[لامارا]

-
سبحان الله وبحمده .
سبحان الله العظيم .
.
.
.
.
الساعه -4:52pm-
ف بيت ابو الجوري ؛
دخلت غرفة بنتها وشافتها جالسه ع اللاب توب وابتسمت : جوري
الجوري رفعت راسها وطالعت ف امها وابتسمت : هلا يمه؟
ام الجوري : مشغوله؟
الجوري حطت اللاب توب ع جنب : ابد , سمّي ياعيني؟
ام الجوري : خالتك دقت علي وبتجي عندنا , جهزي نفسك
الجوري هزت راسها : تمام
ام الجوري لفت بتطلع : اذا جهزتي انزلي
الجوري : طيب وسكتت شوي وكملت : يمه
ام الجوري لفت : هلا
الجوري قامت واتجهت للدولاب وبتردد : لا ولا شيء
ام الجوري طالعت فيها بااستغراب بس مااهتمت كثير ونزلت تجهز القهوه والضيافه
لبست فستان اسود طويل لنص الساق , وقفت قدام المرايا وطالعت ف شعرها الطويل الي واصل لااخر ظهرها , رفعت جزء منه وربطته والباقي تركته مفتوح , جات عينها ع العطور وسحبت واحد منهم وبخت منه , رسمت حواجبها بشكل ناعم وحطت ماسكرا وروج وردي ونزلت دخلت المطبخ واخذت لها كاس مويا وشربته , حطت الكاس ع الطاوله وطلعت وقابلت الشغاله : ميري .. خالتي جات؟.
ميري : يس
الجوري : اها , مشت متجهه للمجلس كانت بتدخل لكن وقفها الكلام الي سمعته
" ..: انا جايه عندك اليوم يادلال عشان هذا الموضوع .
ام الجوري عقدت حواجبها : شفيك يانوره ؟
ام محمد بجديه : ابغى اخطب الجوري لولدي نواف ."
عقدت حواجبها بضيق , نواف .. ليه احس انك شخص غريب ومااعرفك؟ ايش معنى انت ؟ ليه انت من بين الكل نسيتك ؟ , ايش كنت تعني لي؟! , تنهدت بضيق وبعدت عن المجلس وطلعت للحديقه وجلست ع كرسي وحطت العكاز جنبها , حطت راسها ع الطاوله وغمضت عيونها بتعب وبهمس : لا اله الا الله .
نرجع لـ ام الجوري وام محمد ؛
ام محمد طالعت ف اختها : هاه ايش قلتي؟
ام الجوري ابتسمت بخفه : فاجأتيني والله , لكن ابشري بعطي عبدالله خبر وبكلم الجوري وارد منك
ام محمد : الله يجيب الي فيه خير
ام الجوري : امين يارب
ام محمد وقفت : يلا انا بروح و
ام الجوري قاطعتها : وين يانوره بدري توك جيتي!
ام محمد ابتسمت : مستعجله والله مره ثانيه ان شاءالله اجيك واسهر عندك
ام الجوري تنهدت : تمام
ام محمد لبست عبايتها وتحجبت
ام الجوري طلعت قبلها : المره الجايه جيبي مها معك
ام محمد باابتسامه : ان شاءالله
الجوري دخلت وشافتها ف وجهها وسلمت عليها وبااستغراب : وين رايحه ياخاله ! بدري
ام محمد ابتسمت بخفه : المره الجايه اطول ان شاءالله
الجوري : كنت ناويه اقعد اسولف معك بس جاتني مكالمه
ام محمد باابتسامه : معليه مره ثانيه ان شاءالله او انتوا تعالوا عندنا !
الجوري هزت راسها : ان شاءالله
ام محمد انتبهت لجوالها يدق وحطته ع وضع الصامت : يلا فمان الله اشوفكم ع خير
ام الجوري : ان شاءالله , استودعناك الله
الجوري : معالسلامه ياخاله , سلمي ع مها
ام محمد : يوصل ان شاءالله وتغطت وطلعت ؛
.
.
ام الجوري حطت جوالها ع الطاوله وجلست ع الكرسي وطالعت ف الجوري وابتسمت بفرحه
الجوري انتبهت لاابتسامة امها وابتسمت : الله يديمهاا
ام الجوري باابتسامه : امين
الجوري بنص عين : بس شعندك مبسوطه كذا ؟ اكيد فيه شيء صح؟
ام الجوري ضحكت : بعدين اقولك
الجوري نطت جنبها : تككففينن يممه قولي ايش خليني انبسط معك يلا يممه قولي
ام الجوري سكتت شوي وهي تفكر بحيره
الجوري : ههيا ههيا مااعلم احد والله
ام الجوري تنهدت وبضحكه : طيب خليني افكر بالموضوع اول واناقش ابوك !
الجوري بااستغراب : ايش؟
ام الجوري قربت من بنتها وحطت يدها ع راسها وباابتسامه : كلمتني خالتك توها , تبغاك لولدها .. نـواف .
الجوري طالعت ف امها بدون ماتظهر اي ردة فعل
ام الجوري ابتسمت بحنيه : فكري بالموضوع زين وردي مني تمام ؟!
الجوري طالعت ف الفراغ وبحيره : امي
ام الجوري طالعت فيها بقلق : ياعيون امك شفيك ؟
الجوري بلعت ريقها وبتردد : لا خلاص ولا شيء بستخير واقولك
ام الجوري حطت يدها ع كتفها وبجديه : فكري زين يابنتي هذا زواج مو لعبه و استخيري كذا مره , ونواف ولد خالتك ماعليه كلام رجال صالح صايم ومصلي , واذا ماارتحتي وبترفضين هذا شيء راجع لك فكري زين يابنتي
الجوري هزت راسها : طيب
.
.
.
.
ف سيارة نواف ؛
نواف : كيف حال خالتي؟
ام محمد بنص عين : كلهم طيبين
نواف طالع فيها بااستغراب ورجع يطالع ف الطريق بعدم اهتمام : الله يديمها عليهم
ام محمد : امين .. كلمت خالتك
نواف : ايوه ؟
ام محمد طالعت فيه تترقب ردة فعله : وخطبت لك الجوري
نواف لف وطالع فيها بصدمه : من جدك يمه !!
ام محمد : ايه بتعترض ؟
نواف ابتسم بخفه : لا
ام محمد : يلا ان شاءالله نفرح فيكم قريب
نواف : امين وبنفسه " هذا اذا عرفتني اصلا ."
.
.
.
.
الساعه 2:21am
انتبه ع علبة المويا الي جت ع صدره رفع راسه وبحده : مين الـ**** الي رماها؟!!
ياسر عقد حواجبه : شفيك عصبت كلها علبة مويا وفاضيه بعد
نواف تجاهله واخذ جواله ومفاتيحه الي كانت ع الطاوله وقام وطلع
زياد : بسم الله وش فيه ذا !
ياسر قام : مدري عنه حط جواله ف جيبه واخذ مفتاحه وطلع بيلحقه وشاف سيارته مو موجوده , ركب سيارته ورفع جواله ودق ولبس السماعات ؛
بعد كم رنه وصله صوته : ايش تبغى ؟ ماني فايق لك ترا
ياسر بهدوء : وينك ؟
نواف طالع ف المحلات القريبه منه : عند مطعم الـ*****
ياسر حرك سيارته : جاي لك لا تتحرك وقفل بوجهه
بعد خمس دقايق ؛
وقف سيارته ونزل بعد ماقفلها , فتح الباب : وخر انا بسوق
نواف نزل وراح للجهه الثانيه , بعد ماركب نواف حرك السياره ومشى ؛
نواف : ليه جيت؟
ياسر وعينه ع الطريق : شفيك منفس كذا ؟ ايش صار؟
نواف طالع فيه بدون مايقول شيء
ياسر طالع فيه : ايش صار؟
نواف : امي خطبت لي الجوري اليوم
ياسر رفع حواجبه بتعجب وابتسم : طيب حلو الله يتمم لكم ع خير يارب , وليه زعلان طيب ؟
نواف تنهد بضيق : مو زعلان بس ياخي مو عارفتني شلون تبغاها توافق كذا وانا بالنسبه لها شخص مجهول؟
ياسر ضربه ع كتفه بخفه : ياشيخ هونها وتهون , بعدين وش دراك انها بترفض؟ يمكن توافق!
نواف ابتسم بسخريه : يصير خير
ياسر : تفائل وان شاءالله خير
نواف : ونعم بالله سكت شوي وبتفكير : اسمع شرايك نسافر؟
ياسر ابتسم : قدام وين بس؟
نواف عدل جلسته وبحماس : ايطاليا , ودي اروح روما
ياسر لف عليه : اوكي , وبعدها نروح ع برشلونه شرايك ؟
نواف ابتسم بحماس : قداامم ياشيخ يلا من دحين لو تبغى
ياسر ضحك : خلاص نرتب الوضع ونروح اليومين ذي ان شاءالله
نواف : ان شاءالله
ياسر جنب السياره ووقف ونزل : انزل يلا
نواف توه ينتبه للمكان ونزل : ايش تبغى هنا؟
ياسر اعطاه مفتاح سيارته بعد ماقفلها : تغيير جو , امشي بس ومشى مبتعد عنه متجهه للبحر
نواف حط المفتاح بجيبه ومشى ورا ياسر
.
.
.
.
-نسيت اعرفكم بعايلة ابو مشاري 🤦🏻‍♀؛
ابو مشاري " محمد " 58 سنه , كان متزوج من ام ريناد وطلقها .
ام مشاري " مريم " 55 سنه زوجة ابو مشاري الاولى .
مشاري 29 سنه , دكتور اطفال " متزوج من بنت خالته اسيل , 23 سنه , ولدهم يزن 5 سنوات -"
ياسر 26 سنه , مع نواف ف الشركه " حقتهم سوا ."
ريناد 21 سنه , صاحبة الجوري تخصصها انقليزي " اختهم من ابوهم ."
لين 20 سنه , تخصصها قانون .-
.
.
.
.
.
اليوم الثاني ؛
الساعه 9:31AM ؛
فتح الباب ودخل : اسمع ترا رتبت الجدول وكذا بنقدر نسافر يومين
رفع راسه وحط الاوراق ع جنب : يومين بس!
نواف جلس ع الكرسي الي قدام المكتب : ايه الاسبوع ذا عندنا اجتماعات كثير اصلا
ياسر تذكر وفتح الدرج وقعد يقلب بين الملفات : مو قلت انك تبغى معلومات عن جمان الخالد؟
نواف طالع فيه : ايه عرفت شيء عنها؟
ياسر : ايه , قفل الدرج وفتح الدرج الثاني وطلع الاوراق وحطها ع المكتب : هذا الي قدرت اعرفه بس
نواف بدا يقرا بصوت مسموع : جُمان حماد الخالد , 21 سنه ولدت بيوم الـ سكت شوي ولف ع ياسر : ايش ابغى بعمرها وتاريخ ميلادها انا؟
ياسر بنص عين : تحمد ربك عاد جبتها لك وماقلت لا
نواف كمل يقرا : تخصصها ادارة اعمال بجامعة الملك عبدالعزيز , اخر مستوى لف ع ياسر وبنص عين : ايش تقصد باانك تذكر تخصصها والمستوى؟
ياسر مافهم قصده : مو قلت تبغى كل شيء عنها حتى اتفه شيء تبغاه؟
نواف كتم ضحكته : ايه صح , ورجع يطالع ف الاوراق ويقلب فيها بااهتمام
ياسر : اقول نواف حجزت تذاكر؟
نواف طلع تذكرتين من جيبه وحطها ع المكتب ورجع يقرا
ياسر : نـ .. لما شاف نواف يبتسم بمكر عقد حواجبه
نواف طلع قلم من جيبه وحدد ع الكلام الي يهمه ورفع راسه وطالع فيه والابتسامه مرسومه ع وجهه : هلا
ياسر وهو عاقد حواجبه : شفيك ؟
نواف اتسعت ابتسامته : عرفت الي ابغاه
ياسر : ايش الي تبغاه؟ ومين هذي اصلا ؟
نواف : هذي سلمك الله وحده دقت علي قبل يومين , تفتكر لما لحقتني بالسياره ؟ ذاك اليوم كانت تقول انها تبغى تساعدني وع قولها مصلحه مشتركه
ياسر حط يده ع خده : ايه ؟
نواف : زبدة الموضوع انها تبغى تدمر سليمان الـ*****
ياسر رفع حواجبه بتعجب : ايش كان ردك لها ؟
نواف رجع ظهره واستند ع الكرسي : قلت بفكر لان اصلا الموضوع ماكان داخل مزاجي , انت تقول ان سليمان كلمك اليوم الي قبله وفجأه تجي ذي وتقول ابغى ادمره ومدري ايش
ياسر : صح كلامك والله وبعدين ايش دراها انك تبغى تدمره اصلا ؟!
نواف رفع كتوفه ووقف ورمى الاوراق ع المكتب واخذ وحده من التذاكر وحطها ف جيبه : المهم شف الصلة الي تربط بينهم
ياسر اخذ الاوراق وشاف الكلام الي مأشر عليه : عايشه مع جدتها من امها وخالها , نزل تحته بااربع اسطر وكمل : امها سوزان عامر الـ***** توفت هي وابوها ف حادث وعمر جمان سنتين , عقد حواجبه وطالع ف نواف
نواف ابتسم : ايوه الي ف بالك , سليمان الـ**** يصير خالها وبمثابة ابوها الي رباها .
ياسر توسعت عيونه بصدمه : وصلت فيه النذاله لهالدرجه!!!!
نواف ابتسم بسخريه : لا وعاد لا يفوتك تقول انو طليقها وماخذ ولدها ومايخليها تشوفه
ياسر طالع ف نواف بصدمه وضحك
نواف ابتسم بخفه : المهم انا طالع بروح اخلص الاشغال الي عندي قبل مايجي وقت الرحله وطلع
ياسر رفع صوته شوي : نواف الاوراق!!
نواف : مااحتاجها خليها عندك
ياسر حطها ف اقرب درج واخذ التذكره وحطها ف جيبه وطلع بعد ماقفل مكتبه , وقفه واحد من الموظفين والتفت وابتسم : هلا جواد
جواد "سكرتير نواف" : هلا فيك طال عمرك , فيه بنت تبغى الاستاذ نواف تقول تبغاه الان وضروري , دقيت عليه ع جوال العمل مقفل .
ياسر عقد حواجبه : لسا موجوده؟
جواد هز راسه : ايه طال عمرك ف مكتب الاستاذ نواف
ياسر توسعت عيونه بصدمه : دخلتها !!
جواد هز راسه
ياسر عض ع شفته بغضب وهرول متجه لمكتب نواف , اول ماوصل حط يده ع مقبض الباب وحاول يفتحه مافتح مقفل , لف ع جواد الي كان وراه : وين المفتاح؟!
جواد عقد حواجبه : لما فتحت لها خليته ع الباب .
حمر وجه ياسر من الغضب ودق الباب بقوه
انفتح الباب وطلعت من وراه : ليه الازعاج ؟ وين نواف؟!
ياسر طالع فيها بحده : بصفتك مين تدخلين مكتب نواف وتقفلين الباب بالمفتاح بعد ؟!!
طالعت فيه من فوق لتحت : مين انت عشان تحاسبني ؟ قلت لكم نادوا نواف !! اغبياء انتوا ماتفهمون !!!
ياسر غمض عيونه بقوه واخذ نفس يحاول يهدي نفسه : لو سمحتي اطلعي برا نواف مو موجود ومو فاضي يرجع عشانك , تقدرين تقولين لي اسمك والي تبغينه من نواف وانا بتواصل معاه واعلمه بموضوعك .
بعدت عن الباب وجلست ع كرسي المكتب وفتحت اول درج وكان مقفل , طالعت ف ياسر : وين مفتاح الادراج ؟
ياسر طالع فيها مو مستوعب وش ذي الجراءه !!
البنت : ايه تقول بتتواصل مع نواف ؟ يعني عندك رقمه الخاص ؟ دق عليه الحين وقوله يرجع , وش قلة الادب ذي انا غزل الماجد اجلس نص ساعه عشان اكلم نواف!!!
ياسر بعد ماعرفها خربها وبحده : عندي رقمه ومو داق عليه , يلا شيلي قشك وانقلعي برا !!
غزل بصدمه من اسلوبه : انت شكلك ماتعرفني ؟ انا غزل بنت عبدالمجيد الماجد وخطيبة نـ
ياسر : اعرفك للاسف , وبعدين مين قال خطيبته ؟ تضحكين ع نفسك انتي ؟
غزل بوقاحه : خطيبته وبكره زواجنا , لو ماتدق الحين ع نواف بخلي ابوي يكلمه يفصلك من شغلتك وتجي تسلم ع رجلي -يكرم القارئ- عشان اخليه يوظفك عنده مره ثانيه واشوتك
ياسر طالع فيها وابتسم بسخريه : خلصتي ياخطيبة نواف الي رفض يملك عليها وفسخ الخطوبه ف نفس اليوم ؟! انا ياسر السالم ولد محمد السالم صاحب شركات الـ***** وصاحب نواف وشريكه ف الشركه مو انتي الي تهدديني يالـ**** وبحده : عندك دقيقه تطلعين من الشركه فيها اذا ماطلعتي بشدك من شعرك واطلعك
غزل طالعت فيه بصدمه , ماتوقعت ان هو شريك نواف لو عرف نواف باالي قالته لصاحبه بيقص رقبتها
ياسر طالع فيها وطالع ف جواد الي واقف برا وناداه : ججواد !!
غزل بلعت ريقها بخوف وقامت وبعدت عن المكتب
ياسر لـ جواد : نادي لي عبـ
غزل قاطعته وبصوت هادي : وخر بطلع
ياسر بعد عن الباب : كلم عبد الاله يجيني
جواد : هنا ولا بمكتبك ؟
ياسر : هنا
جواد : ابشر طال عمرك وراح بسرعه
ياسر طالع ف غزل الي وصلت لعند المصعد وبصوت مرتفع بحيث يوصل لها : مايحتاج مصعد امشي سيده وع يدك اليسار فيه باب حديدي اطلعي منه
غزل طالعت فيه بحقد ودخلت المصعد عناد فيه وضغطت ع الدور الاول ؛
ياسر سند ظهره ع الباب وعينه ع المصعد , دقيقتين وانفتح مره ثانيه
طلعت واول ماالتفتت يسار شافته
ياسر كتم ضحكته : العناد مو حلو ترا
غزل بقهر : انطم , وين المخرج جعلها تنهد فوق راسك انت والـ** الثاني الي معك " تقصد نواف "
ياسر طالع فيها بحده : قسم بالله لو ماتهجدين وتطلعين وانتي ساكته لااكفخك هنا قدام الموظفين ذولا كلهم ماهمني والله !!
غزل تلفتت وشافت اغلب الي الموظفين ف الشركه طلعوا من مكاتبهم ويطالعون فيهم وبغبنه : وين المخرج طيب ؟
مد الاوراق : سم طال عمرك
ياسر التفت ع صوت عبد الاله واخذ الاوراق وابتسم بخفه : يعطيك العافيه
عبد الاله : الله يعافيك , محتاج شيء ثاني ؟
ياسر : لا تسلم ولف ع غزل واشر لها : قلت لك الباب الحديدي الي هناك !
غزل : مادخلت منه انا!
ياسر رفعت ضغطه وبقهر : اجل خليك زي ماعرفتي تدخلين اعرفي كيف تخرجين ودخل لمكتب نواف وترك الباب مفتوح وجلس ع الكرسي وقعد يقرا الاوراق , حس بااحد واقف عند الباب ورفع راسه وتنهد : وبعدين معاك انتي!!
غزل بقهر : شركتكم متاهه شسوي يعني!!!
ياسر طفش منها : اسكتي طيب انا شوي وبطلع اذا خلصت اطلعي معي ورجع يقرا الاوراق بتركيز
بعد دقيقتين طلع مفاتيح من جيبه وفتح واحد من الادراج حقت نواف وحط الاوراق فيها واخذ ملف بيده وقفل الدرج وتأكد ان الباقيه مقفله وقام
غزل : خلصت ؟
ياسر : ايه اطلعي
غزل طلعت
ياسر قفل اللمبات وطلع وقفل الباب وراح لمكتبه واخذ ورقه وطلع
غزل تمشي وراه وبملل : خلصت خلاص بتروح بيتكم؟
ياسر كتم ضحكته : ايه وطلع وطلعت وراه ؛
غزل بنص عين : مو نفس الباب الي قلت لي اطلع منه !
ياسر : فيه اكثر من باب , وهذا اقرب من عند مكتبي وتكلم وهو يفتح سيارته : لااشوفك هنا مره ثانيه
غزل تجاهلته وشافت سيارة سواقها واقفه راحت لها وركبت .
ياسر حط الاوراق ع مقعد الراكب وانتبه لجواله يدق ورد : ايه نعم
..: وينك
ياسر : دوبني طلعت من الشركه ايش تبغى ؟
مشاري : مر ع اخواتك جيبهم البيت
ياسر : ف الجامعه ؟
مشاري : ايه انا لسا ماطلعت ومطول بعد
ياسر : تمام , شيء ثاني ؟
مشاري : جيب يزن من روضته
ياسر : طيب
مشاري : يلا اكلمك بعدين معالسلاامه
ياسر : فمان الله وقفل ودق ع ريناد وردت ع طول : خلصتي؟
ريناد : ايوه جيت؟
ياسر : دقيقتين واكون برا , لين خلصت؟
ريناد : ايوه تو كلمتها
ياسر : كويس خلكم جاهزين
ريناد : تمام
.
.
.
.
ف بيت ابو تركي ؛
" ابو عبدالله وبشاير , عم الجوري < للي نساهم يعني 😂"
-ام تركي للحين ع حالها ماتتكلم من بعد وفاة ولدها عبدالله-
بشاير سحبت من الجامعه بعد الي صار ؛
تركي دخل وشاف بشاير جالسه ف الصاله وتكلم : لاا كمم مره اكرر كلامي !!! .. ايوه هو ذا .. ايه تمام .. لا بكره افضل .. ايـ..
تركي : السلام عليكم
بشاير انتبهت له وقفلت الجوال باارتباك : هـ ههلا , وعليكم السلام متى جيت؟
تركي استغرب من ارتباكها : دوبني جيت , وين امي؟
بشاير : ف غرفتها
تركي طلع لغرفة امه وشافها صاحيه وسرحانه تطالع ف الفراغ , تنهد بضيق وابتسم يخفي ضيقته وقرب منها : كيفك يايمه؟ ان شاءالله احسن ؟
ام تركي ما التفتت ولا ابدت اي ردة فعل
تركي بضيق : طيب شرايك يايمه نروح مكه ناخذ عمره وتدعين له هناك ؟ مو احسن؟ سكت شوي يستنى ردة فعلها , وعقد حواجبه بضيق بعد ماشاف انها ماتحركت حتى : ييممهه ردي علي الله يخليك لو نظره بس تكفي تكفين
ام تركي ماردت ولا تغير شيء فيها ابد
تركي تنهد بضيق : لا اله الا الله وقرب منها باس راسها وطلع وقابل ابوه وهو طالع ؛
ابو تركي : كيفها امك؟
تركي : ع حالها ماتغير شيء ابد
ابو تركي تنهد بضيق : الله يشفيها
تركي : امين , جدي رجع الرياض؟
ابو تركي : ايه سلم ع بنت عمك وراح من وقتها
تركي : اها
.
.
.
.
في جامعة الملك عبدالعزيز؛
الجوري جت وحطت شنطتها ع الطاوله : ريناد راحت؟
ساره : ايه
الجوري جلست قدامها : اف تعبت
ساره : اي صح جوري طيف بنت خالتي تسلم عليك
الجوري : الله يسلمك ويسلمها يارب
ساره : ع الطاري مو مفروض الجبس تفكينه بعد شهر ؟ ليه فكيتيه الحين؟ لسا توه اسبوعين!
الجوري بملل : يطفش ياخي وغير هذا صعب اداوم وهو برجلي
ساره : مدري شلون خالتي خلتك وماكفختك صراحه
الجوري ابتسمت بخفه : خاصمتني والله بس شسوي يتعبني
ساره : الله يعينك يارب
الجوري : امين , تخيلي امس خالتي جات عندنا وخطبتني لولدها
ساره تفاجأت : نواف؟!!
الجوري : ايه
ساره : ايوه ومتى ناويه تقولين انك موافقه ؟
الجوري ضحكت : مدري لسا مااستخرت ومدري احس اني ضايعه
ساره عقدت حواجبها : شلون ؟
الجوري تنهدت : مدري متردده شوي بعد لان مااعرف شيء عنه
ساره عقدت حواجبها بقلق : جوري تستهبلين انتي؟ وش الي مااعرف شيء عنه ! هذا نواف يالجوري الي ابثرتي اهلنا فيه ومابقى شيء عنه ماعرفتيه دححين تقولين مااعرف شيء عنه؟!
الجوري نزلت راسها بضيق : ماامزح ياساره والله مااعرف شيء عنه واول ماشفته ماعرفته حتى , سألت ريناد عنه بعد ماعرفت مين هو قلت لها ايش يعني لي ومين هو بالضبط , قالت مايعني لك شيء , احس بشعور حلو لما اشوفه واحس قلبي يعورني بنفس الوقت , عضت ع شفتها بضيق وسكتت تحس لو كملت كلامها بتبكي
ساره قامت وجلست جنبها وحطت يدها ع كتفها : جوري حبيبي معليك ان شاءالله بتقدرين تتذكرين كل شيء نسيتيه وتتذكرين ذكرياتك معه وكل شيء لا تشيلين هم
الجوري بهمس : ان شاءالله
ساره طالعت فيها وابتسمت : تبغين الي اعرفه عنه؟
الجوري رفعت راسها وطالعت فيها بااهتمام : ايه
ساره باابتسامه : تمام شوفي هذا نواف كانت طفولتك كلها معه لما كنتوا ف الجنوب , وطالعت فيها بنص عين : وكنتوا تحبون بعض ياقليلين الادب
الجوري ضحكت ع نظرتها : كملي
ساره عقدت حواجبها بتفكير : امم ايه وبعد انتي لين قبل ماتفقدين جزء من ذاكرتك وانتي تحبينه و
الجوري قاطعتها : وهو؟
ساره طالعت فيها شوي وبعدت عيونها عنها : مدري
الجوري بصوت هادي : كملي


انتهى .