[فيتامين سي]

الآسـيـر2


جود/كريم بسرعه على بيت جدي..
كريم هز راسه بنفي/لا هزا لازم مستشفى
جود هزت راسها بلا بقوه/لاا لا روح على بيت جدي..
ركب كريم السيارة وانطلق بالسياره لبيت ابو صقر اللي يبعد عن مكان الحلال اكثر من70 كيلو اي ياخذ نص ساعه في الطريق
جود رفعت عبايتها فوق راسها وغطت فيها جزء من وجهه..
وسحبت الشراع الازرق وغطت فيه جسم الرجال..وكشفت عن وجهه فقط..لاجل محد من اهل القريه يشوفها اذا دخلوها..
رفعت عيونها للشمس اللي بدات تغيب وتسحب النور معها ليحل محله الظلام..
ورجعت تنزل عيونها بحزن على الشخص الملقى امامها بدون حراك..
لفت يدها على جسمها برجفه بسبب الهواء البارد..
والف سؤال وسؤال يدور ببالها..
جريمة قتل كانت تحدث امام عينيها..
وكانها تذكرها بأن عمها كان قاتل..وقد مات بسبب هذا الجرم..
لعمي اسبابه بقتل كلب مثل مفلح..
ولكن هذا الشخص لما كانو يحولون قتله؟!
اكان كلبً مثل مفلح؟! ليستحق القتل؟! ام هم الكلاب وهو الضحيه؟!..
انحنت بجسمها اكثر بعد ما قربو من القريه..
وقفت السيارة عند المدخل الخلفي لمزرعة البيت...
وقفت ونزل كريم..
كريم/جود وين يودي هزا؟!
جود تفتح باب الصندوق/الحين ساعدني ننزله وبناخذه للبيت القديم..
كريم هز راسه بخوف/لاااا بيت قديم فيه جني..
جود لوحت بيدها/بسم الله الرحمن الرحمن..انت بحزة مغرب..لا يطلع لك شي الحين
كريم تلفت حوله بخوف
جود بضجر/شيل الرجال و دخله اي غرفه من غرف البيت القديم..
كريم باستسلام مشى ورفع الرجل على ظهره وتوجه فيه للبيت القديم ..اللي خلف المزرعه..
وقفت تراقبهم وفجاءه ركضت لكريم/كررريم
كريم انتفض وكان بيطيح/هااا
جود بتحذير/كريم انتبه احد يشوفك او تقول لأحد عن الرجال سامع؟!
كريم بذعان/اوكي..
انتظرتهم حتى دخلو البيت القديم
وبعدها تحركت تركض متجهه لبيت جدها في الطرف الثاني..
وكان عباره عن عماره كبيره من دورين ..
دخلت من الباب المطبخ ونزلت عبايتها على كتفها ومسكت طرفها..
خففت سرعتها وهي تشوف
زوجات اعمامها متجمعين في المطبخ..
تجاوزتهم وطلعت لصاله..
والارتبك واضح على معالم وجهها..
فركت يدها بتوتر..
شهقت بخوف بسبب اليد اللي على كتفها
مهره"زوجة عمها"/بسم الله عليك وش فيگ
جود/عمه وين جدي؟!
مهره/في المشب..
جود/من اللي عنده؟! المعزين راحو؟!
مهره/ عنده اعمامك و اخوانه..ايوه راحو انتهى العزاء مع اذان المغرب..


•ود صدت عنها وتوجهت للمشب..
دقت الباب بخفيف..
طلع لها ولد عمها الصغير يزيد
جود/احد غريب هنا؟! غير اعمامي و اخوان جدي؟!
يزيد يدخل المشب/جود تبي تدخل يا جد؟! اقول لها تدخل ولا تروح؟!
جود ضربت جبينها بقهر من دلاخة يزيد..
وصلها صوت جدها الجهوري/ادخلي يا بنت مقرن ما من غريب
جود دخلت بسرعه وقفلت باب المشب وراها من الربكه..
جميع الموجودين وجيههم يكسوها الحزن والصمت
و ابو صقر يجلس بصدر المجلس ومتكي على المركى وسبحته الطويله بين اصابعه وشماغه منسدل بهمل على راسه..
جود وعيونها بـ الارض توجهت بسرعه وجلست جنب جدها..واحتضنت كفه بدون ما تسلم على الموجودين..
ابو صقر بدون ما يلتفت لها /وين كنتي؟!
جود رفعت عيونها على الموجودين"كيف بقول له؟! و وش بقول له بضبط!؟ وكيف اكلمه وهذولا موجودين؟! وش بتكون ردت فعلهم؟!"" انتبهت على عمها ناصر يناديها/جوود ما تسمعين؟!
جود /لبيه
ناصر/وينگ عن الجوال؟! ابوگ من عصر يدق اشغلتيه عليك
جود شتت نظراتها وشدت بقوه على كف جدها../مدري وينه..
ابو صقر نزل عيونه لها وتحديداً على كفها اللي تحتضن كفه..فتح عيونه بقلق وشد على يدها ورفعها يتفحصها
هو يشوف الدم /هذا من وش؟!! و وين جرحگ!؟
جود محجر عيونها أمتلت بدموع
ابو صقر عقد ملامحه و احتضن وجهها..ينتظرها تتكلم
جود تشد على يده/تـ تعال معي؟!
ابو صقر فز وقف و وقفها معه
وسط دهشت الجميع
ناصر وقف معهم/وش صاير؟! جود اشفيها؟!
ابوصقر اشر بأن محد يتبعه وطلع مع جود..
اللي كانت تقوده لخارج البيت..
وقف ابوصقر في الحوش ينتظر تفسيرها
جود وقفت معه/تعال للبيت الشعبي
ابو صقر بتوجس/ وش علمك يا بنت مقرن..
جود شتت نظراتها بخوف..
ابو صقر بحزم/تكلمي يا ابوگ
جود تكلمت بنفس واحد/العصر طلعت للحلال مع كريم وطلعت للجبل وشفت على الطريق السريع حادث كان فيه سيارتين تطلق الرصاص على سيارة ويحاولون يقتلون صاحبها حتى انقلبت السيارة وانفجرت..وصاحب السيارة خرج منها قبل تنفجر..ما راحو حتى تاكدو ان السيارة

 

صاحبها حتى انقلبت السيارة وانفجرت..وصاحب السيارة خرج منها قبل تنفجر..ما راحو حتى تاكدو ان السيارة تفحمت..وانا وكريم ساعدنا صاحب السيارة و وجبناه الي هنا هو الحين بـ البيت الشعبي
انتهت من كلامها وصارت تتنفس بسرعه وعظامها ترجف..
ومغمضه عيونها بقوه ما كان عندها الجراءه ت تشوف تأثير كلامها على جدها ..
ابو صقر ما ان انتهت من كلامها حتى توجهه للبيت الشعبي..
فتحت عيونها بعد ماحست بهدو المكان رفعت عيونها تدور لجدها..
شدت قبضتها برضى لما شافته متجهه للبيت الشعبي..
تبعته ..
دخل ابو صقر للبيت الشعبي..
ودخل المجلس اللي كان نور فيه مفتوح..
ضيق عيونه على كريم اللي جالس عن راس الرجال..
توجهه له وجالس على ركبه وتفحصه بشكل سريع..
رفع حاجبه هو يشوف طرحت جود على راسه..
ابعدها وتفحص الجرح..
شمر عن اكمامه.. /روح جيب صندوق المعدن اللي بمطبخ وطشت ماء ..
كريم/حازر..""حاظر"
ابو صقر حس بدخولها وبأمر/لا تدخلين..وارجعي للبيت و ان سألوگ عني قولي اني طلعت للحلال..لان الخيل جريح سامعه..
جود هزت راسها بأذعان وتراجعت بتطلع..وعيونها على ذاك الوجه الملي بالدماء..
توجهت للبيت وقالت نفس ما طلب منها جدها..
دخلت غرفتها.. رمت الشنطه تحت السرير..
ودخلت الحمام اخذت لها شور سريع..
وطلعت لبست لها قميص بيت شتوي..
وليالي الشتاء طويله..
مرت ساعه تتلوها ساعه.. وجدها ما رجع..
ما قدرت تجلس اكثر اخذت لفاف طويل ولفته على رقبتها وجزء منه رفعته على راسها.. اخذت نفسها ورجعت للبيت الشعبي
""ملاحظه بيت ابو صقر عباره عن مزرعه كبيره بأخرها بيته القديم "الشعبي"واللي نقل منه قبل سنتين الى العماره اللي بنوها عياله له..واللي مكانها باول المزرعه وتطل على الشارع وخلفها المزرعه وخلف المزرعه البيت القديم"""
وقفت عند شبك المجلس وطلت بخفه..
وهي تشوف جدها مازال يعالج في الرجال..
جلست عند الباب بانتظاره يخرج.. ..داخل المجلس..
-امتلئت يد المجعده بالدماء محاول إيقاف نزيف راس الرجل المتمدد بين يديه..بطريقتة الشعبية البدائية..
جروح جسمه طفيفه الضرر الاكبر كان في راسه..
انتهى من لف الشاش على راسه..
واخذ منشفه مبلله بـ الماء ومسح فيها وجهه ورقبته الملطخه بالدم..
غطى جسمه ب البطانيه.. وثبت المخده تحت راسه..
و وقف وخرج خارج المجلس..عقد حواجبه هو يشوفها جالسه عند الباب ودافنه وجهها بين ركبها..
ابوصقر/جوود
فزت واقفه /هاااا ها ل لبيه
ابو صقر/وش مجلسك في ذا؟!
جود/مااات؟! ابو صقر تحرك للمغسله /لا ما مات بخير..من يطلع الفجر بوصي عمگ ناصر ياخذه للمستشفى في القويعيه او يطلع به لـ الرياض..
جود بنفي/


•جود بنفي/لاااا لا اللي حاولو قتله مره بيحولون يقتلونه مئة مره..علاجك له يكفيه ما يحتاج لمستشفيات..
ابوصقر/كلامك ما يدخل الراس..الرجال لزوم يروح للمستشفى..ونبلغ الشرطه عن اللي صار اكيد وراه اهل بيدورون عليه..
جود مسكت يد جدها بترجي/لا لا تكفى ا انا شـ شفته بنفس حذف نفسه من السيارة وهم يلحقونه و و
ابو صقر ربت على كتفها وجلس وجلسها معه
وبحنيه/هدي يا بوگ وقولي لي اللي صار بضبط..
----
---
وفي الجهه الاخرى من العالم
ومنطقة ودوله مختلفه وتحديداً
ألمانيا --ميونخ--
مستند على سور البلكونه وعيونه على الجوال..
له اربع ساعات ينتظر اتصال منهم..
قضم ابهامه بحركته المعتاده.. معقوله يكونون نالو منه؟!
رفع جواله اللي يدق /الووو..ستيف هل وجدتموه؟!
"الكلام بينهم بـ اللغه الالمانيه""
طرف الثاني/ اا سيدي حددنا موقعه من اخر اشارة ظهرت لنا... و و
يشعر بـ الاختناق والغضب/اكمل لم الصمت؟!
ستيف/اعتذر سيدي..فـ سيارة السيد قد احترقت بـ الكااامل..
رفع يده وفگ ربطة عنقه ببطء/ أحترقت !! ماذا عن مشاري ؟!
ستيف بربگه/أسف من اجله..
عبدالعزيز بصراخ/هل وجدتم جثته؟!!!
ستيف/سيدي السيارة متفحمه الى درجة الانصهار من المستحيل ان ينجو.. عبدالعزيز بإصرار حااد/جثته هل وجدتها؟!
ستيف/لا اعلم فالتحقيقات في موقع الحادثه مازال جاري..
عبدالعزيز/احجز لي على اقرب لرحله الى السعوديه
ستيف/لكن يا سيدي مغادرتگ ميونخ ستشكل خطـر عـ
عبدالعزيز/انتظر موعد الرحله..
اول ما انقطع الخط
مسك الجوال بيده وضغط عليه بقوه حتى تصلبت يده..
الدموع متحجره بعيونها ترفض النزول..
نزل عيونه على طاولة القهوه وبكل قوته قلبها وصااااارخ بحرقه" مـــــــــــــشــــاااااا ااري
-----
مرر يده على لحيته بتفكير عميق
في كلام جود..
اذا كان لجئ للشاحنه عشان يخفي نفسه عن انظارهم لوهله
وبعدها يحذف نفسه من السيارة بتهور..
هذا يعني انه كان عارف ان مصيره الموت وبحركته هذي اوهمهم انه في السياره وانه مات محترق؟!
وش السوات يا ابو صقر؟!
جود تقطع تفكير جدها/هاا ايش قلت؟! ابو صقر/نتتظره الين يصحى ونعرف سالفته..
جود زفرت بارتياح/يعني ما بتوديه المستشفى
ابو صقر/لا.. --------
مرت يومين على وجود مشـااري في بيت ابو صقر
و بدون محد يعرف عنه من العائله...
..
الساعه 6:30
ريحة القهوه العربيه وريحة الحطب في بداية اشتعاله..
دخلت غرفة المشب وابتسمت لجدتها
اللي جالسه عند المشب وتشب في الحطب حتى اشتعل../صبحك الله بخير ياجدة
ام صقر بعيون ذابله وصوت مبحوح
من كثرة البكى/صبحتس الله بالنور يمه..
جلست جنب جدتها/وين جدي؟!





ام صقر تلف شيلتها على انفها وفمها من الدخان/طلع للمزرعه ..
جود تستند بارتياح على المركى/يا زين بيتنا هو فاضي
ام صقر بحزن/وين الزين وعوالي رجعو لرياض وتركونا..
وصلها صوت ابو صقر/وين تركوك يا مره عيالك رجعو لاشغالهم ولدوامات عيالهم..وبعدين مابه بعد كلهم في الرياض كلها ساعتين وانتي فيها..وهذا ناصر وعياله عندتس بالديره..
ام صقر تنهدت بضيق/الله يحجب عليهم ويحفظهم بحفظه
جود/امين..
ابو صقر جالس وتكى على المركى...
جود تهمس باذن جدها/ها يا جد بشر كيف الضيف!؟
ابو صقر/حالته ما تسر.. امس صحى ولا تذكر شي من اللي صار له
جود بصوت عالي /يويلي فقد ذكرته؟؟؟!
ام صقر بإستغراب/يا ستار من اللي فقد ذكرته..
ابو صقر ناظر جود بحده/مهبوله انتي؟! الرجال توه صاحي امس واكيد انه يحتاج وقت حتى يتذكر اللي صار له الضربه ع راسه مهيب بسيطه..
ام صقر بقلق/عن من تحتسي ؟!"تحكي"
جود التفتت لجدها بحماس وقربت منها/هذا سلمك الله يا جدتي بنتس الذيبه بنت الذيب انقذت لها رجال في الصحراء..وو اءءءءه
مسكت ظهرها بألم بسبب ضرب
جدها لها بـ المسبحه/اعقلي يا بنت...
ام صقر تدف جود/خلگ منها وحتسي لي وش اللي صاير
جود رجعت على وراء ومسكت ظهرها بألم..
وقفت وطلعت وهي تسمع جدها يقول السالفه لجدتها..
ابتسمت على صوت جوالها اللي يدق..
جوووود بسعاده/الوووووو حي ذا الصوت
الطرف الثاني/مرحباً..كيف الحال اميرتي الصغيره
جود تتربع/حالي يسرك انت وش اخبارگ يا ابوي
ابو جود/الحمد الله.. اتصلت بگ بـ الامس ولم تجيبي؟!
جود/نسيت جوالي ف الغرفه..وانت الله يرضى عليك وقت اتصالك غلط..
ابوجود بأمر/جود جوود انا اتحدث معگ بـ الانجليزيه فتحدثي معي بها..
جود بتجاهل/كيف امي!؟ اشتقت لها حيل
ابو جود /اوه ياإلهي يبدو انگِ جداً مشتاقه ودليل على ذلك رفضگ للعوده الى هنا
جود/يابوي وين ارجع واترك جدي وجدتي بهذا الوضع..
ابوجود "مقرن" صمت لثواني ثم اردف بجديه /انتبهي على جدتگ وعلى دواها وجدك بعد.."بتهديد"والله ياجود لو اشم خبر ان احد منهم تعب ان تنسين شي اسمه السعوديه..
جود ابتسمت/يا حلو صوتگ بالعربي..هههههه لا توصي حريص عاد انت تدور الزله بس عشان ارجع
مقرن ابتسم بشوق/يحق لي سعي خلفگ واجبارگ على العوده فقلب ابيگ يشتاق إليگ
جود /هاها كلامگ المعسول هذا لو انت قايله بعربي كان جبت راسي
مقرن/ههههههههههههههههههه
جود بستعجال/ يا ابوي بقفل الحين..وكلمگ ف الليل ع تانقو
مقرن/حسناً الى اللقاء
جود /مع سلامه..
قفلت منه ورفعت الاشارب اللي على راسها..
وتوجهت للبيت القديم بفضول..

----➰
تمشي بحذر وبين دقيقه و الثانيه تلتف لوراء
بسبب الشعور اللي ينتابها بـ ان جدها يتبعها..
وقفت عند باب المدخل
و وصلها صوت كريم يتحلطم..
"ما يمديها ادخل لو دخلت السيد كريم بقول لجدي عني..حزتها والله ما اسلم من خيزرانه..
لو عرف اني اتجسس على الضيف..""
ترجعت لوراء وترجهت لشباگ و وقفت على رؤاس اصبعها..وفتحت بخفه جزا من الشبگ..ضيقت عيونها بقهر بسبب كريم اللي وقف ومغطي على الرجل بجسمه..
اءه اءه اءه اااا صارخة بخفه ورتفعة على رؤس اصبعها اكثر بألم بسبب اليد اللي تسحب اذنها على فوق...وشخص من خلفها يهمس بأذنها/وش تسوين! يا الحرميه..
جود مسكت يده بألم/اءه والله ما سويت شي والله
ناصر شد اذنها اكثر وقرب راسه من الشبگ يشوف اللي كانت تشوفه.. طير عيونه وشد
اذنها اكثر/انا قايل من اول انگ تعشقين..
جود فتحت عيونها برعب من الفكره اللي طرت ببال عمها ناصر/ع عشق والله ما اعشق
ناصر سحبها من اذنها اكثر وقرب وجهه من وجهه/ما لقيتي الا تعشقين كريم!!مو منگ من الافلام الهنديه اللي تتابعينها
جود لوهله حست انه بغمى عليها من شدة القهر/كريم!! هذا اللي طلع معك
ناصر/اجل وش تسمين وقوفگ هنا وتجسسين على الرجل..
جود ابعدت يده عن اذنها وبحمس/لا لا ما اتجسس على كريم اتجسس على الرجل اللي انقفذته
ناصر /انقذتيه!! رجل!؟ انـتي!!
جود دقت صدرها بفخر/جود الذيبه بنت الذيب
من خلفها وبحده/جـوووووود
انتفضت برعب وتعلقة بيد ناصر ورجعت بجسمها وراه..
ابوصقر/وش موقفتس عندتس!!؟ يا قليلة السنع!!؟
جود /ك كـ كنت
ابو صقر بأمر/على البيت اشووووف..
جود وكانه اعطها الضوا الاخضر للهروب..من نظرات جدها الناقده...
ركضت مسافه بعيد وبعدها وقفت واستندة على جذع النخله.."وجدي كل ما جيب بقول موقفي البطولي و الشهم يخرب علي كل هذا حسد هففف"منب عاقله وش حسد..مخي بدا يظرب يحتاج دلة قهوه وفطور كايف..""
---
وقف وعقد يده على صدر/ما تذكر اقل شي اسمك اسم ابوگ ؟!
مشاري بعيون ذبلانه وبتعب وضياع هز راسه بنفي..
ابو صقر جالس جنبه/يا ابوگ انا قلت لگ اللي صار لگ وكيف لقينگ عسى تذكر شي
مشاري اكتفى بصمت
ناصر شد من عقدة يده/يا خوگ حول تتذكر..انت واحدن فيه ناس حولة تغتالگ لولا رحمة ربي بگ..
اذ قدرة تتذكر قدرنا ننقلگ للمستشفى او نبلغ الشرطه
مشاري رفع عيونه بضياع/لا تنقلوني المستشفى ولا شرطه..بيقتلوني
ابو صقر ناصر تبدلو نظرات بتفأل بأنه تذكر شي..
ربت ابو صقر على فخذه/من!! من اللي بيقتلگ
مشاري نزل عيونه بحضنه/اللي تقلون عنهم..
ابوصقر بخيبه/ارتاح الحين ويفرجها ربگ
--