ثانيه فتح الدرج واخذ الالبوم وفتحه وجلس يتصفح وكل شوي يشوف صور زينه ومعاها بزر .

مشعل والفضول بيذبحه : اففف مين ذا الادمي ؟ لازم اعرفه لازززم ..... وجلس يفتح الصفحات ويدور علئ اسم البزر

عند زينه كانت بالحمام تفكر بالي سواه مشعل وهل هي مبسوطة ولا معصبة جاتها افكار كثيره وتذكرة خالد وابتسمت وحطت يدها علئ رقبتها عشان بتشوف السلسه وانصدمت لما مالقتها ..

زينه بصدمه ؛ هي سلسلتي وينها .... وجلست تدور عليها بالحماام .

نروح عند مشعل .

مشعل بعصبية : معقوول مافيه ولا اسم اف .... سكر مشعل الالبوم وحطه في الدرج وقام من مكانه ومشئ ... وهو يمشي حس انه داس علئ شي ناظر تحته وشاف سلسله ذهبيه فيها حرفين z k .

مشعل بستغراب : حق مين هاذي ؟ وقال بصدمة : اكيد حق زينه دام حرفها موجود واكيد هذا حرف الي تحبه افف قهررر بس حرفه انا ابي اسمه .... وجلس يفكر اسمااء بحرف k .

عند زينه طلعت من الحمام وهي تدور السلسه حقتها ودخلت المطبخ تدور تحت الطاوله تحت الفرن وماشافت شي وطلعت من المطبخ ودخلت الصاله تدور تحت الكنب ...

زينه بتعب : اف وينها ..... زينه كانت منزله راسها تدور وفجأه حست شي طويل ينزل رفعت راسها وشافت السلسه بيد مشعل ..

زينه بفرح : سلسلتي ..... وكانت بتاخذها بس مشعل رفع السلسله فوق .

مشعل بمسخره وقهر : هاذي منه ؟ .
زينه بتوتر. : وشو ؟ اقول جيب السلسه .
مشعل بعصبية : ردي علئ سؤالي هاذي من حبيبك الي تنتظرنيه وتفكرين فيه وسرحانه عشانننه ؟!
زينه بقهر وعصبية : اي اي هاذهو الي افكر فيه ممكن تعطيني السلسه .
مشعل بعصبية : وش اسمه كريم ؟ كناان ؟ ولا كمال ؟

زينه بعصبية وهي تسحب السلسه من يده : مووو شغلك وجيب السلسله جيبها .
مشعل بحقارة ونذاله : تبينها ؟ ...... فتح مشعل النافذه بكل نذاله وحقاره ورمئ السلسه .

زينه بعصبية وصراخ : ياحقيرر ليه ترميها ليه نذل اكرهك يامغرور اكررهك .
مشعل وهو يمسك زينه من كتوفها وبعصبية وصراخ : تحبينه ؟
زينه بثقه وعصبية : اي احبه وما احب احد ثاني ارتحت الحين ؟
مشعل بعصبية وقههر وبخبث : طيب يازينه والله ما اخليك تتهنين وراح اخرق قلبك واليوم راح اخليك زوجتي صدق .
زينه بصدمة : نعم ؟ ..... زينه كانت خايفه مررره ان يسوي لها شي رفعت رجلها وداست رجل مشعل بقووه ودفته وطلعت من الغرفه ومشعل وراها .

زينه بعصبية : مشعل ابعد عني ولا تقرب وتخالف الشروط .
مشعل وهو يقرب وبعصبيه وخبث : من اليوم يازينه مافيه شروط انسي .

ومشعل كان يقرب من زينه بس وقف لما سمع امه تنادي ..

ام مشعل : مشعل زينه عبير انزلو ابو مشعل رجع من السفر .

مشعل بعصبية : حسابك بعدين يازينه ..... ومشئ

زينه وهي تتنهد براحه : الحمدالله اشكرك ياخالتي شكر شديد انقذتيني من هالوحش ......... وراحت عند النافذه تشوف سلستها .

زينه بعصبيه : الله ياااخذك يامشعل .

نزلت تحت وراحت المطبخ وطلعت في الحديقة تدور سلستها وبعد قيق لقتها اخذتها ولبستها بكل ثقه .... وقالت بثقه : انا اوريك يامشعل .... ودخلت داخل وهي لابسه السلسه ورافعه راسه عشان مشعل يشوفها ..

مشعل ناظر رقبت زينه ونقهررر لما شافها لابسه السلسله .

زيمه وهي تبوس راس ابو مشعل وتقول : الحمد الله السلامه ياعمي
ابومشعل : الله يسلم يابنتي ..

وجلسووو .

ابو مشعل : شخبارك يازينه انشاءالله مرتاحه مع مشعل ؟
زينه وهي تناظر مشعل بقهر ؛ الحمدالله مرتاحه .
ابومشعل : الحمدالله .... وين عبير ؟
ام مشعل : دخلت غرفتها وشفتها نايمه والكتب علئ وجهها .
ابومشعل ؛ اي صح قربت الاختبارت الحين ولازم تشد حيلها وانتي يازينه في الجامعه صح؟
زينه : اي ياعمي انا بالجامعه .
ابو مشعل ؛ صدق ؟ اجل شدي حيلك يابنيتي وخلصي دراسه عشان نبي حفيد .

مشعل وهو يناظر زينه وبحقارة ؛ لا تخاف يبه انشاءالله باالطريق .

زينه انحرجت مررت واكتفت انها تسكت لانها مقهوره .

ابو مشعل وهو يقوم ؛ انا بقوم ارتاح شوي .
ام مشهل وهي تقوم وشايله شنطة : يلا بجي معك ..

قامت زينه من بعد مادخلو ابو مشعل وام مشعل الغرفة .
مشعل بنذاله ؛ وين ؟
زينه بقهر : الشقه عندك مانع ؟
مشعل وهو يقوم : لا ابد يلاا .
زينه بصدمة ؛ وين وين ليه بتجي معي ؟
مشعل : لا يكون شقتك لحالك وانا مدري ؟


زينه ماعطته وجهه وصعدت الشقه . ومشعل وراها .

مشعل ؛ اقول اسمعي يلا ادخلي المطبخ واطبخي ..
زينه بقهر ؛ اطبخ ؟ وليه اطبخ وانت مالتزمت بالشرط ؟
مشعل وهو يقرب : روحي اطبخي دامي رايق الحين .
زينه بخوف : طيب طيب انا بطبخ بس وعدني انك ماتسوي كذا مره ثانيه .
مشعل بحقارة ؛ ليه وش سويت ؟
زينه بتوتر : مشعل اوعدني ان نكون اصدقاءبس .
مشعل : اوك بس بشرط ابيك تقولين لي مين الشخص الي تحبينه .
زينه وهي تتنهد : طيب وانا عندي شرط .
مشعل ؛ وشو هو ؟
زينه بخبث : اذا اعجبك طبخي ابيك تمقلب رهف .
مشعل بستغراب : ايشش ؟ امقلبها .
زينه : ايي ابيك تتصل عليها وتقول لها وش صحيح الي سمعته عنك وكذا يعني مقلب ها وش قلت .
مشعل وهو يضحك ؛ ههههههه طيب موافق . المهم ابيك تطبخين طبخه معينه .
زينه ؛ وش هي ؟


مشعل وهو يفكر : ابييي باستا وفتوش .
زينه : بس ؟
مشعل : اي .
زينه بالثقه ؛ سهل كلها ساعه ساعتين ويكون جاهز .
مشعل بمسخره : ههههههههههه اقول لاتهايطين كثير هذا وجهي اذا ما حرقتي المعكرونه .
زينه بتحدي : اوك نشووف .


دخلت زينه المطبخ وطلعت معكرونه .

وطلعت صدور دجااج وقطعته مكعبات صغيره وحطتت بصل وثوم وبقدونس فرمته وطلعت مقلاه وحطت البصل والثوم والبقدونس ...


المهم نروح عند مشعل ..

كان جالس ينتظر الاكل بحماس كان منتظر الفووز وخسارة زينه ..... ومرت عشر دقايق طفش وهو ينتظر قام من مكانه وقال ؛ انا بنزل تحت جنب امي وبعد ساعه بجيك .
زينه : طيب .

نزل مشعل تحت وجلس جمب امه يسولف ويشرب شاهي وشاف اخته عبير تذاكر ..

مشعل ؛ ابي اعرف كيف تذاكرين بذا الازعاج؟
عبير بطفش وتعب : مشعل اسكت الله يخليك ماني فاضيه لك ..... وقامت من مكانها .

مشعل : الحمدالله والشكر .

ومرة ساعه ونص

مشعل قام من مكانه وصعد الشقه واول مافتحها شم ريحه تفجر الراس من حلاتها .

مشعل وهو يشم : الله وش ذا الريحه .... دخل المطبخ وشاف الطاوله فيها صحن باستها مرتب وفتوش .

زينه : ها جيت يلا الاكل جاهز اجلس.
مشعل وهو يبلع ريقه يبي ياكل : اي اكيد بجلس .
زينه بحمااس : يلا اكل وعطني رايك.
مشعل بغرور : شوفي الشكل لا بأس به بس نشوف الحين الطعم ولا تهايطين كثير عشان ماتلقطين وجهك بعد شوي .
زينه يالثقه : هههههه انا واثقه من قدراتي .

اخذ مشعل الملعقه وسم بالله واكل وبعد ثلاث ثواني . انصدم من الطعم .

زينه بتوتر : هاا قولي وش رايك بدون كذب ؟
مشعل ماقدر يرد عليها واخذ ملعقه ثانيه كان الطعم خياااااااال لايوصف .


وزينه اول ماشافته متحمس في الاكل انبسطت .

زينه بغرور ؛ اهااا اظن اعجبك طبخي .

مشعل وهو ياكل ؛ يجنن . طعم لا يوصف .

وبعد 7 دقايق خلص مشعل من الاكل ..

مشعل وهو شبعان ؛ الحمدالله الاكل لا يوصف .
زينه ؛ هاا اعجبتك الباستا .
مشعل بغرور : يعني حلوه مو كثير .
زينه بقهر : لا ياشيخ بعد مالحست الصحن ... يلا نفذ وعدك ودق علئ رهف .
مشعل وهو ماله خلق رهف : من جدك انتي ؟
زينه : اي
مشعل وهو يرفع جواله : طيب ..... ودق علئ رهف ..
زينه بحماس ؛ يررن ..

مشعل : الوو .
رهف بفرح : هلااا والله بحبيبي مشعل اطلق من يتصل .

زينه حست انها انقهرت من كلامها ماتدري ليه .

مشعل بعصببة وحده وتمثيل : رهف وش ذا الي سمعته عنك ها ؟
رهف بستغراب ؛ وشو وش فيك ؟


زينه كانت ميته ضحك علئ صوت رهف .

مشعل يكمل المقلب وبعصبية ؛ وش ذا الي سمعته عنك ليه تسوين كذا !
رهف بخووف وفي قلبها : اكيد رعد الحقير قاله عن كل شي وقالت بغباء ؛ مشعل الله يخليك اسمعني انا صدق في البداية كنت ابي اتزوجك عشان فلوسك وكنت ما احبك بس صدقني رعد الي قالي اسوي كذ عشان ينصب عليك وياخذ فلوسك صدقني انا مالي شغل .

مشعل وزينه كانو منصدمين من كلامها .

زينه فتخت عيونها بكبرها من كلام رهف ..

مشعل وهو منصدم : ايش !
رهف ؛ صدقني لما الحقير رعد قالي انه مايحبني وعشان ينصب عليك انا حسيت بحبك تجاهي مشعل الله يخيلك سامحني .
مشعل كان منصدم من كلامها ومو مصدق الي كان يسمعه وسكر الجوال في وجهها.



وبسسسسس خلص البارت ... شويات وانزل البارت الي بعده بس باخذ استراحه