[فيتامين سي]

البارت السادس..

ريم: لا تستعجلي بتشوفيها قريب ان شاءالله ..الا شو كنتي تريدي
رفا: كنت بسألك عن اخر مادة بنختبرها فيها كم درس مو فاهمتنه بجي عندك تفهميني
ريم: متى بتجي
رفا: مدري بشوف سلووم متى يجيبني
ريم: طيب حياتي انتظرك
..........................
المغرب جت الشباب طلعوا للبر واتفقوا يجلسوا يومين وسالم وصل رفا وراح عنها
ريم: هلا والله رفوي
رفا: اهلين ريومه
ريم: الي يشوفك مع هالكتب يقول ماكلتنهم اكل من المذاكر
رفا بضحك: سكتي لا تفضحينا
ام فهد: هلا حبيبتي رفا شخبارك منورتنا اليوم
رفا بحيا: البيت منور بأهله خالتي ..الحمدلله طيبه
ام فهد: كيف الاختبارت ان شاءالله كانت امورها طيبه
رفا : الحمدلله
ام فهد: ريومه حبيبتي انا بطلع معزومة عالعشا ما بتأخر وعاد ديري بالك على جود
ريم: ان شاءالله يمه لا توصي
طلعوا ريم ورفا وتوجهوا لغرفة جود اندق الباب كانت جالسة وسرحانة كالعادة فزت على صوت الباب لبست شيلتها وتوجهت للباب تفتحته دخلوا ريم ورفا
رفا: ما شاءالله أخاف احسدها البنت متأكدين ان هذي بنت عمنا
ريم تضحك وجود مستغربة من هالبنت
ريم: شوي شوي عالبنت اول خلوني اعرفكم على بعض ..جود هذي رفا بنت عمنا ..رفا هذي جود
جود ابتسمت لرفا ... رفا سحبتها من ايدها وجلستها عالكرسي
ريم رجعت سحبت رفا من ايدها وقومتها : رفووي خلي السوالف الحين وخلينا نخلص ما في وقت
رفا: بليز خليني شوي
ريم: بالاول نخلص وبعدين سولفي ليما تشبعي
جود كانت تضحك عليهم تذكرت ايامها مع غيداء وسناء
ريم: حبيبتي جود بنروح غرفتي أخاف نزعجك
جود اشرتلهم بمعنى لا ما في ازعاج جلسوا.. جلسوا يراجعوا وكانت تطالعهم وتتذكر أيام الدراسة وكانت تتمنى ان أهلها يكونوا موجودين رغم نسبتها العالية الي حصلتها لكن رفضت تروح للجامعة ما تحب تخرج وتشوف ناس تحب تجلس مع نفسها أكثر خلصوا البنات
رفا: اووف وأخيرا ما بغينا
ريم : انتي شو مذاكرة تقولي درسين بس طلعتيلي الف سؤال وسؤال
رفا تضحك: لو قلتلك كان ما رضيتي .. بابا يتصل شكله وصل شفتي كيف ما مداني اجلس مع جود
ريم: الجمعة جايه وبتجلسي وبتشبعي منها اهم شي باكر بالامتحان لا تنسي الي ذاكرناه اعرفك انا
رفا تضحك: ادعولي ما انسى
طلعت رفا لابوها ركبت السيارة
أبو سالم: خلصتي
رفا: ايوا خلصت كل الدروس الي كنت مو فاهمتنهم فهمتني إياهم ريوومه
أبو سالم: الحمدلله (كان متردد يسألها او لا) شفتي بنت عمك
رفا: قصدك جود ايوا شفتها لو تشوفها يبه جميلة ما شاءالله عليها عيون ملونه وشعر اشقر بس مسكينه ما تتكلم
.................................
اليوم كان اخر يوم لاختبارات الثانوية بعد ما خلصوا أبو فهد خبر ريم تروح السوق مع جود وتشتريلها كل شي ناقصها وما تقصر بأي شي وريم ما قصرت كانت تبدع بالملابس وبالفساتين والعطور والميكب والشنط والصنادل مرت الأيام ويوم الجمعه يوم اجتماع العائلة اليوم الي جمع فيه أبو فهد العايلة عشان يتعرفوا على جود , كان الكل مجتمع بالصاله والرجال بمجلس الرجال
ريم كانت مع جود بغرفتها
ريم: يالله يا بنت ما بياكلوك ليش خايفه
جود كانت تأشر انها ما حابه تنزل خايفه وانها موم تعوده على الناس كثير
ريم سحبتها من ايدها وطلعتها (كانت لابسة فستان قصر للركبة على جسمها دانيتل باللون الأسود وحاطة ميكب خفيف ورافعه شعرها ومسيبه كم خصله )