[لامارا]

(( البارت الخامس والعشرون ))

قاطعها مشعل وقال : احبك .

زينه سكتت و انصدمت .

مشعل : اي احبك واكتشتفت اني ما اقدر اعيش من دونك فز قلبي من اول ماشفتك حبيبتك بسبب طيبتك وحركاتك المجنونه حبيتك لانك بنت مافيه منها اثنين والله احبك.

زينه كانت مصدومة من كلامه وخايفه ومتوتره : مشعل الله يخليك لا تقول هالكلام ...... ومشت بس مشعل سحبها وضمها وقال : مارح اخليك تروحين مني مارح اخلي قلبي يروح زينه افهمي انا احبك انتي دايم في بالي ودايم افكر فيك .
زينه وهي تدف مشعل بخفيف وقالت وهي منزله عيونه : مشعل لا تقوول كذا انا اعتبرك مثل اخوي .
مشعل : عارف انك ماتحبيني وفي قلبك شخص ثاني بس صدقيني راح اخليك تحبيني .

اما زينه مشت بسرعه ودخلت الحمام وقفلته وتنهدت بقوة كانت مصدومة من كلام مشعل كانت تحس ان كلام مشعل حرك مشاعرها وقلبها يدق بس ماكانت متأكده اذا كانت تحبه ولا تحب خالد الي انتظرته ثلاث سنوات كانت مشاعرها مختلطه .... وفجأه جاتها رساله من العنود افتحت جوالها وشافت رسالة العنود مكتوب فيها : زينهه الحقي خالتي ام خالد جاااااات ..

زينه انصدمت لما شافات المسج وكانت تحس نفسها مبسووطه بس بنفس الوقت زعلانه لانها سمعت كلام من مشعل ماتوقعت تسمعه منه يوم من الايام . كانت في هاليوم متوتره ومو عارفه وش تسووي ..

في بيت ام خالد :


خالد كان جان علئ الاخر .

خالد بعصبية : يمه كيف تزوجت كيفف واحنا حاجزينها قبل لا نسافر .!!
ام خالد : حبيبي اهدئ شوي وانا مثلك مو عارفه كيف لما سألت عنها قالو لي انها تزوجت.
خااد بعصبية : يمه اكيد مغصووبه انا اعرف زينه اكثر من نفسها تحبني وانا احبها يمه كيفف !! انا الغبي الي وافقت اجلس ثلاث سنواات في فرنسا .
ام خالد : خالد خلاص البنت تزوجت هدا نصيبها .
خالد بعصببة وصراخ : لا موونصيبها يمه اكيد مغصووبه انا لازم اكلمها .
ام خالد بعصبية خفيفه : نعم ؟ وشو الي تكلمها عيب وتراها متزوجه خلاص انساها وقفت عليها يعني ؟ في الف بنت في الدنيا .
خالد وهو يجلس علئ الكنب وقالت وقلبه مكسور : بس انا ابيها يمه . ابيها هي مابي وحده ثانيه يمه .
ام خالد بعصبية وهي تقوم : وش تبيني اسوي ها ؟ اروح اترجها عشان تتطلق وتاخذها ؟ ......... ودخلت غرفتها

اما خالد كان مقهور ويحس نفسه راح يبكي بس مسك نفسه .


(( بعد يووومين عرس حمد ؛ اميره ))

كانت اميره جالسه في غرفة العروسه وتحس نفسها متوترة وخايفه ومو مرتاحه ..

كانو البنات عندها : بيادر ، زينه ، العنود ، جود ...

زينه وهي تجلس جمب اميره : وش فيك حبيبتي ؟متوتره؟
اميره وهي متوتره : اي مررره .

بيادر وهي تعدل مكياجها : اكيد بتكون متوتره اليوم عرسها .
جود : سؤال وش فيكم تتزوجون بسرعه انا الي اعرفه الناس يجلسون سنة مخطبوين وانتو اسبوع واحد .
زينه : انتي عارفه وضعي مايحتاج اشرح واقول ان ابوي كذا وكذا ثانيا ابو اميره كان يبي العرس في العيد بس ابو حمد مدري وش فيه مستعجل .


في صالة الرجال :

ياسر وهو يكلم مشعل ؛ والله اني مو مرتاح حق هالرجال ابد تصرفاته مو طبيعيه .
مشعل ؛ مين حمد ؟ يارجال يتهيألك .


طبعا كان الكل يبارك وازعاج فجأه حمد قام من مكانه وهو متوتر وطلع وطبعا عيون ياسر كانت عليه ... طلع حمد ووراه ياسر ..

حمد بهمس وبعصبية : انتي وش تسوين هينا وش جابك !!
البنت وهي تبكي : حمد تكفئ خلاص لا تتزوج تكفئ .

حمد يعصببة وهمس : اششش اسكتي مابي اسمع صوتك ويلا روحي البيت وبلا فضايح.

ياسر بعصبية : حمد .

حمد اول ماسمع صوت ياسر خااف.

ياسر وهو يمسك يمسك حمد : ياحقير طلعت متزوج ياكلب والله قلبي كان حاس !
حمد بخوف : ياسر الله يخيلك اسمعني .
ياسر بعصبية وصراخ : ماني سامعك ياكلب ..... ياسر كان يجر حمد بقوة ودخله الصاله ورماه بقوة والكل انصدم .

ابو ياسر بعصبية : ياسر ليه سويت كذا مجنون !!
مشعل بعصبيه : يبه هالحقير الي اسمه حمد طلع متزوج وزوجته برا !

الكل انصدم من كلام ياسر .

ابو ياسر بصدم. : ايش !
ابو حمد بدا الخوف يبان علئ وجهه وتلعثم .


اما حمد كان ساكت وماتكلم ولا كلمة .

ابو ياسر بعصبية : ايش ! متزووج صدق هالكلام يا ابو حمد !
ابو حمد استسلم لما انكشفت الحقيقه وقال بندم وخوف : ابو ياسر ابي اتلكم معك علئ انفراد .
ياسر بعصبية : ليش ؟ تكلم هينا ولاخايف تقول كذبتك القذره .
ابوياسر تنهد وقال : ياجماعه ممكن تطلعون من الصاله .

وبدو الناس يطلعون وبعد دقيقه فضت صالة الرجال وحمد سكر باب الصاله .

ابو ياسر بعصبيه ونفاذ صبر : تكلم يا ابوياسر صدق الي يقوله ياسر !
ابو حمد وهو يتنهد وندم : اي يا صدق .
ابوياسر : وليه ! ليه خبيت علينا ان ولدك حمد متزوج !
ابو حمد : خبيت علييكم عشان ولدي حمد ماكان يبي يقول حق احد ، حمد لما تزوج طلعت زوجته عقيم وماتجيب عيال وقلت له تزوج عشان تجيب عيال وقلت حق كل ماعارفي ابي بنت من بناتكم بس للأسف ارفضو وبعدين فقدت الامل وقلت محد بيرضئ يعطينا من بناته وفجأه تذكرة ان انت في الرياض وانت ماتدري ان حمد متزوج ولعب في راسي بليس وقلت بخدعك وبزوج ولدي حق بنتك وتجيب لي حفيد وبعدين راح يطلقها .
ابو ياسر كان منصدم من الكلام الحقير الي كان يسمعه قال بعصبية : انت وش تفكر ؟ ان بنتي ماعندها كرامه ؟ انت عارف اني اقدر اقاضيك ؟
ابو حمد بندمم : تكفئ يا ابو ياسر سامحني الله يخليك بدون مشاكل ابوس رجولك الي تبيه انا حاضر .
ياسر بعصبية : الحين ولدك يطلق اختي الحين .

حمد بندم وخوف : نعم ! اطلقها !
ياسر بعصبية : ايي وغصبا عليك فاهم .
ابوحمد : ابشرور حمد راح يطلقها بس الله يخليكم مانبي احد يدري عن هالموضوع ..
ابو ياسر تنهد وقال : حسبي الله ونعم الوكيل ، ياسر روح دق علئ اختك وقول لها ، الله لايوفقكم اذا كنتو تبون تزعلون بنتي .

في غرفة العروسه كانو البنات يسوولفون وضخك واستهبال ..

وفجأه رن جوال اميره بأسم ياسر ..

اميره : هلا ياسر ؟ ............. .........................ايش !

اميره انصدمت من كلام ياسر وطاح الجوال من يدها وقالت بحزن وهي تبكي : بنات العرس مارح يكتمل ..


الكل انصدم من كلام اميره .

بيادر : ايش ؟ اميره بلا مزحك الحين .

اميره ماتحملت وجلست تبكي بقووة .

زينه وهي تضم اميره بقوة وبخوف : اميره وش فيك وش الي صار ليه العرس مارح يكتمل ؟؟

اما اميره كانت تبكي بقوة ..... وادخلت امها وكانت عارفه ان اميره تبكي لان ابو ياسر قال لها كل شي ...... جات ادخلت وضمت بنتها وقالت وهي تبكي علئ حظ بنتها : لا تزعلين حبيبتي الف واحد يتمناك .


بيادر بصدمه : يمه وش تقوولين انتي وش صاير .؟

ام ياسر قالت لهم كل شي .

جود بعصبيه : الله يلعن ذا الرجاجيل وقسم انهم كلاب
اميره وهي تبكي : لهدرجه انا رخيصه يمه ؟
ام ياسر وهي تحضن بنتها : لا ياحبيبتي لا تقولين كذا والله يعوضك انشاءالله . المهم زينه وبيادر ابيكم تروحون وتشغلون المايكروفون وتقولون امن العرس تأجل بسبب ظروف عائليه .

زينه بحزن وهي تقوم : طيب ..

طلعت زينه وبيادر وادخلو صاله الفرح واخذو المايك ..

زينه وهي ماسكه المايك : السلام عليكم لوسمحتو العرس مارح يكتمل بسبب ظروف عائلية واسفين مره ....... حطت المايك وطلعت من صاله الفرح وكل الناس بدا يتسألون وش صاير ..


وبعد ساعتين فضت الصاله والكل راح بيته ..

في بيت ام مشعل :

كانت زينه جالسه علئ اعصابها تنتظر رساله من بيادر ..

ام مشعل : ها يازينه كيف اميره الحين ؟
زينه بتوتر : والله مدري للحين بيادر مارسلت شي ........ وبعد خمس دقايق جات رساله من بيادر من قروب (( المصرقعات ))

بياددر ؛ بنات لا تخافون اميره هدت شوي والحين هي نايمه ارتاحو حبيابي 🌻
زينه وهي تتنهد : الحمدالله .تقول بيادر انها بخير وهي الحين نايمه .
عبير : الحمدالله ..
ام مشعل : الله يساعدها بس ما اقول الا حسبي الله ونعم الوكيل الله يعوضها بواحد احسن منه والحمدالله انهم اكتشفوه قبل لايصير شي.
زينه : اي والله الحمدالله ..

وفجأه دخل مشعل بتعب ..

مشعل وهو يجلس بتعب : اف تعبنا ذا حمد مو راضي يطلق .
زينه بعصبية : علئ كيفه .
عبير : طيب وش صار طلق الحين ؟
مشعل : اي طلقها لان ابو ياسر كان معصب ومو قادر ينتظر بكرا كان مصدوم ..
ام مشعل وهي تقوم .: اجل خلاص يلا قومو ارتاحو وانا بقوم غرفتي امسح المكياج .
عبير وهي تقوم : وانا بعد بقوم ..

زينه ناظرة مشعل وشافته يناظرها بخبث خافت منه وقامت بسرعه صعدت الدرج ومشعل وراها ..

دخلت الشقه وكانت بتدخل الغرفة بس مشعل مسكها ..

مشعل : وين بتروحين ؟
زينه بتوتر : بروح اتروش .
مشعل بخبث : لحضه خليكي شوي ابي اكلمك .
زينه بتوتر ؛ وش عليه تبي تكلمني رجاء اذا موضوع ماله داعي لا تتكلم .
مشعل وهو يضحك علئ توترها : هههههههههههههههه ابي تحكين لي عن الشخص الي مو متقبلتني عشانه .
زينه : اي بس ......... قاطعها مشعل : انتي مو قلتي اني انا صديقكك ؟ يلا قولي لي الي في قلبك ابي اعرف من هالشخص وكيف تعرفتي عليه .
زينه وهي تتنهد : طيب تعال اجلس .

زينه : هذا الشخص يكون ولد خالتي واسمه خالد كنا مع بعض من ايام الطفووله كان كل يوم يجي بيتنا عشان يلعب معاي وكبرنا مع بعض وصار عمري 12 وهو 15 وابوي وامي امنعونا ان نشوف بعض لان خلاص كبرنا المهم كنا متعلقين مرره في بعض وكل ماتصير عزيمه لازم اطلع حجه عشان اشوفه وهو بعد عشان يشوفني المهم ولما صار عمره 24 كان راح يسافر فرنسا يكمل دراسته وقبل لا يروح قالت خالتي اذا ارجعو من فرنسا بعد سنة راح تخطبني وامي وافقت المهم ومرت الايام ومرت سنه وخالتي ما اتصلت علئ امي . وامي اتصلت عليها بس طلع مقفل ومن هالسنه ماعرفنا عنهم اي شي المهم ومرت سنتين وخطبتني انت وانا كنت مو موافقه عشانه بس ابوي كان مو راضي لانك ولد صديقه وكذا تزوجتك بالغصب
مشعل حس انه عصب من كلامها وكانت الغيره بتذبحه بس سكت وقال ؛ طيب وانتي كنتي تبين تنتظرينه اكثر ؟
زينه : اي كنت مستعدة انتظره اكثر كان عندي امل انه راح يرجع .
مشعل بقهرر : طيب عندك صورته فيني فضول ابي اشوفه .
زينه : اي عندي .... طلعت زينه جوالها وحطت صورة خالد .

مشعل شاف الصوره وانصدم مره لما شاف صورة صديقه خالد .

مشعل بصدمة : هذا ولد خالتك انتي متأكده ؟!!!
زينه بستغراب : اي وش فيك منصدم ؟
مشعل وهو للحين منصدم : ها لا انا مو منصدم وقال في قلبه : هذا خالد ! خالد صديقي !! .... وتنهد بقوة وقال : بس انتي مجبورة تنسينه .
زينه : وليه ؟
مشعل : لانك متزوجه وانا احبك ومستحيل اطلقك .
زينه بعصبيه خفيفه : مشعل هذا اتفاقنا ولازم نتطلق .
مشعل بعصبية : اتفاقنا قبل بس انا الحين حبيتك وتعلقت فيك افهمي واكيد انتي تحبيني بس مو عارفه .
زينه : مستحيل انا ما .... وقفت حست لسانه مايبي ينطق هالكلمة .
مشعل : انتي ايش كملي ؟!
زينه وهي تقوم : مشعل خلاص ما ابي اتكلم في هالموضوع .
مشعل بحب : زينه ما ابي اضغط عليك راح اخليك تفكرين حتئ لو سنه بس طلاق ماني مطلق ..

غمضت زينه عيونها بتعب ودخلت الغرفة اخذت لها ملابس وادخلت الحمام ..

عند مشعل دخل الغرفة وفصخ ثوبة ولبس بجامه واخذ الابتوب ..

في بيت ابو فهد :

فهد وهو يكلم : وش صار ؟
الرجال : الصراحه انا راقبته طول اليووم ومافيه شي جديد .
فهد : المهم اسمع ابيك تراقبه بكره و شوف العصر وين يروح فهمت؟
الرجال : ابشر .


في بيت ام نايف :

ام نايف وهي تبكي : ياحسرتي عليك يابنت اختي مدري وش صار فيك .
العنود : يمه حبيبتي خلاص لا تبكين انا كلمت بيادر وقالت مافيها شي وبعد قالت ان خالتي تقوول بكرا العصر نروح عندهم .
ام نايف وهي تتنهد : انشاءالله .

العنود : يلا يمه قومي ارتاحي الساعت بتصير 1 .
ام نايف وهي تقوم : يلا وانتي بعد قومي نامي .
العنود : طيب .

عند زينه طلعت من الحمام وهي لابسه بجامه ساتره كالعاده ولافه الفوطه علئ شعرها ..
زينه وهي تتنهد : اااه ياغرفتي كنت اطلع من الحمام وانا لابسه فوطه ومرتاحه ولما تزوجت راحت ايامي اف قهرر ........ دخلت الغرفة وشافت مشعل جالس علئ الابتوب .

زينه بشويش : خف علينا مثقف ..
مشعل رفع راسه وشافها تتحلطم وابتسم ورجع حق الابتوب .

راحت زينه عند التسريحه واخذت جوالها وشافت رساله من جوود .

جود : زووووز ترا نتايج الجامعه طلعت والحمدالله نجحت واخذت علامه مرتفعه وانتي ؟
زينه بحماس : احلفي طلعت ؟😱
جود : والله روحي شوفي علامتك اكيد جبتي كامل كالعادة .
زينه ؛ تف تف ماشاءالله 😏.


حطت زينه الجوال وقالت بسرعه : مشعل بسرررعه عطني الابتوب بشووف علامتي بس الابتوب حقي طافي .
مشعل : ههههههههه طيب بشويش .... وشو كلمة السر حقتك؟

زينه قالت له كلمة السر وفتح .

مشعل ناظر الابتوب وانصدم .

زينه بخووف ؛ وشو وش فيك .

مشعل بصدمه : جبتي اعلئ علاامه وانتي الاولئ علئ الجامعه كلها !!!

زينه بصراخ وفرح : وووووووماصدق ...... وضمت مشعل من الفرح .

مشعل ماصدق ان زينه تضمه . ومسكها بيدينه بقوة وابتسم .

زينه حست انها ضامته وكانت بتبعد عن مشعل بس مشعل يشد عليها بقوة .

زينه حست براحه وامان لما ضمت مشعل حست بحضنه الدافي وغمضت عيونها وبعد 5 ثواني فتحتهم ودفت مشعل ..

زينه بتوتر : انا انا ...... ماعرفت وش تقول وراحت عن التسريحه تنشف شعرها وتذكرة علامتها وانبسطت مرره .


(( يووم جديد في بيت ابو ياسر ))

دخلت ام ياسر وشافت اميره جالسه علئ الجوال بتعب :

ام ياسر : اميره .
اميره ؛ هلا يمه ادخلي .
ام ياسر وهي تجلس علئ السرير : ها كيفيك الحين؟
اميره وهي تتنهد : الحمدالله بخير .
ام ياسر ؛ اميره حبيبتي مابيك تزعلين علئ رجال مثل حمد والحمدالله ان الله فكك منه قبل لا يصير اي شي المفروض تكونين مبسوطة .
اميره : الحمدالله . اساس انا ماكنت مرتاحه .
ام ياسر : حبيبتي ليه ماقلت لي ؟
اميره : ماحبيت اضيق خلقكم كنتو مره مبسوطين .
ام ياسر : ولو لازم تقولين كيف تبينا نكون مبسوطين وانتي مو مرتاحه . المهم اسمعي راح يجوون بنات خالاتك وام عبدالله وبنتها يشوفونك، وابيك تلبسين الحين وماتفكرين في اي شي حبيبتي طيب ؟
اميره : طيب .


في بيت ام مشعل وتحديدا شقة زينه ومشعل :

صحت زينه من النوم الساعه 4 وقالت : افففف تأخرة وانا نايمة ...وناظرة في الفراش الي تحت وماشافت مشعل قامت وتروشت ولبست بنطلون وبلوزة وطلعت ونشفت شعرها وحطت مكياج خفيف ..

زينه وهي مبسوطة مره ؛ واخيررا بتووظف واخيرا ..


عند مشعل كان جالس في الكفتريا الي جنب الشركة يشرب قهوة ... وناظر الباب وشاف خالد يدخل وتضايق كان وده يذبحه من كلام زينه عنه بس مسك نفسه .

خالد وهو متضايق : لو سمحت ابي واحد قهوة ساده ......... وناظر علئ يمينه شاف مشعل جالس وابتسم .

خالد بضيقه وتعب ؛ السلام عليكم .
مشعل : هلا وعليكم السلام .
خالد : عادي اجلس جمبك ؟
مشعل : اكيد تفضل ..... ...... وناظر مشعل وشافه متضايق حده وكان عارف السبب بس قال : وش فيك ؟ حاس انه فيك شي .
خالد بضيقه : والله يامشعل احس نفسي متضايق مره وابي افضفض .
مشعل افا عليك قول وش عندك ؟
خالد بضيقه ؛ امس لما رجعت البيت وسألت امي عن بنت خالتي عشان ابي اخطبها وقالت انها تزوجت .
مشعل وهو متعمد : طيب وش بتسوي
؟
خالد بتعب ؛ والله مدري المشكله انها تزوجت وما اقدر اكلمها .


مشعل بعصبية خفيفه عشان مايبي يخسر صديقه : اسمع نصيحة مني اترك البنت في حالها لانك مارح تقدر تسوي شي لانها تزوجت خلاص .

خالد تنهد اخذ قهوته وقام ..

قام مشعل وطلع من الكفتريا وركب سيارته وهو يفكر في خالد ومنقهر ومعصب شوي وصل البيت ودخل ماشاف احد صعد فوق ودخل شقته وراح الغرفة وشاف زينه تلبس عبايتها ..


مشعل بستغراب : وين بتروحين ؟
زينه : شركة ابوي دامني تخرجة من الجامعه خلاص بروح اتوظف .
مشعل بغيره : وكذا ؟؟ بدون استأذان ؟
زينه : وش قصدك يعني ماتبيني اشتغل ؟
مشعل وهو يبتسم : لا بس المفروض تحمدين ربك اني مو متخلف والمهم ليه شركة ابوك ؟ ليه ماتجين شركتنا وبعدين لحضه اي قسم تبين تتوظفين ؟
زينه وهي تلبس حجابها : قسم التصميم طبعا .
مشعل : حلوو تعالي عندي عندنا قسم تصميم حق البنات وحق الاولاد يعني مو مختلط .
زينه وهي تفكر : اممم اوك .

جات في بال مشعل فكرة مجنونة ونذله في نفس الوقت ... يلا .


ركبو السيارة وزينه مره مبسووطه بس مشعل كانت ملامح وجهه خايفه شوي وكان متوتر علئ الي راح يسوويه الحين ..


وصلو الشركة ودخلوها ..

زينه : واااو الشركة مره حلوه .

مشعل وهو يأشر ؛ المهم اسمعي روحي اجلسي في مكتبي وانا عندي شغله راح اخلصها واجيك .
زينه ؛ طيب لا تتأخر ..... وراحت .

مشعل في قلبه : اسف يازينه بس لازم اسوي كذا .

مشئ مشعل وشاف في طريقه خالد :

خالد : هلا مشعل .
مشعل ؛ هلا فيك اي صح خالد في اوراق مهمة في مكتبي عادي تجيبها بس انا عندي شغله مستعجله .
خالد ؛ اي اكيد بس وين الاقيك ؟
مشعل : في قسم الهندسة .
خالد : طيب ..

مشئ خالد وفتح مكتب مشعل وشاف بنت جالسه تناظر النافذه وكاشفه عن وجهها كان بيطلع بس وقف لما شاف البنت لفت وانصدم لما شااف زينه ..


وبسسسسس ردودكم .. وان شاءالله اذا مداني بنزل ثاني 🌻💄