[نبض افكاري]

المشاركة الأصلية كتبت بواسطة الشموس!!

السلام عليكم ورحمة الله وبركاته
اسعد الله صباحكم بكل خير جميع متابعين نبض🌹🌹🌹

اولاً : شكراً لك نبوضه على هالجمال، انا خلاص دخلت جو معاهم ومنسجمه الا انتهى ليه كذا عاد نبوضه😩😩😩
'
بروق يابروق والله مانتي بهينه والله، بس انا ودي اعرف من متى وهي ترسم في ذا الخطه؟؟
ولاكمان داخله بقووه عليهم👍🏻

ياخوفي بس انه يوسف يتمسكن لين يتمكن، ثم عاد بعدين طلعي نفسك.

بعدين تعالي يابروق واش ذا الطقوس العجيبه الغريبه، يالطيف انصدمت صراحه كوب اسود وبرمودا بيضاء وبدي احمر وشيلات حرب، هوه انتي داخله حرب. 😳😳😳😳😳😳😳
'
يوسف: عاد من قرادة حظك ماطحت الا في يد بروق هههههه،
ما احد عرف لك غيرها، أن شاء الله تهتدي على يدها ويصلح الله حالك.
وعلى بالك هي غبيه عشان تقلها تعالي نجيب اغراضك هههه

هذي على قوله برق يلمع في السماء ما احد يطوله.
؛
عاد تدرون انا متحمسه لمين؟؟؟
للي راح يجيب راس بروق وتصير معاه بالعه العافيه ولا ترادد.
الله يعجل لنا بذا اليووم 😆😆
بس ابغى اشوف كيف شخصية الهدوء عليها.
احسها تصير كشخخه والله 😻🙈🙈🙈
'
اهل يوسف: ذولا انا ما ارتحت لهم ابداً.
فيهم شوفة نفس ياكافي، اول ماعرفو الحقيقه على طول قلبو 180 درجه.
الحين بالله لو بنتكم صار لها كذا كان ترضون انه زوجها واهله يعاملونها كذا؟؟
الا عشان الغلط من ولد عايدي سكتو؟؟
'
خزاام: مشكلة اللي يتعلق في شيئاً ماشافه😿😿
ويلف الرياض يدور عليه😩
صراحه حاله مزريه،

الحين هو يعرف سياف والا بس معرفه من كلام بروق عنه؟؟؟
شكله يعرفه وكمان بينهم سوء فهم.
مو معقوله يكرهه بس من كلام بروق عنه🤔🤔

طيب مين هذي اللي تطالعه بنظره استنكار؟؟
معقوله عشان قفل غرفته🤔؟؟
إذا عشان كذا اكيد انه ماكان يقفلها ومستغربه هيه منه ذا التصرف.
والله طحت ولا احد سمى عليك ياخزام الغامض😆
'
وسن: ليكون كانت زوجة يوسف.
والا خطيبته ؟
امرها عجيب احبه واكرهه كيف تجي هذي بالله؟؟
.
.
ومين باقي كمان🤔🤔 أن شاء الله مانسيت احد.

بصراحه حبيت فكرة تطرقك لموضوع الصلاه،
جزاك الله خير ياقلبي، لانه صار فيها تهون كثير من الناس، نسأل الله الثبات والهدايه لجميع المسلمين.
:
:
:
نبوضه هوه البارت قصير والا انا من الحمااس خلاص ماعد اميز ههههههه.

ماينفع تنزلين لنا بارتين في الاسبوع🙈🙈🙈
والا تطولين البارت تكتين بس ههههههه.
فضلاً وليساء امراً ياعيني. والله انتي كريمه واحنا نستاهل. انا طالبتك لا تخلينها في خاطر شموسه الجميله 😍❤❤

وعليكم السلام ورحمة الله وبركاته

وش هالرد الزين الي يفتح النفس

بنسبه لبروق ويوسف بتشوفين بينهم جولات وصولات وبنشوف مين يوجع الثاني اكثر


بالنسبه لأهل يوسف تراهم حبوبين بس الحين طاقتهم الفزعه مع ولدهم حتى لونه مقرود بس يبقى ولدهم

بنسبه لطول البارت هذا الشي انا مااقرره واقيسه ثم اقعد اكتب لا ابدا انا اكتب الاحداث عادي وفي لحظه القى مخي

يقولي استوب خلاص خلصنا وقفي هنا اجي اشوف الي كتبته القاه بالطول ذا عاد شكله مبرمج نفسه على طول معين
مع اني اشوف هالبارت اطول اشوي من الي قبله

بنسبه لليش مانزل بارتين في الاسبوع لان لي حياتي ومشاغلي الخاصه وصعب اتفرغ للكتابه اكثر من كذا


حياك الله وسعيده جدا بجمال حضورك وجمال ردك