[لامارا]

الفصل العاشر

اغمضت عيوني وارتعشت شفتاي وانعقد لساني....لا اريد ان اسمع من جديد ما سمعته ....تركته ومشيت لوحدي...لحق بي قائلاً..

- ريم استني يا ريم..مالك انا قلت حاجة مش حلوة؟؟؟

- قلت وانا احاول الافلات منه: انا ما ينفعش اتحب....ما تفكرش بالطريقة دي مرة تانية.....انت اسبوع ومسافر وخلاص...بتتكلم معاية بالطريقة دي ليه..تعليقة دي ولا ايه النظام؟؟؟انا مش بتاعت حب ....

-قال معترضاً: عارف...مش بتاعت حب...بتاعت جواز؟؟؟

- قال بعصبية وانا ابتعد عنه اكثر: ولا بتاعت جواز....انسى الموضوع من اساسه ما تفكرش فيه حتى...

- قال وقد اوقفني بعبارته: انتي في حد في حياتك؟؟؟

- قلت وانا استدير اليه: انا عمري ما كان في حد في حياتي...وعمري ما حتجوز...ومش عايزة لا احب ولا اتحب...

-انتي بتقولي كده ليه طيب حتى من غير ما تديني فرصة....

-قلت بصراخ : انا الي مش عاوزة حد يديني فرصة...عشان انتو بتدوني فرصة من هنا بتاخدو معاها حتة مني من هنا...انا مش عاوزة حد في حياتي...

- قال بعصبية: اطلعي العربية يا ريم اوصلك لو سمحتي وكفاية ززعيق في الطريق

- قلت بإصرار: مش حطلع...انا سكتي غير سكتك ...

- ليه مش رايحة عند سناء..

- لا....خلاص.....بس نصيحة عاوزك توصلها لطنط سناء وهي حتفهمها.....قلها خدي بالك من استاذ حمدي ...وهي حتفهم....

- طيب انتي رايحة فين دلوقت..

- قلت وانا استقل سيارة اجرة: مش مهم...حبقى اكلم طنط سناء في التليفون ....سلملي عليها قلها اني بحبها اوي....بس كفاية لحد كده....مش عاوزة احس اني عالة على حد...

.................................................. ........

تابعت طريقي في السيارة من دون ان انظر ورائي لارى ما حصل به....

لمحت نظرات سائق التاكسي غير مريحة...الى ان توقف وصعد معه شاب اخر ....جلس على المقعد الاماامي....

نظر الي من المرأة وقال...

- مين منار..؟؟؟

- قلت وانا احاول ان اتذكره: تعرفني؟؟

-ضحك بصوت عال وقال وهو يغمز لي: مش عارفاني....انا سمير من رجالة مراد بيه الي مرة وصلتك بردو بالعربية اما كنتي نازلة من بيتو...يوم الحفلة الكبيرة..

طرق قلبي بشدة وقد تذكرته فعلاً...

فقلت بتوتر: اهلا......

- قال ممازحاً: فين السهرة الليلادي؟؟عند مين؟؟

- قلت لسائق التاكسي: لو سمحت نزلني على جنب...(اعطيته مالاً)

- لالا ايه ده تدفعي فلوس وانا موجود؟؟ انتي يا قمر احنا الي ندفعلك مش انتي تدفعي...

- وضعت يدي على مقود الباب اريد النزول وجدت سمير يقول للسائق:ايه ليك مصللحة البنت حلوة ادفعلها الي معاك ونخلص ....(اقفل الباب من جانبه)

-صرخت قائلة: افتح الباب لاصرخ ووديك في داهية...

- ايه النظام اتغير ولا ايه؟؟ ولا احنا مش قد المقام ولا رجال اعمال ..اطمني انا معاية فلوس...

-قلت وانا اصرخ: اخرس وخليني انزل...

صفعني عندها على وجهي وانا اصرخ فيه وتركني انزل بعد ان شتمني....

الماضي اللعين يلاحقني وينشر لي صحائفي السوداء امام الجميع......

حاولت كتم جنوني وبكائي....ولملمت جراحي والمي وتابعت سيراً على الاقدام.....تعرضت لأسوء شيىء من الممكن ان يخطر في بال اي احد....وهو الاذى النفسي بكل اشكاله...مهما حاولت سأبقى في عيونهم فتاة ليل يدفعون لها لقاء ليلة ....

هذا اللقاء ذادني تعاسةً .....بأنني لن استطيع ان اتحول الى فتاة شريفة.....واذا تغيرت لن يتقبلني احد على ما سأكونه...سينظرون الي فقط على انني غانية ....

................................................

كنت قد اقتربت من منزلنا....فتابعت المسير مشياً على الاقدام....

حاولت الاقتراب قليلاً,,,رأيت نور غرفة اختي مازال مشتعلاً...لم اجرؤ على الدخول من جديد كي لا اتعرض لعملية طرد اخرى ....ونفسيتي بعد الذي حصل لي لم تعد تتحمل اكثر......

بقيت اقف وانا انظر الى جدران منزلنا وغرفه من الخارج...في حياتي لم اجده بهذا الجمال الذي اراه عليه الأن....اعشق رائحته حتى الطلاء المتعفن الذي يملؤه اشعر اانني احب لونه ورائحته...الشقوق داخل الجدران والتي تنذر بسقوط قريب اتمنى ان تدفنني تحتها...

ولكن هذا البيت رغم فقره الا انه يمنع علي الدخول اليه وانا التي فتحت لها القصور في السابق احن الى كل شيئاً فيه...

لم استطع الوقوف اكثر ..اسندت رأسي على عامود بجانبه وبدأت البكاء....

لمحت بعدها مي تطل من النافذة وتنظر الى اسفل...اختبأت فوراً كي لا تراني...وابعدت بعدها...

لم يكن لدي اي مكان الجأ اليه....حمدي يلاحقني ومصر على ان يذكرني بما كنت عليه ويريد ان يفضحني .....واهلي لا يردودنني...اين اذهب..؟؟؟؟؟

وجدت جامعاً مفتوحاً...وشيخ في الدخل يقرأ القرأن....دخلت ووضعت على رأسي ثوب صلاة ترك على جنب....وجلست خلفه استمع الى قراءته العذبة...وبكيت...كثيراً....ورك عت وطلبت من الله الرحمة والمغفرة......لاحظ الشيخ صوت بكائي...فألتفت نحوي وقال..

- مالك يا بنتي..انتي بتعيطي...

- مسحت دموعي واقتربت منه وجلست الى جانبه وقلت: اه اصلي اذنبت كتير...وبطلب من ربنا يسامحني...

- قال بعطف: طالما بتبكي يبقى انتي عاوزة توبة نصوحة وثابتة ان شاءالله

- هو ربنا بيغفر الذنوب كلها؟؟

- ربك ده هو التواب الرحيم والغفور ويغفر كل الذنوب الا الشرك فيه

- ونعم بالله...انا بعدت عن ربنا اوي...وارتكبت معصية يا سيدنا الشيخ..معصية يهتز ليها جبال ....بس انا ندمانة...وعاوزة اتوب..ما حدش ناوي يسبني في حالي....

- لا حول ولا قوة الا بالله...اسمعي يا بنتي..التوبة دي من عزم الامور واصعبها...لو فكرتي بالناس حتضعفي وحترجعي للي كنتي فيه تاني..فكري بالي رحمته وسعت السموات والارض والي فاتحلك ايديه وبيقلك تعالي انا جنبك انا معاكي مش حتردي؟؟

- ربنا عالم قد ايه انا ندمانة ....ومش عارفة اعمل ايه اصلح غلطتي...

- ارجعي لقلبك ونيتك الصافية يا بنتي وهي حتدلك..اي حد فينا مهما غلط جواه لازم يكون خير استغلي الخير ده وهو حيساعدك تتمسكي بتوبتك وتستمري فيها....ادعي وقولي يارب يا غافر الذنوب يا علام الغيوب اغفر لي ذنبي وارحمني تحت الارض وفوق الارض ويوم الارض ....ان الله يحب التوابين والمتطهرين...

وربنا معاكي يا بنتي....

- ادمعت عيناي فقلت له: انا ممكن انام هنا يا سيدنا الشيخ الليلة دي بس وبعدين اروح الصبح اصل مش عارفة ومش لاقية مكان ابات فيه..

- لا حول ولا قوة الا بالله....انا عندي اخت اسمها فاطمة ست وحدانية ساكنة قريب من هنا..انا حعمل فيكي ثواب اوديكي تنامي عندها الليلة دي...انا قلبي ارتحلك يا بنتي وباين عليكي بنت كويسة...

-ربنا يخليك يارب...

.................................................. ..................

اصطحبني الشيخ عند اخته فاطمة وهي سيدة عجوز تعيش في منزل من غرفتين فقط..استقبلتني بإبتسامة بعد ان طلب منها ان ابات عندها هذه الليلة...

ادخلتني الى غرفتها قائلة...

- نامي يا بنتي الليلة دي هنا والصباح رباح...

- كانت غرفة صغيرة اثاثها بسيط وسريرها على الارض ...لم اعترض شكرتها قائلة: انا متشكرة اوي مش حنسى المعروف ده..

- قالت متسائلة: هما اهلك فين يا بنتي.؟؟؟

- قلت وانا اتنهد: ماليش حد يا حجة غير ربنا...

- قالت بحزن: هو اكرم من اي حد ....ونعم بالله...

تركتني واقفلت باب الغرفة...وضعت رأسي على المخدة ورحت في نوم عميق..وكأن تعب السنين كله في جسدي.....

استيقظت على صوتها تريدني ان اتناول الفطور معها....

- تعالي يا بنتي كلي لقمة معاية..صباح الخير...

- صباح الخير يا حجة..انا اسفة الظاهر طولت في النوم..

- لق دي الساعة لسه 7 بس انا بصحى بدري..

-انا مش عايزة اغلبك معاية انا حغسل وشي واروح

- تروحي فين يا بنتي...مش حتروحي اي مكان قبل ما تحكيلي حكياتك وتقوليلي اسمك..

- قلت وانا اجلس الى جانبها: اسمي منار....

- طيب يا منار حكايتك ايه ...وايه الي خلاكي ما تلاقيش مكان تباتي فيه..احكيلي انا زي امك..

حدثتها عن حياتي من دون ان اتطرأ لموضوعي الشخصي...فقط عن والدتي واختي وانهما لا يردونني في المنزل لأنني تزوجت غصباً عنهن والذي تزوجته تركني وطردني وطلقني .....

الفت قصة....هكذا قصة كفيلة بأن تبرز وضعي....ولكن ....لم تكن مقنعة بالنسبة للحاجة فاطمة التي قالت..

- الدنيا يا بنتي ملايانة مصايب,,,الحمد الله على كل حالل

- طيب يا حاجة انا لازم اروح عندي مشوار كده...وحدور على شغل

- انتي مش راجعة هنا؟؟

- حدور على شغل....مش عارفة...حيحصل معاية ايه

- قالت بحنان: بصي يا بنتي الي عمل معروف لازم يكمله..وانا ارتحتلك مش عارفة شفت امبارح بليل حلم جميل وشفتك فيه ده اشارة من ربنا عشان ما سبكيش....وانا مش حسيبك...دوري على شغل وارجعي...ممكن تعتبريه بيتك لغاية ما تحسني وضعك..

- ضممتها قائلة: ادعيلي يا بركة.....عن اذنك...

.................................................. .....

عدت الى منزل السيدة سناء اريد ان اودعها واشكرها على ما فعلته معي...واعود وابحث عن عمل وبعدها الى بيت الحاجة فاطمة التي بعث الله لها اشارة كي تستقبلني ...

وهل هذا دليل انه بدأ يرضى عني؟؟؟؟

مهما فعلت سأظل اركع وابكي امامك يا الله...لاتحرر من عبوديتي لنفسي...ومن الشيطان الذي كان في داخلي...وبفضلك سأنتصر على الماضي...ولن يهزمني احد ما دمت معي....

دخلت وجدت الجميع في حالة استنفار....

وحمدي يجلس معهم .....ما ان لمحوني حتى اسرعوا الي..

- ريم...كنتي فين...

- نظرت الى حمدي بحقد: في بلاد الله الواسعة..

- قالت سماح: انا ما تخيلتش الي حصل يزعلك لدرجة تسيبي البيت انا ما قصدتش والله ازعق في وشك

- وضعت يدي على وجهها قائلة: حصل خير حبيتي...

- قال السيد رأفت: كنتي فين يا ريم...كنتي نايمة فين وانتي ما عندكيش مكان غير هنا..احنا من امبارح ما نمناش مندور علييكي حتى الاستاذ حمدي جيه من الصبح هنا بعد ما عرف انك ما قضيتييش الليلة هنا في البيت"...

- قلت موجهة الحديث الى السيدة سناء متجاهلة ما قاله: طنط سناء انا عاوزة اتكلم معاكي شوية قبل ما اروح

- قالت بأسى: على فين..انتي ما لكيش مكان تاني...

دخل بعدها الى الصالة مجد قائلاُ...

- ما لقتهاش...(سكت عندما رأني وقال)...لق لقتها..

- قالت السيدة سناء بعصبية: مهو كلو منك ازاي تسيبها امبارح اكيد انت السبب انت زعلتها..

- قلت مقاطعة: لق..ما حدش لو ذنب...انتو اجمل عيلة شفتها...الي شفتو منكم ما شفتوش عند حد في حنيتكم ورعايتكم..انا مش عاوزة اقلق حد تاني...انا جية اودعكم...واشكركم وبس...عشان تفتكروني بالخير...

- عندها قال حمدي بلغة متهكمة: بس مش مفروض تقوليليهم للعيلة دي الي حضنتك انتي تبقي مين يا منار!!!!!!!!!!!!!!!!!!!!!!

يتبع.....................