مسا الفل ملوكة
ثلاث فصول هاديين ومن دون قفلة شريرة كعادتك... كتير استمتعت فيهم
مرح ويوسف... بتعرفي وانا بقرأ بالفصول خطرلي سؤال... يوسف ما بعرف شو اللي صار مع مرح بالتفصيل... هو بس بعرف انه اتعرضت للاعتداء من قبل مجموعة... شو رح يكون ردة فعله لما مرح تفتح إله قلبها ؟وهل شهامته وصبره اللي بتعامل معها فيهم رح يبقوا ولا رح يفقد سيطرته؟....
مرح ويوسف الاثنين بحبو بعض والاثنين بحاجة لبعض جداً... كل واحد عنده فراغ بداخله ما رح يقدر يسده إلا الطرف الثاني...لهيك علاقتهم ماشية ببطء وتروي
ما بعرف اعصب لأنه جميلة رجعت لمصطفى ولا افرح ولا أخاف... عنجد مو عارفة... لأنه فاطمة ام مصطفى مبين انها رح تقف حائل بينهم...وانا بقرأ مشاهدها ما حسيت الا انها مجنونة ومهووسة بابنها وبدها إياه الها لحالها لهيك مضى كتير من عمر مصطفى من دون انو يتعالج من مرضه لأنها ما اهتمت... بس كانت بدها تخبيه بصندوق صغير مدعية انها بتخاف عليه.... وهي لنفس السبب اختارت كاميليا حتى ينخطبوا... لأنها ما شافت ابنها منجذب لكاميليا أبداً فكان هاد يرضيها... إنه ابنها يعيش من دون مشاعر وميت الأحاسيس... جد مو عارفة هي بتحبه ولا لاء... مع انه تصرفاتها بتدل أنو لاء....
حمل جميلة انا شايفه رحمة عليهم الاثنين حتى تقوا علاقتهم اكتر ويتقربوا من بعض اكتر واكتر...
معاذ وورد... ما بعرف ليه بحس علاقتهم مريضة... الإثنين في علل فيهم ومو عارفين كيف يتعاملوا معها فبأذوا بعض من غير قصد أو بقصد.... معاذ تربى ببيئة غلط وهاي البيئة عكست تصرفاته وأفكاره... يمكن هو صح بحب ورد بس شايف من وجهة نظره أنو التعامل معها مسألة بغاية التعقيد... بيقرب منها وببعد عنها... مع انه لو وازن عقله كان توصل لحل لأنه ورد انسانة بسيطة وبتحبه... مع انها تألمت كتير من نبذ أهلها وعمها لألها واتهامهم من دون سبب... ومعاذ كان واحد منهم... إلا أنه الوحيد اللي سامحته وحاولت تظهرله قد ايش بتحبه وما جازاها إلا بالأذى....
بانتظارك يا جميل اليوم
|