 البارت 5
البارت 5
بسم الله الرحمن الرحيم
صباح جديد باحلام جديدة وامنيات جميلة
في جناح فاتن
صحت بازعاج وخمول بسبب اشعة الشمس المسلطة عليها يالي اضافت لشعرها الذهبي جمال اكثر فتحت عيونها بستغراب وهي تشوف نفسها لسى بفستان العرس وصقر واقف قدام التسريحة يسكر في الكبك تبعه
صقر بستهزاء _صباح الخيييير يا عروسة والله بصراحة اهنيك على الفلم الهندي يالي سويتيه عشان اترك غدير وارجع لك بس لا تخافي انتي في حضني وعبير في قلبي
فاتن بضحكة حزينة _ والله انا ها الكوابيس دايما معي واذا على الحضن فانا ما طلبت منك ها الشئ
صقر _والله ما كنت ابي اترك الزين واجيك بس شنو راح اقول لامي وهي خايفة عليك وما تقد تدخل الجناح
فاتن وهي توقف متجهة للحمام _مافي مشكلة سوي بطاقة ثانية لي يمه وارتاح
ودخلت الحمام بدون ما تسمع ده بس قبل ما تدخل حست بيد قاسية تمسكها من معصمها وتلفها له
صقر بحدة _اخر مرة اكلمك وتعطيني ضهرك فهمتي
فاتن بعصبية _لا ما فهمت ولا راح افهم لاني خلااااص مليت ما عاد اقدر اعيش معك انت مو بشر ما تحس بس تجرح تعتقد ان كل الناس مثلك جلمود
صقر بصراخ _فاااااااتن اسكتي احسن لك
فاتن بصراخ كبير _ماراح اسكت تفهم ماراح اسكت
صقر بعصبية اعطها كف على خدها
فاتن رمشت عيونها باندهاش اول مرة صقر يمد ايده عليها
مسكت خدها وجلست على الكنب بثقل وصدمة
صقر مشى وعطاها ضهره
فاتن صرخت _اكرهك صقررررررر اكرهههههههههههك اطلع من حياتي اطلع خلاااااااص مليت منك والله خلاص ما تحمل
تركها صقر وصدى صوتها يتردد في المكان نزلت دموعها بقهر وحقد من حياة الجحيم يالي هي عايشتها حياة مافيها احساس وكانها معملات تجارية لا غير
في جناح مرام جالسة تتامله بكل بوردة وكره وكانها في حياتها كلها ماحبته وهي يالي قبل سنة وشوي كانت تنتضر اللحضة يالي تلبسه فيها والناس تشوفها فيه
هي تتمنى شئ واحد بس وهو تواجهه وتساله ليش سوى فيها شذي ليشتركها وراح اذا ما يحبها ليش تزوجها من الاساس ليش كسرها شذي ومع كل يالي سواه لسى تحبه وتحب حنانه وحبه لها تحب كلامه وتحب نضرة عيونها لكن في لحظة هدم كل شئ ومستحيل يتصلح شئ مستحيل
انقذها من افكارها الموحشة رنت الجوال مرام وهي ترفعه وتقرا اسم سندس _هلا مرام شلونك
مرام _والله الحمدالله انتي اخبارك
سندس _تمام اي مرام حبيبتي شنو رايك نطلع اليوم نسوي شوبينق بنات ههههههه والله مليت من جلسة البيت تطق الروح
فجاة وبدون سابق انذار اخترق اذن مرام صوت لشخص مستحيل تنساه هي ما تدري خيال او واقع مستحيل هي سمعت صوته والله صوته وهو ينادي سندس ويقولها سوسو
سندس تلبكت _اا ا ممرام باي الحين اوك بعدين نحكي
رمت الموبايل بكل قوتها على مراية التسريحة عشان تتحطم مثل قلبها الصغير
رجع ؟ لا مستحيل ليش يرجع ليش ؟
وانتحبت بصوت عالي من يالي فيها تحاول تكرهه بس ما تقدر
في طريق الفندق كان صقر بسيارة الخاصة ومسرع لدرجة انه صار يقطع كل الاشارات كيف قدر يمد يده عليها وعلى شنو علشان سبب تافه
صقر _اخ اخ غبي والله غبي
&اقدم اعتذاري
لوجهك الحزين مثل شمس آخر النهار
عن الكتابات التي كتبتها
عن الحماقات التي ارتكبتها
عن كل ما أحدثته
في جسمك النقي من دمار
وكل ما أثرته حولك من غبار
أقدم اعتذاري&
وصل للفندق بسرعة قياسية
دخل الجناح الفخم المخصص له ولقى غدير تنتضره بقفطان مغربي فخم وجذاب
صقر _السلام عليكم
غدير بغضب _وعليكم السلام ليش جيت كان جلست معها اكثر وتركتني انا
صقر _غدير سكري الموضوع وخل نروح الحين للبيت وعلى فكره شهر العسل كنسلته لان عندي شغل وايد
غدير وهي تلمس خده _يالي تشوفه حبيبي بس خلاص انزع ها الكشره عشاني
صقر ابتسم ابتسامة صفراء _اوك يلا غدير
في دقايق غدير تجهزت ونزلت معه
وصلوا للقصر وكان في استقبالها ام صقر ومرام وجميع الخدم بطلب من صقر
دخلوا وسلموا عليهم
صقر للخدم _هذي سيدة القصر مثل امي ومرام واحترامها من احترامي فهمتوا
غدير فرحت انه ما قال فاتن بعد ورماها من القائمة
بعد احاديث بسيطة دارت بين ام صقر وغدير ومرام ساكتة
ام صقر _السموحة يا بنتي اتصلنا امس عليكم وازعجناكم بس فاتن كانت تعبانة
غدير بحزن مصطنع _ادري فاتن المسكينة مجنونة الله يعيناها بس خالتي انتم ما اخذتوها لطبيب نفسي يمكن تخف انا من اول ما شفتها حسيت انها مو طبيعية
القتت غدير ها القنبلة لحضة نزول فاتن من الاصنصير
مرام بعصبية _تخسين مافي مجنونة غيرك ويا تحترمي فاتن او تطلعي برى
صقر وهي يلمح فاتن متقدمة ناحيتهم بفستانها الاخضر القصير وشعرها المرفوع بتسريحة بسيطة ومكياج بني وماسكة عبايتها _مرام اخر مرة اسمعك تصرخين على غدير وبعدين غدير صادقة فاتن مريضة ولا تعتقدين ان صراخها كل ليلة شئ طبيعي
فاتن وقفت مكانها من الصدمة بس لحضة كلام صقر حست بقوة عجيبة طالعا منها
مرام _صقر شنو تقول
فاتن _اتركيه مرام هو صادق انا مريضة بس لا تنسى ان المرض النفسي عمره ما كان عيب والاعتراض عن امر الله هو العيب
وبعدين يلا بسرعة البسي عبايتك خل نطلع انخنقت في البيت
مرام بسعادة من كلام فاتن _اوك حبيبتي دقايق واجي
صقر وعيونه على فاتن _وين رايحة انشاءالله بدون اذني
فاتن بهدوء ونضرة تدري انها تسحره _ابي اغير جو انخنقت من البيت وبعدين انا انسانة مجنونة لازم اغير جو واتنفس
صقر بندم على كلامه بس ما بينه _اوك روحوا بس لا تتاخروا
فاتن وهي تلبس عبايتها مع نزول مرام _اوك باي
طلعوا مرام وفاتن دموعها تحارب عشان تنزل لين استسلمت فس الاخير وتركتها تنزل بحرية من الشعور يالي حست به
مرام وهي تمسح على ضهرها _فاتن اشفيك ترى صقر يحبك وها الغدير باين انها غبية وينضحك عنها بسرعة يالي لا تزعلي ترى طالعين نغير جو
بعد مدة هديت فاتن والتفتت على مرام _وانتي مرام اشفيك احسك متغيرة اليوم شنو صايرة
مرام بكلمة وحدة موجعة وقاتلة _رجع
فاتن بصدمة _شنوووووووووو ؟؟؟؟
في قصر اول مرة نزوره
ام فراس بعصبية _فرااااااس لا تجنني شنو ما تبيها انت مستوعب بالي سويته مطلق بنت عمك ليلة دخلتها انت طبيعي والحين ما تبيها شنو يالي غير رايك وانت يالي كنت تموت فيها والكل يدري
فراس ببرود _ما ابيها وما تناسبني والله الزواج مو غصب بعدين ما هي داخلة مزاجي
ام فراس وهي توقف بعصبية _والله يا خسارة تربيتي لك يا خسارة
راحت وتركت فراس في دوامة افكار غير منتهية
انتهي
انتضروني في البارت 6 قريبا انشاءالله
واتمنى اشوف توقعاتكم
صقر ما سر كرهه وحبه المتناقض لفاتن ؟
فاتن هل تستطيع العيش مع صقر اكثر وماذا ينتضرها في المستقبل ؟
غدير ماهي افكارها وخططها المجنونة والى اي متاهة ستانتهي ؟
مرام وفراس ما سر هذا الحب والكره الغير مفسر ؟
|