[فيتامين سي]

•الاسيـــــــــ⛓ـر 3


جالسه في المزرعه ومبتسمه بإرتياح..
هي تشوف ابو صقر رجع لشغل في المزرعه بعد ما قطعها من بعد سجن صقر..والمشاكل اللي صارت..
هذا غير ضحكه من صقر"مشاري"
اللي بين فتره وفتره تسمعه يناديه بصقر لحاجه او لعدم حاجه كل هذا الا انه يبي احد يلبي له كل ما ينادي بـ اسم ولده..
وصقر" مشاري" يشتغل معه ويسقي النخل ويحفر السقايه معه... ها صقر قدر انه يونس ابوصقر عن موت صقر
وكان ربي ارسل لنا صقر بدل صقر..وعوضنا فيه.. يا الله اني احمدك واشكرك
ابوصقر ترك المحفره.. وربت على كتف صقر/باخذ لي فنجال قهوه ورجع لك يا ابوك.. خلاص اللي بيدك وتعال تقهو
صقر يمسح العرق اللي يتصبب من جبينه/ابشري يا عمي
ابوصقر وقف للحظه يناظر صقر بنظرات غريبه ما التفت صقر..وبعدها ابتسم له ومشى لـ مكان جلوس ام صقر تحت ظل الاشجار..
جلس على المركى جنبها.
ام صقر/يعطيگ العافيه
ابوصقر/الله يعافيك يا الشيخه
ام صقر وعيونها على صقر/تعلقت بـ الولد ياابوصقر
ابو صقر رفع عيونه لصقر/ اشوف فيه صقر يا حصه اشوف فيه صقري اللي مات قدام عيوني ويدي مقيده مات مقهور وانا اللي قهرته يا حصه ما نفذت وصيته ماا نفذتهااا
ام صقر رفعت عيونها فوق لعل دموع ترحمها وما تنزل..
وبعبره خانقه صوتها/ ولو انك ما طلبت العفو له كان بتجلس عمرگ كله ندمان انگ حولت تمنع عنه الحد..
ابوصقر تنهد بكلمة التوحيد/لا إله الا الله.."اللهم اجرني في مصيبتي واخاف لي خيراً منها""" اخذ يكرر تلك الكلمات الباااعثه على الراحه..
وام صقر ترددها خلفه بهمس
ليدوم الصمت لدقائق..ويقطع الصمت صوت جوال
ام صقر/الوووو..ياهلا..ايه معگ ام صقر..من انتي!! مديرة مدرسة جوود!....جووود!!!!..
ابوصقر انتبه معها
ام صقر وقفت بخوف/أصبري لا هنتي انا برا البيت بدخل و اتوكد.. لا كان عسى خير!! ليه تطلع من المدرسه!..
دخلت البيت وصعدت الدرج بصعوبه
ما ان وصلت لمنتصف الدرج الا تسمع صوت جود..




--- ام صقر بستعجل/ايه رجعت للبيت..في امان الكريم
دخلت غرفه جود وانفجعت
جود منحنيه وبين يدها الجوال وتبكي/رررد يااا ابوي ررد
ام صقر ضربت على صدرها بخوف/جوود يمتس وش فيتس
جود رفعت راسها لجدتها وبكت اكثر
جلست ام قصر جنبها وحضنت راسها/بسم الله عليتس..
جوود بشهيق/ا ابي ابوووووي..ابي اروح له..
ام صقر/هوه جعلني الدود يمتس زعلنتن علي الا اني ضربتس اليوم الصبح!! جود بكت اكثر/دقي عليه خليه يجي ياخذني
ام صقر وقلبها اوجعها اكثر/والله يمتس ما اقصد انتي اخبر بي..و ما خبرتس زعول
جود وتوها تسوعب كلام جدتتا حضنتها/منب زعلانتن عليتس بس ابي ابوي
ام قصر/جعلني اخذ ضيمگ يا امك قولي لي اجل وش اللي مزعلتس و والله انه ما يسلم من خيزراني
جود تحب يد جدتها/مجاار..محد مزعلني نفداتس
ام صقر ترفع راس جود تمسح دموعها بشيلتها/دموعتس ذي وش اللي منزلها هاا !؟
جود وهي تشوف الضيق في عيون جدتها حتى انها تجزم بأن ذاك البريق في عينيها ما هو الا بريق دموع تشارف على النزول..
جود ابتسمت بحنيه وحب لجدتها/ اتدلع عليگ ولا ما يحق لي!!
ام صقر/كل ذي الدموع وتقولين دلع!! بتحتسين لي الصدز ولا والله يا ذي الخيزرانه ما يسلم منها جلدتس
جود تحضن جدتها بقوه
تتميل في ضمتها/خهههههههههخخخهههههههههههه ـ مرتن تبكي عشاني ابكي ومرتن تبين تضربيني وش ذا تناقض ههههههه
ام صقر تدفها/متى بكيت يا السذوب!!
جود تغمز لها/لا ابد ما بكيتي هههه
ام صقر تدفها عنها /انقلعي عن وجهي
وتطلع من الغرفه ما ان طلعت حتى عاد الحزن الى معالمها..
نزلت الجدة ودخلت المشب وتشوف ابوصقر جالسن يشب
النار..
ابوصقر/هاا عسى ما خلاف علامها جود!
ام صقر ترفع يدها فوق راسها/ياااربي هذي البنت بحر ما ينوخذ منها علمن سنع لعبت براسي
ابو صقر/خليها على راحتها لقد بخاطرها شي بتجي تقول لتس
ام صقر/يا رجل مغير تقول بروح لـ ابوي و ابي ابوي تهقى انها خذت بخاطرها مني الاني ضربتها اليوم الصبح
ابوصقر تنفس بعمق عبق النار المتقده/ما هقوتي..يمكن انها اشتاقة لـ ابوها و لـ امها وخوها
هزت راسها بإقتناع..ثم اردفت/الا صقر وينه!؟
ابو صقر/ مر عليه ناصر واخذه يتغدون برا
ام صقر/ما كان معه اليوم الصباح و روحو يفطرون!
ابو صقر/ ايه نعم
ام صقر/زين زين عسى يقدر يروح عن نفسه شوي

-- ابوصقر تنهد/حالة الرجال ما ترضي عدو ولا صديق.. ساكت وان تكلم كلمة و رد غطاها وطول الوقت يهوجس..و كريم يقول انه يسمعه له انين طول الليل..
ام صقر/الشكو الله
------
-----




الساعة 1:00 ليل
فتحت عيونها بإنزعاج على صوت جوالها
سحبتها من تحت المخده وفتحت الخط
وبكسل/ الووووو
وصلها صوته الغليض/هلووو
جود نقزت من سريرها وجلست على الارض/ يـبـه يااا يبه
مقرن بتوجس"e"/عزيزتي جود ما الامر!!! وجدة لك اكثر من 45 مكالمه
جود بعيره/اول شي تكلم عربي عشان اقول لك سبب اتصالي
مقرن اللي اعتاد بل يتعمد كل ما اتصل عليها يكلمها بـ الالماني او الانجليزي عشان ما تحول تنسى شي من هذي اللغتين..لا كان صوتها اجبره لتنفيذ
طلبها/ ابوي في شي او امي!!
جود بخوف/لاا يبه..ناصر قال لك عن الرجال اللي ساعدنه صح!؟
مقرن وتفصيل القصه عنده/ايه اللي سماه ابوي صقر!!
جود هزت راسها ب ايه وكانه يشوفها/يبه ا ا نت تعرف احد بـ اسم نـاتان ايـنـزو!!
مقرن سكت لثواني ثم اردف/لااا
جود وصوتها بدا يختنق/ طيب ومشاري بن بندر!!
مقرن كسر القلم اللي كان بين إيديه
والف فكره وفكره نطت براسه.."مشاري!! لا يكون عبدالعزيز رجع يستهدف عائلتي!!! ""
جود/يبه!!!!
مقرن/انتي بخير!!
جود بستغراب/ايه..بخير!!
مقرن/اجل من وين عرفتي هذي الاسماء!!؟ جووود/يبه انت تعرف ان انا اللي ساعدن صقر وانقذته صح وجبته لبيتنا وجدي عالجه و و و المشاكل اللي بين قبيلتنا وقبيلة الـ رامز..يبه صقر طلع من قبيلة الـ رامز و اسمه مشاري بن بندر الرامز و و وحصلت اسمك وتوقيعك في وثيقة من المحكمه
مقرن وقف وانتفض بقووووه وصدمه شلت عظااامه...
اي معجزه تلك بلا اي مصيبه
كيف كيييف!!!!!!!!!!! جود كملت/ يبه اكيد انت تعرفه انا خايفه جدي اذا عرف انه من الـ رامز يعصب او تصير حرب اكبر بين القبيلتين ياربي وش اسوي يبه انت الوحيد اللي فاهم وتقدر تتصرف وش نسوي!!!...يبه
مقرن جلس والعرق يتصبب من جبينه/مشاري اقصد صقر ما يتذكر شي صح!!؟
جود/لا ما يذكر شي حتى اسمه
مقرن صمت بتفكير...
جود/يبه!!! مقرن/الاورق اللي حصلتيها معه عباره عن ايش
جود /جواز سعودي وبطاقة هويته و جواز ألماني..و و...و ورقة المحكامة
مقرن بقهر/بس!!! فيه شي غيرها؟!!
جود بكذب/لا بس هذي..."ما تدري ليش كذبت بس اللي تعرفه ان الملف ومحتوه شي شخصي يخص مشاري وحده و امكن لو استرجع ذاكرته و يكرره ان احد يشوفه..هذا غير ان مشاري لما حذف بنفسه من السيارة اخذ الشنطه معه هذا يدل على ان الشنطه شي مهم بنسبه له وبالاخص هذا الملف...
مقرن بتخطيط/جـود اسمعيني يا ابوك زين ونفذي كلامي بحذافيره
---


----
الـساعة 7:00 بعد المغرب
نزلت من غرفتها وبيدها اليسار كولا وبيدها اليمين سندوشة..
طول اليوم ما طلعت من غرفتها تفكر
في كلام ابوها
هزت راسهت برفض لفكرة ابوها..وبعجز عن تنفيذه..
فجاءه حست بكولا يطير من بين إيديها
وعيونها طايره معه..
ناصر بعد مسحب الكولا من يدها وشرب منه دفعه وحده
مصدر صوت مزعج/اششش باااارد
جود/لاااا تبيحه علي جوعانه
ناصر يكمل شرب/دب الباند متى بشوفك تقولين شبعانه
جود تمد يدها في محوله لسترجاع الكولا/ دركولا متى بتبطل نهب كل ما شفت في يدي شي سرقته
ناصر قرب وجهه منها بشكل مفاجاء
واكل قطعه كبيره من اسندوشت اللي بيدها
جود صاحت/لاااااا...سندويشتي"ورجعته وراء ظهرها"
ناصر تكلم والاكل بفمه/******
جود ترفع يدها في وجهه بقرف/خلاص اللي بفمه بعدها تكلم
ناصر ضحك/ههههههه كح كح""غص ""
جود/أحسن
ناصر يطقها بصبعه على جبهتها/عينگ فيها
جود تسحب الكولا منه/ههههه
ناصر سكت للحظه ثم اردف/متى ناويه تنحفين !!؟
جود ‏شرقت في الكولا وصارت تظرب صدرها/كح كححح كحح
ناصر يضربها على ظهرها/هههههههههههههههه
دفته بعيد عنها و وجهه احمر
ودخلت المشب وهي معصبه/مهره ابعدي رجلتس عني لا والله ما يلقى خير
دخل ورها ناصر وهو يضحك/الباند عصب
جود بعصبيه/دركولا ترا ولا لدوس ببطن ولدك..
ناصر يتصنع الخوف/لاا كل شي ولا ولدي
جود تلتفت لجدها وجدتها اللي يضحكون عليهم..
جلست جنب جدها بزعل
ابوصقر لف ذراعه خلف رقبتها واسندها على كتفها/ناصر فك عن بنيتي لا والله ان امسطك ان و ولدگ بخيزران امك
ناصر جلس جنب مهره/تمسطني انا مقبوله لا كان وليدي تستقوي انت وبنيتك عليه ليه والا الانه ضعيف الله بعد ما مشى !!..انحنى وبس ولده
مصدر صوت عالي /اسمع يا بابا اذ كبرت انتبه تصير باند مثل بنت عمك و والله ما ازوجك ايها
الكل معاد جود/ههههههههههه
مهره/حرررم عليك وش زينها جود مو متينه مره
ناصر ياشر عليها/كل هذا و مو متينه!!؟
مهره/جود كم وزنگ
جود تشتت نظراتها/60
ناصر بستفزاز/كـذابه
جود بقهر/ 62
ناصر /كـذذاااابه
جود بقهر/65

ناااصر يكرر الحروف ويلحنها/كـ كـ كـ گذذذااااابببه كذابه
جود عصبت/ما اكذب وش يعرفك بوزني هااا وزني 65
ناصر يضيق عيونه/كنت معگ في المستشفى قبل شهر ولمى قستي كان وزنگ..... اقول
جوود بعصبيه/70 ارتحت الحين
ناصر ضحك بصوت عالي قاصد
استفزازها/ههههههههههههههههههههههههه
جود ضيقة عيونها ورفعت حاجبها بقهر..ورصت على اسنانها/انت متى بترووووح لدورتگ اللي بمكة هااااا
الكل/ههههههههههههههههههههههههه هههههههههه
ناصر /بكرة الفجر بمشي..
جود/يا منت كريم يارب
-----
----



في نيويورك
في احد قاعة الاجتماعات في احد الابراج..
وفي اجتماع سري
وبغرفه لا يوجد بها الا نور البروجكتر
تقف امراه في الاربعين من عمرها وبيدها ريموت صغير..
تغير في شريح العرض/وهذه بعض صور لحادث السير
مارگ/سحقاً من كان وراء الحادث
كلارا/ رجال الشبح..
الشبح"لقب يخفي اسمها تحته"/اعترف بغلطت رجالي..وقد تلقو العقاب المناسب
ينغ جي/ما فائدة اعترافگ نحن نحتاج لتعويض..لقد اتفقنا بأن تهدده لا ان تقتله بقتلك له سببت لنا خساره كبيره
مارك/ الاهم من موته هو تلف البحوثات والمعلومات التي كانت بحوزته هذا بحد ذاته خسااره عظماء يصعب تعويضها...
شبح ببرود/نستيطع البحث عن غيره ف الوطن العربي ملئي بشباب يملكون عقول فتاكه..نستطيع شراها كم فعلنا مع ناتان إينزو
كلاا بسخريه/من يستمع لك يقول بأنك كنت تحكم السيطره على ناتان لا كان في الواقع هو من كان يسيطر عليگ ويجبرگ على الاذعان لطلاباته
الشبح شد قبضته بقهر..
مارگ بحقد/ ان كتشفت انگ تعمد قتله فـ اعلم ان ذاگ هو اخر يوم من عمرگ
الشبح ضرب الطاوله بقبضته بقوه وشر
يتطير من عيونه/ نعم فعلت ذلگ انا قتلت ولن اندم على ذاك قط..ذاك العربي كان يرا انه فوق كل شي..ونسي بأني انا الشـبح..الذي ينفي كل من يحاول لوي ذراعه...












بعد اسبـوع

ابو صقر بضيق/الجماعه مستنكرة وجود رجلاً غريب ببيتي وبين اهلي
تلف شيلتها الملونه على راسها وتشد من يدها على عصاتها/هذا ضيفنا ..محدن له شين عندنا
ابوصقر تنهد/الضيف حق ضيافته ثلاث ايام..
ام صقر/حالته ما تساعد يا رجال محدن بشارهن وصقر ما يعرف احد غيرنا ..وانت تفاهم مع شيخ القبيله هو رجل يقدر يقطع هرج الجماعة..
ابو صقر/مهوب حل يامره..
تدخل وبيدها دلة القهوة/حل ضيفكم عندي
مسح على لحيته البيضاء بنتظارها تكمل ..
جود تمسك طرف جديلتها/زوجوني من ضيفكم...
ام صقر فتحت عيونها على وسعها/يا اللي ما تستحين على وجهتس هو ذا حتسي ينقال قومي انقلعي عن وجهي
جود /وش فيتس يا جده انا صادقه الرجال تعبان وما يقدر يروح لـ احد غيرنا وغير تسذا ان تزوجني محد له عندنا شي وبينقطع هرج الجماعة
ام صقر تتلفت تدور شي تحذفها فيه/اقطعي واخسي..والله لو يسمعتس ابوتس ان يعلق مذبحتس نعنبو بليستس ما في وجهتس حيا!! في بنت تخطب لنفسها!! ولا انتي بايعتها..ما تقول شي يا ابو صقر
ابو صقر يفكر بصمت
ام صقر بتوجس /مساعد!! لا يكون جاز لگ كلام البزره!!؟
ابو صقر وعيونه بعيون جود/ابوگ كيف بنقنعه يوافق!! ام صقر بصدمه/مـسااااعد!!!!
جود ابتسمت/ابوي خله علي انا بكلمه...
ابوصقر/و صقر!! ان رجعت له الذاكره ورجع لـ اهله وربعه وقرر يطلقك!!؟
جود /الله يستر عليه..
ابوصقر/تم..كلمي ابوك هالحين عشان الليل اكلم صقر
جود وقفت ودخلت تكلم ابوها..
ام صقر تضرب كف بكف/لا بالله انك خرفت..تزوج بنيتك لواحدن ما نعرف اصله من فصله
ابو صقر/من قال من نعرف اصله..هذا الصقر
ام صقر توقف وتستند على ركبها/شكل السكر عندك مرتفع
---
وقفت في غرفها وقلبها يدق بقوه
متدري كيف جاتها الجراءه
كانت خايفه يكون اليوم يوم جنازتها..
على جرائتها...ولا فيه وحدتن عاقله تقول زوجوني لفلان..ياربي...
الله يسامحك يا ابوي لو اني ما قلت لك عن ذا المشاري
كان ما حطيت نفسي في موقف غبي مثل هذا.

نقزت على اتصال ابوها
ردت عليه بأحراج /الووووو يا ابوي
مقرن/هههههههه ههه من نبرت الرجال تعرف خوافي
جود عضت شفايفها/من نظرت الرجال مو نبره
مقرن/ما نسمع الا النبره..ها بشري يا ابوك
جود/نفذت اللي تبيه وجد ما اعترض ابد بالعكس احسه انبسط..بس والله اني انحرجت يمه يا قلبي تمنيت الارض انشقت وابلعتني
مقرن ابتسم براحه/هههههههه كفو عليگ
جود بجديه مفاجائه/ممكن اعرف سبب طلبك هذا!! وليش تبيني اتزوج من صقر و ايش اللي بينك وبينه
مقرن ابتسم اكثر على عقل بنته اللي ما
يطوفها شي..عقلها يوزن بلد مع
انها صغيره في السن/بجاوب على اسألتك بعد بكره اذ وصلت لكم --




•
--
‏يحتاج الرجل إلى دقيقةٍ واحدة .. ليعشق امرأَة .. ويحتاج إلى عصورٍ لنسيانها !
-ناتان اينزو-






بكره اذ وصلت لكم
جود بشهقه/بتجي لسعوديه
مقرن/باذن الله
جود نقزة من الفرحه وفجاءه تذكرة امها/و و امـي!! بتتركها لحالها
مقرن/اخوك مناف بيرصل الليله لـ ميونخ وبيجلس معها
جود تنفست براحه/الحمدالله..بروح ابشر جدي
----
---- بعد اسبوع
الساعه8:00م
رايحة العوده تملى المكان واصوات التبريكات
وقف بصدر المجلس يستقبل التبريكات من جماعة ابو صقر
"ملكة مع زواج عائلي بسيط في بيت ابو صقر""
و وجهه خالي من اي تعبير كـ تمثل تماماً لا يشعر بـ الفرح كما انه لا يشعر بـ الحزن ايضاً..
بعكس ابو صقر
فسعادة تغمر قلبه..
اما مقرن..واقف يتصنع الابتسامه..
وعيونه ما فراقك وجهه مشاري..
يدرك خطورة تخطيطه فهو وضع ابنته في عرين الاسد..
وفي نفس الوقت مدهوش من وضع مشاري..
يتذكر قبل يومين اول ما وصل طلب يشوف مشاري..
""قبل يومين""
جلس في المجلس ينتظر ابوه يجي ومعه مشاري..
و اول ما دخل مشاري محس بنفسه الا هو
يفز واقف من شدة هيبة مشاري اللي اعتاد بدخلوه لـ اي مكان يكون له حضوره طاغي وهيبه..يمتزج بغرور وكبرياء جبار..بنظرات عيونه الحاده توحي للجميع بقوه صاحبها...
لا كان هذا كله تلشى هو يشوف نظرات مشاري التائهه و خطواته الغير واثقه..
والهلات حول عيونه وشعره المبعثر..
مقرن بدهشه/ يبه!! هذا صقر!!
ابو صقر بفرح/ايه يا بوك..صقر سلام على نسيبك
صقر تقدم من مقرن ومد يده/سلام عليكم
مقرن لا رد
ابوصقر بنتقاد/مقرن علامك ما تسلام على رجال
مقرن بتدرك مد يده يصافح صقر/و وعليكم السلام..
ابوصقر/استريحو بروح اجيب القهوه ...،طلع ابو صقر وتركهم خلفه..
مقرن جلس /اجلس
صقر جلس برتبك..
مقرن يفحص ملامح وجهه
بعدها اردف/مـــشـاري!!!!
صقر ناظره بستغراب.
مقرن يكمل/نـاتـان إيـنـزو!!
صقر بستغراب اكثر
مقرن وكان يحول يتاكد اكثر
من فقدانه لذكره/هذي الاسماء ما تعني لك شي!!
صقر هز راسه بنفي/لا.." وبأمل"انت تعرفني!!تعرف من اكون !!
مقرن سكت للحظات ثم اردف بتصريف/ لااا بس كنت اخمن اسماء لعلها تعني لك شي..
صقر نزل راسه بخيبه...
مقرن بصدمه من ملامح الخيبه اللي ارتسمة على وجهه معقوله يكون هذا مشاري ذكي!! يمشي عليه عذر غيب مثل هذا؟! مشاري اللي اعرفه يحلل كل كلمه تنقال له...وينك يا عبدالعزيز تشوف اخوگ اللي تتفاخر فيه وين كان وكيف صار.. -----


صحى من تفكيره على صوت ابوه
مقرن/لبيه يا ابوي..
ابوصقر/وين عقلك!! فز رحب بـ جماعة على العشاء
مقرن ابتسم لـ ابوه ..وبصوت جهوري رحب بـ الضيفان وقومهم على العشاء
---
---
في غرفة جود كان الوضع مختلف تماماً..
صوت الاغاني على اعلى شي..
وصديقاتها حولها يرقصون..
وهي بين فتره وفتره تتحمس وتقوم ترقص معهم..
منى تمسكها وتجلسها/يا بنت اهجدي..
جود تحول تبعدها/برقص شوي بس
منى/اقول اهجدي اللي مثلك مفروض تجلس مستحيه ما ترقص
جود/يعني وش لون اتصنع السحى..اذ جاء صقر بستحي هههههه
منى/اششش يا الخاينه
جود /خاينه!!؟
منى /ايه خاينه ولا انتي اللي تقولين ما بتزوح وابي مستحيل يزوجني واخرتها تتزوجين قبلي
جود سكتت.."ليتك تدرين ان هذا الزواج مجرد اسم عشان يكون لوجود صقر بيننا في بيتنا مو مستنكر..."
منى استغربت سكوتها/زعلتي!! ترا والله كنت امزح معك
جود ابتسمت لها و وقفت/ادري..خلي عندك و قولي لي كيف شكلي..
منى ابتسمت بحب وتامل لشكل جود..
طويله وجسمها مربرب..واقرب الي تناسق..
عيونها عسليه برموش كثيف وانفها حاد شفايفها ملينه وخدودها مشدوده وشعرها اسوود طويل الي نص ظهرها كثيف ومموج..
ولبسه فستان سكري ماسك على جسمها...
منى بعجاب/تهبلين..ولا كل البنات
جود ارمشت بعيونها بغرور
دخلت ام صقر/بسم الله ماشاء الله يالله انك تحرسها بعينك اللي ماتنام
جود بست راس جدتها/امين
ام صقر/قريتي على نفستس !!
جود/ايه نفدك.
ام صقر/ها تجهزين الحريم بيدخلون يسلمون عليك ويباركون لك
غدير"صديقة جود"/يا جدة وليش ما تزفونها ويباركون لها الحريم برا احسن من انهم يدخلون لها
ام صقر نظرتنها بنتقاد/العلوم ذي مهب من سلوم عربنا...
غدير انحرجت/ههه امزح معك ياجدة
بنات كتمو ضحكهم على وجه غدير المنحرج...


•لايك قبل تقراء💗
#الاسـيـ⛓ـر --
بنات كتمو ضحكهم على وجه غدير المنحرج...
طلعت ام صقر وبعدها توفدو الحريم
يباركون لـ جود ويهنونها..
ام سامي/مبروك يا بنيتي..
جود الله يبارك فيك..
ام سامي بفضول/الا سمعت ابو رشيد يقول ان ابوك جاء لديره هو صحيح!!
جود ابتسمت لها/ايه ياخاله وصل قبل يومين
ام سامي /اجل امتس ليش ما جات معه!! هاا ولا عافت الديره بعد ما راحت لديرة الكفار..
جود اختفت ابتسامتها
وقلبها انقبض لذكر امها
منى بقهر من ام سامي وسوالها اللي ضرب على الوتر الحساس عند جود/ياأم رشيد انتي ناسيه ان ام جود دكتوره في جامعة بـ المانيا وعندهم الدوام طول السنه مو مثلنا خاص هذي الايام عندهم اختبارات فـ ما تقدر تجي
ام سامي هزت راسها بعدم ااقتناع/هااا لو ان بنيتي معرسه والله ما يردني عنها عشرين دوام
جود خرجة من صمتها وبغيض/ههه هذا الان ما عندك دوام ولا شغل ولا مشغله مغير مقابلة زوجتس ومناشبة حريم عيالتس...وهذي بنتس في رياض ولدت وراتس ما رحتي لها تهتمين فيها!!
ام سامي وجهه اسود/ايا اللي متستحين!! انا منشبتن زوجات عيالي!! زين اني ما زوجتس لولدي سامي
جود تمضغ العلك بطريقه مستفزه/و ولدتس من يقبل فيه هااا..هذاتس خطبتيني له اكثر من 6 مرات و رفضته وهو مغير يلحقني من شارع لشارع غير امسكي ولدتس عني لا والله ان يوصل العلم لجدي يتصرف معه..
ام سامي لفت شيلتها على راسها بغضب
وطلعت من الغرفه...
جلست جود وهي تخذ اكبر قدر من الاكسجين..
منى بقلق/جود معليك منها..انتي تعرفينها لسانها متبري منها
جود/ما طقيت لها خبرها..
منى تغير الموضوع
وتهمس لها/الا وش صار مع ابوك كيف قدر يملكك على صقر بدون اوراق الثبوتيه!!؟
جود بحماس/نسيت اقول لتس..على اخر التحديثات..والمستجدات والاكشنات..
منى /لاا هذي يبي لها دلة قهوه واحلى حلا
•
-- منى /لاا هذي يبي لها دلة قهوه واحلى حلا
جود/اجل خليها بكره تعالي العصر واقولها لتس
منى/لا وين بكره..خلي الاوضع تهدا واجي اخذ مصايبك كلها..
جود/هههههههه تمام
---
---
الساعه 11:30
مقرن اخذ صقر لدور الثاني
وتحديداً لغرفة جود
يصعد الدرج ببطء خلف مقرن..
يشعر بفوضه وصراع داخلي
كيف ولماذ وماذاا يحدث!!
فجاءه يجد نفسه بلا ذاكره بلا هويه
بلا ماضي بلا عائله..
و في كل تلك الفوضه وشتات
يتزووووج!!! فاجاءه ابوصقر طلب بانه يتزوج من بنت ولده..
ما قدر يرفض..ما حس بنفسه
الا هو يهز راسه بموافقه لجد نفسه الان
امام باب غرفة عروسته!!!
مقرن/تفضل يا عريس ونتبه على بنتي..
صقر/ا ا بشر..
مقرن ربت على كتفه ونزل تاركه خلفه..
وقف للحظات
قدام باب غرفتها..رفع يده
واذ بها ترجف غصب عنه!!وصداع يفتك براسه..
حرك مقبض الباب ببطء شديد..


ازدادت نبضات قلبها مع تحرك مقبض الباب..
و وجهها يكاد يحترق..خجلاً وندم على قرارها وتهورها في تنفيذ طلب ابوها..خلاص لا يجلس عندنا يروح لـ اي مكان مو مهم خلاص ما ابي اتزوج ولا ابي اجلس هنا والله برجع إلمانيا بس ما اتزوج ...
انفتح الباب ببطء مصدر صوت مزعج زاد التوتر اكثر واكثر..
نزلت راسها وعيونها بـ الارض..غمضت عيونها بقوه تنتظر دخوله...
مرت ثواني بدون ما تسمع صوت خطوات..
رفعت عيونها للباب اللي كان شبه مفتوح..
ارمشت اكثر من مره وهي تشوفه








•
الى الملتقى الاثنين القادم