[لامارا]

\\

بارت الأجزاء الاخيره

صلو على النبي

الشيخ: يا سيف سعود ما يقدر راح انزل الذهب عشان نبي صلح نبي صلح ها


سيف: انا عارف إنه ماراح يوافق لأنه نذل وخسيس ": ابتسمت...ياشيخ من بعد رايك انا مالي راي قول وحنا معك

الشيخ : ها ياسعود متى ما زانت امورك عطها حقها يا ابني اهم شي نصلح


سعود: ما اقدر

الشيخ : يا سعود وقع على شروطها وهي تصبر عليك

الين : ابتسمت ومتيقنه ان سعود ماراح يوافق امه مسيطره عليه


سيف: ابي الين تتأكد ماهو كفو لها ماهو رجال ماهو حق مسئوليه ابيك تشوفين ان هذا ما فيه شخصيه يا خيتي اغسلي قلبك منه


الشيخ : ها ياسعود وش قلت كل شي متسهله لك يا ابني

سعود: ما اقدر تبي ترجع كذا اهلا وسهلا


الين : وقفت يا شيخ حولني للمحكمه حقي يطلع فوق خشمه


الشيخ : سعود قوم اطلع بررررررررررررا

سيف: الشيخ عصب ماعاد قدر يمسك اعصابه

سعود طلع
الشيخ قال: يا بنتي اسمحي لي هذا ما يبيك

الين : ابتسمت عارفه ارفع اوراقي للمحكمه ياشيخ وطالبه نفقتي وذهبي اللي انسرق وقمت

الشيخ : حقك ارفع الأوراق للمحكمه

سيف: لأول مره اشوف الين قويه ما انكسرت زي كل مره اجي معها وهي قلبها مليان خوف ورهبه والحين قويه


مرت أسبوعين

خالدة : كل يوم اطلع اخر الليل لعند عزيز خخخخخ اللي يشوفني ما كأنه زوجي امي لو تدري تقتلني بس مستغربه عزيز هادي معي ما يتكلم كثير يبتسم اذا تكلمت معه بس اللي يهمني ان انا ابيه واحبه وبس عارفه ومتيقنه ان عزيز ما يكن لي أي مشاعر عارفه جنون اللي يصير معي


عزيز: له أسبوعين تجي اخر الليل اللي يشوفها يقول سارقه تجي معها الاكل والحلا مستغرب هذي مجنونه جالسه تبربر على راسي انا كارهه بس مابي اكسر خاطرها تطلع اخر الليل عشاني بس تعبت وانا اجامل لازم المسخره هذي توقف ما راح اقبل انها تكون بحياتي انا اخذتها عشان امي بس .خالدة

خالدة: ببتسامه :سم

عزيز: نزلت راسي مابي أتكلم واطالع لها
لا عاد تجين عندي امي قالت لك لا تشوفي عزيز
اسمعي كلام امي


خالدة: كلمته حسيته ما يبيني انا بديت اتعلق فيك يا عزيز اذا مر يوم وماشفتك ما احس يومي له معنا :طالعت فيه يعني انت ماتبيني اجيك صح


عزيز: طالعت فيها .لأني ما بي اشوفك


خالدة: لـــ هالدرجه تكرهني .


عزيز: ما اكرهك ولا احبك يا خالدة اتمنى تفهمين وضعي

خالدة: افهمك انك ماتبيني ماتقبلتني بس انا احبك

عزيز: طالعت فيها وانا ماراح اتقبلك بحياتي

خالدة: كفايه ذل ياخالده قمت من عنده وانا قلبي يعورني يالله شعور يعور القلب لم تنرفض من انسان تحبه وتتعلق بهذا الشخص وفي النهايه تنرفض منه


عزيز:طلعت من عندي قلت لها كذا ما ابيها تجي لأنو قلبي بدا يميل لها وانا ما بي هالشي مابي قلبي يتعلق فيها



ارياف : لي تقريبن أسبوعين حابسه نفسي مالي وجه مستحي من ابوي وامي وطلال يصبح ويمسي علي بكلام يسم البدن انا استاهل تماديت مع خالد ما ادري عنه أي شي انقطعت اخباره انفتح الباب شفت اسيل تدخل

اسيل : صباح الخير

ارياف : بكسل هلا صباح النور توني صاحيه سكت شوي اسيل بسألك عن خالد ايش صار معه

اسيل : شكله جسمك لسا يحكك يبيلك بالعقال للمرة الثانيه اسكتي ماني ناقصه قلق عشت برعب بسبتك واها مابي اعور قلبك الخطبه انفسخت ابوي دق على عمتي قال مالكم نصيب عندي

ارياف : حطيت ايدي على فمي برجفه اسيل لا تعورين قلبي فيني اللي مكفيني تكفين قوليلي كذب تكفين قولي كذب

اسيل : اسفه ارياف بس والله مو كذب صار اللي صار ما نقدر نرجع شي انسي خالد


سيف: اوكي حبيبتي انتبهي على نفسك وعلميني ايش يصير مع الين لم تجي انا مستلم ما اقدر امسك الجوال اكثر من كذا أحاول اني اطلع من الدوام مشغول بالي عليها وخايف اهي وبدر ما يعرفون يتصرفون


هند: توها طلعت وانشاءالله تتيسر معهم اذا امداك روح لهم اوكي حبيبي بحفظ الله افكر بــــ الين واكثر شي معور قلبي ارياف تهورت هي وخالد اااااخ يا ارياف ليه سويتي كذا انتي عارفه ان ابوي لا يقتلك وصار اللي صار اااف عيت تكلم مع احد اسيل اشغلتني عليها ماهي راضيه تكلمني الله يسامحك يا اسيل صعبه تغصبيها تكلمني يالله قدم اللي فيه الخير

الين : وصلت للمحكمه الا اشوف سيف جاء ابتسمت

بدر: قومي الشيخ جاء
الين : طيب

بدر: أقول سيف سعود ماجا اخوه عيد جاء شوفو وراك

سيف: الله يجعله لا يجي حلو بصالحنا يا حلوو

بدر: ببتسامه يسس


الين : توقعت حبيب الماما ماراح يجي قبل أسبوع كانت خطبته والنظره تبعه وزواجه شهر سته هه دخلت عند القاضي انا واخواني واخو سعود جالس مقابل لا شيخ تكلم شيخ وقال قوليلي ايش صار معك من البدايه لنهايه

الشيخ : قوليلي ايش صار معك انا كل شي موجود عندي اللي كتبتيه بالورقه بس ابي اسمع منك

الين : حسيت برجفه من اللي قبالي قاضي ويخوف ويرعب نزلت الطرحه على البرقع وتكلمت : ياشيخ اول مشكله لنا المصروف مايصرف علي قلت مو مشكله راضيه كله عشان مايخرب بيتي وعلى اهانات يصبحني ويمسيني بعد الولادة جات امه حلفت ياشيخ انو معهم زواج وانا لعلمك ماكنت ادري كنت نايمه ببيت ام سعود جت هي وأخوه قصدي من عيد قالت معها زواج ضمنت الله ورسوله ان حتى الخاتم ما ينباع مشيت الى جده ما كنت ادري لم رتبت شطنتي شفت الذهب موجود قال لي امي اخذته عشان معنا زواج سكت ما تكلمت بعدها قالت لي امي ذهبك اخذته عمتك معك زواج سكت لأنو عارفه ما في أي زواج في تخطيط على الذهب جلست أسبوع بعدها شفت الذهب مو موجود بالدرج المفتاح نسيته بالتسريحه زوجي سرقني ياشيخ والله لو استأذن مني ما يغلا عليه يا شيخ بعدها بكيت انقهرت قالت لي امي طز بالذهب امسكي بيتك رد علي ايش ياشيخ الذهب انسيه مافي ذهب سكت قلت مايهم الذهب اهم شي يكون يحترمني ويقدرني بعدها بيوم اشوف رساله من اخته تقول له خذ الذهب ووده عند سيما ودقت علي امه تقول الذهب مافي انسي وبعدها يجي يقول لي اخوي جابكم من الرياض لجده لعب فيكم وبكل برود يجي يقول تبيني انزلك ولا اخوك يجي لك وبكل برود يقولي زي ما جبتك بجيب عشرة غيرك وفي العيد يطلقني ليه اخوي قال له الين لها حقوق عندك وبعدها يجي هذا اخوه و يقول عطونا 15 الف ويطلق سكت لأنو انذهلت من اللي قاله الكذاب هذا



عيد اخو سعود: ياشيخ هما قالوو عطونا 15 الف وطلقوو


بدر: لاتظلم نفسك ياعيد كفايه ظلم

سيف: ظلمتوها وجاي تتبلا الى هنا وخلاص الزم حدك

الشيخ: خلاص انت وهو كلمة وحده وبتطلعون كملي يا الين

الين : جتني رجفه ماقدرت أتكلم هذولا كيف عايشين مو معقول هذولا ناس قلت له: تحلف بالله ان احنا اللي طلبنا المبلغ شفته يسكت وماتكلم

الشيخ : عيد انا طالب سعود ليه ماجا

عيد: انا سعود موكلني ياشيخ

الشيخ : لا عاد تجي المرة الثانيه راح يجي سعود ان جيت بتنطرد

عيد: طيب ياشيخ

الشيخ: قلتيلي اربعه شهور ما يصرف عليك ومخليك عند اهلك وبعدها طلقك

الين : أي ياشيخ

الشيخ : تحتسب لك الفين ريال

عيد: ياشيخ لا ياشيخ اخوي معه زواج شهر سته

الشيخ : ماشاءالله بيتزوج وهو ما رجع حقها اجل احسب النفقه اربع الاف وان ماجت بينسحب اخوك

الين: كتمت ضحكتي قال يبي يقهرني نكب اخوه لا ردك انت واخوك هههههههههههه

سيف: ياشيخ قضية الذهب كيف

الشيخ : ارفع قضيه ثانيه للذهب لازم ترفع

الين : ياشيخ ذهبي فوق أربعين الف غيرته بنفسي مادفع ولا ريال

الشيخ : وقت القضيه يصير خيرهذي ورقة الذهب عبوها بعد اربع شهور قضية الذهب مع السلامه

بدر: ودي ارزع الشيخ باللي بيدي ناشف يتكلم بعصبيه طلعت ومعي ضحكه على اخو سعود حقد ولسا ما اخذنا حقها كامل بيطلع فوق خشمك انت واخوك


مرت اربع شهور

تمر السنين والاعوام ويمضي
بنا الزمان لتدق أجراس الوداع
فنمضي تاركين خلفنا لحظات
جميله لتبقي ذكرى على سطور
النسيان هكذا هي الحياة فالحبيب
قد ينسى معنى الإخلاص والصديق
والصدوق لا يوجد للوفاء معنى في
قلبه فالكل مشغول في دنياه لتبقي
انت جالس في المكان نفسه المكان
الذي تتطاير منه الذكريات المؤرقه
والجميله تقلب صفحات الماضي
وتتذكر أناس لم يبقى منهم سوى
الذكرى هكذا هي الأيام تخلق لتكون
ذكريات وهكذا نحن لم نكون سوى
ذكريات حفرناها داخل أعماقنا ووو
صورا حفظناها في عيوننا حنين
عظيم حبسناه داخلنا والأشواق
باتت واضحة بكلماتنا والحب لايمكن
أن نخفيه فينا



خالدة: خلصت الجامعه تعينت ممرضه وعايشه حياتي من احسن مايكون اشتركت بتحفيظ القران الكريم كل خميس اليوم اللي تكون اجازتي في مدرسه للكبار الحمدالله ربي هداني من العبايات الضيقه أي صح حامل لي ثلاث شهور ونص تبون تعرفون عن عزيز عزيز نقل للخرج كله يبي يتهرب منى ههه اااااااااااااخ ياقلبي ليتني انزع حبه من قلبي كيف اتعلق بواحد كارهني كنت أقول لأسيل في فرق بينا واليوم انا مكانك يا اسيل الرفض يعور القلب ترجيت امي ان ما تعلمه بحملي وانا عارفه امي سكوتها ما راح يطول أي امي ماقدرت تزعل على عزيز هذا حبيب القلب بس اللي خايفه منه امي ما راح يدووم سكوتها



عزيز: نقلت من الرياض وانا مقتنع طلبت دوره قلت لأمي نقل لأني ابيهم يثبتوني ليه صار معي ذا كله لأنو قلبي بدا يميل لخالدة وانا هذا اللي ما ابيه وكنت اسمع اخبارها من امي بس الحين لي شهرين امي وقفت ما تجيب سيرتها
عارف اني تعلقت فيها وفي تمردها
لا ..لا تكابر إنها انتصرت عليك
سلبتك بالتمثيل أغلى ما لديك
لا صحة لا أهل لا وجه ضحوك
فالحب لا نصح ولا جرح
يغير من مداره



الين :بقى ثلاث أيام وتنتهي القضيه خلاص سعود تزوج قبل شهرين هذاك اليوم ما انساه امي حاولت فيني نسافر الدمام
رفضت على بالهم اهرب عشان زواجه لا ما راح اهرب صح كسرني بس لسا عايشه ما انسى هذيك الليله نار بقلبي ماحد حاس فيني قهر قهر دخلت الحمام عزكم الله عشان ماحد ينتبه لي ما بيهم يشوفوني مكسوره ومقهوره بكيت على نفسي على قلبي اللي لا زال يحبه بكيت على حياتي وعلى كرامتي اللي راحت لواحد ما يستاهل ليتني وليتني

أحيانا نثق في اشخاص نسلمهم أرواحنا
قلوبنا أسرارنا افكارنا همومنا ننصدم
بأننا أخطأنا الأختيار وأن كلام ذلك
الشخص ومشاعره مجرد قناع كاذب
أكتشفناه من افعاله من خيانته ما أصعب
الصدمه في انسان أمناه على كل شي في
حياتنا أجاد لنا طريقه لبسه القناع وأخفاء
لنا بدقه نواياه
وكذب أحاسيسه اندفعنا لأنسان الذي
أبتسم لنا ومد يده للمساعده
وبمكر وخداع هو من تخلى عنا
وأول من اشهر سيفه في وجهنا هو
أول من أضحكني
وهو أيضا من أبكاني



ارياف :جننتني الجامعه كل وقتي صار كتب ونوم ابوي ما يكلمني واذا انا موجوده يطلع لغرفته والله يا يبا ندمانه
قد شعر راسي ابن ادم يغلط وانا غلطت امي ماهي زعلانه رضيت بس لازم تذكرني طلال لين الان اتهرب منه كل ماشافني اقلبي وجهك عني بتقول لي خالد ما ادري ايش صار معه انقطعت اخباره


اسيل : جالسه ارسم .مالت الرسمه معوقه يوو ايش الطفش
هذا نزلت تحت امي ماسكة الريموت ونايمه ضحكت ارياف كالعاده بغرفتها دخلت المطبخ شربت مويه قربت من امي اخذت الريموت سمعت دق التلفون رديت الووووو



بدر: حطيت ايدي على قلبي وانا ماني متوقعه انها بترد علي
هلا وغلا بعيون البقر

اسيل:جتني رجفه خوف فرح تهور اخذت التلفون ودخلت مجلس الحريم .ايش تبي يالجلمود

بدر:قلبي رفرف من هذي الكلمه والله اشتقت لها ياعيون البقر. بتجيك شغله خذيها كنت بقول لخالتي انو من الين


اسيل : يالجلمود اذلف انت وهداياك على بالك ما اعرف هداياك اللي زي وجهك

بدر:ابتسمت ومن قال هديه يالخبله أقول شي اشتقت لهذي الكلمه والله اشتقت

اسيل: ببكي وش تبي مني يابدر كفايه قلبي اللي فيه منك

بدر : من وصلنا الى هنا مو عنادك ورفضك

اسيل:بصدمه. الحين تلومني انا انا

بدر: اسيل تكفين الفرصه هذي لنا قرري تكفين لو مره وحده بحياتك

اسيل : قفلت الجوال وانا ودي اقتله الحين يلومني ليه ما يلوم نفسه طلعت من المجلس رجعت التلفون الا شفت الشغاله تجيب الصندوق وشفت طلال يدخل جتني رجفه


طلال: وين ابوي

اسيل : بربكه. ابوي مو هنا

طلال: شنو هذا الصندوق

اسيل: احم هذي راسله لي خالدة مكياجي واغراضي نسيتها عندها

طلال: اها قولي لأبوي طلال جاك مع السلامه

اسيل: مع السلامه اففففففففففففف اخذت الصندوق وانا معي رعب من طلال طلعت غرفتي فتحت الصندوق لقيت اول ورقه مكتوب فيها حيا الله عيون البقر ابتسمت على هذا المجنون
فتحت ثاني ورقه لو تبقين اخر بنت ما اخذتك والله تحرم علي اي بنت غيرك حطيت ايدي على فمي أي بكيت مابي صوتي يطلع ماني ناقصه اللي صار مع ارياف يصير معي احس اختي منبوذه منهم افتح اخر ورقه مكتوب فيها يا عيون البقر بجي اخطبك واذا موافقه ارسلي لي يالجلمود اعتبرك موافقه ما راح اسوي أي شي حتى تردين علي ههههههههههههههههههههههههه ههههههههه اجل انتظر يالجلمووووووووووووووووووو د

اليوم الموعود المحكمه

الين: اليوم القضيه الاخيره طلعت انا وبدر وسيف سيف اخذ رخصه من دوامه يبي يكون معي في هذا اليوم جلست وشفته يدخل شفت الخاين شفت اللي استغلني شفت اللي ظلمني يبتسم ابستامة انتصار ما راح تدووم ابتسامتك يا سعود صحيت من اللي انا فيه على كلمت الشيخ

الشيخ: الين قلتي ذهبك كم

الين : أربعين الف ياشيخ غيرته بفلوسي انا

الشيخ: اخذت ذهبها يا سعود

سعود: لا

الين :جن جنوني لم قال لا ينكر الكذاب ما تحملت يا شيخ اخذه وما استأذن مني سرقني قال او قالت امه مرهون وبعدها باعه ورماني وتزوج فيه

الشيخ : وش ردك ياسعود

سعود: انا اخذت وامي باعته

الشيخ : كم جاب الذهب يا سعود بذمتك

سعود: واحد وعشرين الف

الين : لااااااااااا مستحيل والله ذهبي اكثر من كذا يحطه بذمته ياشيخ

بدر: لا تظلمون نفسكم كفايه ظلم

الشيخ : اذا احد تكلم بتطلعون برا

بدر: سكت لأن الشيخ عصب

الشيخ : سعود اطلع شوي برا

سعود: طيب
طلع سعود والشيخ قبل قبال الين وقال لها الين انا ما ابغى اظلمك بس الذهب ما راح يجي كامل بيجي نصه لو رحتي محل الذهب بينزل حتى لو سعرتي الذهب

الين : بس ذهبي والله ياشيخ فوق الأربعين والله ولو تبيني احلف على كتاب الله

الشيخ : صادقة يا بنتي والله وحده ذهبها فوق الستين الف ورجع لها ثلاثين الف الذهب ينزل

الين : خلاص ياشيخ احكم مصدقتك وبنفسها جعله بذمته هو وامه

الشيخ : دخل سعود الذهب انحسب لها واحد وعشرين الف اللي قلته وبذمتك


سعود: امي باعته مو انا


الين : بنفسي حسبي الله ونعم الوكيل

سعود: ياشيخ انا ابي أقول شغله

الشيخ: نعم

سعود: لو فكرت تتزوج ابني باخذه

الين : جتني ضحكه على التافه هذا انت صير أبو له زي الخلق وبعدين تفلسف

بدر: ودي ارزعه بدبت المويه اللي بيدي

الشيخ: مو قضيتي انا قضية الذهب خلاص كذا اتفقتو


الين : صح مو هذا اللي ابيه بس على الأقل لعبت فيهم بالمحاكم سنه ونص وعلى اللي اسمعو ان ام سعود لو الموت بيدها قتلتني فيه طلعت برا المحكمه الا هو واقف عند السياره ويطالع فيني ناديت بدر

بدر: هلا يالله مشينا

الين : بدر كلمتين ابي أقولها له ممكن


بدر: ودي ارفض بس شفتها في خاطرها كلام اوكي منتظرك انا

الين : ما صدقت وبدر يوافق لي قربت منه شفت ابتسامته اللي دايم ماخذه عقلي والحين يا سعود على الابتسامه اشوف كره وحقد لك وقلت ببتسامه شفت ياسعود لعبت فيكم شفت سيف ايش سوا مو هين اخوي جابكم من جده لرياض ههههههههه باستفزاز قلتها له ومشيت شفته يحرك شفايفه ما ادري شنو قال
بعدها طلع سيف ورانا كان عند القاضي
بدر: خليتها براحتها الحمدالله يحتسب خمسه وعشرين الف مع النفقه الفلوس نستلمها بعد شهرين



خالدة : بطني مره باين لأني حامل بتوأم جلست بالحوش وانا احس اللي ببطني يتحرك ابتسمت شفت باب الشارع ينفتح
فزيت من مكاني ابي ادخل ماني مصدقه.......

(( ملاحظــــــــــــــــه ))

أنتظروني في الجزء ما قبل الأخير يوم السبت القادم ان شاءالله

ولا تحرموني من تعليقاتكم الجميلة