[فيتامين سي]

البــــارت 3






--- طلع ابوصقر و ناصر للصاله..
ناصر بتفكير/يا ابوي ما لاحظت شي!!
ابو صقر ضيق عيونه/شي مثل إيش قصدگ ملامحه؟!
ناصر هز راسه/ ملامحه ولكنته غريبه!! وكأنه....مدري مدري..
ابوصقر بخبره/رجال كود انه حديث عهد بديرتنا والدليل ..لهجته لهجة سعودي توه متعلمن الحتسي..اما ملامحه ملامح خليجي كود من عيونه وشعره..
ناصر/وش السوات؟! ما نقدر نخليه حبيس للمجلس الين يتذكر..
ابوصقر تنهد/انا بطلع لـ النائب ابو سعد" ونروح لـ الشيخ نشاوره
ناصر بعدم تأييد/لا..لا تقول له..ان عرف ابوسعد فـ سالفة الرجل بكره بتكون في الديره كلها..وخذلگ يا القيل و القال..
الين يوصل العلم للشرطه ومنها للناس اللي حاولت تغتاله ابوصقر مسح على لحيته بصمت وتفكير بشتات..
ناصر/ الضيف من عائلة الـ ثاني اهل ام جود..ومثل ما انت عارف عائلة الـ ثاني اغلهم في أستراليا ومحد من الجماعه يعرف عنهم كثير..وهذا وحدن من عيالهم وجاء لم الديره
ابو صقر هز راسه بنفي/وش عذرنا بين الجماعه بجيته للديره و وجوده في بيتي
ناصر/انت الحين مش السالفه هذي لفتره الين نشوف وضع الرجال وبعدها يفرجها ربگ
هز ابو صقر راسه بقلة حيله..
..../يااااااا جدددددي جدي عبدالله ياااجد
رفع عيونه لجود اللي واقفه على باب المطبخ الخارجي وتناديه بصوت عالي..
ابوصقر/ياجدگ اقصري حسك..وش علمك
جوود/تعال بسرعه في حرمه تبيگ
ابوصقر/حرمه؟!
دخل ابوصقر و للمجلس وخلفه جود وناصر واذا ب ام صقر واقفه وجنبها وحده بعبايتها وبرقعها..
ابوصقر بصوت جهور/ارحبي يا الله حيها..تفضلي
المرأه بصوت باكي/ نخيتگ يا ابو صقر داخـلتن على الله ثم عليگ
ابوصقر بحميه/ابشري بعزگ يابنت الأجواد
المرأه جلست على ركبها بكت بنحيب/انا مزون زوجة مسفر بن محمد الـ قايس..
ابوصقر /ونعم وسبعة انعاام..في ابومحمد
مزون بشهقة/دخيلگ يا ابوصقر واللي يرحم ولدگ صقر مسفر بيطلقني وبيحرمني من عيالي دخيلگ امنعه دخيلگ
الدهشه كست وجوه الكل
ناصر/ و وشدخل ابوي بينكم


•
---➰
ناصر/ و وشدخل ابوي بينكم
ابوصقر بزجر/ناصر..تعوذي من الشيطان مالگ الا طيبة الخااطر
ام صقر جلست جنبها ولفت يدها على
كتوفها تهديها/لاحول ولا قوة الا بالله..وش سنع رجلتس يوم انه يطلقتس وش انتي مزعلته به
مزون رفعت راسها بحرقه/مسفر بيطلقني و السبه انتوووو انتووو والثار اللي بينكم وبين قبيلة الـ زامر
جــود/وانتي وش يدخلگ بثار القبايل؟!
مزون تكمل صوت بكائها يعلى/انا مزون بنت جاسم الـ رامز ومسفر من بعد اللي صار بينكم وبين عيال ابو مفلح وانا وهو في مشاكل ما يعلم فيها الا الله ..وحلف ان خذت قبيلتي بثارها منكم ان يطلقني وياخذ عيالي مني..ويوم القصاص دخل علي يقول لمي عفشك وانقلعي لبيت اهلگ وانه الكل بيقطع النسب بين قبيلة الـ رامز وقبيلة الـ قايس..معاد حد من القبيلتين بيزوج الثاني..
ناصر بقهر/انتي بنت عم الخسيس مفلح
مزون هزت راسها
ابوصقر صد عنها وغمض عيونه بقوه..
و ام صقر ابتعدت عنها ورفعت شيلتها تمسح دموعها..
ناصر بثوران/اجل بيض الله وجهه مسفر وكثر الله من امثاله...نسب مع الـ رامز ما يشرفنا ولا يشرف ان عيالنا يا الـ قايس يكونون الـ زامر خوال لهم
مزون صارخة بحرقه /ابوووو صقررررر انا نخيتگ
ابوصقر بدون مايلتفت لها/كل اللي اقدر اسويه لك يا بنت الـ رامز اني ما اخلي مسفر يحرمك من عيالگ
مزون وقفت تجمع شتات كرامتها بحسره /الله يحرق قلوبكم يا القبيلتين مثل ما دخلتوني انا وعيالي في ثاااركم الله لا يخمد ثاااركم الله يجعلها تكبر بينكم ويحرمكم مثل ما حرمتوني...الله يجعل حوبتي ما تتعداكم
طلعت وصوت بكاءها يتردد والصمت اطبق على المكان..
جود تبعتها بسرعه قبل تطلع من الباب
ومسكت طرف عبايتها/لاا تروحين..
مزون تحاول تسحب عبايتها/ابعدي عني الله لايبارك فيكم
جود تمسكت فيها اكثر وبكت/استغفري استغفري
مزون بصراخ تدفها/ابعدي عني الله يحسبي عليكم
جود لفت يدها حول خصر مزون بحيث صار راس جود على بنطن مزون/


•

---- على بنطن مزون/والله ما افگ حتى تستغفرين اهلي وش دخلهم في تخلف زوجتس لو زوجتس يحبتس كان والله مايتركتس..تكفين استغفري عن دعائك تكفين لا تدعين على اهلي اللي صار لنا يكفينا تكفين
مزون ضربتها على ظهرها بقوه وقهر/الله يحرقگ ويحرقهم ويحرق مسفر فوقكم تعيريني ان رجلي ما يحبني!!مسفر كان يبوس الارض اللي امشي عليها لكن حميته لكم وللقبيلة قلبته علي لعبتو بعقله بسبب ثار وانتو فيه المخطين..
جود تتلقى ضرب مزون بالم وتحمل ببكى/لا تدعين لاااا تدعين..عندك عيال لااا تدعين انتي سويتي كذا لانه بس هددك انه يحرمك من عيالك بس فـ كيف بجدي وجدتي اللي عمگ حرمهم من ولدهم نحر ولدهم هم ما بيدهم شي..تخيلي تشوفين احد يذبح ولدگ وانتي واقفه..
مزون بطرف كوعها ضربت جود على راسها..
جود صارخت بالم مع ذلك ما ابتعدت شبر عن مزون وهي تردد/لا تدعين..استغفري..لا تدعين لا تدعين..
مزون انتفضت ببكى وجلست بانهيار ومعها جود
وصوت بكائهم العالي وصل لمسامع الجد مع وصول كل كلمه قالتها جود وقالتها مزون..
خرج ناصر والجدة لهم..
بينما ابو صقر استند على الجدر
ونزلت دمعه رجل قهرته الدنيا لتخط على لحيته البيضاء..
رجع راسه على وراء وبدأ يضربه بالجدار لقلة حيلته..
مشهد قصاص صقر ينعاد امامه...
--
قدر ناصر يبعد جود عن مزون اللي وقفت بسرعه وغادرت..
ناصر رفع وجه جود الباكي ومسح دموعها
بحركته هذي اشتد بكائها اكثر واكثر
احتضنها لعلها تهدا/خلاص ياروح عمگ
جود تبعده عنها وبقهر/دعت عليناااا دعت علينا كلنااا
ناصر /جعل دعائها ما يتعداها..وان شاءالله ان ربي مايستجيب لها
جود هزت راسها بعصبيه/دعائها بيستجاب لان مابين الله ودعوة المظلوم حجاب..وش ذنبها تنحرم من عيالها وتتطلق من زوجها بسبب قبيلة في اي عصر عايشين !!! اللي يصير من الجاااهليه تعصبات القبيله !!؟ وينكم من حديث الرسول!!! هااا صقرر قتل و القاتل يقتل والدم ما يروح صقر قتل ولدهم وهم قتلو صقر خلااااااااااص تعاااادلناااا...
ناصر بقهر اسكتها بكف/بسسسس صقر قتله على حق ومفلح يستاااهل القتل
جود وصدرها يهبط ويرتفع من شدة العصبيه/من هووو صقررر!! عشان يقرر يسلب مفلح روحه ها وحتى لو كااان مفلح يستاهل القتل في شي اسمه قاااانووون في محكمه في دولة تأخذ الحق لأصحابه...بعد كل هذاا وبعد مازلتو مستمرين في حربكم وثااركم ..الثااار..انقتل بقتل صقررر ومفلح انقتل بدمم..
ناصر بحرقه مسكها بطرف قميصها/اسكتي اسكتي يا بزره انتي وش يعرفگ بعلوم القبايل والرجل..اناا وش اللي يخليني اخذ واعطي معگ يابزره


•

--
بصررراخ/ناااااااصررر قص يقص ايدگ تمد يدگ على بنت مقرن..وانا حي!
ناصر التفت لابوه اللي واقف بـ اعلى الدرج
ناصر دفها بعيد عنه والتفت لابوه /جعل عمرگ طويل..لكن بنت مقرن لسانها يبي له قص
ابوصقر بتعب واضح نزل عتبات الدرج/لسان ينطق بـ الحق ما ينقص..
ناصر فتح عيونه بذهول/حق!! تشوف كلام البزره حق!!
ابو صقر فتح باب الشارع/نطقت بـ اللي عجز غيرها ينطقه..الثـار انـقـتـل بـقـتـل صـقــر..
---
--







---
..بعد اسبوع..
صراخ اطفال وام تبكي..
ورجال مسلحين..يحيطون بـ المكان..جوع وبرد قارص..
سلاح موجه بإتجاه طفل بين يديه قطعه من الخبز لتنتزع منه بعنف بعد ركله عنيفه على صدره..
وفجاءه السماء تتلبد بالغيوم وتمطر بمطر اسود..
حاول الهروب بعيداً..واذا به يغرق في بحيره سوداء لزجه..
شهق بقوه وصحى
هو يتلفت حوله..
حـلم!؟ غطى وجهه ومسح عليه بقوه..
تحرك بصعوبه..
توجهه للباب البيت وجلس على عتبته ..
اخذ نفس عميق لتنكتم انفاسه لثواني بضيق وتخرج تنهيده متهجده..
ابتسم بتعب هو يشوف ابوصقر واقف بين النخل ويلوح له بيده
رفع يده ولوح له..
ابوصقر اشر له يجي له..
وقف واجبر نفسه على المشي باتجاهه ..
ما ان اقترب منه حتى اطربه ابوصقر بترحيب حار..
ابوصقر بحفاوه/ارحب الله حيه..حمدالله على السلامه ما بغيت تطلع من اعتكافگ
مشاري اكتفى بابتسامه تخفي عجزه عن الرد..
ابوصقر /كيف صحتگ الحين!؟
مشاري/احسن بكثير..الحمدالله
ابوصقر/ها والله ثم والله ان يموت واجبگ ذا الليل عيداً لسلامتگ
مشاري عفس وجهه بعدم فهم/من يموت!!
ابو صقر سكت للحظه ثم اردف بضحگه/هههههههههه الخروف اللي بنذبحه لگ..ونجمع عليه من يعز علينا..
مشاري/ااهااا
صوت من خلفهم/هذا اللي قدرت عليه وبتقليد"ااهاا"
مشاري التفت لوراء وتوتر اكثر/هاا و وش يفترض بي ارد
ناصر قرب له وربت على كتفه/ههههههههههه امزح معگ يا رجل علامگ انلخمت..اقول يا ابو صقر ضيفگ يبي له دوره في علوم المرجله
ابوصقر/الله يقويك وان ماخابت نظرتي ان ضيفنا عمره مهوب بيعداً من عمرگ يا ناصر..
مشاري ردد بتلقائيه/ناصر!!
ناصر ويده ماتزال على كتف مشاري/ ايه ناصر بن عبدالله بن قايس
مشاري بضياع/و و وانـا وش اسـمي
ناصر بتفكير/صح لازم ندور لگ اسم عشان نعرف نناديگ
ابوصقر/صـــقـر اســمـگ صــقــٰـــــــــر
-------







**•ملاحوظه/ العائلات و الاماكن و القبائل من وحي خيالي
ولا تمد باي شكل من الاشكال للواقع **• ------


•
--

--
اصر نظر ابوه بذهول/يـبه!!!
مشاري /صقر!
ابوصقر ببتسامه تحمل بين طيتها الالم/ايوه يااا صقر
ناصر برفض/يبه صقر ماات لا تحيي اسمه على الغريب
ابوصقر تجاهل ناصر ومسك مشاري من كتوفه
وشد عليه/
ياصقر اللي على ولدي سميت
اسمع صدى صوته وانا منه محزون
كم مره باسمه على اخوه ناديت
والناس من حولي يقولون مجنون
اذكره حتى يوم الفرض صليت
والناس باسمه لا بغوني ينادون
ماتدري انه كان لي شمعة البيت
وانه يساوي الكون والكون والكون
واني اشوفه كل ما اصبحت وامسيت
قدام عيني خطوته دوم بالهون
مانساه لو اني دلهت و تناسيت
ودنياي عقبه يا ابد مالها لون...
ناصر كتم قهره على ابوه والالم اللي تجسد بصوته وهو ينقط اسم صقر..تبي تحيي اسمه!! على لسانگ..
وترجع حسه بغريب!؟ مشاري"صقر" شتت نظراته "اسماني بـ اسم ولده اللي كان له الكون!! اسمگ
يا الـ غريب بـ اسم كونه ودنياه ولونه!! ---
جلست بطرف الصاله وعيونها على جدتها اللي
جالسه بعيد عنها ومسبحتها بين اصابعها
والحزن بين بعيونها..
اتعبها جو البيت الكئيب
تعبها حزن جدها وجدتها
اتعبها فراق صقر..وتعبها كلامها عنه..
وقفت وتوجهت لجدتها وبزعل/جدة!!
ام صقر رفعت راسها/عيون جدتك
جلست جنبها واحتضنت ذراعها/ما اشتقتي لـ غنمتس و الابل
ام صقر مسحت بقايا الدمع/إيه بالله اشتقت له
جود توقف/اجل جهزي حالتس بروح انادي كريم ياخذنا لها
ام صقر/مالي حيل يامتس
جود بصرار/الا تكفين..جدي منعني ما اروح لها لحالي بعد اللي صار للغريب
ام صقر تستند على ركبتها وتوقف وتساعدها جود/الله يعيني عليتس..ها روحي جيبي عبايتي
جود دقت تحيه عسكريه/امرگ سيدي ههههه
جابت لها العبايه وساعدتها تلبسها وطلعت معها للباب..
ام صقر تتلفت حولها/ها وين كريم!!
جود تلبس نقابها/يوووه نسيت اناديه..
ام صقر ضربتها على كتفها بقهر/مجرجرتني للباب وانتي بعد ما نديتيه
جود تفرك كتفها بالم/اووه نسيت..بروح اناديه..
ركضت وهي تضحك على حلطمة جدتها
طلعت للمزرعه وشافته جالس قريب من حوض النخله الطيني والماء بصب فيه...وومعطيها بظهره..
جود/كررريم..كرررريم
كريم/لا رد..

•

---
كريم/لا رد..
جود قربت منه وصارت وراه بظبط وبصوت عالي/كــريـم
انتفض بخوف ونزلقت رجله..وطرررراااااش
جود ضحكت بصوت عالي على شكله..شبهه منسدح في الحوض..رجوله كلها تبللت
نظر نفسه مفجووع رفع عيونه بقهر لصوت الضحك الصاخب
وكانت صدمته اكبره ان الضحكه كانت لبنت منقبه ما يبان منها الا عيونها العسليه
تلاشت ضحكتها وعينها تطيح بعينه..
توسعت عيونها بذهول.. على ملامح رجوليه بحته..
باديه بـ شعره الاسود الفحمي الكثيف الى عيونه الواسعه المسحوبه و برموش سودا كثيفه ..بعدسات خضراء..
الي انفه الحاااد وبشرته السمراء..وعوارضه المهمل..
وكان الجمال الرجولي خلق لـ اجله
جود تراجعت خطوه لوراء وبدون شعور صفرة بصوت بعجاب
رفعت يدها على فمها وكانها حست على نفسها...
وقف برتابگ وستغراب من نظراتها له
جود بجرائه/من انت!؟
صقر شتت نظراته بعيد عنها بعكس جود اللي ماشالت عيونها عنه..
"مشاري"صقر/أنا اناا صـ صقر!
جود بصدمه/صقررر!! صقر برتباگ/ابو صقر قال لي انه بيسميني صقر الين اقدر اتذكر اسمي
جود بلعت ريقها "هذا هذااا هو اللي انقذته!! "
صقر /من انتي!!
جود ضيقت عيونها من سؤاله وصدت عنه..
مشت خطوتين بعدها وقفت/صقر كون مثل الصقرر لـجدي فـ في رقبتگ دين له
بعدها ركضت بسرعه ..حتى طلعت من المزرعه..
انتفضت بخوف ورعب هو تسمع صوت البوري..
التفتت لسيارة كريم اللي واقفه في الشارع
وجدتها تناديها بغضب..
مشت ببط تلتقط انفاسها..
فتحت باب السيارة وقبل تركب...
جـووود
جود بفرح وهي تشوف منى بنت جيرانهم وصديقتها الغاليه جايه لمهم/مـنى
منى بضيق/سلام عليكم..بتروحون!!
جود مسكتها بقوه وسحبتها
لداخل السيارة/جيتي وجابك ربي
منى تحاول تبعدها/وين ماخذتني يا مجنونه
جود/بنروح للحلال روحي معي ابيتس بسالفه..
منى/لاا ابوي لو يدري بيكسر برقبتي
ام صقر/روحي معنا و ابوتس خليه علي
منى و توها تنتبه على ام صقر اللي جالسه قدام..
رفعت نفسها وحبتها فوق راسها/كيفتس يا خاله عساتس بخير
ام صقر/نحمدالله..حرك ياكريم
كريم شغل السيارة ومشى..
جود/وش الشنطه اللي معك!؟
منى/شنطة المدرسه جبت لك كتبي عشان ادرسك اللي فاتك واساعدگ في حل وجباتگ
•

----
منى/شنطة المدرسه جبت لك كتبي عشان ادرسك اللي فاتك واساعدگ في حل وجباتگ
جود /والله انتس فاضيه..
ام صقر/الله يسعدتس يا بنت حمود..ساعدي بنيتي تراها رفلا متعرف راسها من رجولها..
منى بفتنه/وانتي صادقه يا جده لها اسبوعين ساحبه على الدوام و الاختبارات الفتره بعد اسبوع و اول ثانوي صعب
جود بقهر/ما بداوم الا اذا بدت الاختبارت نفسيتي ما تسمح الدوم
ام صقر/اختبارات!! و الله والله ياجود ان ما دومتي يوم الاحد ان ادق على ابوتس هو اللي بيسنعتس
جود بخوف/لاااا ادوام ليش ما ادوم بس ابوي لا يدري والله ما يسكت..
منى/هههههههههه والله عمي مقرن هيبه حتى وهو بأخر الدنيا
------
------









شد على قبضته بقوه
وذهول ..تقدم ببطء بعد استوعاب..
لمنظر السيارتين المتفحمه
مد يده برجفه على مكان السائق..
اللي اصبح قطع من الحديد المنصهر..
عض اسنانه بقوه يمنع رجفه اصابته..
مررها على مقعد اسائق
وعيونه متسعه بصدمه ودموع متحجره فيها..
يعجز عن استوعاب ان مشاري اخوه مات..
وصل من اليوم الثاني للحادث..ورسل رجاله اكثر من مره لمكان الحادث..مع اكثر من لجنة تحقيق جنائي..
وكل تقرير اللي وصلته نفس شي..لا اثر للجثه
واستنتاج الخبرا انها تفحمه بكامل وسارت رمادها مع الرياح...هو بحث جنائي ألماني واحد بعث في نفسه الامل
الى احتمال كون مشاري خرج من السيارة قبل انفجارها
ممكن يكون بمكان ما من هذه الصحراء..
غمض عيونه بقوه يحبس دموعه ..ايه مشاري خرج من سيارة مشاري ما ماتت اخوي ما مات..










•

---- غمض عيونه بقوه يحبس دموعه ..ايه مشاري خرج من سيارة مشاري ما ماتت اخوي ما مات..
فتحها صااارخ بأعلى صوته/مشاااااااااااااااااااري مشااااااااااااااااااري يااااااااخووووووووي مشاااااااارررري "وبـ الالماني"اين انت..و الي اين رحلت..لا يمكنك الرحيل بهذه السهوله..
عود فهناگ الكثير لنفعله ..عود لنحقق انتقامنا..عد لنعيش حياة افضل..عد فقد وعدتني بأن لا تتركني..
جثى على ركبته وجمع الرمل بين كفوفه بكى بحرررقه وألم ..
ستيف مدير اعمال عبدالعزيز
التفت لرجال اللي يشتغلون
تحت امر عبدالعزيز واقفين بذهول لنهيار عبدالعزيز..
ستيف بأمر اشر لهم بترجع وتركه لحاله...
--
رفع عيونه لسماء والرؤيه
ضبابيه بسبب دموعه..
ليعود بذكرياته الى طفولته
وتحديداً في الولايات المتحده
في احد مخيمات المتشردين..
وفي اقسى فصول السنة" الشتاء"
وعلى ضواء شمعه تكد تنطفى..
لتف هو واخوه في بطانيه
ورجفه تتملك اجسامهم الصغيره..
وامهم متدفيه بجاكيت راثي ..
وصوت الرياح مخيف يزيد وحشتهم..
عبدالعزيز ببكى/ماما لم اعد استطيع الشعور بقدمي..
جوليا"ام مشاري"صدت عنه بعجز عن فعل له شي فيه تدرك ان اطفالها لن يستطيعو التحمل اكثر..
الان هذي هي سنتهم الاولى في
المخيم بعكسها هي اللي كان المخيم ملجاها من صغرها..ما فرقته الا بعد زواجها من ابو مشاري اللي نقلها لعالم الاحلام الوردي..
و اللي ما استمر الا 8سنوات فقط وبعدها رمها مع أولدها في شارع بعد ما أنهاء دراسته
وعاد الي سعويه تركها هي و
اولادها بلا هويه بلا مأوا بلا حياة..
عبدالعزيز بكى بسبب صد امه..
وفجاء ابتسم هو يشوف اخوه مشاري مسك
رجله اللي تحول
لونها للبنفسجي من شدة البرد
و ضمه بين ايديه ونفخ عليها لعلها تدفء ولو قليلاً..
ابتسم كل منهم للاخر ببرائه وموئسه...
---
سيدي!!
رفع عيونه لستيف تنهد بضيق
وجلس على حيله ومسح وجهه و وقف ينفض بنطلونه من الرمل..
ستيف/سيدي خلف تلگ الجبال يوجد عدد من اهل الباديه..يمكننا سؤالهم
عبدالعزيز "بعربي"/قصدك اهل الغنم و الابل!!
ستيف هز راسه بعد فهم/لا افهمك!
عبدالعزيز/لا تهتم..فنذهب إليهم
---
---


•
‏أصعب النساء من تكون : قلبها طفل , وعقلها رجل , وجسدها أنثى
--
--
تمسح على الناقه بحب
منى من وراء الشبك /وبعدين معگ لگ ساعه وانتي متعلقه في رقبت ذا الناقه لو كانت تتكلم كان قالت فكيني منگ
جود تغيضها اكثر
لفت يدها على ركبت الناقه
ولصقة خدها بوجه الناقه ورفعة
جوالها "ايفون 1"وفتحت الكاميرا مدت شفايفها بهبال /قولي شيييييييييزززززز
ولقطت لها سلفي مع الناقه
منى ظربت كف بكف/سحبتني من الديره للبر وعندي سالفه وعندي سالفه اخرتها سلفي مع الناقه!!
جود تطلع من الشبگ/هههههههههه هدي اخلاقگ صارت تجاريه من تملكتي
منى عفست وجهه بضيق/انتي لازم تنكدين علي!؟
جود/والله ما ابي لتس انكد..انتي اللي جبتي انكد لنفستس لو انا منگ والله ان انبسط
منى/وين انبسط هاا؟! أنا ما ابي اتزوج الحين بعد صغيره
جود جلست جنبها على الارض/ زواجك ف نهاية الاجازة الكبيره يعنى وقتها بيكون عمرك صار17..وين صغيره
انتي عارفه سلوم جماعتنا و اغلب بنات صفنا اللي متزوجه و اللي مخطوبه
منى بقهر/الله يخذ ذا سلوم ..ليش يزوجونا بدرري..من حقي اكمل دراستي بدون ما اكون مسؤواله عن بيت وعيال وزوج
جود/خلي عنگ الفلسفه..و اذ كان عند خطيبگ اخو زوجيني له..عشان اسكن معتس عههههه
منى دفتها/الا فرقگ عيد بعد تبيني اجيبتس حماتي
جود/هههههههههه تصدقين بديت احس نفسي عانس كل الصف تزوجو الا انا
منى بسخريه/تزوجي سامي
جود بقهر/وييييييييعععع جعلي ما اتزوج
منى/هههههههههههههه من حضگ ان ابوگ معارض فكرة تزويجگ الا اذ خلصتي جامعة
جود توقف وهي تشوف ثلاث سيارات سودا جايه لهم من بعيد/لو انتظر ابوي يزوجني بـ اموت ما تزوجت
منى/ليت من عمي مقرن مليون كان تعدينا اليابان
جود وقفه بتوتر بدون ما ترد
على منى..
منى ناظرة لمكان ما تنظار جود /اوب وش ذي السيارات في البر!!
جود فجاءه ركضت لمكان موقفت السيارات..
توقفت السيارات قريب من
مكان الغنم و وقوف كريم ..
نزل من السيارات
9 اشخاص بـ بدل رسميه سودا..
ستيف/مرحباً..هل يمكننا سؤالگ
كريم يمسح يده بملابسه وبريبه من اشكالهم/ايس كلام!!
جود وصلته لهم وهي تتنفس بسرعه/وش فيه يا كريم
كريم بخوف على جود/ما فيه معلوم..بس انتا روح انا فيه يعرف يتصرف
ستيف التفت لـ عبدالعزيز اللي
متكي على السيارة
وزقاره بيده/سيدي نحتاج من يترجم كلامنا لهم
جود"بـ الانجليزي/لا حاجه لذلگ.. انا أجيد الانجليزيه
ستيف التفت لها
وعبدالعزيز نفخ دخان الزقاير فوق
ستيف /هذا جيد..لم اتوقع ان اهل الباديه يجيدون الانجليزي..
جود تخفي خوفها ورعشه اللي بيدها/ ثم!!
ستيف بجديه"e"يا انسه نحن نبحث عن قريب لنا حدث له حادث سير منذ اسبوعين تقريباً..فـ هل من الممكن انكم رايتوه !؟
جود تضبط صوتها/الحوادث في المنطقه كثيره جداً في فـ خلال الاسبوع هذا فقط اكثر من اربع حوادث فـ لا اعتقد انه بأمكاني ان افيدگ
ستيف بشرحه/الحادث حدث قبل 12يوم ما بين الساعه5 الى 6عصراً في يوم الاربعاء و لم نجد قريبنا في سيارته
جود بربكه/ لابد انه قد احترق تماماً
ستيف/لا كن لدينا امل بـ.....
قطعه عبدالعزيز وهو يتقدم حتى وقف قدامها تماماً ويده في جيبه انحنى حتى صار مستوى راسه بمستوى راسها و بحده "بعربي"/ستيف ما قال لگ ان السيارة احترقت فكيف عرفتي ان قريبنا احترق
تراجعت على وراء بسرعه وعضت شفايفها بقهر وحرارة جسمها تزداد ونبضات قلبها تتسارع.."يويلي ك كشفني!! لالا لاا ما كشف كذبگ هدي اهدددي ياجود اي كلمه او تصرف خطاء ممكن توديتس في ستين داهيه ويودي صقر معگ..."تمالكت نفسها وبصوت عالي تخفي فيه رجفة صوتها/اولاً حفظ على مسافه وحدود بيني بينگ مايجوز انگ تقرب من بنيه بهذا الشكل لو شافگ وحدن من رجالاً ما تمسي ليلتگ الا بقبرگ...
" بمهاره اكتسبتها من ابوها" ثانياً الان قبل 12يوم وفي يوم الاربعاء ما صار الا حادث واحد فقط و هو حادث انفجاار كبير لتريله غاز وسيارة واللي عرفنا ان صاحب السيارة و التريله احترقو الا تفحمو بكامل..مع هذا ما قدرنا نقترب من مكان الحادث.. عبدالعزيز وعينه بعينها التي لا يرا سواها يحاول قراتها ومعرفة اذ كانت صادقه اما كذابه...لا كن بصفاء لون عينيها العسليه لم يستطيع معرفة شي منها ابداً..
استعدل بوقفته وتقدم خطوه منها..وبمحاوله لسحب كلام اكثر دقه منها "e"/لنا اسبوعين نبحث عنه الخبراء لم يجدو اي اثر من حمض النووي بعكس سائق التريله الذي استطاعو العثور على اسنانه بعض من شعره بذلك استطاعو تحديد هويته..لن استطع ان اقيم عزائه اذ لم اعثر على دليل قطع بموته..
جود دارة بعيونها بملامح وضاق صدرها من كلامه والحزن الوضح في صوته.." اقول له!! عن مكان صقر!! مكان يكون صادق!!ويكون قريبه!! بس لبسه ولبس اللي معه وسياراتهم السودا نفس اللي كانو يحاولون اغتيال صقر..""
عبدالعزيز صد عنها بضيق وتوجه نحو السيارته..
جود بتردد/لـحــــظـه!!؟