[البارونة]

المشاركة الأصلية كتبت بواسطة آمال العيد

مساء الخير


أكثر شي حبيته في الرواية الاقتباسات اللي ع هيئه حكمه نصيحة شي زي كذا وندى المطر دايم تقتبس هالحكم ع قولي 😁 جدا نصائح ذهبيه حبيت هالنقطة يارب وصل لكم المقصود

وثانيا مقدمه البارت والنهاية دايم تمثل الأحداث والبارت 💜

نبدأ في الرواية كفكرة وتسلسل الأحداث حلو مع ان عندي تحفظ في نقطة انا اعرف أنها رواية خياليه لكن حتى في إختياري للروايات أحب الرواية تكون محافظة ع الدين هذا اهم شي عندي هي روايتك البارونة وانا هذا وجهه نظري اختلاف الرأي لا يفسد للود قضيه

بداية السالفة كان مجرد تسليه وهذا التسلية وين حذفتها بواحد مريض نفسي وووه يا تتبعات هذه التسلية دمرها انا أمس من اقرأ جلست اتحلطم جد عقاب قاسي قاسي عليها وأشكال والألوان عقابه قسم أنها كرهها في نفسها وفيه وبجدارة بعد شك خوف من الخيانه وبعده إتهام أنها خاينه وتعذيب أشكال والألوان حسبي الله ع من كان السبب والله قهروني من جهه مضاوي ومن جهه سمر وكل وحده أخذت جزاها ومن جهه ثانية مرض ماجد النفسي واحد ناجح في حياته العملية م قدر ينجح في حياته الخاصه .. تراكمات الماضي لابد م تطلع في يوم وطلعت وحرقت كل شي ليتك م ورطت بنت الناس معك وش ذنبها .. لكن بداية عدم استقرار معا هو طريقة معرفتهم في بعض المكالمات هنا لو أنه شخص طبيعي راح يجي يوم ويذكرها فيها وراح يشك بعد يعني ادخل البيوت من أبوابها أسلم لهم كلهم

مها هالبيت انسانه متناقضة من تشكي للزوجها غادة سوت كذا وغادة وغادة ومن التناقض اللي فيها تقول انا م أحب المقارنه خير إن شاء الله يا صبر منصور عليك ويا كبر عقله

سمر بالمختصر من حفر حفره لأخيه وقع فيها وانتي اتهمتي بنت الناس بشي مو فيها الله يمهل بس م يهمل هذا جزاك وعقابك

ريم وعبدالله نقول الله يهنيكم ولا تنسون الله الله في الورد هو اللي جمعكم 😊

xسلطان م قصر أبد مع أخوه وزوجته وقف معهم وقفه والله يسعده مع نهلة انا حبيتها هالانسانه أحس شخصيتها تجنن

ندى هذا نهايه طريقك اخوك م يحب شوفتك طيحني نفسك من عين اخوك وعزوتك

أم فيصل عرفتي كيف تربين عيالك تربية صالحة

أبو ماجد اتوقع م قصرت لا أنت ولا مضاوي دمرتوا ماجد وقبلها أمه أهم وعذر مضاوي أقبح من ذنب الله لا يبلانا

اتوقع ذكرتهم كلهم وانتظر كيف راح تكون حياه غادة وماجد بس بقى حل واحد مدري راح يفيد أو لا و هو مذكرات صيته راح تغيير غادة تجاه ماجدx يبقى هذا السؤال اللي ننتظر اجابته في الأحداث القادمة وعلى العموم هم محتاجين طبيب نفسي م قصر ماجد حطم غادة تحطيم من بعد القوة ضعف ورعب من أي شي بسيط وفوقها تعذيبها .. يمكن لو فعلا راح يرجعون لبعض كلهم يحتاجون وقت طويل لترجع المياة لمجاريها صعب اللي مرت فيه غادة

يعطيك العافية البارونه وأنتظر الفصل القادم .. متى موعد الفصول 💜x

اغلب الروايات خيالية .. لكن تلامس الواقع .. الاخطاء هي الي تنعطف بنا في الحياة المنعطفات الخاطئة .. البعض يتعلم منها والبعض يغوص فيها لدرجة انه ينسى طريقه قبل المنعطف .. الرواية كالحياة .. لامثالية فيها ولا تظاهر .. غادة اخطأت ودفعت ثمناً غالياً .. روان اخطأت ودفعت ثمنا. غالياً .. سمر اخطأت ودفعت ثمناً غالياً .. وفي الرواية كما في الحياة .. لانخرج منها الا مستوفين مالنا وماعلينا ..
شكراً لتعليقك واهلاً بك بيننا ..
الفصل الـ 41 في الطريق .. والفصول يوم الخميس والاحد والاثنين ..