[لامارا]

((البارت السادس والعشرون ))


مشئ خالد وفتح مكتب مشعل وشاف بنت جالسه وكاشفه عن وجهها وتناظر النافذه كان بيطلع بس وقف لما شاف البنت لفت وانصدم لما شااف زينه ..

خالد بصدمة : زينه !!

رفعت زينه راسها وانصدمت ..

خالد بفرح وهو مو مصدق : زينه !!!! ......... وقالت بفرح وهو يأشر علئ نفسه : انا خالد ما عرفتبني خالد ولد خالتك ..

زينه كانت تناظره وهي مو مصدقة بس بعدين حست علئ نفسها وغطت وجهها ..

طبعا مشعل كان واقف بره والغيره ذابحته بس تحمل ..

خالد بحزن : زينه انتي صدق تزوجتي ؟
زينه وهي منزله راسها وتبكي بخفيف : اي .
خالد بعصبية خفيفة : ليه ؟! ليه تزوجتي ؟ ليه ماانتظرتيني يازينه ليه ؟

مشعل كان بيدخل بس وقف لما سمع زينه تقول :

زينه بعصبية ودموع : انت تأخرة ياخالد . قولي كم سنة مرت ؟ انت وعدتني سنة وراح ترجع وقالت بكل ثقة وغصه من القهر : وانا خلاص تزوجت .
خالد بعصبية : تزوجتي مغصووبه وانتي ماتحبينه يازينه ماتحبينه انتي تحبيني انا وبس
زينه حست بعصبية وحست ان خالد اناني وقالت بكل ثقه وحزن : انا احب زوجي وراح اكمل كل حياتي معاه وانا مو من نصيبك انت خلاص تأخرت ..

خالد : بس ...... فجأه دخل مشعل .

مشعل : اوه خالد وش فيك تأخرت ؟
خالد بتوتر : انا. .
مشعل بحقاره : اي صح ماعرفتك زينه زوجتي .
خالد بصدمة كبيره : ايش ! زوجتك !
مشعل وهو يبتسم بحقارة : اي زوجتي وش فيك ؟
خالد حس ان مشعل يتمسخر عليه ماقدر يتحمل وطلع من المكتب .
زينه بعصبية وهي تناظر مشعل : متعمد صح ؟
مشعل وهو يسوي نفسه مايدري : مافهمت وش تقصدين ؟
زينه بعصبية وصراخ : مشعل لاتسوي نفسك ماتعرف شي . انت الي خليتني اتلقي فيه عشان تقهره وتجرحهه ليه تسوي كذا !!
مشعل بعصبية : لان هاذي الطريقه الوحيده عشان يبعد عنك لان ذاك اليوم جا وفضفض وقال لي عن قصته معاك انا مالقيت طريقة ثاني عشان يبعد عنك .
زينه بعصبية : فيه طرق كثيره غير هالطريقه انت جرحته يامشعل حرام عليك والله حرام ...... طلعت زينه من المكتب ووراها مشعل كان مشعل يناديها بس كانت تطنشه الين ماوصلت عند باب الشركة وطلعت ..

مشعل وهو يمسك يد زينه وبعصبية : لما اقولك وقفي توقفين فاهمه !
زينه وهي تسحب يدها : وش تبي بعد ؟ وش تبي تسوي اكثر من الي سويته الحين ابعد ........ مشت زينه ووراها مشعل وكان دباب جاي يبي يدعم مشعل بس زينه انتبهت وصرخت بقووة وسحبت مشعل بس الدباب ضرب رجله بقوة قبل ماتسحبه زينه.

مشعل وهو يتألم : ايييييييييييي .
زينه بخوف وهي تبكي : مشعل مشعل قولي وش فيك ؟
مشعل وهو يتألم : اييي رجلي ..

بهالحظة كان نواف نازل من السيارة وشاف مشعل علئ الارض وماسك رجله وزينه تبكي .

نواف وهو يركض ؛ عسا ماشر وش فيه !!
زينه وهي تبكي : مدري فجأه جا دباب وحاول يدعم مشعل حاولت اساعده بس انضربت رجله بقوه
نواف بصدمة : ايشش ! طيب قووم اوديك المستشفئ بسرعه .


في بيت ابو فهد وتحديدا غرفة نوره :

نوره وهي لابسه العباع : افففف ردي يلا ..... الووو.
رهف بتعب : الو .
نوره بخوف : رهف ؟؟ وش فيك صار لي يومين ادق عليك وماتردين صاير شي ؟
رهف وهي تبكي : انا خلاص انتهيت .
نوره بخوف : وش فيك خوفتيني.


رهف قالت لها كل شي ..

رهف بتعب : وقال لي لا تتصلين علي واحذفي رقمي وكله بسبب الحقيرة زينه.
نوره بعصيية ونذاله : زبااله هالبنت جعلها تموت هالنذله .
رهف بعصبية وحقد : ابي انتقم وربي ما اسكت والله
نوره بصدمة : تنتقمين ؟ من جدك انتي !
رهف بعصبية : اييي انتقم وربي ما اخليها تتهنئ بحياتها مثل مادمرت حياتي ... اسمعي ابي رقم اخوك .
نوره بصدمة : وش تبين فيه ؟!
رهف بحقد : ابيه يساعدني لاني حاطه فكره في راسي .
نوره وهي تتنهد : طيب . وقالت بطفش : بس مو الحين لاني بطلع وامي تنتظرني برا
رهف : ليه وين بتروحين ؟
نرره بطفش : بيت ام عبدالله الي بنتها جود صديقة زينه الي اكرهها اف.
رهف : طيب بس لاتنسين اذا رجعتي رقم اخوك ..... باي . وسكرت .

رهف بحقد : والله ما اخليك يازينه اصبري بس .


في المستشفئ :

الدكتور وهو يناظر الاشعه : هممم لا تخافون تراه مجرد كسر بسيط يعني نقدر نقول مثل الرضه .
زينه وهي تتنهد : الحمدالله.
الدكتور : بس كيف طاح الرجال ؟
نواف : لا يادكتور ماطاح بس سمعت من زوجته ان في دباب كان يبي يدعمه شكله متعمد .
الدكتور : هاذي جريمه لازم تخبرون الشرطة .
نواف : اكيد راح نخبر الشرطة لان هاذي مو اول مره .
الدكتور : طيب انا استأذن ........ وطلع
زينه بصدمة : وشو يعني مو اول مره !
نواف : اتذكر لما كان مشعل جاي المطعم وجا دباب وحاول يدعمه .
زينه بصدمة : ايشش! مشعل صدق الي يقوله !
مشعل : يارجال اكيد ذاك شي وذا شي ثاني.
نواف : المهم بروح اجيب الادويه الي قال عنها الدكتور ...... وطلع.
زينه بعصبية : ليه ماقلت لي ها !
مشعل بستغراب :ليه ما قلت لك ؟ ليه يهمك الموضوع ؟
زينه بتوتر خجل : ها ؟ احم لا انا بس ...... سحبها مشعل بقووة وصار وجهها في وجهه : زينه اليوم حسيت صدق انك ملكي انا وبس .

زينه سرحت في عيونه المكحله وقالت بدون ماتحس : وانا ماكذبت لما قلت هالكلام
مشعل ماقدر يتحمل وكان بيبوسها في فمها بس زينه دفته .

زينه بصدمة وخجل : وش كنت تبي تسوي !!
مشعل : كنت ببوسك عادي .

زينه حست بأحراج ..

مشعل بجرأه : تجيني اوقات ابي ابوسك واضمك و......... زينه قاطعته بخجل : بسسس وش فيك وجع وش هالجرأه ........ وفجأه جاها اتصال من جود .... وطلعت برا تكلم .


في بيت لم عبدالله :

ام عبدالله : هلا والله بأم فهد وش هلمفاجأه الحلوه .
ام فهد : حليت دنياك حبيبتي ابد شفت نفسي طفشانه قلت اسير عليك ..... وجبت بنتي نوره .
ام عبدالله : هلا فيك انتي ونوره تفضلو .

ام فهد : الا صح سمعت الي صار حق اميره والله ماتستاهل .
ام عبدالله : اي والله وش نسوي بعد الله يعوضها انشاءالله.

نوره وهي تقوم وبطفش : خالتي وين الحمام ؟ ام عبدالله : الحمام جمب المطبخ امشي قدام ولفي يمين وتشوفينه .

نوره : طيب. ............ مشت نوره وهي تتحلطم .. وكانت بتدخل الحمام بس سمعت صوت في المطبخ جاها فضول وشافت جود تكلم وكانت بتروح بس وقفت لما سمعت جود تقول : زينه انتي مجننونه ؟ كيف تشوفينه وانتي متزوجه .
زينه : اففق جوود وش فيك ؟ اقولك شفته بالصدفة وطلع مشعل هو الي مسوي كذا عشان يبي خالد يبعد عني وتخيلي خالد طلع صديق مشعل .
جود : امااا عاد خالد ولد خالتك طلع صديق مشعل ؟ المهم اسمعي انتي متزوجه خلاص انسي خالد ولا تفكرين في الماضي انسيه خلاص .
زينه وهي تتنهد : ااااااه اقول مدري ياجود احس نفي ضايعه . المهم خلاص انا بسكر الحين ...... سكرت زينه الخط وابتسمت

عند نوره الي كانت منصدمة من الكلام الي سمعته وبنفس للوقت انبسطت وقالت بنذاله : واو والله وانقفطتي يازينه ...... وبسرعه ادخلت الحمام عشان جود ماتشوفها .


في بيت ابو مشعل :

دخلت زينه وهي ماسكه مشعل ..

ام مشعل بصدمة وخوف : مشعل ! وش فيك حبيبي ليه رجلك ملفوفة !
مشعل : لا تخافين يمه مافيني شي بس شوية رضوض .
ام مشعل بخوف : وكيف صار الرضوض ؟
مشعل بكذب : طحت وانا كنت امشي .
ام مشعل وهي تقوم : الله يهديك ليه ماتنتبه . بروح اجيب لك ماي ...
زينه : ليه كذبت علئ امك ؟ ليه ماقلت لها ان واحد كان متعمد يسوي كذا ؟
مشعل : لان امي مارح تسكت خلاص انا بحل القصه بس ما ابيها تعرف بالموضوع .
ام مشعل وهي ماسكه الماي : تفضل . يلا خذ علاجك وارتاح بس تعال كيف بتصعد فوق ؟
مشعل وهو يناظر زينه : افا عليك يمه معاي زينه .
ام مشعل : زينه حبيبتي ابيك هالفترة تجلسين جمب مشعل لان مثل ما انتي شايفه رجله ما اوصيك .
زينه وهي تقوم : ههههههههه من عيوني ياخالتي .

صعدت زينه وهي ماسكه مشعل ودخلو الشقه .

زينه : اجلس .. طبعا انا راح اكون طيبه معاك وراح اخليك تنام في السرير هالفترة .
مشعل : هههههههه صدق ؟ بس ابيك تنامين جمبي .
زينه بخجل : نعم!
مشعل وهو يسوي نفسه تعبان : يعني يمكن احتاج شي وما اقدر اناديك لازم تكونين جنبي .
زينه وهي تفكر : اممم خلاص اوك ..

مشعل انبسط مرره ..


الساعه 8 في بيت ابو فهد وتحديدا غرفة نوره ..

رفعت نوره جوالها واتصلت علئ رهف ..

رهف : الوو.
نوره بحماس وحقد : رهففف الحقي ووربي عندي خبر يسوئ مليون ريال .
رهف بستغراب : وشو ؟

نوره قالت لها كل شي ..

رهف بصدمة : احلفييييي .!!
نوره : والله واسمه خالد بعد .
رهف بحقد : واااو خلاص زينه جات نهايتها ... المهم اسمعي اسبوع الجاي يوم الخميس مشعل وامه وابوه راح يروحون الشاليه كل سنة كذا يروحون يجلسون يومين هناك واول يوم يعزمون كل الحريم الي يعرفونهم واكيد امي وامك معزومين واكيد خالة زينه معزومة وولدها خالد راح يجي .
نوره بستغراب : طيب وش بتسوين ؟
رهف بحقد : راح تشووفين بس ابي مساعدتك انتي واخوك .
نوره : طيب . اخوي روح قلبه هالأشياء خاصه انه يكره زينه خلاص ابشري.
رهف : كفووو ..

في بيت ام خالد :

دخلت ام خالد غرفة خالد وشافته جالس يوقع اوراق وحست انه متضايق .

ام خالد : خالد .
خالد وهو يرفع راسه : هلا يمه حياك.
ام خالد ؛ كيف نفسيتك الحين ؟
خالد وهو يتنهد ويتذكر الي صار : الحمدالله .
ام خالد : خالد حبيبي ما ابيك تزعل والله ان في الدنيا في الف بنت وزينه هذا نصيبها هي مو مكتوبة لك ما ابيك تفكر .
خالد وهي يبتسم : لا تخافين يمه انا فكرت في المووضوع قلت خللاص هي تزوجت وانا لازم اشوف حياتي .
ام خالد : كفوو هاذا ولدي الي اعرفه انشاءالله يكتب الله الي فيه الخير قول امين ..
خالد : امين .. بس يمه ما ابيك تزعلين انتي وخالتي بسببي تراكم خوات .
ام خالد : اي والله صدقت انا مادري كيف صرخت عليها الله يلعن الشيطان بكرا بروح لها وبعتذر منها وابيك تجي معي
خالد ؛ من عيوي ياغاليه .


في بيت ابو مشعل وتحديدا شقة مشعل وزينه في غرفة النوم .

دخل مشعل الغرفة وهو يعرج وشافها تنفض الحاف السرير .

زينه وهي تفرش فراش في الارض : اوه جيت تعال يلا.
مشعل بستغراب : ليه حاطه فراش تحت ؟
زينه : عشان بنام .
مشعل : تنامين تحت ؟ انا وش قلت قبل شوي ابيك تنامين جنبي .... لا تخافين ماني مسوي لك شي .

زينه وهي تفكر ؛ امم طيب بس فيه شي لازم اسويه عشان اتأكد .
مشعل بتعب : وشو بعد ؟

فتحت زينه الدولاب واخذت اربع مخدات وحطتهم في نص السرير .

مشعل بصدمة : وليه كل ذا ؟ .
زينه : ما اثق الصراحه لازم احط هالجميلات .
مشعل في قلبه : لا حووول متئ يحن قلبك علي .

حطت زينه المخدات وقالت : يلا انسدح.
مشعل انسدح بطفش .

بعد 5 دقايق ..

مشعل : زينه نمتي ؟
زينه وهي مسكره عيونها : لا لسا .
مشعل : وش تفكرين فيه ؟
زينه وهي مسكره عيونها : ما افكر في شي ...
مشعل بخبث : انا افكر في البزراين .
زينه بصدمة : ايشش ! لا تر في شي ونام ....... لفت الجهه الثانيه .
مشعل بخبث : لا جد افكر بالبزارين وش رايك نجيب بزر ..... ورمئ المخده الاولئ .
زينه وهي مسكره عيونها وخجلانه : نام احسن لك .
مشعل وهو يرمي المخده الثانيه : او نجيب ا ثنين ........ او ثلاثه .... ورمئ المخده الاخيره. .

زينه قفلت معاه ولفت عشان بتتلكم معاه وشافت مشعل في وجهها .

زينه بصدمة : هييي وين مخداتي ليه رميتهم .... كانت زينه بتقوم بتجيب المخدات بس مشعل سحبها بقوة وضمها وقال : احبك ... احبك يالمجنونه احبك .
زينه كانت خحلانه مره ومو عارفه وش تقول .
مشعل وهو يبعد عن حضن زينه : ما اقدر اعيش من دونك والله احبك زينه انا عارف انك تك ....... قاطعته زينه وقالت : انا ما اكرهك لا تقول هالكلمة اكره الناس كلهم ولا اكرهك صحيح في البداية كنت قاسي بس عمري ما كرهتك وكلمة اكرهك ماكانت طالعه من قلبي كل ما اقولها لك كنت معمية في خالد وماكنت افكر في غيره بس لما عرفتك بدت مشاعري تتغير وقتها عرفت انت الشخص الي بكمل كل حياتي معاه.

مشعل مو مصدق الكلام الي يسمعه حس بفرحه كبير وضم زينه بقوة : وعد مني مارح اقصر معك
زينه : ههههههه بس مشعل بطلب منك طلب . ماابيك تضغطي علي هالفتره عطني وقت عشان افكر شوي .
مشعل وهو يتنهد : من عيوني اهم شي انك تقبلتيني .
زينه : ههههه يلا خلاص تراني فيني نوم .
مشعل : ههههههه بس اتوقع بعد هالكلام مارح تحطين المخدات .
زينه بخجل : اي مارح احطهم ........ وانسدحت وحطت الحاف علئ وجهها وهي تبتستم من الفرحه ..


(( ومر اسبووع ))

وزينه مشعل شبه زوجين يعني زينه الئ الان تعاند وماتحب مشعل يحضنها وكذا .

في بيت ابو مشعل الساعه 10 الصبح

الكل منشغل يجهزون اغراضهم عشان بيرحون الشاليه وبيجلسون يومين .

دخل مشعل البيت وشاف امه عندها شنطة كبيرة فيها اكل ..

مشعل : يمه .

ام مشعل وهي تسكر الشنطة : هلا حبيبي كيف رجلك الحين تعرف تمشي ؟
مشعل وهو يجلس : اي الحمدالله الا وش تسوين ؟
ام مشعل : احط اكل عشان نطبخه هناك .
مشعل : اي بس يمه فيه اكل هناك .
ام مشعل : زيادة الخير خيرين . انت الحين الي جالس تتقرق جهزت اغراضك ؟
مشعل : هههههههههههه لا يمه الحين بصعد وبجهزهم . صح مين بيجي الشاليه ؟
ام مشعل : بتجي ام نايف وبنتها وام خالد اخت ام نايف ام عبدالله وبنتها وام ياسر وبناتها وام فهد وبنتها وام رهف وبنتها .

مشعل تضايق مره لما سمع اسم ام رهف بس مايقدر يسوي شي ..

صعد مشعل ودخل الشقه وشاف مافيه احد ودخل الغرفة وشاف زينه تجهز اغراضها ..

زينه وهي ماسكه البلوزه تفكر : اممممم اخذها ولا ما اخذها .
مشعل ؛ خذيها .
زينه وهي متروعه : بسم الله من وين طلعت ؟
مشعل : هههههههه من الباب . المهم خلصتي ؟ عشان بجهز اغراضي .
زينه : اي بس انا جهزت اغراضي واغراضك .
مشعل : صدق ؟ ....... وقرب جمب زينه وقال بهمس : الحين حسيت انك زوجتي .
زينه دفت مشعل وقالت بخجل : كم مره اقولك لا تسوي هالحركات ....... وطلعت .
مشعل وهو يبتسم : فديتها هالطفله الخجووله ..

في بيت ان رهف :

كانت رهف مبسووطة مره علئ الي بتسويه اليوم كان قلبها كله حقد وكراهيه وحسد ..

رهف بحقد وحسد : بانت نهايتك يازينه اصبري بس كم ساعه وبتشوفين للي راح يجيك ....... اخذت رهف جوالها ودقت علئ نوره. .

نوره : الوو هلا رهف .
رهف بحماس : هلااا فيك المهم قلتي حق اخوك ؟
نوره وهي مو مرتاحه : اي قلت له وانبسط مرره واخذ رقمك وقال بيكلمك بس انتو من جدكم بتسوون كذا ؟
رهف بحقارة : اي من جدنا لازم نكسر غرور هالحقيرة زينه وبعدين وش فيك احس زينه كاسره خاطرك قوي قلبك ولا تخدعك ابتسامتها وبرائة وجهها ترا كلها كذب بكذب والدليل الي قلتي لي انها تحب ولد خالتها والله يعلم وش تسوي بعد اكيد تكلمه وتشوفه من ورا مشعل.
نوره وهي تتنهد : طيب بس وش الي يضمن لك ان ام خالد تنام في الشاليه ؟
رهف : انا متأكده كل سنه نروح وننام يوم ونرجع واكيد بتنام ام خالد لان ام مشعل لازم تخلي الكل ينام ، لان الشاليه بعيد عن بيوتهم واهم شي ولدها لانه هو الطعم حقنا .
نوره : طيب انا بروح امي تناديني اشوفك في الشاليه ...... باي .

في الشاليه :

زينه بحماس : يااااالبيه الاجواء تجننن واحلئ شي ان امنا لحالنا ونقدر نفصخ العبايات .
عبير : اي والله يجنن .. يمه وين مشعل ؟
ام مشعل : راح ينزل الاغراض مع السواق لانهم كثير المهم يلا تعالو داخل ترا الحريم شوي وراح يوصلون .
عبير وهي تمسك يد زينه وبحماس : يلا زوز تراني اليووم متحمسه .
زينه : هههههههههههه وانا بعد يلا .

دخلو داخل وعبير وزينه دخلو غرفة النوم الي فيها 7 سراير .

زينه : واااو ابي انام هينا .
عبير : مستميل لانك متزوجه ..... وقالت بخبث : واكيد اخوي مايستغني عنك .
زينه بخجل : بلا هالكلام الفاضي ويلا تعالي تحت .


الساعه 11 الظهر وصلو الحريم والبنات وجلسو يسولفون ولما أذن راحو يصلون وبعد ما خلصو رامو الامهات يطبخون الغدا وطبعا الرجال يبون اكل من برا مايبون طبخ بيت ..

رهف وهي تهمس حق نوره : نوره وين ام خالد ما جات ؟
نوره بنفس الهمس : الا جات شوفيها جالسه هناك
رهف وهي تقوم : قوومي معي .
نوره بصدمة : وين !
رهف وهي تجر نوره : قومي .


رهف : السلام عليكم خالتي ام خالد .
ام خالد : هلا وعليكم السلام حبيبتي .
ام مشعل : هاذي رهف بنت ام رهف .
ام خالد : صدق ؟ مشاءالله تهبل الله يحفظها
رهف : هههههه تسلمين . الا صح خالتي انتي بتنامين معنا في الشاليه ؟
ام خالد : ووالله مادري علئ خالد هو الي يقرر .
ام مشعل : وشو يعني مارح تنامين ؟ لا عاد انا كل سنه اعزم الحريم الي اعرفهم ولازم يباتون عندي هاذي قاعدة لازم تنامين هينا اليوم .
ام خالد : ههههههههه خلاص ابشري .


في مجلس الرجال :

دخل خالد وشاف مشعل جالس ابتسم وراح سلم عليه .
خالد : السلام عليكم .
مشعل : وعليكم السلام هلا خالد .
خالد : هلا فيك .. مشعل ممكن اكلمك شوي .
مشعل وهو يقوم : اي تفضل ......

طلعو برا .

خالد ؛ مشعل انا اسف علئ هذاك اليوم انا ماكنت عارف انها زوجتك وتتذكر لما قلت لك البنت الي احبها تزوجت هي نفسها زوجتك .
مشعل : حصل خير وانا ما ادري وش الي صار في الماضي بس خلاص الماضي يبقئ ماضي .
خالد ؛ اي والله صدقت بس بقولك عشان ترتاح انا نسيت زينه صدقني هي لما تزوجة ما فكرت فيها بس في البداية انقهرت من ابوها لانها غاصبها بس هذا نصيبها واتمنئ لها كل خير والله يوفقها معك.
مشعل وهو يبتسم : تسلم يالرفيق وانا اتمنئ انك تلاقي البنت الي تسعدك .
خالد : انشاءالله .
مشعل : يلا تعال ندخل داخل بعد شوي راح يحطون الغدا وتراني جوعان
خالد ؛ ههههههههههه اوك ..

عند البنات :

عبير وهي تناظر في رهف ومنقهره .
زينه بستغراب ؛ وش فيك ؟
عبير وهي تناظرهم : شوفي ريه وسكينه مدري وش يهمسون .
زينه : عههههههههه ليه حامله همهم ثنتينهم اردئ من بعض استغفرالله .
عبير : اي والله .

عند رهف جاها اتصال من فهد.

رهف وهي تقوم : نوره جاني اتصال مهم بطلع اكلم برا .
نوره بستغراب : طيب ..

طلعت رهف برا .

رهف : الو .
فهد بخبث وحقارة : هلاا والله معك فهد .
رهف : هلا فيك فهد انا رهف يد اختك نوره قالت لك عني وماله داعي نتعرف اكثر انا ابيك تساعدني في مهمة دامك تكره نفس الشخص الي انا اكرهه .
فهد بخبث : ابشري ياحلوه انا مستعد حق اي شي تطلبينه ، عشان ابي انتقم من الحقيرة زينه في شي براسك ؟
رهف بنذاله : اي فيه اسمع ................


الساعه 4 العصر.

عند مشعل كان يتصل علئ زينه بس ماترد ..

مشعل بعصبية وخوف : افف ليه ماترد وينها ........ ودق علئ عبير ..

عبير : الوو هلا مشعل .
مشعل : هلا فيك اسمعي زينه جمبك لاني جالس اتصل عليعا وماترد .
عبير : لا مو جنبي وجوالها هينا تلاقيها في الحديقه تصور لانها جايبه كاميره معاها .
مشعل : طيب .

قام مشعل وطلع من المجلس وراح الحديقه وشاف زينه .

زينه وهي تناقز : يااالبيه وش ذا الورد الاحمر يوووه يهبل ..... ورفعت كاميرتها وصورت .

مشعل وهو يضحك : ههههههههههههه مجنوونه .. ... وش تسوين .
زينه يخوف : بسم الله انا ابي اعرف ليه ماتطلع صوت وانتي تمشي وقالت وهي عايشه الدور : تعال شووف جمال هالورد يجنن صح؟
مشعل وهو يتمسخر : ايي مرره يجنن الصراحه اول اشوف ورد جميل زي كذا.
زينه : تتمسخر صح ؟
مشعل : ههههههههههههه لا ابدالمهم يلا البسي شيلتك باخذك مشوار .
زينه بستغراب : وين ؟
مشعل : مارح اقولك تعالي وتعرفين .
زينه وهي تروح : مابي..
مشعل وهو يسحب زينه بقوة وقال بخيث : لا تخليني اسوي شي مايعجبك .
زينه وهي تبلع ريقها : لا خلاص بجي .
مشعل : شاطره .... يلا البسي شيلتك ونقابك وتعالي .
زينه : طيب ...

دخلت زينه داخل واخذت شنطتها ونقابها وطلعت .

مشعل : يلا .

ركبو السيارة .

زينه : قولي وين بنروح .
مشعل : الحين راح تعرفين .. الطريق راح يكون بعيد شوي نامي .
رينه بستغراب ؛ انام ؟ طيب قولي وين بتاخذني !
،مشعل وهو يبتسم : مارح اقولك .
زينه ؛ اف منك ... غمضت زينه عيونها وبعد عشر دقايق نامت .

مشعل وهو يناظر زينه ويبتسم ؛ ههههههه بسرعه تنام هالبنت


وبعد 3 ساعات ونص ... صحت زينه بتعب وشافت مشعل يسوق وناظرة ساعتها وانصدمت وقالت : الساعه سبع احنا و.......... وقفت كلام لما ناظرة النافذة وشافت بحر ..

زينه بفرح لا يوصف ؛ وااااااااااااو بحر .
مشعل : ههههههههههه اي بحر حبيت افجأك وانتي عارفة الرياض مافيها بحر وش رايك ؟
زينه بفرح وهي تناظر النافذة : تجنننن مره مره مره تجنن ماصدق ما تتخيل قد ايش احب البحر .
مشعل ؛ اكثر مني ؟
زينه بخجل وهي تضيع السالفه ؛ قوم ننزل .
مشعل : ههههههههههه يلا .ً

نزلت زينه وهي منبهرة من جمال البحر : ياااالبيه احبك ياااااابحر يجنن .
مشعل : الله وش ذا الكلام اتمنئ اني بحر بس .
زينه استحت مرره من كلامه ونزلت راسها وابتسمت ورفعته وقالت بجد : مشعل .
مشعل : نعم .
زينه فتحتت شنطتها وطلعت سلسله الي من خالد وقالت : عارفه انك متضايق منها عشان كذا برميها في البحر لانها ماتهمني من بعد اليوم الي يهمني هو شي واحد الي هو انت وبسسس .
مشعل انبسط من كلامها وسحبها من خصرها وقال بحب وهمس : وانا بعد مايهمني شي في الدنيا غيرك ...
زينه : وش رايك انت ترميها .
مشعل : اوك ........ اخذ مشعل السلسه ورمها بكل قوته وقال : احبك .... وضم زينه بقوة .


وبسسسسسسس ردودكم وتوقعاتكم 🌻🌻🌻