الـــبــــارت الــــخـــــامـــس/الجــــزء الــثــاني
في اليوم الثاني راحوا البنات المدرسة و نفسيتهم بالحضيض و الي زاد الموضوع سوء ان لمى غايبه و عندهم اختبار رياضيات مفاجئ ما دروا عنه الا لما دخلت الابلة
مريم و شوق و دانه: ابله كيييييييف اختبار و نحنا توه ندري
الابلة:جلوووس
شوق بعصبيه:مايصير تختبرينا كذا وبعدين لمى غايبه
الابلة:انا لي اسبوع قايله
مريم بعصبيه:قلتي بس ماحددتي اليوم
الابلة بعصبيه:جلوووووووس و يلا بوزع الاوراق اي واحده تتلفت صفر بدون نقاش
مريم التفتت لفطوم وهي تشوفها ماسكه نوته و تكتب القوانين بسرعه:ماشاءالله ع الغش
شوق تصفق وهي تكلم فطوم:بس تخلصي مرريها علينا
فطوم ببتسامه:افاا عليج
. . . .
قامت من النوم وهي تحس راسها بينفجر من الصداع و شهقت بقووه وهي تشوف الساعة (8:39)
:تأأأأأأأأخرررررت
طلعت من غرفتها بسرعه و دخلت لغرفة اختها و شافتها فاضيه التفتت و تقابلت نظراته مع نظرات امها الي كانت طالعه من غرفتها صدت عنها و دخلت غرفتها و سكرت الباب
طلعت لها ملابس و راحت تأخذ شاور يبرد من النار الي بقلبها
. . . .
بعد ماخلصت حل الاختبار استأذنت من الابلة و راحت للحمام ركض وصلت
للحمام و صارت تستفرغ كل الي في بطنها و بعد ما خلصت طلعت غسلت وجهها
دخلت فطوم فجاءه و انفجعت وهي تشوف عيونها المحمرة:شفييييج
حطت يدها على فمها وهي تكح و بعدها بعدتها عشان تتكلم:مافيني شيء
فطوم بخووف وهي ترجف: ايدج
(....) طالعت ايدها و انصدمت من الدم الي في يدها
. . . .
استغربت و هي تشوف مريم تطلع ركض و بعدها فطوم وراها طلعت
التفتت لدانه:شفيهم؟
دانه:مدري بس الله يستر
الابله بعصبيه:دانه شوق
دانه و شوق:هاااا
الابلة:لو شفتكم تتلفتون بأخذ الورق و صفر بدون نقاش
دانه:زين
كملوا البنات حل وهم ساكتين وبعدها بشوي دخلت مريم ومعها فطوم وهم يضحكون
جلسوا في امكانهم وبعدها دق الجرس و جمعت الابلة الاوراق و بعدها طلعت
شوق التفتت لمريم و فطوم:الله يديم الضحكة
مريم وفطوم:امييين
دانه:بنات احد سمع شيء عن لمى؟
البنات:لا
دانه دمعه عيونها ومسحت دموعها بسرعه:كله مني
فطوم:دانه لا تحطي اللوم عليج
مريم: ايه كلنا شاركنا بهالشيء
شوق:ايه و البلى كله طلع مني
(طبعا الشلة ما قالوا لدانه عن سالفة شوق و فارس لانهم خافوا تتضايق اكثر و تحط اللوم كله ع نفسها)
سكتوا البنات دقائق وبعدها دخلت بيان الصف وهي تركض
:بنااااااااااات الابلة غايييييييبه و ابلة الاحتياط تقول نجلس ع المسرح
طلعوا البنات و راحوا للمسرح جلسوا بزاوية بنفسهم مسوين دائرة
دانه:تتدرون لو لمى هنا كانت حالتنا احسن
فطوم بخاطرها "بلاش دانوه ما دريتي"
شوق:فطوم شفيج؟
فطوم:مافيني شيء
مريم حطت راسها ع كتف فطوم
دانه:احس اني انسانه حقيرة
شوق:زين انج دريتي
دانه طالعت شوق بنظرات حاده:اي طالعه عليج
شوق سحبت دانه من طرحتها:قلتي شيء ما سمعت؟
مريم:بنت اتركيها
شوق تركتها و شوي و جت بيان
بيان:دانوه ابله نعسانه تبيج
دانه وقفت وهي تنفض ملابسها:تمام "التفتت للشلة" بروح
البنات:اوكي
دانه راحت ومعها بيان و ع طول مريم اعتدلت بجلستها:ايش صار ع موضوع فارس؟
شوق بهم:الخطوبه بعد اسبوعين
مريم تنهدت ورجعت راسها ع الجدار بضيق وفطوم حضنت شوق
شوق:تصدقون كنت طول حياتي اقراء الروايات و انصدم بالأحداث الي تصير معهم ما ضنيت بيوم تدور الدنيا علينا ونعيش فمكانهم
مريم دمعت عيونها و حضنت فطوم و شوق:هي فتره وبتعدي
. . . .
طلعت من الحمام (اكرمكم الله) وبعدها نشفت شعرها بالمنشفة و سرحته و بعد ما خلصت جلست تدور جوالها و ما لقته
:وينه وينه وينه
عفست الدنيا راس ع عقل وهي تدوره الين ما نفتح الباب و تكلمت امها
:جوالج عندي
التفتت لمى وهي تحس بضيق و نفسها صار ينكتم من القهر
طلعت امها و هي ركضت قفلت الباب و صارت تكسر كل الي حولها بعصبيه
:الله ياخذني الله ياخذني اكرهكم اكرهكم كلكم اكرهكم
جلست ع الارض بضعف و هي تصيح بشكل يقطع القلب
. . . .
طلعت من غرفة المعلمات مع بيان وهي ودها تصيح من الالم الفضيع الي احتوى قلبها فجاءه بدون سابق انذار جلست ع الارض و هي تصيح بقوه
بيان جلست قدامها و بخوف:دانوه شفيج
دانه تصيح:ناديلي الشلة
بيان وقفت بسرعه و ركضت للبنات و دانه تحس الالم يزداد و تلقط انفاسها بصعوبة
بعدها صرخت صرخه و غابت عن الي حولها وظلمت الدنيا في عيونها
. . . .
ركضت بيان بسرعه وهي خايفة للمسرح بس مالقت الشلة فـ رجعت بسرعه لدانه و زاد خوفها يوم مالقتها فمكانها
. . . .
فتحت عيونها ورجعت غمضتها من الضوء القوي المقابل وجهها التفتت للجهه الثانيه و هي تشوف نفسها في غرفة بيضاء و فهمت انها بالمستشفى اعتدلت في جلستها وهي تتذكر الالم الفضيع الي كانت تحس فيه وقفت بسرعه وهي تبعد المغذي من يدها بقوه والي سبب لها جرح شافت طرحه و عباية على احد الكرسي لبستهم وطلعت وهي تسمع صراخ صوت تعرفه عدل
:موبكيفكم تفهمون ما راح اتزوجه ما راح اتزوجه
تبعت مصدر الصوت وشافت لمى تصرخ و امها تحاول تسكتها
لمى:جايبيني هنا افحص بكل جرئه قلت لكم انا ما ابيه ما ابيه ما راح اتزوجه مو بكيفكم تجبروني
امها بعصبيه:سكتي وطيتي راسي في الارض و لما لقيت الي يتسر عليج ما وافقتي عليه بقلعتج جعلج ماتوافقين بتتزوجيه غصبن عن خشمج
دانه تقدمت منهم اكثر و قالت:لمى
التفتت ام لمى وبعصبيه:وطلعوا رفقاء السوء الي وصلوج لهالحال ها كاهم كاهم شوفي هذي واحده منهم شوفيها عدل لانج ماراح تشوفيه مره ثانيه دامني حيه
دانه:خاله شو تقولين
ام لمى:تخلخلت حلوقج قولي امين
لمى بعصبيه:دانه روحي
دانه:لمى انا
ماكملت كلامها لان لمى قاطعتها بصراخ:انقلعي
دانه تصيح:لمى
لمى بقهر:روحي روحي ماابي اشوفج روحي
ام لمى:اي روحي ما تسمعين لتكوني صمخه بعد قالت لج روحي
دانه مسكت يد لمى بس لمى بعدت يدها بقوه و دخلت غرفة الفحص عشان التحاليل الي راح تحدد اذا راح تتزوج من هالشخص المجهول او لا
دانه مسكت يد ام لمى و بترجي:خاله انتي فاهمه كل شيء غلط وربي اسمعيني
ام لمى نفضت يد دانه بقوه و دخلت ورا لمى
دانه جلست ع الارض بضعف وهي تحاول تكتم شهقتها
. . . .
(مريم)
اغمى على دانه و اخذوها للمستشفى و رغم اصرارنا ع المعلمات ان نروح معها الا انهم رفضوا و حطوا اللوم علينا كملنا الدوام وحنا نشوف الخوف بعيون بعض كيف انقلب كل شي فجاءه وبهالسرعه كنا فرحانين و مستانين و ماكو احلى منا فرقونا الحين وكل واحده تعاني بروحها و تتمنى اليوم الي تتغطى فيه بالكفن و تندفن تحت التراب
. . . .
نـــهـــايــــة الــــــبـــــــارت/بقلم بنات الشحي