ثلاث فصول إبداع إبداع إبداع جد من احلى الفصول إللي قرأتها... هذا لا يعني أنه اللي قبلهم ما كانوا مبهرين... بس هاي الفصول كانت مرحلة انتقالية في حياة الأبطال
من أول الرواية كان كل بطل وبطلة غارق بهمومه واوهامه وكان مفكر انه هو الوحيد على الكرة الأرضية اللي بعاني أو ما في حدا بعاني مثله.... لكن..... بهاي الفصول بدأ يصحى من الوهم اللي هو عايشه ويدرك انه الحياة قصيرة على أنه احنا نقضيها بحزن وغم
يوسف اللي كان مخفي حزنه تحت قشرة من المرح والضحك... جرحه من إهمال أهله لأله.. ومرح وحياتها اللي عاشتها مع ابوها وكمان حادثة الاغتصاب اللي صارتلها... الإثنين بدو يفتحو قلوبهم لبعض ويتعرفوا على بعض من جديد.... خطوة الطبيب النفسي كانت جدا صائبة لأنهم بحاجة لحدا يدفعهم للكلام والتوازن
مصطفى كل فصل مشاعري بتكون مذبذبة تجاه... مرة بحزن عليه ومرة بعصب منه... لكن انا عاذره.... بغض النظر عن اللي صارله سواء كانت حادثة خطف أو اعتداء لسا ما فهمت... بس انه يعيش مع ام بغاية الأنانية من أول ما انجبته وهي بتعامله على أنه وسيلة لإثبات تفوقها ونجاحها في حياتها الزوجية.. هاد بذاته مؤلم وموجع.... بتهيألي انها تربت على الدلال الفاسد لهيك ما بتفكر الا بحالها... مصطفى لساته طفل من جواه وبحاجة للامان ولشخص يكون ثابت بحياته.. يحبه وما يتخلى عنه ولا يستغله لأي مصلحة... ومين غير جميلة اللي بتحبه وبتستحمل عشانه كثير....
معاذ بدا يصحى على حاله ويشوف أسرته بتضيع من بين أيديه وهو واقف على الأطلال بتحسر.... يمكن صح علاقة أمه وابوه غلط بس هو ما بملك يغيرها عشان يرتاح.... الإثنين تربوا بهاي الطريقة وتزوجوا وعاشوا مع بعض سنين وهما هيك... لذا عليه انه يعيش حياته ويترك الوساوس عنه... يحاول يقوي علاقته بأبوه اللي انا شايفه بحبه وبحاول يتقرب منه.... ورد رغم كل اللي عملوا فيها هي وقفت جنبه بس هالمرة كانت حريصة على أنه يكون في احترام متبادل بينهم.... لهيك اختصار الحكي لازم معاذ يفك كل التعقيدات اللي فيه واللي من دون مبرر
حاسة انه احنا بالمرحلة الأخيرة من الرواية ما بعرف صح ولا لأ
دمتي مبدعة ملوكة
|