[لامارا]

البارت العاشر



صلو على النبي ..




بدر : توقعت توافق صدمتني برفضها لي كرهت نفسي ليه ذليت نفسي لها هذا حبك يابدر كابرت وكابرت وفي النهايه لم خطبتها جا الرفض أقول لهم عادي كل شي قسمه ونصيب وانا اموت من جوا ليتني ماخطبتك اشبعتي غرورك و برفضك لي بس يا اسيل كسرتي قلبي قادر الله يكسر قلبك بالمذله

خالد : ماحد قدي وافقت بس اللي معور قلبي بدر عارف انه يحب اسيل وكابر على نفسه الله يعوضه
زعلت على اللي سوته فيني ارياف بس بالموافقه نسيت الزعل كله

سيف: شووو يالحب اشبك ماد البوز ليه هيك مين مزعل القمر

هند: ابد ابنك مسوي فيني الهوايل وانت ما تساعدني فيه حرام عليك ياسيف والله تعبت

سيف: اوريك فيه اضرب ابوه

هند : ابتسمت على خباله سيف انسان فرفوش والله لو مضايقه يغير مودي سيف خليك الحين من ابنك موضوع اسيل مضايقني ورفضها لبدر

سيف: ياروحي كل شي قسمة ونصيب ليه تضايقتي

هند: الله يعين ويكتب اللي فيه الخير

ناز: الى هنا وخلاص اذا ما حطيت حد لهالشي ودقيت على خالتك انا بدق عليها يا توقف بنتها عند حدها يا انا بتفاهم معها والله لا اقتلها سردح مردح ماخذتها

طلال:اوووووو مافي سيره غير مشاعل التبن وربي الايمان انتي ماخذه الموضوع اكبر من حجمه طنشيها

ناز : جد ماعاد فيني اتحمل وانا اشوف طلال وبروود طلال يتماده بالتطنيش الى متى بيطنش :انت عاجبك أصلا الوضع ترسلك رسائل حب وغرام وانت ساكت ليه هذا كله وتدري ليه ما وقفت الرسائل لأنك ما وقفتها عند حدها منك انت ما راح الومها بألومك انت


طلال: انا وش اسوي قوليلي تعبت وانا اغير شريحه ناز هذي مصيبه اذا قلت لخالتي وش أقول لها قدري وضعي ياروحي

ناز : اوكي ياطلال اذا حطيت للمسخره هذي حد بعدين تعال كلمني الى هنا وخلاص ورحت غرفتي وقفلت الباب مافيني اتحمل وانا اشوف وحده ترسل لزوجي وتتغزل فيه وهو حضرت جنابه ساكت عشان خالته خايف لايجرح مشاعرها وانا بحريقه اموت انحرق مع السلامه اففففففففف التفت الي اشوف


طلال: يالله وش هذي المصيبه وش اسوي يالله طراااااااااااااااخ اففف كسرت العطور قربت من الباب ناز ناز حبيبتي تكفين لاتقربين عطري بكره علي دوام صعبه اداوم مافي عطر بقي لي على الأقل واحد وانا كاتم ضحكتي


ناز : والله يستفزني وهذي عطوراتك ياطلال اه خذ طرراخ


طلال: ااااااااا لال لا ناززززززززززززززز وحطبه


اسيل : جالسه بيدي هذا الكتاب لعائض القرني كتاب لا تحزن احسني مخنوقه مخنوقه ابي ابكي ودي ابكي اطلع اللي بقلبي ابي احس بالقناعه يمكن اللي سويته ورفضي لبدر بقناعتي أي انا مقتنعه في ردي مستحيل انا اخذ واحد متناقض هه شنو تقول يا بدر ما تدري تحبني او لا ماتدري وش اللي بقلبك اجل ما حبيت يا بدر ماراح تحبني لأنو انت ماتحب الا نفسك كل همك تضحك وتنبسط وتتريق علي وبس نعم احبك واعشقك وبشهقه ليه يا اسيل رفضتي هه ليه هه هه غطيت على وجهي بكيت وبكيت عارفه رفضي ابي انتقم بس قلبي يعورني دست على قلبي عشان انتقم منك بس ما انتقمت منك انتقمت من قلبي انا هه هه

ليتني ماقربت لك بيوم
ليتني من الأساس ما
حبيتك



خالدة : يمممممممممه خلاص الى هنا وخلاص ابن اختك مريض عارفه شنو يمه مريض اقولك شغله انا مريضه ان وافقت عليه الخبل صاحي هذا يبي عقد قران وياخذني كذا انا مستحيل اتزوجه هذا مجنون اذا انتي موافقه يمه اذا بايعتيني انا ماراح ابيع نفسي لواحد مريض


ام خالدة : يوم الخميس عقد قرانك وبياخذك معه وبتسكني بالملحق اوكي

خالدة : يالله يالله يا يمه ياعيوني انا اكلمك من الصبح ماني موافقه تجي تقوليلي الملكه يوم الخميس وبعدها بسكن بالملحق انا خالدة بنت 000 ما انخلق اللي بيعيش خالدة بالملحق

ام خالدة : ببتسامه عاش يمه وهو عزيز جهزي نفسك

خالدة: يممه حبيبتي والله ابكي واصرخ تكفين يمه الا عزيز التبن لا لا لا والف لا

ام خالدة : وعشان قلتي كذا ما معك الا عزيز

خالدة : وقفت طالعت في امي شوي شفت قبالي تحفه كبيره اخذتها وبأقوى شي وطراخ بالأرض الله وكيلكم ماحسيت الا بالعكاز حقت امي بظهري وحطيت رجلي لغرفتي والله ما اخذه عزيز المريض هه هه

ام خالدة : وقطع هالسان ماعرفت اربيك تكسري التحفه يامال ماني بقايله بيكسر راسك عزيز ويطلع اللي براسك يالخبله والله ماخليته ياخذك الا يربيك تماديتي ياخالدة يبيلك تربيه

خالدة: وش هببتي ياخالدة الله ياخذك ياعزيز التبن امي عصبت

بدر: جالس اسولف مع امي وضحك والوضع عادي انا عطيت نفسي وعد ما توقف عليك يا اسيل خلاص بنسى وبمحي حبك من قلبي

ام سيف : بدر بدر بدر يمه

بدر: هلا يمه

ام سيف: اشبك يمه منت معي

بدر: ابد افكر بالعمل


ام سيف: اها

عزيز : اقرأ اجمل أحاديث الرسول
سمعت الباب يدق جاي جاي ارحبي يمه نور البيت

ام خالدة : منور بحبابه

عزيز : ليش يمه ماقلتي لي انا اجيك ليه تعبتي نفسك

ام خالدة: معي كلمتين لك يمه مابي خالدة تسمع

عزيز : يمه والله اللي يصير ماهو عاجبني غلط اللي نسويه يمه

ام خالدة: اجل اللي تسويه خالدة صح كل مايجي للبنت تتماده بحياتها صار كل شي عندها عادي يمه يبيلها شدت اذن مابي بنتي تضيع مني ابيها تتعلم اللي تسويه غلط صارت مستهتره بحياتها

عزيز : وش أقول يمه انا انسان عصبي يمه أخاف اغلط عليها وانا فاقد اعصابي

ام خالدة : سوي اللي تبيه ياعزيز الا مدت اليد ضرب لا لا يمه ماربيتك تمد ايدك على مره

عزيز : طالعت في امي ااااااااخ يمه منتي عارفه بنتك جني تخليني افقد اعصابي صبرك يارب على الأيام الجايه مع هالدلوعه : الله يعين يمه


الين : جالسه اتجهز بروح عند جارتي منيره

سعود: اخلصي الليله كلها تتجهزين الرجال منتظر يبيلنا ساعه على ما نوصل

الين : اوكي خلصت اسمع مر محل الورد ابي هديه لصديقتي صعبه اروح بيدي فاضيه

سعود: ايش من وين لي انشاء الله

الين : بضحكه عارفه حبيبي انك مطفر لاتخاف امي رسلت لي ماراح تدفع شي

سعود: اشبك الين انتي عارفه وضعي اصبري انشاءالله بعوضك

الين :ههههههه من يوم عرفتك وانت بتعوضني معاد تفرق معي اهم شي يكون بينا الاحترام هذا اللي راح يكون بينا بس

سعود: يوووووووه خلاص انا منتظرك برا

الين : اوكي ههه
وصلت عند صديقتي منيره
منيره : ارحبي ياقلبي
الين : هلا فيك ياقلبي وحشتيني جلسنا نسولف مايقارب ساعه يالله بكلم ناز لم يكون عندي سيد سعود ما اخذ راحتي بالبيت الحين معي فرصه أتكلم معها

منيره : خليني اروح اعطيهم القهوه والشاي إسماعيل يدق نسيت عنهم هههههه اخذتنا سوالف

الين : اوكي حبيبتي وانا بكلم ناز

ناز : هلا وغلا ارحبي ياقمر

الين : هلا فيك ياروحي كيفك وكيف دلوعة خالتها

ناز : بخير وتسلم عليك ههههه وحماده النتفه اخباره

الين : بخير اسمعي معي شي يقرقع بقلبي خليني أقوله لك ماني مرتاحه لو سكت لازم أتكلم

ناز : وجع خوفتيني وش بك يابنت

الين: مقدر أقول لأمي مابي ازيدها كفايه اللي جاها تعبت وتعبتها معي

ناز: بنت والله خوفتيني يا الين متى بترتاحين يا اختي

الين : بغصه مدري مدري اسمعي سعود التبن له يومين يحاول فيني مابقى فيني مطاعم وتماشي الا يروح فيني لا اعرفه زوجي لم يبي شغله أي شي ابيه يوديني في مصيبه قريبه بتحصل تخيلي يبي ذهبي يبي يوديه عند اخته يقول هنا ياخاف ينسرق

ناز : خير انشاءالله

الين : ناز انا خايفه خايفه من كل شي ياناز احس حياتي صارت كابوس صرت كأني عايشه بغيبوبه لا رجال معي يفهمني ولا قادره احط حد لـــ هالمسخرة امس والله بالغلط فتحت جواله ابي اكلم امي خلص رصيدي شفت رساله بالواتس من اخته رهام تقول له قلك امي خذ الذهب ووده عند سيما تخيلتي يعني مافي زواج في تخطيط على راسي ياناز وانا مو عارفه ايش اسوي وانفجرت ابكي مابي أقول لأمي ازيدها على همها هم ولا انا قادره اسكت على اللي يصير معي انا ضايعه والله ضايعه

ناز : بكيت معها حسبي الله ونعم الوكيل
اسمعي ذهبك لايطلع وامسكي بيتك ونشوف النهايه لوين بتوصل عجوز النار :
جنوبية : ههههههههههههههه استغفرالله تحمست

الين : انا خايفه صار يقفل علي الكهرباء ويقول امزح انتي تعرفين عندي فوبيا من الظلمه

ناز : الله حسيبه اصبري يا اختك وش اقولك يا الين انتي رفضتي لم اخوك بيوقفه عند حده

الين : تبكي لا تقولين لي انا ندمانه خلقه ليتني سمعت كلام خالد بس يا اختك هذولا ناس ما ادري كيف عايشين رميت نفسي عليهم انا متزوجه العائله كلها ماني متزوجه سعود مادري لوين بيوصل سعود بس بصبر بشوف سعود لوين بيوصل ناز حبيبتي منيرة جت بعدين اكلمك

ناز : اوكي حبيبتي انتبهي لنفسك وبوسيلي حماده

الين : اوكي فمان لله

اليوم خطبت خالد

نظر خالد ارياف وطلع من عندها

بعد ما طلع خالد البنات بالمطبخ الين ماجت الخطبه

ناز: أقول اريافوو كيف اخوي مزيوون وغمضت لها

ارياف : مسويه مغمى عليها يخبل

البنات : فطسو ضحك

هند: صدق بنات اخر زمن استحي على وجهك

ارياف : وجع فشلتيني خلاص ما يخبل

البنات : ههههههههههههههههههههههههه ه

اسيل : بس القهر ان الين ما جت ولا كان راسي وراسها حياتي ما ارتاح الا اغثها وتغثني وسوت نفسها تبكي هه هه

ناز : الله يصبر قلبها عندها واحد غلب

البنات: الله يعين

ناز : أي اخت اسيل وشبك رفضتي اخوي حد يرفض المزيون بدر

بدر: كنت بدخل المطبخ الا اسمع ناز تتكلم وقفت سمعت اخر صوت ما ودي اسمعه بحياتي

اسيل : احم احم والله يا اختك مو اللي في بالي وبعدين انا ابي واحد يكون جنتل مان اوكي اخوك مو ستايلي وتحرك حواجبها خخخخ

ناز : مالت عليك انتي وحواجبك هذي وهو يحصلك بدر بنات السعوديه بكبرها يتمنونه

اسيل: هههههههههههههه بنات السعوديه مو اسيل

بدر: مشيت وانا احس بنار تحرق قلبي اااااااااااخ ذليت نفسي

جنوبيه : الله يصبر قلبك بدوري اوريك فيها اصبر علي بس

ناز : نعم نعم اخت اسيل

اسيل : ضحكت لم شافت ناز عصبت :ناز ياروحي بدر مشاءالله اخلاق ورجال ولا كل الرجال بس يا وخيتك صليت وما ارتحت والله امزح قبل شوي

ناز: الله يرزقك بنصيبك ويرزق اخوي بنصيبه

البنات : امين

اسيل :عورني قلبي لم قالت كذا الظاهر يا اسيل تناقض بدر انقلب لك

طلال : بصراحه هالبنت ماتبي تخليني بحالي حقت مشاكل اش تبي فيني اسوي لها حظر تطلع لي رقم جديد افففف ناقص انا ما صدقت وناز تهدا وتنسا شوي وش اسوي ياربي لـــ مين أقول أقول لخالتي يمكن تتفهم ياطلال والله مصيبه دق جوالي هذي هي جعلك الماحي ماهي مخليتني بحالي الى هنا وخلاص رديت نعم ايش تبغين ما تتعبي يابنت الناس انا رجال متزوج خافي الله

مشاعل : وانا مستعده اصير الثانيه انا احبك

طلال : حبك برص

مشاعل : طلال لا تفكر في يوم اني بوقف اتصالات او أوقف عنك ما راح أوقف اتصالاتي الا اذا مت

طلال: اجل موتي وريحيني من الهم اللي انا فيه يا شيخه انا ابي زوجتي ما راح افكر في وحده غيرها افهمي يا مشاعل مابي اعلم خالي وخالتي والله لا تنقتلي فكيني شرك

مشاعل : لأني احبك والله احبك طلال انا مستحيل اصير لواحد غيرك يا لك يا لـــ التراب

طلال: جعلك لـــ التراب و أفتك منك وقفلت بوجهها تتماده لازم أوقف هالمسخره معها حق ناز هالبنت ماهي بهينه

مشاعل : طيب ياطلال تدعي علي والله ما اهنيك بحياتك لخليك تعيش بقلق ورسلت لناز رساله والحين بالعافيه عليك مصيبتك ياطلال



اليوم ملكة عزيز نفس اليوم خطبة خالد واسيل خلصت من اختها بدري وراحت لخالدة


اسيل : خالدة لا تجننيني هذي خامس مره تمسحي مكياجك كل شوي ما عجبني يختي كان جبتي الكوافيره وريحتي دماغي ايدي خلاص ما عاد احس فيها

خالدة : يخسى اجيب الكوافيره عشان عزيز خليني بهمي بموت قهر انا خالدة اتزوج عزيز والله ماخذه

اسيل : اففف مابي احطمك ياروحي هههههههه بس خلاص كل شي قد صار يعني ملكتي خخخخخخ

خالدة : تكلمت وماني حاسه شنو أقول وعيوني مليانه دموع وانفجرت بوجه اسيل انتي انسانه مافيك ذرة إحساس وحده همها بس تنتقم كيف تبين تحسين فيني وفي انكساري وانتي كسرتي قلب ابن عمتك

اسيل : جتني صدمه من هذي اللي تبربر ما تدري شنو تقول
اول شي فيني اللي مكفيني خليت اختي وجيتك وقفت معك وفي النهايه هذا ردك انا ندمانه خلقه تجي تزيديها علي وانفجرت ابكي اخذت عبايتي وطلعت من
عندها مش قادره هاليومين اتحمل نفسي وخالدة زادتها علي عارفه مو منها من الضغط اللي هي فيه

خالدة :ندمت اني قلت لها غلطت مالقيت الا اسيل بوجهي ابي ابرد النار اللي بقلبي


عزيز : وقعت على هذي الورقه وانا خايف من الجاي مع هذي البنت الله يسامحك يمه فيني


هند: سيف وين ابنك اذكر انه معك

سيف : مع خالد طايح فيه بوس المهم قولي للأهل معنا طلعه للبر اوكي بنخيم ثلاث أيام

هند: نطيت نطه من الحماس لنا فتره ماطلعنا زي كذا طلعه ودي نجتمع الحين اعلمهم باي

سيف: الحمدالله والشكر خبله

هند: ندااااااااء يقول لكم سيف في تخييم بنجلس ثلاث أيام بالبر

البنات : بصرخه وحده يووووووووووووووو

ام سيف : وحطبه تحطب شياطينكم معنا رجال

هند : تستاهلون دواكم

ارياف : كتمت ضحكتي على اشكال البنات



الين : انت على شنو ناوي وش تبي في الذهب ليه مصمم انو يروح عند اختك وبيتي وش فيه

سعود: الله يخليك يالين خلينا نحطه عند سيما وش بيصير وبعدين عند اختي امان حنا هنا نطلع نروح نجي

الين : ذهبي ماراح يطلع من بيتي

سعود: تكفين الين انا تعبت خلينا نعيش مرتاحين انتي ما تعبتي

الين : بصدمه وش فيني انا انت عال العال ليكون ياروحي راحتنا اذا راح الذهب عند اختك سعود هذا كله عشان غيرت الذهب يا سعود

سعود: طالعت فيها وسكت وش أقول

الين : طال سكوته انا عارفه ياسعود رجعتي هذي راح تكون وراها سبب وحاسه ياسعود انه بيصير شي: سعود لا تنسا انك مادفعت شي بتغيير الذهب انت قلتها بنفسك براحتك عجبني طقم ذهب وغيرته مالي أي حق اغير ذهبي هذا مهري يعتبر ياسعود

سعود: غيرتي الذهب تحملي انا تعبت والذهب راح يروح عند سيما رضيتي او لا عطيني المفتاح


الين: الحين تأكدت ميه بالميه رجعني عشان الذهب معهم طبخه له: اذا انت رجال قرب مني وشوف ايش بيصير فيك صدقني ما انخلقت على الدنيا هه

سعود: هههههههههههههههههههه اووووو الأخت مسترجله وما احد براسك


الين : بغصه وانا انتفض من الخوف معاد فيني قوه انا أخاف من خيالي فما بالكم رجال طول وعرض وضخم والله بيده يطيرني ومسويه يعننني :ضحكت وقلت الله يرضا عليكم انتم اللي وصلتوو الين لكذا انتم اللي خلقتو فيني شخصيه جديده ولا انا ماني كذا

سعود : استغفرالله انتي بتخربين بيتك بنفسك

الين : بصوت عالي لأنو طلع
جعله يخرب من زينه بيت الكل منكم متدخل في هالبيت


خالدة : طلعت من بيت امي وانا دموعي ما وقفت الحين صارت (7) الصباح وماني شايفته وجع جوعانه خلاني كذا وراح ما ادري وين ذلف نرجع قبل ثمان ساعات بعد ما طلعت اسيل من عندي قلبي عورني عليها طلعت من عندي زعلانه عصبت عليها هههه حياتي بعدين ارضيها اعرفها المرجوجه ماتزعل مني

ام خالدة: يالله يمه عزيز برا

خالدة: بغصه شفت امي واقفه تطالع فيني وعيونها دموع ياربي كيف ازعل عليها هذي جنتي هذي اللي فتحت عيوني على الدنيا وهي قبالي سهرت وتعبت علي رميت نفسي عليها بكيت وبكيت وهي ما قصرت معي بعد مناحه دامت نص ساعه انا وامي نزلت الا اشوف عزيز يفتح الباب ويطلع كيسه

عزيز: خالدة

خالدة: التفت له طالعت فيه يعني نعم

عزيز : ما اخذتن لك عبايه جديده لو سمحتي غيري بهذي وابتسمت

خالدة: التفت على طول لأمي امي غمضت لي يعني مشي بلعت العافيه سكت عشان أمي

خالدة : اخذت الكيسه بقوه من ايده وانا ودي الكيس اكتمه فيه لين يموت الشايب العايب دخلت البيت ولبست العبايه وانا معي غصه كفايه ذلني ومافي زواج مافرحت زي البنات جاي يكمل علي انا ناقصه هم عزيز

ركبت معه وصلنا للفندق والأخ نزل وخلاني ما قال لي انزلي نزلت زي الخبله بهذي العبايه اللي أطول مني اسحب فيها كأني عجوز الله ياخذك يا عزيز على اللي سويته فيني احسني اركض يمشي بسرعه وجع انتظر طاير وصل للغرفه طالع فيني وقال تعالي قربت منه وقلت نعم هذي غرفتك والله وكيلكم لين الان ماشفت وجهه بموت جوعانه قمت افتش بالثلاجه لعلي القا شي ينأكل مافي غير الجلكسي خليني اخذ حبه يالله ويش يصير معي هذا هو اللي بتأمنين يايمه حياتي معه ما ادري وين ارضه من سماه


طلعو العوائل للبر
وصلو العوائل بعد ثلاث ساعات ما بين الدمام والرياض خيموو

خالد: ياسيف تعال خذ الأغراض حنا نبي نذبح الذبيحه

سيف : جيت ياحلو انت

طلال: اقسم بالله منت صاحي اخبر الناس تتزوج تعقل وانت انهبلت اخبرك يا اخوك عاقل

سيف : يعنني : اها يا اخوك اختك تخلي الواحد بعقله خذت العقل كله

طلال: الحمدالله والشكر لا والله اختي عاقله ضامن البلا فيك يا اخوك

ناز: ماهي يم البنات مع الرساله اللي جتها معقوله طلال يخوني لا لا تخربين بيتك بشوف النهايه لوين بتوصل نمشي مع الكذاب الين يبان

الين : قمت انظف بيتي رايحه جايه وسعود جالس على جواله مو مرتاحه وهو اربع وعشرين ساعه على هذا الجوال واتصالات من الصبح قربت منه وياليتني ماقربت قلت له ايش فيني انا لـــ هالدرجه انا ماني ماليه عينك لـــ هالدرجه انا ولاشي وش تبي بــــ هالبنات ذنب على الفاضي هذي بذمتك ياسعود

سعود: تلعثمت مدري ايش أقول وش اسوي وش اعطي كذبه ما تترقع والله شفت ابتسامتها اللي تقتلني

الين : ابتسمت عادي اخ سعود صرت بارده ما في إحساس معك صرت شخص ثاني خون خون براحتك اشبع مقاطع وسخه بس والله لا تندم بيجي يوم وراح نفترق على بالك ببكي ماراح ابكي وانا دموعي تنزل غصبن عني قمت على طول للحمام

سعود: شفتها كذا مدري ايش أقول قمت وراها دقيت عليها الين الين تكفين اطلعي مو زين الحمام انا غلطت انا اسف والله القروب ارسلوه لي

الين : من ورا الباب كذاب كذاب شفت لك المقاطع لك واجد كلهم بنات ساكته وكله عشان ما يخرب بيتي انا تعبت تعبت والله متى برتاح يارب ليه يصير معي كذا

سعود: خلاص اطلعي ولا والله لا اكسر الباب والله لا اكسر هذاني حلفت

الين : فتحت الباب وانا عارفه انه راح يكسر اذا مافتحت الباب انا عند هذا الشخص ضعيفة شخصيه طلعت طالعت على طول للتسريحه كله عطور قربت منها وانا احسني فاقده كل شي احسني تعبانه مسكت العطر بيدي وطالعت فيه وابتسمت

سعود: طالعت فيها وهي تتبسم توها تبكي شكلها انهبلت البنت الين انتي فيك شي
الين : بأقوى ماعطاني ربي العطور اللي على التسريحه رمي عليه ياخاين انت منت رجال منت كفو لي انا شنو منقصه عليك قول تكلم

سعود: حسيت راسي بينفلق من اللي جاه اطلع ياسعود احسن لك هذي مجنونه

الين : احسن طلع بردت شوي من اللي بقلبي يالله متى بتتعدل حياتي


بدر: جالس فوق تله يعني الجبل ارسم بالتراب

اسيل : شفته من بعيد فوق الجبل قربت منه فيني لقافه ودي اشوفه بعد الرفض اللي جاه ودي اقنع قلبي انو ما يستاهل واحد زي بدر


بدر: حسيت احد قريب مني التفت الا اشوفها قبالي طنشتها وانا عارف انها جايه وراها شي اعرفك يا اسيل جايه تتشمتين فيني

اسيل : اخبار بدر ببتسامه مستفزه ورافعه حاجبي

بدر: التفت له بخير عال العال

اسيل : دوووووووم مو يوم

بدر: ههههههههههههههههههههههه ضحكت بصوت عالي وانا ناوي استفزها

اسيل : دوم الضحكه

بدر: طالعت فيها شوي تصدقين يا اسيل طلعتي ذيبه

اسيل : رفعت حاجبي وش مغزى كلامه وراه شي بدر: وليه

بدر: ما توقعت رفضك لي تغديتي فيني قبل لا اتعشا فيك

اسيل : وضح لو سمحت مافهمت

اسيل : انصدمت من اللي قاله يعني يا بدر هذا اللي كنت بتسويه فيني




( اعتذار من القلب )


اعتذر على تأخيري في كتابة البارت كنت تعبانه شوي

وأقدر انتظاركم لي وشكراً



وأقدر متابعتكم لي على برنامج التواصل الاجتماعي ( الانستقرام ) ( https://www.instagram.com/nj______nj/ )