[لامارا]

-
سبحان الله وبحمده
سبحان الله العظيم .
.
.
.
.
اليوم الثاني ؛
الساعه 9:21pm
في مزرعة ابو الجوري ؛
ابوها وامها عزموا كل الي يعرفونهم حرفياً , فرحتهم بطلوعها من المستشفى كبيره لدرجه مابقى احد يعرفونه مادقوا عليه وعزموه , وقفت وطلعت وجلست برا , ف الجهه الخلفيه وهي متطمنه ان المكان هذا مستحيل احد يجيه , جلست ع الارض ومدت رجلها بتعب , عقدت حواجبها وهي تتذكر الموقف الي صار لها قبل خروجها من المستشفى بيومين , تنهدت بضيق مو عارفه مين هو ودها تعرف بس مو عارفه كيف , انتبهت لجوالها يدق وردت : هلا يمه .. طيب جايه .. لا معليك طلعت اشم هوا بس .. طيب .. يلا جيت .. معالسلامه قفلت الجوال وحطته ف جيبها ووقفت بتعب ومشت متجهه لباب جهة الحريم , وقفت ورجعت ع ورا بعد ماسمعت صوته , عقدت حواجبها وهي تسمعه يكلم بنت خالتها .. معقوله يعرف مها ؟!! ".
اتسعت ابتسامته وضرب جبهتها بخفه : ايه عشان كذا نادي امي
مها حطت يدها ع جبهتها وضحكت : طيب دقيقه ودخلت تنادي امها .
تأففت بضيق ومشت متجهه لباب المطبخ الخلفي , فتحت الباب ودخلت لفت عليها وهي عاقده حواجبها : كلمتيني؟
هزت راسها وهي تطالع فيها من فوق لتحت : ايه , اقول ماتدرين ان باب الرجال قريب من هنا ولا الحادث اثر ع عقلك؟
الجوري طالعت فيها بملل ومشت متجاهله وجودها
حطت يدها ع كتفها وبحده : اكلمك !
الجوري بعدت يدها عن كتفها وبضيق : بشاير وربي مو فاضيه لك وخري عني
بشاير بقهر : ايه فاضيه لنواف حبيب القلب
الجوري طالعت فيها بااستغراب : نواف مين ؟
بشاير بحقد : مسويه بريئه هاه؟ تحسبيني مغفله ماادري انك قتلتي اخوي عشان نواف الـ**** لكن وربي يالجوري مااخليك لا انتي ولا هو
الجوري بعصبيه : ايش الكلام هذا يابشاير؟ ايش الي قتلتي وماقتلتي؟ وبعدين مين نواف هذا الي تتكلمين عنه؟!
بشاير بصراخ : لا تتنككرينن !!! لا تنكرين اقولك!!! انا عارفه انك جالسه تستغبين لكن وربي مااخليك , طلعت من المطبخ وف قلبها كتلة من الحقد ع الجوري ع بنت عمها الي كانت لها ف يوم اخت وصديقه , من بعد ماجاها خبر وفاة اخوها وهي ف بالها ان السبب الجوري اكيد هي قتلته لانها ماكانت تبغاه ."
الجوري وقفت ف مكانها مصدومه من كلام بنت عمها , مصدومه وف نفس الوقت مستغربه , هي قتلت مين ؟ مين نواف هذا ؟ ايش سالفته ؟ ايش صار قبل مايصير لها الحادث ؟ معقوله نسيت احداث كانت صايره لها من زمان؟ طلعت من المطبخ وراحت للغرفه الي جالسين فيها الحريم , جلست جنب ريناد وبالها مشغول وياكثر الاسئله ف بالها ويحتاج لها جواب .
ريناد طالعت ف الجوري وابتسمت : شفيه الحلو زعلان؟
الجوري همست بضيق : ريناد مين نواف؟
ريناد طالعت فيها بصدمه معقوله نسيته ! معقوله ؟!! : هاه!!
الجوري طالعت فيها : تعرفينه صح ؟ مين هو؟
ريناد شتت نظرها وبتوتر : مدري .. مااعرفـ...ـه
الجوري تنهدت بضيق : طيب انا كنت احب ؟ مو انتي اقرب وحده لي ؟ اكيد تعرفين جاوبيني !!
ريناد : لا ماعمرك حبيتي انتي .
" يمكن هذي الفرصه الانسب عشان اخليها تنساه وتعيش مرتاحه , يارب مااكون غلطت ."
الجوري طالعت فيها بضيق تحسها تكذب! هي تحس انها فاقده شيء مهم بالنسبه لها , لكن مو عارفه ايش هو بالضبط , معقوله يكون الشخص الي تحبه ؟ .. بس ريناد قالت انها ماعمرها حبت ؟!! طيب ايش هو الشيء هذا الي تحس انو مهم لها وفاقدته؟! .. تنهدت بضيق تحس نفسها ضايعه , حتى مشاعرها مو عارفه كيف .. نطقت بهمس : يارب
.
.
.
.
بعد ساعات ؛
الساعه 1:42AM
ف بيت ابو محمد ؛
مها بحنيه : ياعمري يالجوري وربي باين عليها تعبانه مره ياعمري هي
ام محمد تنهدت : ايه ياعمري الله يشفيها بس
مها طالعت فيه وشافته سرحان وابتسمت بنذاله : يمه تدرين ان " وكملت وهي تشدد ع الحروف ." نننووواافف يـ اكككمملل؟!!!
رفع راسه وطالع فيها بنص عين
مها بقهر : على النظره هذي وربي لااكمل وطالعت ف امها : ولدك الدب هذا يحـ وبصراخ : اايي وججعع واخذت المخده ورمتها عليه : كرييههه يارببيي
مسك المخده وحطها ع جنب وبحده : اهجدي وبطلي كذب
ام محمد طالعت فيهم بااستغراب : شفيكم انتوا؟
مها : ولا شيء بس ولدك ذا يحب الـ
نواف طالع فيها بقهر ووقف وطلع وراح لغرفته
ام محمد طالعت ف مها : يحب مين؟
مها ابتسمت بنذاله : يحب الجوري بنت خالتي
ام محمد توسعت عيونها بصدمه : منجدك!!
مها هزت راسها : ايه والله مااكذب قال لي لما رجعنا من بيت عمي ذاك اليوم
ام محمد طلعت لغرفتها متجاهله نداءات بنتها وهي تفكر ف ولدها وحبه لبنت اختها , همست بضيق : ياعمري هو تعذب بالفتره الي كانت مخطوبه فيها , انسدحت ع السرير بتعب وهي عازمه ان من بكره تروح تخطبها له ولا يتعذب ولدها اكثر من كذا .
.
.
.
.
.
تكلم قاصد اخته وعينه ع الطريق : ايه تقولين سألتك عنه؟
ريناد هزت راسها : ايه تخيل تقول مين هذا وربي باين عليها ماتستهبل !
ياسر حك دقنه بحيره : معقوله نسيته هو من بين الناس كلهم؟ لف عليها : طيب انتي ايش قلتي لها؟
ريناد بدون ماتطالع فيه : قلت لها مااعرفه ومدري مين هو اصلا
ياسر طالع فيها بصدمه : ليه انكرتي؟
ريناد ببرود : احسن لها , كانت تتعذب بسببه وهو مايهتم !!
ياسر طالع فيها بلوم : الله يهديك ياريناد كذا غلط , مفروض تساعدينها عشان ترجع لها ذاكرتها مو توقفين ضدها! وانتي تعرفين انهم يحبون بعض !
ريناد باانفعال : شسوي طيب !! يوجعني قلبي لما اشوفها تتعذب بسبب خويك الكريه ذا وهو لو صدق يحبها ليه مايتقدم لها ويخطبها ؟ ليه يعذبها معه كذا ؟!! الجوري بتنساه وللابد بعد وانا بساعدها وبوقف معاها , لانو مايستاهلها هي تستاهل الي احسن منه تستاهل شخص يقدرها مو كذا !!
ياسر طالع فيها بضيق وتنهد : الله يهديك بس
لين قاطعتهم بملل : ماعلينا من سالفة الجوري ومدري مين ذا الثاني الي معها , انا جيععاننهه وابغى شاورما
ياسر طالع فيها بنص عين : بدري عليك توك تتكلمين؟ وقف السياره قدام البيت : يلا انزلوا
لين طالعت فيه بقهر وطلعت لحقت اختها
حط راسه ع الدركسون بضيق وهو يفكر بكلامها , نواف عانى كثيير , سنه وحده بس لكن صارت له اشياء كثير , تعب وتعب اكثر ف العلاج , راح وهو ف باله اذا قدر يرجع وتعالج بشكل نهائي بيتقدم لها , وانصدم بخبر خطوبتها وزواجها كانت صدمه كبيره بالنسبه له , تقدم لخطبة بنت عمه من قوة الضغط الي كان عليه من ناحية امه , عرف انها تطلقت وزوجها مات برضو , كنسل كل شيء وهو ناوي وبقوه انو يخطبها ف اقرب وقت , وصار الحادث لها وتعثر وتعقد الموضوع اكثر , تعرف الكل مانست احد , الا هو , تنهد بضيق ع حالة رفيق دربه وصديق طفولته , حس بجواله يدق ورد وحط الجوال ع وضع السبيكر : همم
..: وينك؟
طالع ف الاسم وابتسم بخفه : عند البيت , شعندك داق ؟ كأنك عارف اني افكر فيك
نواف بضحكه : افا تحش ؟
ياسر طالع ف ساعته : لا حاشا
نواف ابتسم بخفه : تمام بتجي القهوه ؟
ياسر حرك سيارته : انت هناك؟
نواف : ايه
ياسر : تمام جاي
نواف : يلا استنـ..
ياسر قاطعه وبهمس : ليه ماعلمتني؟.
نواف سكت وهو يستمع لكلامه
ياسر : ليه مصّر تخبي عني؟ ايش كان اتفاقنا يانواف؟
نواف ابتسم بضيق : ايش اقولك ؟ نسيتني ؟ قالت لي بعظمة لسانها اكرهك ؟ ايش تبغاني اقولك يا ياسر؟ , تنهد بضيق وقال مغير للموضوع : يلا تعال الشباب يسألون عنك
ياسر عض ع شفته بضيق ع حاله : تمام
.
.
.
.
عند نواف واصحابه ؛
بعد ماكلم ياسر رجع لهم ؛
التفت ع صوت خويه يناديه : هيه نواف تباري فيفا ؟
حسام : اسحب عليه وتعال العب بلوت معنا
زياد : لاا خليه يجي يلعب معي ناوي عليه بججلده جججلد
نواف تقدم واخذ اليد وابتسم بخفه : ياحليلك ماتتوب ؟ كم مره جلدتك بالله؟
زياد طالع فيه بنص عين : اقول يا تلعب ساكت يا قوم انقلع
نواف ضحك وهو يختار فريقه ويعدل تشكيلته
زياد بقهر : عاد ع الثقه هذي ياليتك تفوز بس
نواف طالع فيه وضحك : تتحدى يعني؟
زياد هز راسه وبهياط : ايه تخسي اصلا ماتقدر تفوز علي
نواف طالع فيه بنص عين وابتسم : تمام يلا خلص تشكيلتك عشان نبدأ
زياد عدل تشكيلته ع السريع وبدت المباراه بينهم ؛
دخل وشافهم يلعبون بحماس ومافي احد غيرهم عقد حواجبه بااستغراب : هيه
زياد رمى اليد بقهر وقام : انقلع ياشيخ وربي ماالعب معك بعد كذا
نواف ضحك بقوه وبسخريه : قايل لك لا تتحدى
زياد طالع فيه بنص عين ولف بعد ماحس بااحد جنبه : اوه ياسر , متى جيت؟
ياسر تقدم وجلس بضحكه : بدري توك تنتبه؟
زياد : قم خلنا نطلع
ياسر رفع رجله ع الطاوله وبملل : مافيني كويس وصلت هنا
زياد : براحتك .. يلا اشوفكم ع خير .
ياسر : الله معك
زياد طلع وبقى نواف وياسر ؛
نواف فصل السوني وقام جلس ع الكنب
ياسر : وينهم غريبه؟
نواف طالع فيه وابتسم : مدري ماحسيت فيهم لمن طلعوا
ياسر طالع فيه وضحك : يافرحة عمي فيك
نواف ضحك : اكيد يافرحته مو انا نواف ؟
ياسر ابتسم بخفه وكمل بجديه : اسمع تفتكر سليمان الـ*****؟ الي كلمنا قبل فتره ع اساس نسوي شراكه معهم ورفضنا ؟
نواف طالع فيه بااهتمام : ايه؟
ياسر : رجع كلمني ويقول ان لنا نسبة 40‎%‎ من المشروع اذا ساعدناه
نواف طلع جواله وبملل : مايتوب هذا؟ كم مره نرفض مانبغى ندخل بشراكه معه!! رفع راسه وطالع فيه : ايش قلت له؟
ياسر : رفضت اكيد .. بعدين لا تنسى مين هو سليمان ! يعني معقوله نسى الي بيننا من سنين وجاي يبغى يتشارك معنا؟ وضعه مشكوك فيه
نواف هز راسه : ايه هذا الي يخليني ارفض اصلا .. طالع فيه : بكره مداوم؟
ياسر تمدد ع الكنبه بتعب : ايه .. اهجد خليني انام
نواف طالع فيه : وش الي تنام ! حط جواله ف جيبه وقام وف يده مويته : قم قم وش الي تنام هنا!
ياسر حط يده ع عينه باانزعاج : يا**** وخر عن وجهي مصدع
نواف وقف قريب منه وفتح العلبه الي ف يده وهو يبتسم بخبث : طيب نام عوافي
ياسر بعد يده عن وجهه وطالع فيه وفز بعد ماحس بالمويا مكبوبه ع وجهه مسح وجهه بيده وبصراخ : ننننننننووووووواااااااافف ففف!!!!!!
نواف رمى العلبه الفاضيه وجت ع جبهته : احسن عشـ سكت وهو يشوفه قام وطلع بسرعه وهو يركض ويضحك : يااسرر خخلاص امزح ترا كنت امزح وربي
ياسر وهو يركض وراه بغضب : وربي لو مسكتك مايفكك من يدي احد
نواف نزل مع الدرج بسرعه وكان بيطيح كمل طريقه وطلع من العماره وركب سيارته بسرعه ومشى فطس ضحك وهو يشوفه يلحقه .. اخذ جواله ودق عليه وهو كاتم ضحكته : اهدى من كذا ياابو نواف
ياسر بقهر : تخسي وربي مااسمّي بااسمك .. وقف يا*** وربي ماارتاح لين مااكفخك
نواف ضحك بااستفزاز : تمام اذا لحقتني كفخني زي ماتبي .. زاد سرعته ودخل مع لفات الحواري يحاول يضيعه .. طالع ف المرايا الاماميه وضحك وهو يشوفه لسا وراه : اوه ناوي علي اليوم والله .. حاول يضيعه بس ماقدر مشى متجهه لبيتهم ووقف السياره عند الباب ودخل بيتهم و شاف مها جالسه ف الصاله لوحدها عقد حواجبه بااستغراب : شفيك ؟
مها طالعت فيه : ولا شيء بس ماجاني نوم
نواف تكلم وهو طالع لغرفته : اها اجل لا تنامين استني الصلاه .. مابقي الا ربع ساعه
مها : اوكي
نواف دخل غرفته وقفل الباب وتمدد ع سريره بتعب .. حس بجواله يدق ورد وهو كاتم ضحكته : ها شعندك؟
..: نواف الماجد ؟
نواف طالع ف الرقم بااستغراب وعدل جلسته وبجديه : اي نعم وصلتي ؟
..: ابغاك بموضوع , تقدر تقابلني؟
نواف رمش بصدمه من جرائتها : وشو اقابلك؟!!
ضحكت بخفه : ايه فيها شيء؟
نواف ابتسم بااستخفاف : ابد مافيها ولا شيء , سكت شوي وكمل بحده : اذا انتي فاضيه ف انا مو فاضي , ومره ثانيه راعي الاوقات الي تدقين فيها .
..: يعني يقال انك بتنام الحين؟
نواف : نمت ولا مانمت مايخصك , اخلصي علي ايش موضوعك؟
تأففت بملل : زين اسمع انا جُمان الخالد عمري واحـ
نواف قاطعها : مايهمني اخلصي
جمان بملل : اف منك , ابغاك تساعدني ف ****** , فهمتني ؟
نواف رفع حاجب : ايش بستفـ .. قاطعه صوت ابوه التفت عليه : هلا يبه
ابو محمد : كويس انك صاحي , لا تنسى تصلي ف المسجد
نواف هز راسه : ابشر
ابو محمد وهو طالع : لا تتأخر
نواف بعد ماشاف ابوه راح تكلم : ايه اقول ايش بستفيد انا اذا سويت الي قلتيه؟
جمان ابتسمت : لا تخاف مصلحه مشتركه , اظن الي ابغاه نفس الي تبغاه انت؟
نواف : خلصتي؟
جمان : ايه
نواف : تمام بفكر بالموضوع لان للحين مااحس اني اقتنعت .
جمان : افا هذا وانت رئيس شركة الـ***** تقول كذا؟ مفروض ع طـ
نواف قاطعها : دام خلصتي الي عندك بطلي فلسفه وقفل جواله ورماه ع السرير ودخل الحمام " يكرم القارئ ." وتوضى وراح المسجد يلحق ع الصلاه قبل الاقامه .
.
.
.
.
.
الساعه 5:21pm
في بيت ابو محمد ؛
محمد بحماس : هاه شرايك يبه؟
ابو محمد : مو انت حددته وكان مفروض قبل يومين؟
محمد : ايه بس لما صار للجوري الحادث كنسلت
ام محمد : خليه بعد شهر طيب
محمد عقد حواجبه بتفكير وبعدها ابتسم : خلاص تمام
ابو محمد : اتفق مع بنت عمك وبعدها احجز
محمد هز راسه : اكيد , اخذ جواله ومفاتيحه من ع الطاوله وقام وسلم ع راس امه وابوه : يلا انا بروح عندي دوام
ابو محمد : فمان الله
ام محمد : انتبه لطريقك ولا تغفل ع الجوال !
محمد ابتسم : ان شاءالله يلا معالسلامه وطلع
ام محمد بهمس : استودعتك الله
مها نزلت وشافت امها وابوها جالسين وراحت لهم : ابوي اسمع
ابو محمد طالع فيها : هاه يابنتي؟
مها ابتسمت : صحباتي بيروحون الشلال وبروح معهم
ابو محمد : طيب روحي
مها طالعت ف امها : بروح !
ام محمد : روحي بس تحصني و انتبهي لنفسك
مها ابتسمت : تمام , طلعت لغرفتها ولبست بنطلون جنز ازرق وثنت الاطراف ولبست عليه بلوفر رمادي فاتح وثنت اطرافه بما انو كبير عليها شوي , واكتفت باانها ترفع شعرها ذيل حصان , لبست عبايتها وشنطتها الاسود ونزلت استغربت لما شافت الصاله فاضيه وراحت المطبخ سوت لها كوب كوفي وطلعت الحديقه وجلست تشربه ع بال ماتجي صاحبتها .
حطت كوبها ع الطاوله ولفت بعد ما حست بااحد طالع من الملحق , شهقت بصدمه بعد ماشافته وطالعت فيه وهي ترمش بسرعه بعدم استيعاب
طالع فيها بعد ماسمع صوتها
مها قامت بعد مااستوعبت ودخلت جوا بسرعه , قفلت الباب وغطت ع وجهها بااحراج : ااهه ياربي وش ذا الموقف اححررااجج , سمعت جوالها يدق وردت : هلا منار .. هاه جيتي؟ .. ايه طيب .. اص طالعه اقولك .. طيب وقفلت وحطت جوالها ف الشنطه وقفلت ازرار عبايتها ولفت الطرحه وتنقبت , طالعت مع العين السحريه وماشافت احد وفتحت الباب وطلعت : شكله راح .. راحت للطاوله الي كانت جالسه عليها واخذت قهوتها معها وطلعت وركبت السياره
منار بقهر : ببببددرري .. لاا لاا ممررهه مرهه بدري!!!! كان تأخرتي شوي بعد!!
مها : انطمي تفشلت حسبي الله
منار : ايش صارلك؟
مها : استني اشرب القهوه ذي واقولك ورفعت الكوب لفمها وبدت تشرب
منار بملل : بسرعه تحمست
مها : اصبري عاد ماني قايله الا اذا خلصت
منار حطت يدها ع خدها بملل : كريهه تحمسين بعدين تسحبين
مها حطت الكوب ع جنب : خلاص رحمتك , بقولك اسمعي
منار : اخلصي
مها : تخيلي طلعت الحديقه ع اساس استناك وجالسه اشرب قهوتي ف امان الله , شوي حسيت احد طالع من الملحق انا لما حسيت لفيت , اقولك اننصدمت يوم شفته كذا يعني كيف اقولك .. يعني من جد انصدمت وشهقت لا شعورياً
منار قاطعتها : اممماا ععاد ياففضييححهه !! شافك؟!!!
مها عضت ع شفتها بااحراج : ايه ياخي وربي احراج خير انا شدراني انو فيه احد!!
منار : ماتنلامين وربي , هو الـ**** جلس يطالع ماصد؟!
مها بااحراج : مدري اول ماطالع فيني دخلت ع طول
منار طالعت فيها بنص عين وضحكت : مستقبل زواج ناجح بإذن الله
مها شهقت وبااحراج : لاا يا**** انقللععي اصلا انا ايش ابغى اقولك السالفه؟ لو قايلتها لميار احسن ماتطقطق كذا
منار كتمت ضحكتها : قوليها لميار محد ماسك
مها طالعت فيها بنص عين
.
.
.
.
" منار وميار ؛
صحبات مها , 19 سنه " مو اخوات " .
""
.
.
.



السلام عليكم , اهلاً
اعتذر ع التأخير , كان بودي انزله مره وحده بعد الاختبارات واكون قد اني كتبت كذا بارت غير ذا
بس حسيت اني مصختها بالسحبات 🤦‍♀.
ع العموم اتمنى اشوف ردود تسعد + التكمله بعد الاختبارات بإذن الله 💙💙