[مارينا جمال]

الفصل رائع كالعادة ، شمس واكمل فى بداية الفصل الموسيقى التصويرية بتاعته لا لا لا لا لاااااااااه وفى نهايته ان ان ان ااااااااااه
بصى بقى بعيدا عن الختام المسك ،العلاقة اللى يتخللهها الثقة بتبقى علاقة اقوى من علاقة قايمة على الحب بس ،وفى علاقة اكمل وشمس الثقة اتبنت مابينهم ،يمكن اكمل واثق الاول فيها وهى كمان اصبحت تثق فيه بعد كل اللى عمله ومع بداية ولادة شرارة الحب فالعلاقة دة هتبقى اقوى ممانتخيل ،وعلى ماظن لازم نبارك لاكمل على اللى وصله من المرحلة ده مع شمس .
قمر ، قمر مش قوية ،قمر داهية بمعنى اصح خبيثة وهى عارفة بتعمل ايه فعلا ،زى ما اكمل قال عليها مش عارفة نهاية اللى بتعمله دة اية،لو فاكرة بكدة هى هتأدب حمزة وتحافظ عليه تبقى عبيطة وبكدة نوصل لحاجة مهمة فى علاقة حمزة وقمر وهو إنعدام الثقة عكس علاقة شمس باكمل ومهما كان الحب قوى ،انعدام الثقة بيعمل خلل.
دارين ورائد :دارين مشوارك مش سهل بس مشيتى مسافة مش قليلة ،بدأت تأثرى خليكى قوية للنهاية
رائد :من الناس اللى بتحب بتحب بكل كيانها ، طاقاته عالية جدا، اعتذارك لدارين ،حاجة مهمة جدا ،بدأت تتأثر وجامد جدا ،كدة دارين ماشية فى الطريق الصح ولكنه طريق صعب للاسف النهاردة اتصبغ بدموع سودا
لميا وضياء:ضياء توجسى من ناحيتك بتزيد،وهى بتبدى كدة عايزك جانبى وبس وبعد كدة الطوبة وقعت فى المعطوبة ،فوقى يا لميا بسرعة وااااااااجرى يا مجدى
بالنسبة بقى لختام الفصل سؤال واحد هسأله دة دكتور خريج كلية طب ولا دكتور جايباه طنط رؤية من افلام ابيض واسود؟
دة كدة اثبت كل نظريات الطفولة البريئة ،اللى قمة الانحراف اللى فيها ان الواحدة ممكن تحمل لما تتباس ،والراجل ولله ماقصر .