[لامارا]

(( البارت السابع والعشرون ))

الساعه 12 في الشاليه الكل راح ينام .

عند البنات .

جود بخبث ؛ زووين اعترفي وين رحتي انتي ومشعل !
عبير : صاااادقه وين رحتو .
زينه : وجع اللقافه .
عبير وهي تهز زينه ؛ يلاا عاد قولي .
زينه بسرعه: اه منك طيب رحنا البحر شمينا هوا ورجعنا يلا قومي شغلي الفيلم ..
جود وهي تتثاوب : انا مارح اشوف الفيلم بروح اناام .... وقامت .
زينه ؛ مافيه غيري وغيرك البنات كلهم نامو صح؟
عبير بعصبية ؛ اي كلهم ساامجين يعني عطله وكله وحده خامده .
زينه : لاحوول طيب شغليه .
عبير : اوك .

عند الرجال كان الكل نايم ماعدا فهد وخالد كان جالس علئ جواله .

فهد في قلبه : خلصني قووم .

بعد خمس دقايق قام خالد .

فهد : شكله النوم مو جايك .
خالد وهو يبتسم : اي والله بروح الحديقه شوي اشم هواء تبي شي ؟
فهد بخبث : ابد سلامتك ..

طلع خالد وفهد رفع جواله وفتح الوتس .
فهد : خالد طلع شوفي اي طريقه عشان زينه تطلع بسرعه مافي وقت .
رهف : اوك.

عند زينه كانت تشوف الفيلم مع عبير .
عبير وهي تقوم : زينه بقوم بروح الحمام وبرجع اذا صار شي حماس خبريني بعد ما ارجع ..
زينه : ههههههه طيب .

طلعت عبير ودخلت الخدامه .

الخدامه : مدام زينه مستر مشعل يقول انت روح حديقه .

زينه بستغراب وخجل : الحين ؟ طيب خلاص روحي .


قامت زينه لبست عبايتها وشيلتها وطلعت ..

عند رهف ونوره .

رهف بحقارة : كفوو يا تانو وامسكي هاذي 200 ريال وما ابي اي احد يدري علئ الي صار الحين ولا ترا مافيه راتب ذا الشهر اوك .
تانو : اوك ..
رهف : يلا نوره بسرعه .
نوره وهي مو مرتاحه وبخوف : طيب اخاف فيه كاميرات .
رهف بطفش من برود وخوف نوره : لا ماافيه سألت فهد ويقول مو عدلين ومكسرين ومغبرين يعني محد راح يكشفنا يلا اخلصي .
نوره : طيب .

عند زينه كانت تمشي في الحديقه تدور علئ مشعل .

زينه وهي تناظر : اف وينه ........ وفجأه حست احد حط يده علئ فمها بقوة . وجلست تصارخ وتضرب اليد الي ماسكتها وفجأه حست بمنديل جا في خشمها وبعد 3 ثواني داخت زينه من المخدر وطاحت ..

عند خالد كان واقف يناظر السماء وفجأه حس بضربه علئ راسه بقوووة التفت حاول يشووف مين بس ماقدر من الألم واغمئ عليه .

فهد رفع جواله وفتح الوتس.

فهد : رهف المهمة انتهت وخالد موجود .
رهف : وزينه موجوده بعد اسمع روح حط خالد في الارجوحه الكبير وانا ونوره بنجيك .
فهد : اوك .

حط فهد جواله في جيبه وسحب خالد ورفعه بصعوبه وحطه في الارجوحه الكبيره وبعد 3 دقايق جاو رهف ونوره وهم حاملين زينه وجلسوها في الارجوحه الكبيره جمب خالد وحطو راسها في حظن خالد ..

رهف بحقارة : يلا بسرعه روحو لا احد يشوفنا بسرعه ..

ومشو المجرمين ودخلو غرفهم عشان محد يشك فيهم .


عند عبير طلعت من الحمام ودخلت الغرفة وماشافت زينه ..
عبير بستغراب : زينه . وين راحت ؟ اكيد راحت فوق صدق انها نكابه اكيد اخوي هو الي داق عليها اف حملت فيلم علئ الفاضي ...... وراحت تطفي الفيلم ...... وناظرة يمينها و شافت جوال زينه .

عبير: هههههههههه المجنونه ناسيه جوالها هينا ...... رفعت الجوال وشافت اسم مشعل.

عبير : الووو اكيد زوجتك مجنونه ناسيه جوالها هينا .
مشعل بستغراب : ليه زينه مو جمبك ؟
عبير : ايش ؟ لا كانت جمبي بس رحت الحمام وجيت وماشفتها قلت يمكن جات عندك .
مشعل وهو يقوم من السرير : لا مو عندي شوفي يمكن عند البنات .
عبير : البنات كلهم نايمين ، لحضه بشوف يمكن وحده من جلست وراحت عندها ...... طلعت عبير ودخلت غرفة البنات جود . واميره . وبيادر . ورهف ونوره ..... وشافتهم نايمين ....... ماعدا نوره ورهف كان يسوون نفستهم نايمين . و طلعت ودخلت المطبخ وماشافتها .

عبير بستغراب : الو مشعل زينه مو موجوده والبنات نايمين .
مشعل بخووف ؛ نعم ؟ وينها يعني كيف ماتدرين ! المهم انا بنزل الحين خلك مكانك .

عبير بستغراب : غريبه وين اختفت ...... مشت عبير وشافت امها نازله من فوق .

ام مشعل : عبير مانمتي وش تسوين ؟
عبير : يمه ماشفتي زينه ؟
ام مشعل بستغراب : زينه ؟ لا ليه هي ماكانت معاكم ؟
عبير بخوف : اي بس دخلت الحمام وطلعت وماشفتها وهي مو في غرفتها واخوي خايف عليها وجوالها هينا ... .


مشعل نزل من فوق .

مشعل بخوف : ماشفتو زينه ؟
ام مشعل بدت تخاف : ليه هي مو معك ؟
مشعل : لا كانت مع عبير .
ام مشعل بخوف : لا تخوفني يمكن في الحديقه تتمشئ .
عبير : اي صح يمكن تعالو نشوف ..

طلعو برا ..

ورهف ونوره كانو واقفين علئ الدرج يراقبون .

في الحديقه :

ام مشعل بخوف : وين بتكون يعني ؟ يارب سترك .
عبير وهي تناظر المرجوحه من بعيد : يمه مشعل كأن في احد جالس في المرجوحه .
مشعل وهو يناظر وبراحه : اي اكيد زينه ..
عبير وهي تبتسم : الله يهديها خوفتنا ..


مشئ مشعل ووراح عبير وام مشعل .

مشعل وهو يمشي ومعصب عليها وقال : زينه و ................ وقف مشعل عن الكلام وانصدم من الي شافه .

ام مشعل وهي تشهق : زينه .

عبير فتحت عيونها علئ الاخر من الصدمة .

كانت زينه منسدحه في حضن خالد ومسكره عيونها .

مشعل بعصبية تخووف وصراخ : زييييييينه .

زينه فتحت عيونها بصعوبه وناظره قدامها وشافت مشعل مطير عيونه ومعصب مره ، حست انها جالسه علئ شي ناظرة يمينها وانصدمت لما شافت نفسها في حضن خاالد .. وفي الوقت نفسه صحئ خالد وهو ماسك راسه يتألم وشاف زينه في حضنه وانصرع.

زينه وهي تقوم بسرعه ودموعها علئ خدها وقالت بتوتر وخوف : كيف انا ........

مشعل مسك خالد من ثوبه وبعصبية وصراخ : يااحقير وش كنت تسووي مع زووجتي هاااااااا !!
خالد وهو مو مستوعب الي صار : ايشش مشعل لحضه .
مشعل بعصبية اكثر وصراخ : وشو الي لحظه ياسافل يامنحط ماخذ زوجتي ولا حاطها في حظنك ياكلب ....... وعطاه بوكس في خده بقوه .
خالد وهو يقوم وماسك خده : مشعل واقسم بجلال الله اني ما ادري وش الي صار وربي .
ام مشعل بعصبية : زينه وش الي جابك هينا !
زينه وهي تبكي : خالتي والله ما ادري ..... وغمضت عيونها وتذكرت وقالت بتوتر وخوف : اي تذكرت الخدامه جات وقالت ان مشعل ينتظرتي في الحديقه وطلعت برا وانا امشي حسيت احد مسكني وخدرني هذا الي اتذكره .
خالد وهو يتذكر ؛ وانا كل الي اتذكره اني طلعت اشم هواء وحسيت جات ضربه في راسي بقووه .

مشعل بعصبية وصراخ : لا يااشيخ انشاءالله تبيني اصدق كلامك يازفت؟ وين كلامك قبل شوي انك نسيت زينه وماعد تفكر فيها وماتهمك وعيب وحرام ياقذر .
خالد : مشعل ما اسمح لك انا كلامي كان كله صح وانا ما عمري كذبت عليك وانا ماني قذر واذا مو مصدقني كيفك لاني انا واثق اني ماسويت ذا الشي وماعندي هالحركات.

مشعل كان بيضرب خالد بس امه وقفته
ام مشعل بشويش عشان محد يسمعها : مشعل خلاص تعال داخل نتفاهم مانبي احد يدري .
مشعل بعصبية وصراخ : وليه؟ ماتبين احد يدري عن هالقذرين..... وقال وهو يناظر زينه : قذره ونا الغبي الي كنت مصدق كل كلمة قلتيها وانخدعت في وجهك البرئ ودمووعك وفي الاخير طلعتي وحده بلا كرامه وقذره .

زينه كانت تطيح دموعها مثل الشلال لما سمعت كلام مشعل ماكانت قادرة توقف دموعها كان قلبها مكسور من كلام مشعل الي طعن في قلبها . ومو عارفه وش تسوي وقتها حست انها وحيده .

زينه وهي تبكي : مشعل والله انا وحده طاهرة ونظيفه وربي ماعندي هالحركات و............. قاطعها مشعل بعصبية ومسك يدها : بسسسس مابي اسمع شي ..... وناظر خالد وقال : وربي ما اخليك ..

مشئ مشعل هو يسحب زينه بكل قوته ووراه ام مشعل وعبير ..

ام مشعل : مشعل اهدا شوي نبي نعرف وش السالفه .
مشعل بعصبية : لا احد يتدخل والحقيرة انا بربيها .
ام مشعل : مشعل ا......... قاطعها مشعل بقوة وعصبية : يمه خلااص لا تخليني انادي الكل واقولهم....... وصعد فوق وهو يسحب زينه ..

عبير بخوف : يمه وش نسوي الحين وش السالفه والله ماني فاهمه شي ! راح يذبحها .
ام مشعل وهي تتنهد : اه والله مدري مين اصدق المشكله اني شفت ذا الشي بعيوني .
عبير بنفعال : يمه انا مستحيل اشك في زينه والله زينه ماعندها هالحركات صدقيني.
ام مشعل : خلاص اسكتي مانبي احد يدري عن الي صار وانا بعد واثقه فيها.
عبير وهي تبكي : اكيد احذ سوا فيها كذا يمه صدقيني . .
ام مشعل : مصدقتك .


عند مشعل دخل الغرفة وهو ماسك زينه بيده بقوه وقفل الباب وقط زينه علئ الارض بقوة .

زينه وهي تبكي من الألم والخوف : مشعل الله يخليك صدقني والله ما ادري وش الي جابني هناك وربي .
مشعل بعصبية : اصدقك ؟ وانا شفت ذا الشي بعيوني ؟ لهدرجه تحبينه لدرجه انك نزلتي نفسك ورحتي عنده !
زينه وهي تبكي : وربي ما سويت شي مشعل انا احبك انت والله احبك انت وانا مستحيل اسوي كذا !
مشعل بحقارة وخبث وعصبية : صدق ؟ اوك ......... وبدا يفتح ازرار قميصه وقال : الحين نشوف.
زينه بخوف وهي تبكي : وش تسوي !


مشعل قرب من زينه ورفع وقطها علئ السرير وقال بعصبية وخبث : الحين بشوف اذا انتي صادقة ......... وسدحها بقوة وجلس يبوسها بعنف .

زينه وهي تضرب مشعل عشان يبعد عنها وصراخ وتبكي : ابعد عني ابعد .
مشعل بعصبية وهو يبعد عن زينه : ليه ! دامك صادقه ليه ماتبيني المسك !
زينه وهي تبكي بحرقه ومنقهرة من الي سواه مشعل ؛ لاني ما ابيك تلمسني وانت مو مصدقني ولا واثق فيني مشعل لا تخليني اكرهك .
مشعل بعصبية وهو ماسك زينه من كتوفها ؛ انتي حبيتيني عشان تكرهيني ؟ اكيد طلعتي معاه وتكلمينه من وراي صحح!
زينه بعصبية وهي تبكي : لاا انا مستحيل اسوي كذا حتئ لو ماكنت متزوجه انا عندي كرامه يامشعل ماني من الشارع اقط نفسي حق اي احد واذا نت مو مصدقني معناتها ماتحبني .
مشعل بعصبية وحقارة ؛ بس الحين تأكدت انك وحده قذرة وماعندها كرامه ابد اكيد كنتي تقابلين رجال في مستواك ..

زينه ماتحملت الكلام الجارح اللي يقوله مشعل حست انها انهانت قدامه وكرامتها انداست ماتحملت ورفعت يده وعطت مشعل كف وقالت بكل ثقه ؛ حقير ما اسمح لك تهيني انا وحد عندها كرامه وعزه وانا واثقه من نفسي اني ماسويت كذا وعندي ايمان كبير بالله واذا مو مصدقني لا تصدق مارح اترجاك عشان تصدقني وانا ما ابي شخص مايثق فيني ومايسمعني ...

مشعل كان يسمعها ويناظرها ومعصب مره .

رفعت راسها وناظرت مشعل بكل ثقه وكره وقالت : مشعل . انا اكرهك وهالمره طالعه من قلبي وانشاءالله الله بياخذ حقي والحقيقة بتبان .

مشعل ماتحمل كلامها كان يحس وده يذبحها قام من مكانه وطلع من الغرفه وسكر الباب بقوة .

زينه ماتحملت وجلست تبكي بحرقه لانه مشعل مو مصدقها ومايثق فيها ومايسمعها وش تبي تقول كانت زينه تحس خلاص ان نهايتها بانت كانت تحس بالوحده .


عند ام مشعل وعبير كانو جالسين تحت وفجأه شافو مشعل نازل وهو معصب ويسرع في خطواته .

ام مشعل كانت بتكلم مشعل بس ماقدرت لانه كان يسرع ... وطلع .

عبير : يمه خلينا نصعد فوق نشوف زينه .
ام مشعل : يلا .

صعدو فوق ودخلو الغرفة وشافو زينه تبكي بقوة ودموعها ماتوقف .

ام مشعل بحنيه.: زينه .

رفعت زينه راسها وعيونها مليانه دموع وشافت ام مشعل قامت من مكانها وضمتها بقوة وهي تبكي .

زينه وهي تبكي بقوة وتقول كلام يقطع القلب : خالتي والله والله اني ماسويت شي وربي انا بريئه الله يخليك صدقيني تكفين .
ام مشعل وهي خايفه علئ زينه وبحنيه : حبيبتي لا تبكين والله مصدقتك وواثقه فيك وعبير بعد كلنا مصدقنيك .
عبير : زينه حبيبتي كلنا معاك وانشاءالله بنلاقي حل بس اخوي الحين معصب لانه شاف الشي بعينه .
زينه وهي تبكي : انا مدري كيف صار كذا ليتني ماطلعت الحديقه .
ام مشعل ؛ زينه حبيبتي قولي وش صار عشان نفهم .

زينه وهي تمسح دموعها : يا خالتي انا كنت اطالع الفيلم مع عبير وعبير قامت راحت الحمام وجات الخدامه وقالت ان مشعل ينتظرني في الحديقه ولما طلعت ماشفته وفجأه حسيت احد سحبني وخدرني بس والله مدري وش جابني عند خالد لما صحيت انصدمت الله يخيلك صدقيني .
ام مشعل : خلاص حبيبتي اهدي طيب انتي مو شاكه في احد سوا لك كذا ؟
زينه وهي تفكر : لا .
عبير بعصبية : في احد يمه واكيد هي الحقيره مافيه غيرها .
ام مشعل : مين ؟
عبير : اكيد رهف .
ام مشعل بصدمة : رهف بنت ام رهف ؟ وليه تسوي كذا ؟
عبير بعصبية : لانها تحب اخوي وناكنت متقبله زواجه من زينه اكيد هي الي سوت كذا .
زينه وهي مو مصدقه : لا عبير مستحيل كيف بتقدر تسوي كذا هي صح تكرهني بس ما اظن تسوي كذا .
عبير : لا حبيبتي هاذي كل شي تسويه تراها زقه .
ام مشعل : خلاص اسمعو نسأل الخدامه قومو .


عبير : لا يمه لا تقومين انا بتصل عليها وبخليها تجي ........ اتصلت عبير علئ الخدامه وقالت لها تجي . وبعد 3 دقايق جات الخدامه ودخلت داخل وعبير سكرت الباب .

ام مشعل بحده : تانو تعالي بكلمك .
الخدامة بخوف : نعم مدام .
ام مشعل بحده : مين قالك تقولين حق زينه تطلع الحديقه !
الخدامة بخوف : مستر مشعل .
عبير بنفعال : كذابه لا تكذبين قولي الصدق ولا .......... ام مشعل قاطعتها : عبير خلاص انا بتفاهم معاها وقالت بتهديد : ..... تانو قولي الصدق لاوالله الحين اقعد بابا وناخذك المطار ومافي راتب تكلمي.
الخدامة بخوف : لا ماما انا مايبي روح مطار .
ام مشعل بحده : تكلمي بسرعه.


الخدامة قالت لهم كل شي .

عبير بعصبية : شفتوو قلت لكم انها رهف الزقه هالحقيرة انا اوريها .
ام مشعل وهي تمسك عبير : هيي وقفي الحين الوقت متأخر خلاص بكر نكلمها ...... وناظرة زينه وقالت : زينه حبيبتي يلا نامي وبكرا نحل القصة ومابيك تخافين .
زينه بخوف اكثر من مشعل : انشاءالله .

فصخت زيه عبايتها وانسدحت علئ السرير تفكر في مشعل وفي المصيبة الي جات علئ راسها . كان عقلها مليان افكار وماقدرت تنام كانت كل ما تتذكر الشي الي صار تبكي وكل ما تتذكر كرهه مشعل ونظراته لها تبكي اكثر واكثر ... سمت بالله وغمضت عيونها.

عند مشعل كان جالس في سيارته ويبكي ومعصب من الي صاركان يحس بشعور الخيانه .

مشعل تذكر كلام زينه لما كانو في البحر وقال بعصبية وقهر : كذااابه كذابه !


(( يوووم جديد ))

الساعة 2 الظهر في غرفة البنات كانت موجوده رهف وعبير وام مشعل .

ام مشعل بحده : رهف اسمعي ابي اكلمك بموضوع .

رهف كانت خايفه مره ومتوتره خافت يكشفونها .

رهف : امري ياخالتي .
ام مشعل بحده : الخدامه قالت لنا كل شي .

رهف بلعت ريقها وقالت بغرور : وشو مافهمت ؟
عبير بعصبية : رهف لا تسوين نفسك ماتدرين انتي الي خدرتي زينه صح !
رهف وهي تسوي نفسها بريئه : ايش ؟ وش قاعدة تقولين ماني فاهمة شي ؟

ام مشعل قالت لها كل شي صار ..

رهف وهي تشهق وبكذب : ماصدق زينه تسوي كذا !
عبير بعصبية : رهف اعترفي بسرعه لا تكذبين .
رهف مع دموع متصنعه : خالتي وليه انا بذات شكيتو فيني انا مستحيل اسوي كذا .
عبير بعصبية : لا والله انشاءالله تبينا ننخدع بدموعك يانصابه انا عارفة انك تحبين اخوي وتبين تنتقمين يازقه.
رهف وهي تبكي : خالتي صدقيني انا ماسويت شي شدعوه انا مو نذله انا صدق كنت احب اخوك وانا اعترف بس لما تزوج خلاص نسيت كل شي .
ام مشعل وهي تتنهد لانها متقدر تتهمها بدون دليل : خلاص . اسمعي رهف ما ابي احد يدري عن الموضوع . يلا عبير ...... وطلعو .

عبير بنفعال : يمه من صدقك انتي صدقتيها !
ام مشعل : مدري بس مانقدر نتهم البنت بدون دليل يمكن الخدامة تكذب .
عبير : ماتكذب ........ وقالت بنفعال : يمه الشاليه في كاميرات !
ام ثشعل ؛ اي فيه بس للأسف مو عدلين .
عبير : افف يا الله وش ذا الحظ .


عند مشعل :

كان نايم في السيارة وصح من النوم وهو متكسر ...... ونزل من السيارة ودخل الشاليه وصعد فوق ودخل الغرفة وشاف زينه نايمه بتعب .

مشعل ناظرها وتذكر الي صار كان وده يذبحها بس مسك نفسه ودخل الحمام .

عند زينه فتحت عيونها بصعوبة وناظرة جمبها وماشافت مشعل وتأكدت انه مانام هينا قامت من السرير وشافت مشعل طالع من الحمام وتذكرة الي سواه فيها امس وانقهرت و مشت وماعطته وجه بس يد مشعل كانت اسرع منها مسك يدها بقوة ولواها !

مشعل بعصبية : لا تفكرين اني نسيت الي صار امس .
زينه بألم : مشعل اترك يدي قاعد تألمني.
مشعل بعصبية : يألمك ؟ بس مو اكثر من الألم الي سببتيه لي .
زينه بثقه وشوية خوف : بس انا ماسويت شي وانا متأكده وواثقه من نفسي بس انت مو مصدقني وش اسوي لك . ..... سحبت يدها بقوة ودخلت الحمام .

(( ومررر يومين ورجعو عايله ابو مشعل البيت وزينه ومشعل كل واحد يكره الثاني ))

في غرفة زينه كانت تلبس عبايتها بتروح بيت اهلها يمكن تروح الضيقه عنها وترتاح شوي وتنسئ الي صار .....وبهالحظة دخل مشعل ..

مشعل بحده وعصبية : وين !
زينه وهي تاخد شنطتها وبرود : بيت اهلي .
مشعل بحقارو : صدق والله ؟ وبأذن مين ؟
زينه بثقه : مافيه داعي اخذ اذن احد اذا بطلع . دامك ماتعتبرني زوجتك ليه اخذ اذنك ..
مشعل بحقاره : اقول اجلسي مكانك ومافيه طلعه .
زينه : بكفيك هو ؟
مشعل بعصبية : اي بكيفي يلا اجلسي لا والله اسوي شي مايعجبك ترا لساتني ساكت ومتحمل .
زينه. بغصه وقهر ; مشعل . طلقني.

مشعل بمسخره : ههههههههههه اطلقك ؟ ليه ؟ عشان يحلالك الجو ؟
زينه بعصبية : وشهالكلام ؟ لهدرجة انا طايحه من عينك ؟ انا ابيك تطلقني لانك مو واثق فيني وانا ما ابي رجال مايثق فيني .
مشعل بنذاله : تحلمين . راح اخليك معلقه حتئ لو اتزوج وحده غيرك عناد راح اخليك عندي ومارح اطلقك واخليك تتزوجين خالد ويكون في علمك الليله راح تكونين زوجتي جهزي نفسك ......... وطلع .

زينه بخوف : ياربي ساعدني وش اسوي .


وبسسي ردودكم وتوقعاتكم 🌻