[فيتامين سي]

البارت السابع

نزلوا ريم وجود الكل التفت عليها منبهرين من جمالها والكل صار يسمي عليها
ام سالم: ماشاءالله عليها الله يحفظها
ام فهد: تعالي يمه جود جلسي جنبي
جود كانت مستحيه وخايفه من نظراتهم مو متعودة على الناس هالكثر كانت تطالع الأرض
ريم : يمه بناخذها خارج الحديقة عشان اعرفها عالبنات
ام فهد: طيب لكن لا تنسوا وقت العشا
ريم: ان شاءالله
طلعوا البنات كلهم الحديقه وجلسوا بجلستهم المعتادة
ريم: خلوني اعرفكم على بعض .. جود هذولا بنات عمنا طبعا رفا تعرفيها شفتيها من قبل هذي اختها رغد بنات عمي محمد وهذولا مهرة ورنا بنات عمي سامي طبعا مهرة الوحيد الي متزوجة فينا زوجها يكون ولد عمنا غسان اخو رغد ورفا
رفا كانت تضحك : شرحك يقتل
ريم قرصتها: كان شرحتي عني
البنات يضحكوا
رفا: آآآآآآي يعور
جود كانت تضحك واندمجت مع البنات كانوا يسألوها وتجاوبهم بالإشارة كانوا يفهموا عليها بس مو كثير والبنات حبوها كثير كانت ليلة جميلة الكل كان مستانس فيها ما كانوا يعرفوا بالعواصف الي راح تتبع هذيك الليله
..................
منال: خلص عطيتك العنوان شو تبا بعد خلص انسى رقمي وانساني
سعود: ما راح يصير هالشي قبل ما الاقيها واسوي الي ابيه
منال: اعقل يا سعود انت ما تعرف من يكون عمها
سعود: ما يهمني اهم شي ان جود تكون لي مو لغيري وراح اوصلها واجبرها تتزوجني اذا مو برضاها غصبا عنها
منال: حرام عليك لا تأذي البنت ، البنت ضعيفه لا حول لها ولا قوة
سعود: الحين عاد رحمتيها يالله باي والكلام الي دار بينا لو طلع لا تلومي الا نفسك يا حلوة ولا تنسي صورك الي عندي حبيت اخبرك بس والفلوس رسلتهم على حسابك ولما القى جود وتصير عندي لك الضعف
منال قفلت الخط وهي تبكي حاسة بالذنب على الي سوته مع جود لكن ما بيدها أي شي هو يهددها بصورها اذا ما سوت الي يبيه
منال: يا رب تسامحني والله مالي ذنب يا رب تحمي هالمسكينه من هالرجال الي ما يخاف ربه
...............................
صباح يوم جديد كانوا متجمعين على الفطور
أبو فهد: وين جود
ريم: نايمه شكلها تعبانه
ابوفهد: طيب لما تصحى طلعولها فطورها
ابوفهد: فهد ابيك بموضوع قبل لا تروح الشركة مر عليي انتظرك بالمكتب
فهد: ان شاءالله يبه
أبو فهد: راشد بعطيك أغراض توصلهم قبل لا تروح
راشد: ان شاءالله يبه
جود كانت مو نايمه لكنها تعمدت تسوي نفسها نايمه لانها مو حابه تنزل تأكل معاهم تستحي منهم فتفضل انها تبقى فغرفتها
............
دخل فهد المكتب وكان ابوه جالس على مكتبه قام وجلس بالكرسي الي مقابل فهد
أبو فهد: اسمعني زين يا فهد ولا تقاطعني ادري انه ممكن كلامي يكون صعب عليك وصعب انه تتقبله لكن هذا شي ضروري ولازم يصير
فهد خاف من كلام ابوه حس ان السالفة فيها شي كبير
فهد: تفضل يبه اسمعك
أبو فهد: عمك أبو جود من زمان من تقريبا 20 سنه كان يدرس فبريطانيا حب بنت بريطانية كانت تدرس معه وتزوجها من غير علم ابوي ولا شوره ورجع وكان عنده طارق ابوي تفاجأ وعصب منه وطرده من البيت وحرمه من كل شي عمك عاش مع زوجته واسس مشروع على قده وصار عنده مبلغ زين بعد فترة سمعنا انه يشتغل في تجارة مشبوهة مخدرات واسلحة من هالقبيل ابوي ساءت حالته ودخل المستشفى وعمامك ساروا لعنده وهددوه لكن ما كان يخاف من أي احد ومرت الأيام وابوي توفى وهو مو راضي عليه بعد فتره سمعنا بالحادث الي صار معهم انا ما قدرت اسكت كنت ادور وابحث عن تفاصيل القضيه الى ما اكتشفت ان عمك كان مستهدف وكانوا يهددوه فهو كان مجبر ينفذ كل الي يقولوله عليه وعرفت ان بنته اخر العنقود ما ماتت بالحريق صممت اني ادور عليها واكفر عن الذنب الي اقترفناه بحقه على الأقل اربي بنته واعطيها حقها
فهد كان متفاجئ من كلام ابوه عمره ما سمع عن هالموضوع ولا أي احد كان يتكلم عنه وكان مستغرب ليش ابوه يقوله هالكلام
أبو فهد: يا ولدي جود الحين مالها أي احد غيرنا وبأمن حياتها ومستقبلها قبل ما الله يأخذ امانته
فهد: الله يطول بعمرك يبه
أبو فهد: انا اتخذت هالقرار بعد تفكير طويل وما راح القى انسب منك انه يكون سند وعون لجود ويحميها
فهد: كيف يعني ما فهمت
ابوفهد: انا بزوجك جود

ابغى اشوف تفاعلكم بليزززز