[نورهان عبدالحميد]

المشاركة الأصلية كتبت بواسطة ام زياد محمود

كل سنه وانتى طيبة ياجميلة
عرض بطلوع الروح من رائد بيقدم رجل ويأخر التانية وكل امله ان دارين ترفض وبيخرج غضبه فى النادل المعجب بصراحه صعبان على جدا بس لازم يخرج من الماضى والذكريات اللى عايش فيها كل كلمة وموقف بتفكرة بليلى بصراحه مشفقه على دارين جدا ومهمتها صعبة
هى كمان رمت نفسها فى النار بموافقتها على عرض رائد بس ايه اسبابها اكيد فيه حاجه غامضه فى حياته وايه هو اللى خايفه منه { إنها لم تخف هكذا من قبل سوى يوم .....} يوم ايه وقفة غريبة وورها تساؤلات كتير
شمس وامها داخله عليها عاملة زى عادل امام اااااه دا جايلى انا بقى ههههههههههه
خوف نجوى على بناتها قاتل هى زيها زى اي ام نفسها تشوف بنتها فى سند راجل يحميها من مخاطر الزمن وغدرات الناس فى مجتمع مش بيرحم اى ست وحيدة سواء ارمله او مطلقه او لم يسبق لها الزواج بس للأسف خوفها بتصوله بطريقة مهينة لشمس ولكرمتها وبلسان الحاج سليمان علشان كدا قمر بتتمرد وشمس بتعانى فى صمت
مواجهة مؤلمة جدا بين شمس وابوها سوء نيه من ناحيتها فى تصرفه انه مش هيساعده لو عرف حقيقة الحقير عبد الخالق وسوء تقدير منه لمعاناة بنته وارهابها لدرجة خوفها من مشاركته آلمها ومشكلتها
وصفك لحياة لمياء رهيب مش ممكن كمية الوحدة اللى عايشاها وهى فى وسط اهلها وافتقدها للحب والنصيحة ومحاولتها للندماج مع صديقتها اللى زودت الطين بله ورفضت صدقتها ومشاعرها اللى محتاجه للاهتمام ضياء امتى هينكشف غموضك وحياتك وسر اهتمامك الزايد جدا جدا بلمياء ربنا يستر
بالرغم من الخلاف اللى حصل فى اسرة دارين بس حبيت ترابطهم وخوفهم على بعض خوف شاهندا على بنتها اللى هو صحيح رخم شويه علشان واخده اعتبار كلام الناس وحكمت على رائد بدون ماتقابله او تعرف عنه اى حاجه
حكمت كامل فى التعامل مع ولاده مختلفه جدا عن تعامل سليمان مع بناته دارين وقفت قدام ابوها وامها وقالت رأيها فى حياتها عكس قمر المتمردة اللى كل قرارتها وافعالها فى الخفاء خوفا من ابوها ورد فعله بالرغم من تمردها وشمس اللى عاشت مأساة جوازها لوحده بدون ماتعرف حد بيها لو سليمان كان بيسمعلهم اكيد ماكنوش هيوصلوا للمرحلة دى
قمر مازالت انانية حتى بعد ماعرفت بمعاناة شمس حاسه انها عايزه شمس فى البيت علشان تلهى ابوها عنها وعن اللى بتعمله بعيد عن عنيهم بس ياترى ياقمر هتعملى ايه فى حمزة بعد ماخرجتيه عن وقارة واصبح عاشق متيم ليكى وانتى مازلتى تقاومى مشاعرك ليه
يخربيتك ياأكمل وبيت معرفتك انت والزفته قمر لعبة ايه منك لله شمس فى معاناة رهيبة ربنا يستر عليها صعبانه على جدا
فصل مبهر كالعادة ياقمر تسلم ايدك ومشاعر رهيبة لشمس ومعاناتها فى انتظارك ان شاء الله

وانتي طيبة يا ام زياد ربنا يخليكي 💖💖💖

اليوم اللي هى خافت فيه حنعرف ليه خافت واسبابها حتتضح في الجاي بس طبعا ما بين الترقب والتحفز للشئ الغير عادي والتحدي وغير كده الاجابة اللي هى محتفظة بيها لنفسها

ايوه هو مشهد الاسد 😂😂

فعلا نجوى معاها حق وشمس معاها حق بعد اللي شافته بس فعلا طريقة التوصيل مؤلمة وهى بتواجهها انتى محدش اتقدملك غير منصور وحالك حيقف .. فالكلام مؤلم على شمس

ضياء لن يكون لنا مثل اي رجل بوصف حركاته ومشاعره بل بالنسبالي ضياء هو رمز .. رمز الغواية .. وبالتالي سنرى السكة اللي حيدخل منها ونشوف رد فعل لميا

من اجمل التعلبقات على كامل وسليمان شكرا ليكي حبي

استني متدعييش على اكمل 😂😂

حبيبتي شكرا لتعليقك المميز واحساسك بالابطال
شكرا لوجودك
دمت بخير 💖💖💖