[لامارا]

- البارت الثاني عشر؛
سبحان الله وبحمده.
سبحان الله العظيم .
.
.
.
.
.
اليوم الي بعده " الخميس "؛
الساعه 9:51am؛
ف بيت ابو مشاري ؛
ام مشاري : ليه ماعلمتني لمن جات؟
مشاري : ماكنتي موجوده وهي وقتها كانت تعبانه ونامت بعد العشا ع طول
ام مشاري : بروح لها وطلعت ودقت باب غرفتها تستنى ردها
ريناد قامت وفتحت الباب وهي تمسح ع وجهها بنعاس وببحه : هلا
ام مشاري ابتسمت : اسفه صحيتك
ريناد بسرعه : لا لا عادي انا اصلا صحيت من قبل
ام مشاري بحنيه : طيب تعالي افطري
ريناد : لا تسلمين مب جوعـ
ام مشاري قاطعتها : افا ترديني؟ هيا تعالي افطري معي
ريناد عضت ع شفتها بااحراج : تمام جايه بس بغير لبسي .
ام مشاري هزت راسها : استناك تحت مارح اكل الا اذا جيتي
ريناد ابتسمت : طيب بجي معليك
ام مشاري ابتسمت ف وجهها وطلعت عشان تبدل ؛
ريناد غيرت بجامتها ولبست تنوره اسود وتيشيرت رمادي مشجر بااسود , ولفت شعرها ذيل حصان ونزلت وشافت ام مشاري جالسه ع طاولة الطعام تنتظرها ؛
ريناد ابتسمت ف وجه عمتها الي باين عليها طيبه كثير وجلست قريب منها ؛
ام مشاري : هيا سمي بالله يابنتي وكلي
ريناد هزت راسها وبدت تاكل .
نزل ياسر بسرعه وهو مستعجل : يمه مفتاح سيارتي وينه ! دورت عليه مالقيته ف غرفتي!!
ام مشاري عقدت حواجبها : بشويش ماله داعي العجله هذي!
ياسر طالع ف ساعة يده : تأخخرت مفروض من 8 وانا ف الشركه تنهد بضيق ومسح ع وجهه : الله يهديك يايمه ليه ماصحيتيني؟
ام مشاري : شفتك تعبان وخليتك تكمل نومك
ياسر انتبه لريناد الي جالسه قرب امه ومو معطيته وجه , ابتسم بخفه : اوه ريناد اختي ههنا اارحبي قطع عليه رنة جواله طلعه من جيبه ورد : هـ ..
نواف قاطعه وبحده : تدري الساعه كم دحين؟!
ياسر ضحك : اف اف شعنده الاخ نواف معصب ؟!! وطالع ف ساعته للمره الثانيه وببرود نرفز نواف : دحين الساعه 10 وخمس , ماعندك ساعه انت؟
نواف حط يده ع وجهه بقهر : ياسر يالـ**** تدري ضيعت علينا صفقه مهمه ؟!! الاوراق المهمه الي نحتاجها معك وانت حضرة جنابك ماجيت
ياسر حط يده ع رقبته : طيب اسمع ترا ضيعت مفتاحي مااعرف كيف اجي
نواف بضيق : ماله داعي تجي دحين مافيه شيء الاجتماع كان مع شركة الـ***** وهو كان الشيء الوحيد المهم اليوم
ياسر لما سمع كلامه جلس ع الكنب وابتسم : تمام معليك بنعوضها ان شاءالله
نواف تنهد بضيق : ان شاءالله
ياسر باابتسامه : زين شرايك تعزمني ع مطعم اليوم بمناسبة انك خطبت اخيرا؟
نواف غمض عيونه بقوه بضيق : لا اله الا الله ياسر شفيك اليوم ناوي تجلطني؟!
ياسر ضحك بقوه : اسمع طيب
نواف قام وطلع برا شركته : ايش؟
ياسر : وينك دحين؟
نواف : تو طلعت من الشركه
ياسر : زين مرني
نواف ركب سيارته : شعندك ؟
ياسر ابتسم : ابد مشتاق لك
نواف قفل باب سيارته وابتسم بخفه : خلي شوقك لك , يوم السبت مابقدر اداوم , خذ مكاني
ياسر قال بضحكه يبغى يستفزه : الي اعرفه ان الناس ياخذون اجازه بعد الزواج عشان شهر العسل مو بعد الخطبه !
نواف زفر بضيق : ياسر ياخي لا تجيب طاريها تدري اني كارهه الوضع وجالس تزيد علي !
ياسر باابتسامه : زين وش السبب اجل؟
نواف تنرفز : مزاج مالي خلق اداوم
ياسر ضحك بقوه : زين اسف اجل خذ راحتك لو تبغى تاخذ خمسه شهور ثانيه بعد خذ اهم شيء راحتك , فجأه حس بشيء بارد ينكب ع راسه لف ع ورا وهو متعود ع الحركه هذي وضحك : قسم بالله سمجت لك شهرين تسوينها كل يوم!
لين بملل : احسن رافع ضغطي
ام مشاري بحده : لين عيب وش الي رافع ضغطك اخوك الكبير هذا !
لين انتبهت لريناد وطالعت فيها ببرود وكشرت ف وجهها وطلعت لغرفتها
ياسر طالع ف جواله لقى نواف لسا ع الخط : اسمع نواف اكلمك بعدين طيب؟
نواف : اوكي
ياسر قفل وقام وطلع متوجه لغرفة لين , شاف الباب مفتوح ودخل وبحده : لين !
لين طالعت فيه وبااستغراب : ايش؟
ياسر بحده : انا ايش قلت لك امس!! عدلي علاقتك مع ريناد ولا اقولك لا تعدلينها لكن لا تطالعين فيها بنفس نظراتك هذي!
لين تحولت نظراتها لغضب : مايخصك وبصراخ : ااططللععع ببررررااا
ياسر تنرفز بقوه يكره دلعها هذا وبحده : لــيــن !!!
لين مستمره ف صراخها : بببررراا ببررااا يالككررييههه ببرررررراااا !!!!
ياسر طالع فيها بقهر وطلع بعد ماقفل الباب بااقوى ماعنده
شاف مشاري واقف برا ويطالع فيه بااستغراب تجاهله ومشى متوجه لغرفته ؛
مشاري بااستغراب : شسويت لها ؟
ياسر بقهر : تنرفز اختك هذي ! امس مفهمها اقولها خلي علاقتك كويسه مع ريناد واليوم لما شافتها تكشر ف وجهها وطلعت وخلت المكان لانها موجوده!!
مشاري بااستغراب من صراخها : اشبها تصيح طيب؟
ياسر طالع فيه بسخريه : لا تقول ماتدري ! اي شيء يصير عكس رغبتها ومايعجبها تجلس تصيح عليه , بعد ياسر عن مشاري ودخل غرفته وقفل الباب وانسدح ع سريره يحاول ينام .
عند مشاري؛
نزل وشاف ريناد جالسه مع امه وباين للحين مو قادره تتأقلم معهم , مر من جنبها وضربها ع راسها بخفه وباابتسامه : صباح الخير يااختي الحلوه
ريناد ابتسمت بااحراج : هلا صباح النور
مشاري : شخبارك؟
ريناد هزت راسها : الحمدلله وانت؟
مشاري : الحمدلله
ام مشاري عقدت حواجبها : مشاري شفيها اختك توها تصيح ماشفتها؟
مشاري طالع ف امه وابتسم : ياسر كان عندها والظاهر تهاوشوا وعشان كذا
ام مشاري بضيق : الله يهديها مدري متى تعقل
مشاري : معليك منها بيجي اليوم الي تعقل فيه من لحالها
ام مشاري : ان شاءالله , وطالعت ف ريناد وباابتسامه : ابوك بيجي اليوم بعد العصر ان شاءالله
ريناد بعدم اهتمام : يوصل بالسلامه
.
.
.
.
.
الساعه 4:21pm؛
لين نزلت تجري وفتحت الباب بقوه وبفرحه : ههلاا ههلاا اابويي وسلمت ع راسه ويده
ابو مشاري ابتسم بحنيه وسلم ع جبهتها : كيفها بنتي الحلوه؟
لين ابتسمت بقوه وبانت غمازتها : الحمدلله مشتاقه لك والله
ابو مشاري مسح ع راسها وغمز وبهمس : جبت لك شيء تحبينه
لين بفرحه : ااييفـ
مشاري قاطعها وسحبها ورجعها ع ورا : وخري خلينا نسلم ع ابوي وقرب من ابوه وباس راسه : الحمدلله ع سلامتك يبه
ابو مشاري : الله يسلمك .
ام مشاري طالعت ف زوجها وابتسمت : الحمدلله ع السلامه
ابو مشاري رد لها الابتسامه : الله يسلمك
مشاري لاابوه : ابوي مو ياسر الي جابك؟
ابو مشاري جلس ع كنبه ثلاثيه : ايه
مشاري بااستغراب : وينه طيب ؟
ابو مشاري : ارسلته يجيب لي غرض
مشاري : اهاا
لين جلست جنب ابوها وبهمس : ابوي ايش جبت لي؟
ابو مشاري ابتسم : استني شوي ويوصل ولف ع ام مشاري : وينها؟
ام مشاري فهمته وابتسمت : ف الغرفه الي قدام غرفة لين
لين فهمت وبوزت ماتحبها تخاف تاخذ مكانتها ف قلب ابوها ويصير ابوها يدلعها زيها
ابو مشاري قام وطلع وراح لغرفة ريناد تقدم ودق الباب
ريناد بصوت مسموع : تفضل
ابو مشاري دخل وشافها جالسه ع السرير وف حضنها اللاب توب وجنبها اوراق كثيره
ريناد استغربت انو ماتكلم ورفعت راسها واتسعت حدقة عينها بصدمه " وش جابه هذا! " اخر شخص توقعته يجي عندها
ابو مشاري ابتسم : مابتسلمين ع ابوك؟
ريناد طالعت فيه ببرود وحطت اللاب توب ع جنب وقامت وسلمت ع راسه وبهمس : الحمدلله ع السلامه ورجعت جلست ع سريرها .
ابو مشاري : تعالي تحت اقعدي مع اخوانك .
ريناد : عندي شـ
ابو مشاري قاطعها : انزلي وطلع
ريناد طالعت فيه بقهر , قفلت اللاب توب وطلعت وقفلت الباب ونزلت وجلست جنب مشاري .
مشاري طالع فيها وابتسم : هلا
ريناد ابتسمت : اهلين
مشاري ابتسم لما شاف زوجته نازله ومعها ولده " يزن " .
يزن راح لاابو مشاري وسلم ع يده وابتسم بفرحه : جدو جبت لي هديه ؟
ابو مشاري ضحك : ايه جبت لك هديه
يزن بفرحه : وينها؟!!
ابو مشاري باابتسامه : مع عم ياسر
يزن ابتسم برضى : طيب ولف ع جدته وسلم عليها وراح جلس جنب ابوه ؛
اسيل جلست جنب عمتها بعد ماسلمت ع عمها ؛
يزن التفت ع ابوه وطالع ف ريناد بااستغراب وراح لاامه وبهمس : ماما مين هذي!
اسيل بنفس همسه : هذي عمتك ريناد
يزن طالع ف ريناد وبعدها طالع ف لين
لين رفعت حاجب : ايش تبغى ماني معطيتك حلاوه !
يزن بوز : يع وراح لريناد ومد يده وابتسم : كيفك عمه ريناد؟
ريناد ابتسمت بحب لبرائته ومدت يدها وصافحته وباست خده : تمام وانت كيفك؟
يزن اتسعت ابتسامته : طيّب وجلس جنب ابوه وطالع ف لين وشمق
مشاري طالع فيه بصدمه وبعدها ضحك بقوه : ههههههههههههههههههههههههه ههههههههههههههههههههههههه ههههههههههههههههههههههههه ه
ابو مشاري كتم ضحكته وبحده مصطنعه : يزن ! وش هالحركات!!
يزن بقهر : كريهه مااحبها
اسيل بضحكه مكتومه : يزن حبيبي عيب روح سلم ع عمه وقولها انا اسف
مشاري طالع ف لين وبضحكه : من كثر ماتسوين له الحركه هذي صار يعرف يسويها
لين ضحكت : ماتعرف تسوي زيي حقتك ابو كلب
يزن بمكابره : حقتي احسن ولف ع ريناد وبحماس : صح عمه ريناد ؟ حقتي احسن من حقت عمه لين صح!! شوفي شوفي وشمق ورجع يطالع فيها بحماس : هاه عمه حقت مين احسن ؟
ريناد كتمت ضحكتها وبمبالغه : وااوو حقتك مايسويها الا الفنانين , انت اسطوورهه ععلمني كيف تسويها ؟!!
يزن كبر راسه وبفرحه : شوفي تحطين عيونك فوق وبعدين كذا تسوين وجلس يشرح لها
ريناد ماقدرت تمسك نفسها وضحكت بقوه : ههههههههههههههههههههههههه ههههههههههههههههههههههههه ههههههههههههههههههههههههه ه
مشاري بضحكه : يزن حبيبي عيب لعد تسوي هذي الحركه طيب؟
يزن طالع ف ابوه وهو عاقد حواجبه بزعل : ليه ؟ عمه لين تسويها دايما , وعمه ريناد تقول هذي حركة الفنانين !
اسيل اخذته وجلسته ف حضنها وسحبت ارنبة انفه بخفه : مايصلح حبيبي بعدين الناس يقولون يزن مو شاطر
يزن بعدم اهتمام : عادي عمه ريناد تقول انا اسطوره يعني انا شاطر وبعد عمه ليـ
لين قاطعته : بس انت ووجهك كل شيء حطيته فينا هاه ؟ قسم بالله لو عادك تسويها صكيتك كف
يزن طالع فيها وشمق وع طول حط يده ع عينه : مااسوييتت شيء
لين كتمت ضحكتها : ايه ماشفت شيء انا
اسيل سمعت صوت الباب انفتح وقامت بتطلع ؛
ام مشاري قامت : تعالي ندخل المجلس
اسيل راحت مع عمتها ؛
مشاري رفع صوته : يااسر تعال
ياسر دخل وف يده كيسين حطهم ع الطاوله قدام ابوه وجلس ؛
يزن بحماس : ععممي وين ههديتي؟
ياسر ابتسم : ف السياره اذا رحت اصلي المغرب جبتها لك
يزن : طيب خلاص
ابو مشاري طالع ف ياسر : نفس الي قلتلك؟
ياسر هز راسه : ايه
ابو مشاري ابتسم : زين
لين بحماس : اابوويي ههذا ههو!!
ابو مشاري ابتسم ع حماسها : ايه والتفت ع ريناد : ريناد تعالي واشر لها تجلس جنبه
ريناد عقدت حواجبها بااستغراب وقامت وجلست جنبه
ابو مشاري طلع من واحد من الاكياس بوكسين صغيره مغلفه بشكل جميل وحطها ع الطاوله قدامه : هيا كل وحده تاخذ واحد
لين وهي تطالع بحيره : طيب احنا كيف نعرف ايش الي جوا عشان نختار؟
ياسر بنص عين : مسويه ماتدرين؟
لين رمت عليه المخده وبضحكه : اص
ياسر مسكها وحطها ع جنب
لين طالعت ف ريناد وابتسمت : اختاري انتي
ريناد طالعت ف ابوها بحيره تحس بشعور غريب ! يعني كان مطلق امها ومايسأل عنها ابد ودحين بعد 17 سنه جاي مسوي الاب الحنون؟!
ابو مشاري كأنه فهم نظراتها واكتفى باابتسامه
لين قامت وجلست جنب ريناد واخذت البوكسين وخبتها ورا ظهرها وابتسمت : هيا اختاري اي يد ؟
ريناد ابتسمت : اليسار
لين اعطتها البوكس الي كان ف يدها اليسار واخذت هي الثاني وفتحته واول ماشافت الي جوا ابتسمت بفرحه : ووااهه ايفونن اكس !!! ورفعت راسها وطالعت ف ريناد وابتسمت : افتحي البوكس حقك
ريناد فتحته وطلع ايفون اكس برضو , طالعت ف ابوها وابتسمت بهدوء : شكرا
لين قربت من ابوها وباست راسه : شكرا يبه
ابو مشاري ابتسم : قليله ف حقكم .
لين طالعت ف جوال ريناد وبااعجاب : الاسود طالع رهيب ماشاءالله طالعت ف ياسر بنص عين : ليه ماجبتها كلها اسود؟
ياسر يرفع حواجبه وينزلها بااستفزاز : كذا مزاج
لين بقهر : اف كريهه
ريناد مدته لها : اذا تبغينه خذيه عادي عندي اسود او ابيض
لين بضحكه : لا لاا بس كنت ابغى انرفز ياسر وابتسمت : تتهنين فيه
ريناد بادلتها الابتسامه : وانتي بعد
ابو مشاري قام واخذ الكيس الثاني وطالع ف ريناد : اذا احتجتي شيء يابنتي علميني , واعطى مشاري الكيس الي معه : عطه اسيل ومشى رايح لغرفته
مشاري ابتسم بخفه
ياسر تمدد ع الكنبه وبملل : هيه مشاري
مشاري طالع فيه : هاه
ياسر بملل : شرايك نروح مصر يومين كذا ؟ احس طفشت ياخي
مشاري قام : انت انسان فاااضي
ياسر : اوه صح نسيت انك قبل كم شهر سافرت , اخذ جواله ودق : الله يخليلي نواف اعرفه مايقول لا
مشاري سحب عليه وراح للمجلس الي فيه امه وزوجته وجلس معاهم واعطى اسيل الكيس : من ابوي
اسيل استغربت وفتحت الكيس وشافت ايفون اكس ابتسمت بهدوء : يعطيه العافيه عمي مايقصر
.
.
نرجع لياسر واخواته؛
لين طالعت ف ريناد وابتسمت : ريناد كم عمرك؟
ريناد : 21
لين بااستغراب : اما مو باين , انا 20 ثاني جامعه دحين , انتي ثالث صح؟
ريناد هزت راسها : ايه
ياسر رمى عليهم المخده وجت ف لين : اص بكلم , واول ماسمع صوته ابتسم : ههلا نواف اسمع بروح مصر يومين كذا شرايك تجي معي؟ ... افا ليه ؟ تأفف بملل : طيب خلاص .. لا بطلت خلاص .. يلا معالسلامه اجل قفل الجوال ورماه ع جنب ؛
لين : هذا صاحبك نواف الي تقولي اخته معنا ؟
ياسر : ايه
لين بملل : اها
ياسر بااستغراب : شفيك ؟
لين : مدري ياخي كريهه ماحبيتها ولفت ع ريناد : ريناد تعرفين مها الـ***** ؟! الي ف التحضيري؟!!
ريناد عقدت حواجبها : الي قصيره وشعرها قصير شوي ؟
لين هزت راسها : ايه ههي تصير اخت صاحب ياسر
ريناد طالعت فيها بصدمه : اما عاد!!
لين : والله
ريناد بصدمه : هذي تصير بنت خالة صاحبتي الجوري
ياسر طالع ف ريناد بااهتمام " دامها صاحبة الجوري اكيد تعرف اذا تحب نواف او لا " , عدل جلسته وطالع فيهم بااهتمام ؛
لين : اما تقربلها ! , اسمعي بعدين وريني صاحبتك الجوري هذي طيب؟
ريناد هزت راسها : تمام , يوم الاحد ان شاءالله
لين : تمام
ياسر طلع جواله وارسل لنواف ف الواتس ؛" هيه ولد "
بعد دقيقتين رد ؛ " هاه "
ياسر : " الي تحبها شسمها ؟"
نواف :" ايش تبغى فيها ؟"
ياسر ؛" هي الجوري؟"
نواف ؛" ايه ليه تسأل؟"
ياسر ؛ " تخيل اختي طلعت صاحبتها , شرايك اخليها تسألها تشوف تحبك ولا لا ؟"
نواف :" مايحتاج عارف ردها ."
ياسر بتعجب : " ايش ردها؟"
نواف ؛" ياسر انت ايش تبغى بالضبط ؟ 😂, البنت متزوجه كم مره تبغاني اقولك؟"
ياسر قفل جواله وتأفف بضيق
لين طالعت فيه : لا اله الا الله شفيه الاخ متضايق ؟ وطالعت فيه بنص عين : لا يكون حبيبتك خانتك؟
ياسر بقهر : انطمي مو فايق لك
ريناد عقدت حواجبها : شفيك؟
ياسر قام : ولا شيء معليك وطلع.
لين شغلت جوالها : اسمعي ريناد خلينا نبدأ صفحه جديده , انا اسفه ع كل شيء سويته قبل ومدت يدها وابتسمت بهبال
ريناد ابتسمت وصافحتها : تمام وانا بعد اسفه
لين بحماس : اسمعي شرايك نروح نتفرج فلم وبعد المغرب نطلع المول؟ فيه مول جديد فتح عند بيتنا شرايك نروحه؟
ريناد : تمام يلا
لين قامت وسحبتها : تعالي غرفتي مسويتها زي السينما عشان اعيش الجو 😂
.
.
.
.
.
ف الليل , الساعه 9:31pm؛
ف بيت اول مره نروح له " بيت ابو عبدالمجيد "؛
ابو محمد باابتسامه : يا سعود نواف وده يشوف خطيبته .
نواف طالع ف ابوه بصدمه
محمد دقه وبهمس : انتبه لنظراتك
نواف عض ع شفته بقهر واكتفى بالصمت .
ابو عبدالمجيد ابتسم : يبشر هذا من حقه , ولف ع ولده عبدالمجيد " 13 سنه " : عبدالمجيد رح قول لااختك تجي المقلط عشان يشوفها ولد عمك
عبدالمجيد حط جواله ف جيبه وقام : ابشر يبه وطلع وراح لمجلس الحريم وشاف امه وعمته ام محمد واخته وبنت عمه " مها " وام الجوري ؛
عبدالمجيد : غزل ابوي يقولك روحي المقلط عشان نواف يشوفك
غزل قامت وراحت للمقلط وقبل تدخل وقفت عن المرايا وعادت ع روجها , عدلت لبسها ودخلت وشافته قاعد وابتسمت : هاي .
نواف وعينه ع الجوال : اسمها السلام عليكم مو هاي
غزل بملل : اف منك غثثيث
نواف طالع فيها بحده وجاء بيتكلم وانتبه لدخول عمه وسكت .
ابو عبدالمجيد لنواف : هاه ياولدي نقول تم؟
نواف بضيق : شفيك مستعجل ياعم ؟ خل البنت تستخير اول وبعدها خير
غزل حطت رجل ع رجل وباابتسامه : مايحتاج موافقه انا
نواف طالع فيها بنص عين وبقهر " ماتعرف تنطم هذي!"
ابو عبدالمجيد طالع ف بنته بحده : غزل اطلعي خلاص
غزل طالعت ف ابوها بااستغراب وطلعت بدون ماترد
نواف وابو عبدالمجيد رجعوا لمجلس الرجال؛
ابو محمد : هاه ياولدي؟ تم ؟
نواف ابتسم بتسليك : خير خير ان شاءالله
ابو طلال " عم نواف " : المملك ف الطريق ياسلطان !
نواف طالع ف عمه بصدمه " ع كيفه ذا يتصرف!!!"
ابو محمد لف ع ولده : هاه نواف ؟ تبغى الملكه اليوم ؟
نواف بسخريه محد لاحظها غير محمد : لا شرايكم اخذها معي يكون احسن صح؟
محمد بهمس : اوه بيجيب العيد شكله !!
ابو طلال بتأييد : هذا العشم ياولد اخوي , انا كذا سويت وشوفنا الحين انا وام طلال كيف لا اله الا الله , عين العقل كلامك ياولدي الله يوفقكم !
نواف طالع ف محمد بنظرة " انقذني!! "
محمد طالع ف عمه : ياعم عمر " ابو طلال " مايصلح كذا يمكن البنت مو راضيه!
ابو طلال : وليه ماترضى! وطالع ف ابو عبدالمجيد : اسألها , ماظنتي تقول لا
نواف جلس جنب اخوه بضياع مو عارف ايش يسوي يحس ان الي جالس يسويه غلط بس مو عارف ايش يسوي بالضبط , انتبه لدخول المملك وتنهد بضيق .
المملك : السلام عليكم
الكل : وعليكم السلام
المملك : وين المعرس؟ وبدا ف اجراءات عقد القران .
نواف سرح بتفكيره , معقوله يتزوج وحده غير حب طفولته ومراهقته وشبابه؟ وحده غير الجوري حب حياته؟ كل الي جالس يصير غلط ! خطبته لغزل غلط , زواج الجوري غلط , كله غلط , ليه مايصير له زي مايتمنى ؟ هو ليه ماتكلم من قبل وقال لخالته انو يحب بنتها ؟ ليه سكت كل ذيك المده ؟ , انتبه لعمه يناديه , رفع راسه : سم ياعمي؟
ابو طلال : الشيخ يناديك !
نواف طالع ف المملك : هلا؟
المملك عقد حواجبه : هل تقبل بـ غزل بنت سعود الـ***** زوجة لك ؟
نواف طالع فيه بتردد , حس بجواله يرن ف جيبه طلعه وشاف رساله " نواف , الججوري مو ممتتزوجه "
تتبعها رساله ثانيه ؛" مطلقه تقدر تخطبها يعني !!"
اتسعت حدقة عينه بصدمه " الججوري مو متزوجه ؟!! مععقوله ؟!! ليه محد قال له طيب؟!!!"
ابو محمد بحده : نوواف!!
نواف دخل جواله ف جيبه ورفع راسه وبجمود : ..



انتهى .