[فيتامين سي]

الحلقة الخامسه
**********
حاتم قرب راسه من وجه ساره وقال : أيوه كده وهو بيحاول يفك أزرار بلوزتها راحت مسكت أيديه
وقالت بخفوت: حاتم لو سمحت بلاش
حاتم بهمس وبصوت مغرى : أنا بحبك وعايزك دلوقتى
سارة بتردد: وانا كمان بحبك بس بس
حاتم : بس أيه
ساره قربت وهمست فى أذن حاتم: أنا vierge
حاتم قام من على السرير مرة واحدة وهوا مصدوم
قال: أنتى قولتى أيه
ساره بخجل : vierge
حاتم : أزاى
سارة بخفوت: أنا طول عمرى عايشة فى باريس بلد الرومانسية والافكار المتحررة بس من جوايه مؤمنه بشىء واحد
حاتم بتريقة: وأيه هو الشىء المؤمنه بيه
سارة: نبرة صوتك أتغيرت ومش مستريحة من طريقة كلامك
حاتم : متركزيش معايا اصل أنا مصدوم من المفاجأة الحلو
ساره: مؤمنه ان العلاقة الوحيدة للبنت لازم تكون مع جوزها وطول عمرى ضد مبدأ البنت يبقا ليها صاحب
انت تعرف أنك أول واحد باسنى
حاتم بذهول: أنتى بتهزرى
ساره: انا بكلم جد انت اول واحد باسنى وأول واحد حضنى ويمكن عشان سابتك تعمل كده أفتكرت أنى عندى خبرة
حاتم وهو لسه فى حالة ذهول
قال: وليه أنا بالذات خلتينى اعمل كده من غير ماتقولى لآ
ساره: عشان قلبى دق ليك وقولت لنفسى أنت الراجل الوحيد اللى هيبقا جوزى
حاتم فاتح فمه على الاخر: أنتى بتقولى أيه
ساره بخفوت: تتجوزنى ياحاتم أنا بحبك ياحاتم ..أنا عايزه أول مرة ليا تكون مع جوزى اللى هو فى نفس الوقت حبيبى ودى بقا المفاجأة اللى كانت عايزه أقولها ليك
حاتم الكلام بيخرج منه بالعافية: ودى أحلى مفاجأة قولتيها
سارة : مردتش عليا تتجوزنى
حاتم : موافق طبعا
سارة: شكلك مش مبسوط
حاتم : لآ أبدا بس مصدوم من المفاجأت الحلوة
ساره : أنا بحبك
حاتم بيكلم نفسه : يامصيتك ياحاتم دى عايزه تتجوزك وكمان بتحبك أعمل ايه فى المصيبه اللى أنا فيها دلوقتى وبجد حرام عليك اللى بتعمله لآ مش حرام ده جزء من شغلى لآ شغلك ميدكش الحق انك تعمل كده
ده مش مبرر
ساره: أنت روحت فين أنا بكلمك
حاتم: ابدا الفرحة خلتينى طاير فى الهوا هوا أنتى كنتى بتقولى أيه
ساره: بحبك
حاتم : وأنا كمان بعشقك أنا هسيبك بقا عشان لو أقعدت دقيقة واحدة معاكى كمان ممكن أتهور فأنا همشى دلوقتى تصبحى على خير
ساره: بون وى
** فى المستشفى **
نور نايمة على السرير غايبة عن الوعى والعايلة كلها فى الاوضة معاها
جمال: خير يادكتور بنتى عندها أيه
الدكتور: عندها هبوط فى الدورة الدموية وده السبب فى أغماءها
جمال: وهتفوق أمتى دى نايمة مش بتتحرك خالص
الدكتور : متخافش هى هتفوق دلوقتى
الممرضة : أركب ليها المحلول دلوقتى
الدكتور: ركبى ليها علبتين جلوكوز
جمال: هتخرج أمتى من المستشفى
الدكتور: انا أديتها محلول مغذى هيفوقها وأول ماتفوق حضرتك تقدر تاخدها وتمشى
جمال: بجد يادكتور ياعنى بنتى كويسه مفيش حاجة خطيرة
الدكتور: ماأنا لسه قايل لحضرتك هبوط فى الدورة الدموية يعنى حاجة بسيطة بس أهتمو بأكلها شوية
هى باين عليها أنها مكنتش بتاكل
جمال : عندك حق يادكتور كانت بتاكل بالعافية
الدكتور: يبقا تهتمو بأكلها شوية وهيا خلال ساعة هتبقا كويسة وسابهم وخرج
الممرضة مسكت أيد نور عشان تركب الكانيولا وهيا بتركبها نور قالت : أه
جمال وفوزية فى صوت واحد : ماتخفى أيدك شوية
فوزية : ولا هيا عشان مش فى وعيها تغرزى الابرة جامد فى أيديها .. براحة حرام عليكى
الممرضة : أنا خلاص خلصت وركبت المحلول وأول ما المحلول يخلص هاجى أركب واحد كمان
وعلى فكرة أنا أيدى خفيفة بس ده رد فعل طبيعى ليها وهيا نايمة وسابتهم وخرجت
فوزية : شوفت الممرضة بتتكلم أزاى معايا والله ماأنا سيبها
جمال: خلاص أهدى يافوزية خلينا دلوقتى فى بنتا وسيبك منها
فوزية: أنت ماشوفتش بتكلمنى أزاى
جمال: خلاص يافوزية
أمينة : أهدى ياختى ياشوية
فوزية : لآ مش هسكت وهشتكيها لمدير المستشفى
رمزى: الموضوع مش مستاهل ياخالتى
فوزية : أصل انت ماشوفتش كانت بتكلمنى أزاى ولا نظرتها كانت عامله أزاى
محدش يمسكنى محدش يجى جنبى انا عايزه أجيبها من شعرها لحد هنا ‏
جمال: هو حد فينا جاه ناحيتك ولا مسك
وانت عارفة لو ملمتيش نفسك يبقا أنا اللى هجيبك من شعرك
فوزية : أنا فوزية يتقالى كده والله ماأنا سكته ومش هعديها ليك الساعة دى
جمال: انا عايز أشوف هتعملى ايه واللى عندك اعمليه
رمزى: أهدى ياعمى أهدى ياخالتى أحنا فى مستشفى مينفعش كده
فوزية بزعيق: أنا بقا مجنونة
جمال بزعيق هوا كمان : وأنا بقا مجنون عشان أتجوزت واحدة مجنونة زيك ولسه عايش معاها
فوزية : وأنا مجنونة عشان لسه عايشة معاك لحد دلوقتى
نور بصوت ضعيف: بابا
جمال قرب ناحية نور
وقال بقلق: أنتى كويسة يا
فوزية : أنتى كويسة ياقلبى
نور : انا فين
جمال: انتى فى المستشفى أغمى عليكى
نور بتحاول تضحك: هو أنت وماما علطول كده خناق مع بعض فى أى حته حتى فى المستشفى أنا كنت بحسب نفسى بحلم لما سمعتكم بتتخانقو بس لما فتحت عينيا شوفتوكم قولت لنفسى دى حقيقة مش حلم
جمال : المهم انت عامله ايه
نور: الحمد لله أحسن دلوقتى
رمزى بهزار: دى عاملة تعمليها يابنت خالتى يعنى أنا بقالى سنين برا وأول ماأدخل من باب الشقة تعملى فينا كده
جمال : اصل نور حبت ترحب بيكم بطريقة مبتكرة
نور حاولت تضحك وتبان أنها مبسوطة حاولت تخبى الجرح اللى فى قلبها وبتقول لنفسها : أمسكى نفسك شوية وفى الاخر الدموع نزلت من عينيها دموع الندم على أنسان عمره ماحبها
فوزية بحنية: ماتحرقيش قلبى عليكى ‏
نور والدموع فى عينيها: مقدرتش والله مقدرتش‎ ‎غصب عنى
رمزى : متعيطيش يابنت خالتى وقرب منها وبأبهامه مسح الدموع اللى على خدها
وبصوت حزين قال: أوعى تعيطى تانى خليكى قوية
أمينة مسكت أيد أبنها وبعدت بيه وبصوت خافت : أمسك نفسك شوية
رمزى: أنا ما صدقت يأمى أن نور مبقتش مرتبطة
أمينة: يابنى ياحبيبى أصبر شوية لما تطلع من المستشفى ونور دلوقتى مصدومة
رمزى: أنتى أكتر واحدة يأمى عرفة أن أستحملت وصبرت أد أيه
أمينة: عارفة يابنى بس أمسك نفسك شوية
رمزى : حاضر ياأمى
فوزية : أنا قولتلك يابنتى أن حاتم مش مناسب ليكى وعمره ماحبك وأنت اللى كنتى بتجرى وراها لحد ما خطبك
نور والدموع فى عينيها : كفاية ياماما كفاية أنا عارفة الكلام ده كويس بس أعمل أيه فى قلبى ‏‎ ‎
فوزية: أحنا ملناش غيرك يابنتى فحاولى تنسى حبك لحاتم وخرجيه من قلبك ..أفرضى جرالك حاجة أنا وابوكى كنا موتنا فحاولى تنسى وعيشى حياتك من أول وجديد
نور: بعد الشر عليكى أنتى وبابا
فوزية : أنا هقولك خبر حلو رمزى ناوى يستقر هنا فى مصر ويفتح شركة
نور : بجد ياماما
رمزى: ايوه بجد يانور ..انا تعبت من الغربة وناوى أستقر وهفتح شركة للبرمجيات وهسميها على أسمك نور هاوس للبرمجيات
نور معرفتش ترد تقول أيه وفضلت ساكتة متكلمتش
أمينة: مش وقته خالص يارمزى أستنى لما تخرج من المستشفى الاول وتبقا تقول الكلام اللى انت عايزه
رمزى بص لنور ومرة واحدة قال: تتجوزينى يانور
الكل وقف وعلامات الذهول مسيطرة على ملامحهم وصمت تام من الكل وهدوء مخيف فى الغرفة
وكل واحد فيهم مستنى مين هيبدأ بالكلام ويكسر لحظة الصمت
**فى الفيلا عند ساره**
ساره قامت من النوم مبسوطة وفرحانة
دخلت أخدت شاور وبعد ماخلصت وقفت قصاد الدولاب محتارة تلبس أيه وفى النهاية وقع أختيارها على فستان طويل لونه أزرق فاتح فيه رسومات خفيفة وناعمة وباكمام طويل
لبست الفستان وحطت كحل اسود واحمرشفاه زهرى ناعم وبصت لنفسها فى المرايه وقالت: ليكى ياجولى على الفساتين ونصايحك ليا مش عارفة من غيرك كنت هعمل أيه
وبعد ماخلصت لبس خرجت تجرى على أوضة حاتم ودخلت عليه من غير أستئذان وقالت بصوت عالى: حبيبى أصحى كفاياك نوم
حاتم قام من على السرير مخضوض: أنت أكيد مجنونة والله مجنونه فى حد يصحى حد بالطريقة دى
ساره: مجنونه بحبك أصحا بقا وقعدت على السرير
حاتم: لما تخرجى الاول عشان اعرف اقوم
سارة: ماتقوم هو انا مسكه فيك
حاتم : ماهو مينفعش أقوم قصادك بالمنظر ده
ساره :أنا مش فاهمة تقصد ايه ياحبيبى
حاتم وهو بيضحك: أصل انا مش لابس حاجة خالص
ساره أول ماسمعت كلامه وشها أحمر وقالت : اناااا همشى انا هطلع بره لحد ماتلبس
حاتم: أنت لسه ماتحركتيش من مكانك ..خلاص أقوم أنا
ولسه هيقوم من على السرير سارة نطت وفى خطوتين كانت برا الاوضة
حاتم وهو بيضحك قال : يامجنونة وقام من على السرير وكان لابس بنطلون من القطن لونه أبيض
ودخل الحمام ياخد شاور
*** عند تالا***
تالا كانت ماسكة السيجار وبتدخن بشراهة وبتتحرك فى مكانها بعصبية قالت : اللى قولت عليه يتنفذ
أندريه: لو رشاد عرف ممكن يموتنى فيها
تالا: كلامى يتنفذ بالحرف الواحد ومين فينا الريس هنا انا ولا رشاد
أندريه : انتى الريسه بس رشاد علاقاته جامدة وممكن يودينا ورا الشمس لو عملنا حاجة من وراه
تالا : هو اللى أبتدى
أندريه: طب أهدى شوية وفكرى بعقلك وبلاش تعملى حاجة هتندمى عليها بعدين
تالا: أنا فكرت وخلاص قررت ولاهو عشان فاكر أنى بحبه مقدرش أعمل حاجة
أندريه: بلاش انتى ممكن تخسريه للأبد وبدل مايبقا حبيب ليكى هيبقا عدو ومش من مصلحتك رشاد يبقا عدو
تالا بحزن : انا عمرى ماكنت حبيبته هو اللى كان حبيبى ..الحب ضعف ضعف وكان صوتها بيعلى بغضب
انا اللى طول عمرى قلبى زى الحجر ..أنا ياما كسرت قلوب كتير جاه الوقت اللى قلبى فيه أتكسر وهوا عمره ماحبنى وطول الوقت كنت بقنع نفسى أن هوا بيحبنى
بس أنا هعرف أنتقم منه
أندريه: بلاش تخليه عدو ليكى تالا..أنا قولتلك وحذرتك
تالا: أمشى من وشى وكلامى يتنفذ النهاردة
أنريه: حاضر كلامك هيتفذ وخرج برا الاوضة
تالا وبضحكة مجنونه : هنتقم منك .. هنتقم منك
-----------------------------------------------
حاتم دق على باب غرفة سارة واول ما فتحت الباب حضنته جامد وقالت: واحشتنى أوى
حاتم بيبعدها بالعافية من حضنه : ميصحش اللى بتعمليه
ساره: أنت دلوقتى خطيبى وهتبقا جوزى وانا كمان بحبك يبقا أنا كده مبعملش حاجة غلط
حاتم بيكلم نفسه بصوت واطى ينهار ابيض دى باين عليها لزقة ومجنونه
ساره: بتقول حاجة مون مور
حاتم: مبقولش حاجة ياروحى
ساره: أنا هقول لبابا النهاردة أنى بحبك وانت بتحبنى وعايز تتجوزنى بسرعة عشان مش قادر تبعد عنى
حاتم تنح من كلام ساره: أنا بردو اللى مستعجل على الجواز
ساره بزعل : ليه هو انت مش عايزنا نتجوز بسرعة
حاتم: عايز أتجوزك طبعا بس هنصبر شوية قبل ماأقول لبابكى أى حاجة
ساره: ونصبر ليه
حاتم: عشان حاجات كتير اولا الخطوبة والجواز محتاجة مصاريف وثانيا أنا ابقا الحارس الشخصى بتاعك وثالثا لما اعرف مين بيهدد حياتك نبقا نعلن عن حبنا لبعض
ساره : بس أنا
حاتم: من غير بس انتى لو بتحبينى يبقا تصبرى شوية لحد ماالمهمة اللى الوزارة اللى كلفتنى بيها أنفذها بنجاح واشوف مين بيهدد حياتك
ساره : هصبر شويتين مش شوية يلى بينا عشان منتأخرش
حاتم : مقولتيش هنروح فين بدرى كده
ساره: فى ندوة فى الجمعية لازم أحضرها النهارة أصل أنا أبقا نائب مدير الجمعية فالازم أكون موجودة بدرى عشان أنظم الندوة
حاتم: ومين مدير الجمعية
ساره: رشاد خورشيد
حاتم: ويبقا مين رشاد
ساره: رشاد ممكن تقول علينا أخوات أصل نعرف بعض من واحنا صغيرين ودخلنا نفس الكلية مع بعض وبعد ماتخرج سافر واخباره أنقطعت ومبقتش أسمع عنه حاجة ومن فترة رجع تانى وفتح الجمعية وطلب منى اساعده فى الجمعية وبس
حاتم: وبس يعنى مفيش حاجة تانى غير انكم كنتم زمايل وبس
ساره: ايوه كنا اخوات وزمايل وبس
حاتم: طب يل بينا هنفطر الاول وبعدين نخرج
ساره: أنا مش عايز أفطر أنا أصلا مبفطرش
حاتم : أنا بقا بفطر الاول ومش هنروح أى مكان الا لما نفطر احنا الاتنين
ساره: خلاص هنفطر أنا وانت فى الجنينه.. أنا هقول لمارى تعمل لينا فطار أنت روح الجنينة وهبقا أجيب معايا الفطار
فى الجنينة حاتم هو جالس على الكرسى بيفكر أنت لحد دلوقتى مقدرش تثبت حاجة على سارة تدينها وباين عليها برئية
برئية فين الادلة اللى تثبت أنها متهمة أو برئية شغلك يحاتم أساسه أدلة مش أحساس
ساره بصوت عالى: سرحان فى ايه مون مور
حاتم ضحك من عفوية ساره: بتصرخى ليه فى ودانى أنتى بجد مجنونه
ساره : أنا فرحانة أوى وأيوه مجنونه بحبك ..بص بقا انا جبيت ليك فطار على ذوقى توست ومربى وزبدة وكمان كوبايتين عصير برتقال أصل أنا بعشق عصير البرتقال
أنت بتحب عصير البرتقال ؟؟ قولى أنك بتحبه
حاتم بابتسامه: أيوه بحب عصير البرتقال والتوست والمربى دول أسمهم فطار
ساره: أمال أسمهم أيه مون مور
حاتم: دول عشان يفتحو نفس الواحد للفطار بس مش مشكلة خليها فطار دلوقتى والواحد يبقا يكمل أكل بعدين
أنتى هتفضلى واقفه كده كتير ماتقعدى عشان تفطرى معايا
ساره جلست على الكرسى قصاد حاتم ونظراتها ليه كلها حب وبصوت عالى قالت: بحبك ..بحبك
حاتم وهوا مذهول : وطى صوتك يامجنونة
ساره: ايوه مجنونه مجنونه بحبك
حاتم: انا عايزك تحكيلى عن نفسك عايز أعرفك أكتر يامجنونه
ساره: أنا أسمى ساره عزالدين عندى أربعة وعشرين سنة خريجة السوربون وبحب الرياضة أوى وماما ماتت وأنا صغيرة وفجأة نبرة صوتها أتغيرت والحزن ظهر فى كلامها
تعرف ياحاتم ان كل اللى فكرها عن ماما وشها الباهت والشاحب من المرض كانت علطول مريضة ونايمة فى السرير وكانت لما تتعالج من حاجة وتخف نكتشف مرض جديد لحد أكتشفنا عندها كانسر بس الحمد لله الدكتور لما شخص المرض ماتت بعدها شهر متعذبتش كتير
أنا فاكره لما كنت بدخل الاوضة ليها عشان أشوفها كانت بتمسك أيدى وتضحك معايا وتسألنى يومك كان عامل أزاى هيا كانت نايمه فى السرير مش بتتحرك بس كانت كل دنيتى كنت لما أجى من المدرسة أجرى على أو ضتها علطول ونحكى مع بعض ونضحك ولو فى حاجة مزعلنى تسألنى وتخلينى فى الاخر أضحك
وبالرغم من تعب ماما بابا كان بيعشقها ولحد دلوقتى عايش على ذكرها
أنت تعرف بيجى عليا وقت أتمنى أنها تكون عايشة ومش مشكلة تتعذب من المرض بس تكون معايا
لما أبقا زعلانة وكفاية أحس بلمسة أيديها على وشى بس بقول لنفسى هيا دلوقتى مرتاحة ومش ببتعذب وان شاء الله فى مكان أحسن
حاتم كان أول مرة يشوف ويحس بحزن ساره أول مرة يشوف ضعفها وانكسارها الجانب ده من سارة لمس حاجة جوا قلبه أحساس كان غريب عليه أحساس مبحبهوش
فحاول يغير الكلام فى أتجاه تانى قوليلى يسارة نفسك تشتغلى أيه
ساره: انا هقول بس أوعدنى أنك مش هتضحك عليا
حاتم : أوعدك
ساره: نفسى أبقا سفيرة أو وزيرة ..أنا بحب أساعد الناس وحسه لما أكون مسئوله هقدر أساعد الناس أكتر
حاتم وهو بيضحك: لآ مش لايق عليكى خالص
ساره: أنت وعدتنى متضحكش
حاتم: مقدرتش أمسك نفسى أنتى يابنتى واحدة مجنونة وطايشة
ساره: المجنونه دى أنت ماشوفتش الوش الخشب بتاعها أنا لما بحب أبقا مسئولة هكون قد المسئولية ولما بحب أبقا طايشة ومجنونة ببقا مجنونة على الاخر
حاتم : فى بنت سفير تقول وش خشب طب أنا نفس أشوفه
ساره: مابلاش لو شوفته هتزعل منى ..أنا حكيتلك عن نفسى أحكيلى أنت كمان عن نفسك أنا عايز أعرفك أكتر
حاتم بص فى ساعته وقال: ياه الوقت فات بسرعة واحنا بنتكلم أنا هبقا أكلمك عن نفسى بعدين بس دلوقتى يلى بينا عشان متتأخريش على الندوة
ساره: عندك حق يلى بينا
وهما فى العربية وحاتم بيسوق سارة شافت بنتين بيشاور ليهم وكانو واقفين جنب عربية باين عليها عطلانة
سارة : وقف العربية ياحاتم باين على البنتين دول فى مشكلة
حاتم وقف العربية بس كان حاسس ان فى حاجة مش طبيعية فيهم
والبنتين واحدة وقفة ناحية باب سارة والتانية ناحية حاتم وفجأأأأأأة