[لامارا]

تكملة البارت التاسع

صلو على النبي

اسيل: فزيت حتى روحي طلعت ما حسيت الا مسكت ايده
قلت وانا صوتي يالله يطلع أتكلم وارتجف بدر بلا جنان ابعد ايدي بتنخلع

بدر: ببتسامه مستفزه خليها تنخلع عشان اخلعك من حياتي

اسيل : لا ناوي على شر يخوف هذا مو بدر هذا شخص ثاني عمري ماشفت بدر بذا الشكل انت فيك شي اشبك وانا بموت خوف ما قد خفت منه زي اليوم

بدر: اقولك وش فيني ليه انا كذا كله بسببك من يوم دخلتي حياتي معاد فيني عقل امشي واهلوس فيك خربتي حياتي
من يوم طلعتي لي ايش تبين مني اطلعي من حياتي

اسيل : بكلام متقطع انا ايش ابي منك انت اللي ايش تبي مني جاي ببيتي وداخل غرفتي وتقول اطلع من حياتك الى هنا وخلاص انت اللي اطلع من حياتي خلاص انا انخطبت وراح اوافق عليه بطلع من حياتك يابدر

بدر: ما حسيت بنفسي الا انا اهزها بقوه وبصوت عالي انتي لي انا عارفه لي انا والله ما احد ياخذك غيري والله لأقتله اللي يفكر يجي صوبك انتي حقي انا


اسيل : حسيت كتوفي بتنخلع بدر كتوفي بدر لا مو صاحي هذا الانسان يصرخ ابوي راح يصحى شنو يهبب هذا المجنون أخاف يصحون بصوت يا دوب يطلع بدر تحبني

بدر: نزلت ايدي طالعت فيها شوي وقلت مدري احبك وما احبك ابيك وما ابيك انا

اسيل : ابتسمت بدر روح عرفت الجواب
اندق الباب

ارياف : اسيل ابوي جاي

بدر: طالعت فيها قربت منها

اسيل : بدر لا تقرب الى هنا وخلاص انت انسان متناقض اطلع لأصرخ اخلي الكل يصحى شفته واقف يطالع فيني مو معقول هذا الشخص بدر انقلب مو حبيبي هذا شخص ثاني ليش يطالع فيني كذا ببكي والله ببكي ماشفته الا ينسحب

ارياف :اسيل ادخلى

اسيل : أي تعالي

ارياف : ايش الخبال هذا

اسيل : انفجرت ابكي

ارياف : اسيل ياروحي اشبك خلاص اهدي خلاص طيب قولي بدر ايش اللي جابه هنا مجنون هذا يطلع غرفتك وانتي انهبلتي كاشفه خلي الجنان ابوي وطلال والله لو يدروا ولا يشموا خبر انتي من اعداد الموت

اسيل : لاتزييديها علي تخيلي شنو يقول احبك وما احبك ابيك وما ابيك ايش التناقض

ارياف : خليه يولي هو واخوووه ما شفنا منهم غير الوجع


اسيل : هههه ههههه ليه انتي زي ههههههههههههههه


ارياف : مجنونه تبكي وتضحك خبله
لاتقهرين نفسك على شي ما يستاهل


اسيل : ارياف انا احبه

ارياف : الله يقطعها من كلمه ما ضيعتنا الا هي اااااااااخ اواسيك ولا اواسي نفسي

اسيل : ابوي صحى

ارياف : لا بس سمعت صوته يعلا خفت يصحى ابوي قلت لكم أبوي بيصحى عشان يروح وانتي يا اسيل حطي حد لهذا الشي مو معقول تطلعين كذا

اسيل :طيب مشكوره خيتي



نروح لمكان جديد قريب من بيت أبو طلال

الام : فهده عندها بنت وحيده خالدة وعبدالعزيز ربته ابن اختها ويصير لخالدة ابن عمها وابن خالتها عيال عم

خالدة : 20 سنه العمر
أبو خالدة متوفي من سنتين
عبدالعزيز: 28 سنه

خالدة صديقة اسيل الروح بالروح وكاتمة اسراره

عزيز يتيم الاب والام توفى أبو عزيز وامه بحادث سير لم كان عمره 15 سنه وصارت ام خالدة له الام والأب

نتكلم شوي عن عزيز انسان عصبي يتنرفز على طول يكره شي اسمه خالدة يكره طريقة لبسها للعبايه عنده بنات عم غير خالدة بس عصبيته على خالدة لأنو تربى معها فيعتبرها اخت له تحز بخاطره اذا شافها كذا امممم انا عزيز زي ما تحب تنادي امي فهده أي أقول لها امي لأنها هي تعبت وربتني وخلتني اعتمد على نفسي انا مدرس دين درست شريعة احب هالتخصص خلوني أتكلم عن خالده شوي انا ما احبها ولا اكرهها اكره طريقة تفكيرها خالدة انسانه طيبه وعلى نياتها ينضحك عليها بسهوله طريقتها غلط كل شي عندها بلا قيود همها تعيش اليوم وبس واذا جيت أتكلم معها بأحترام تقرفني لم تتكلم بصوت عالي يعني ماهي معتبراني رجال طريقتها انت ولاشي ترفع ضغطي اسكت عشان امي فهده ولا والله لا اربيها من اول وجديد أي الحين خطبتها عشان تصير بيدي والله التفتح اللي انتي فيه ياخالده لا اطلعه من عيونك وعلى قولتك من انا انا راح اصير زوجك والله مو حب فيك بس عشان امي فهده


خالدة : يايمه مابيه مابي مابي

ام خالدة : علقي لين بكره ما معك الا عزيز والله ما تاخذي الا هو

خالدة : يمه حبيبتي عيوني مايصلح تبين تزوجيني شايب

ام خالدة: يصلح مايصلح بتاخذيه وغصبن عنك وانا من زمان ابيك لعزيز واه شايب يالعجوز

خالدة: أي شايب وعايب ومخرف ووو معقد ووو والله ابكي يمه


ام خالدة : يايمه خليني ارتاح واتطمن عليك يايمه عزيز ابني ربيته انا يمه خليني ارتاح وانتي عند ابن عمك يمه لا تكسرين فرحتي يمه معاد فيني شده يمه للتفكير وانتي شاغله بالي أخاف اذا تطلعين وحدك اجلس بقلقي لين تجين يمه ابي اتطمن عليك يمه


خالدة : يعني يمه انا هم يمه عليك

ام خالدة : تفسرين على طريقتك ياخالدة

خالدة : خلاص يمه ان رفضت او وافقت الموضوع ماشي ماشي

ام خالدة : بصرامه أي بأذن لله ماشي ان رفضتي او وافقتي مالك رأي الرأي رأي انا صح شديت عليها بس كفايه دلع عطيتها كل اللي تبي بس عند حياتك لا ياخالدة عزيز هو الشخص الوحيد اللي بيتحملك محد متحملك ياخالدة انتي ودلعك

خالدة : قمت من عند ماما وانا مقهوره ماما لأول مره تقسى علي وانا مالي كلمه هذي حياتي انا انا اللي بعيش معه كيف ترميني وهي عارفه ان عزيز عدوي كريههه كيف بتعايش مع هذا الشخص دخلت غرفتي وانا ودي اكسر كل شي فوق راس عزيز



مرت الأيام والشهور ولدت هند وجابت ولد سمته عبدالرحمان على أبو سيف
وناز ولدت وجابت بنت سمتها دلع
وولدت الين وجابت ولد سمته احمد والحين الين عند امها عشان النفاس ومشاكل ما تخلص هي وسعود وعمتها بنصهم


ناز : حبيبي انا يمممممه فدوه انا حبيب خالتوو جعلني فدا ياشيخ عيوني انت حماده
ارياف : هههههههه والله مادرا عنك الليل كله تدلعين لسا يامامه عمره يومين عارفه شنو يومين قامت ارياف بجنب الين الين حبيبتي اشبك منتي معنا مو الين اللي قبل وش اللي غيرك وين الين الأول ارجعي زي قبل اشتقنا لضحكتك

الين : طالعت لأرياف بإنكسار اخذ ضحكتي واخذ راحتي يا ارياف اخذ كل شي مني تدرين اني كنت بولد بجده نزل مني دم وانا اكرف في هذا البيت قومي نظفي على طول أقول له البيت نظيف قال لا نضفي قمت نضفت لين نزل مني دم رحت المستشفى قالو لي وش تخيلي ضغطك مرفوع والرحم مفتوح ومو وقت ولادتي دقت امه على امي بنتك مدلعه وانا حامل تعبانه ما قدروا هالشي في النهايه تغلط امه فيني وفي امي تدق ما خلت فيني شي ليه هذا كله عشاني ساكته تخيلي لم قالت الدكتوره تعبانه لازم تتنوم دق على امه قالت له رجعها راح تكلم مع الدكتور وطلعت قال لي مافي شي الرحم مقفل خلينا نمشي عند امك تخيلي مشيت وصلت عند امي جلست بس اربع ساعات وولدت تعبت ماخلت فيني عمتي شي تخيلي تدق تقول تبين أي شي قوليلي انا لا تقولي لسعود قوليلي انا انا متزوجة سعود او هي حياتي تلخبطت يا صديقتي تصدقين نفسي ارجع الين اللي قبل في اليوم اموت مية مره ليتني ماتزوجت ليت هذيك الأيام ترجع والله ما افكر أوقع على هذيك الورقه بس ابي حاجه وحده ابي يكون معي رجال يكون معي سند يكون واحد يخاف الله فيني كرهت نفسي كرهت حياتي معه ليتني سمعت كلامك يا ارياف خلتني انقل من بيتي عشان اتقرب من سيما تشوف ايش يسوي معي او وش يسويلي على بالهم طلباتي منفذه زوج وجوده زي عدمه حياتي دمار يا صديقتي وتقوليلي وين ضحكتي أي ضحكه هذي انا انتهيت مع هذا ما عاد قدرت أتكلم

ارياف : انفجرت ابكي حضنتها وبكيت كل اللي بالصاله ما تحملوو اللي قام اللي دموعه نزلت غصبن عنهم

مرت أيام النفاس على خير

سيف: يمه عيد داخل بالمجلس بروح له

ام سيف: اصبر راح ادخل معك

سيف: يمه تكفين خلاص انا بتفاهم معه

ام سيف: الى هنا وخلاص بحط حد لهذي المهزله دخلت

عيد اخو سعود الكبير له دور رأيسي بالقصه

عيد: آمري يا ام سيف ما جيتك والله الا انا عارف ان اخوي منقص بحقوق الين وانشاءالله طلباتها مجابه

ام سيف: من يوم عرفتكم وانتم طلباتها بتتنفذ انا ما اشوف امك جت اسمعوني انت على سعود بنتي ما راح تجلس لقهر سعود ابغى معها رجال يحترمها ويقدرها ويكون لها عون مو فرعون وطلباتها تتفذ مو كل دقيقه ادق على امي بنتي متزوجاك انت او امك وعلى ما اعتقد ياسعود انا زوجت رجال بنتي ما راح تجلس لإهانات امك ما خلت فيني وفي بنتي شي سكت وبلعت العافيه كله عشان الين وما اخرب بيت بنتي وعارفه ان بنتي تحبك وتبيك ياسعود وأي قول لأمك بنتي وسخه لنفسها بوجه الين مو بوجه امك وهي مالها أي شغل في بيتها ووصل الكلام هذا لأمك

عيد: حقك علينا يا ام سيف وانشاءالله ما تشوفوا الا طيبت الخاطر وحق ام احمد هذا هو يسمعني سعود يطلع من عينه

سيف: حنا ما همنا شي غير انه يحترمها ونبيه معها سند وما يسمع كلام غيره وينفذه على راس زوجته فهمت ياسعود

سعود: ساكت ماتكلم

عيد: ابشر ياسيف انشاء الله نطيب الخاطر وام احمد عزيزه وغاليه


ناز: وبعدين اخ طلال عاجبك ياروحي الوضع

طلال : ابتسمت

ناز: ياشيخ قسم بالله ان ماتوقف المسخره هذي لا اوقفها انا انا طفشت

طلال: ياروحي انتي سويتي لها حظر من كل شي خليها تولي على حالها وبعدين غيرانه غمضت لها

ناز : مالت هذا اللي هامك غيرانه انا اموت احترق هنا أي غيرانه بموووت غيره خلاص ارتحت

طلال: هههههههههههههههههههههههه

ارياف : جالسه بالصاله الوضع هادي اطالع بالتلفزيون طفش طق طق يقطع ام الثقاله اففففففففففف طيب جايه
ارياف : مين

خالد: خالي موجود

ارياف : مسكت على قلبي دقات قلبي بتطير هدي ارياف أي ارياف ما يهمني طزز هو خلاني ولا فكر يدق علي طنشي احم احم دقيقه اخ خالد انادي ابوي اقلط على المجلس

خالد: هه اخ خالد

ارياف : جلست شوي مارد علي طلعت عند ابوي خالد بالمجلس

أبو طلال: ابتسم حيا الله من جانا


خالد: ابي اعرف انت ليه مسكت خط الدمام امي ما تدري اننا جينا لدمام وش معاك تصدق ندمت اني طاوعتك ليتني جلست بالبيت علي اختبارات وايش تبي بخالي


بدر: مو يم خالد بنفسه أي ما طلعت من العمل الا انا مقرر اسيل عرفت انها رفضت العريس والحين تأكدت اني احبها أي احبها جيت لخالي وانا ناوي اكلمه امي ما كلمتها بتاخذ بخاطرها عشاني ماقلت لها بس اعرف اراضيها

أبو طلال: حيا الله من جانا سلم عليهم وسأل عن اخبارهم وعن اخته

بدر: خال انا جيتك اليوم بموضوع

أبو طلال : اسلم يا بوك

بدر: انا جيت وحاب القرب عندك بأسيل سمعت انها انخطبت ورفضت انا ابيها وانا اولى من الغريب

أبوطلال: ابتسم وهذي الساعه المباركه وين بلاقي زيك يابدر انت ابن اختي والله يكتب اللي فيه الخير

خالد: انا جتني تتنيحه وصاعقه في نفس الوقت بدر الخبل سواها وانا جالس فاغر ابارك له جاني خووووف ودي ودي أي أي بتكلم واللي يصير يصير هذي فرصتك ياخالد يالله اففف خال خال وانا احسني انتفض

أبو طلال: هلا يبا امرني

خالد: انا ابي ابي ابي

أبو طلال وبدر يطالعون لخالد وهو معرق ووجهه احمر

بدر: تقربت منه ولد اشبك

خالد: انا ابي ارياف

هنا الخال وبدر فطسو ضحك ههههههههههههه على شكل بدر وهو ينتفض وخايف


بدر: واللي يبي يخطب كذا يقول

خالد: ها مدري

أبو طلال: بضحكه حياكم الله ناخذ الموافقه ونرد لكم خبر

بدر: خال امي ما تدري ما حسيت بنفسي الا انا هنا من يوم سمعت انها انخطبت جن جنوني ما بيها تروح للغريب ولم رفضت انا جيتك مايصير خطبه على خطبه

ابوطلال: ابتسم الله يكتب اللي فيه الخير يارب
بدر و خالد: اللهم امين


خالدة: يالله مر كم شهر وضعي زي ماهو انشاء الله عزيز تراجع الا اكيد تراجع ههههههههههههههه يالله


ام خالدة : خالدة يمه تعالي ابيك

خالدة : هلا ماما

ام خالدة: عزيز كلمني يبي الملكة في خلال الأسبوعين هذي يمه

خالدة: ههههههههههههههههههههههههه هه استغفرالله

ام خالدة: هاوو اشبك يابنت انهبلتي

خالدة : لا ما انهبلت جتني ضحكه فجأه يقطع من حظ انا عارفه ياماما من البدايه حظي ردي ما دامني اخذت عزيز تبن بصراخ

ام خالدة : اخذت العكاز يمكن تعقل تعالي هنا وانا اوريك انا ما عرفت اربيك

خالدة: ركضت ولا العكاز براسي ادخل غرفتي احسن لي والله ياعزيز التبن ماخليك اصبر علي لبست عبايتي وانا ناويه شر وصلت عند الملحق وبأقوى ماعطاني ربي من قوه ببرد قلبي شوي بالباب

عزيز : فزيت وإلتوت رجلي وطحت على وجهي شنو هذا زلزال يالله من هذا اللي يدق كذا ايش الهمجيه هذي فتحت الباب الا هي قبالي وطاقه الأخت لثمه ونعم التربية صدق انها بلا حيا خيرررررررررر ايش تبين بنصاص الليالي

خالدة: اسمعني ما جيتك الا انا قطعت المحاوله مع ماما رفضت ماما الملكه هذي تنلغي اوكي

عزيز: ببتسامه مستفزه رفع حاجب وليه ما تلغيها انتي

خالدة: تستهبل على راسي ماما رفضت

عزيز : اجل مالي أي رأي من بعد رأي امي

خالدة : عزيز انت عارف اني ما ابيك ليه المشاكل شوف خلنا نتفاهم لو مره انا ما ابيك افهمني

عزيز: طالعت فيها بقرف وقال تصدقين ما اخذتك الا ابي اربيك محشومه امي ربت بس البلا فيك واه صدقيني لا اعدلك على ايدي وطلعت انصاص الليالي اطلعها لك بأذن لله بذمتك هذا منظر وحده عندها مبادي كيف تتجرأين وتطلعين كذا والله ياخالدة لخليك تكرهي اليوم اللي اخذتيني اصبري بس علي يالمثقفه راح اطلع ثقافتك عدل ارجعي البيت قبل مايصير أي شي مايعجبك وطرررررررررراخ الباب بوجهها


خالدة : يالله شنو حسيت ودي اجلس عند الباب وابكي هه هه هه حسيت بالمذله لأول مره انذل كذا من عزيز التبن صرخت وضربت الباب بقوه من انت اللي تتكلم معي كذا وتقفل الباب بوجهي فكرتك انسان محترم بتتفهم وضعي صدق طلعت قليل الادب خفت مامي تسمعني ررجعت البيت الا اقابل بوجهي الكلب خفت التبن عزيز لا لا خالدة متت والله متت اركضي وجرى الكلب وراي مااااااااااامااااااااهه هه ماما مااااااااامااااااااااا هه ماما صرت رايحه راده بالحوش

عزيز : سمعت صراخها وتضرب الباب بعدها سكتت شكلها راحت ما اسمع الا صرختها تنادي على امي طالعت من الدريشة جتني ضحكه دواك ياخالدة خليتها شوي تفحط بالحوش برد بطني الكلب قليله بحقك ياخالدة وبعدها طلعت صفرت جاني الكلب على طول


خالدة: انقطع نفسي والتبن جالس يطالعلي خلاني شوي وبعدها نادى الكلب وراح له الله لا يوفقك انت وكلبك ياعزيز بغيت اموووت اه ياماما فحطت بالحوش وربي بمووت رجولي ما عاد شالتني شفت ماما بوجهي ماما الله يسامحك تبين ترمين علي المريض هذا مستحيل اخذه على موتي انشاءالله اموت ولا اخذه

ام خالدة استغفري يابنت اش بلاك والله ياخالدة ان اسمع هالكلام ماراح يصير خير وشبك لونك مخطوف

خالدة: ابد طال عمرك اسوي رياضه رايحه وراده بالحوش انقطع نفسي خلاص وباخذ عزيز ابشرك راح تنقطع حياتي


الين : رجعت البيت وحماده عمره الحين أسبوعين ياقلبي دخلت غرفتي الا اشوف الكرسي حق ابن سيما سلامات ايش جابه هنا سعود سعود

سعود: هلا حبيبي

الين : هذا الكرسي مو حق ابن سيما

سعود: أي

الين : سعود حبيبي اول فرحتك ياروحي هذا بكرك ياقلبي تنومه بكرسي مستخدم مو معقول الكرسي ما تأخذ له ياسعود

سعود: وهذا ايش جديد بلا خبال الين ردينا للمشاكل خلاص الين تكفين فكيني من امي الحين سيما تقول لها وبعدين الكرسي جديد تكفين الين تعبت ما عاد ابي وجع راس انا القاها من مين تعبت وربي والله تعبت

الين : بغصه خلاص حبيبي ماراح يصير الا اللي تبيه ياسعود ماراح أتكلم ولاراح اسوي مشكله عشان كرسي كان ودي بجديد بس عادي مابي مشاكل تعبت بس تكفى خلنا نعيش بهدوء ياسعود ابيك معي سند ابيك معي بكل شي انا راح اسوي اللي تبي ماراح اقصر بشي عليك وانت لاتقصر علي بشي تكفى ياسعود


سعود: أي أي انشاءالله بس اسمعي كلامي خلاص

الين : طالعت فيه شوي تناقض حتى طريقته تناقض نفسي لم يتكلم يطالع فيني مستحيل كأنه حرامي الله يعيني معك ياسعود

سيف: يممه اشبك

ام سيف: عطيت ام سعود الذهب حق الين وماني مرتاحه لهذي العجوز ناويه على شر يايمه كيف طاوعتك ياسيف


سيف: يممه العجوز حلفت وتخاف ربي مصليه وصايمه يمه وحلفت بالله الله يمه وقالت لك حتى خاتم ما ينباع

ام سيف: وهي ماهي مع سيف تتذكر لم جتها ام سعود

ام سعود: والله ياام سيف ما ينباع خاتم انا حماره وانا شارع اذا انباع

ام سيف: استغفرالله لا يا ام سعود مصدقاك بس لا تنسين هذا حق يتيمه

ام سعود: قلتلك ماراح ينباع شي تحضر بس الين الزواج وتجيبه لك

ام سيف: خليه عند الين اهم شي ما ينأخذ شي منه وبنفسها اتمنى هذي البنت تفرح لو يوم عذاب بعذاب دمرت بنتي انا الله يسامحني فيك يالين

الين: جلست ارتب ملابسنا بالدولاب الا اشوف بالشنطه ذهبي خير ايش جابه هنا سعووود ياسعود

سعود: هلا قلبي

الين : هذا ذهبي ايش جابه معك

سعود: بإرتباك أي نسيت امك ما قالتلك معنا زوواج نحضر ونرجعه لعمتي

الين : أي زواج هذا وليه ما قلتلي انك بتاخذه معنا

سعود: امي قالت لأمك

الين: قلبي عورني لما قال امه ماهي بشرت خير هذي العمه وراها شي يا ألين انتبهي لازم انتبه اخذت ذهبي وحطيته بالدرج وقفلت عليه واخذت المفتاح

سعود: الين حبيبي عطيني المفتاح اخبيه عندي

الين : لا عندي انا ببتسامه لأني يا سعود الثقه مسحتها من قلبي لك



أبو طلال كلم بناته

ارياف: ماحد قدها طايره من الفرحه حبيب القلب خطبها ماني مصدقه خالد خطبني نسيت الزعل كله
بس صدمه للكل رفض اسيل لبدر واكبر صدمه لبدر


بدر______

(( ملاحظة ))

البارت الجاي بيكون يوم الثلاثاء انشاءالله واسفه على التأخير