بهالاثناء بلغ فهد الامير محمد انه رزق ببنت واللي كان عنده 3 اولاد مسبقا اكبر منها .
بيت الامير محمد..
بقصر ام سعد اصغر زوجات الامير..واللي تزوج اربع .
ام سعد ..ماشاء الله ياام عماد البنت حلوة..من تشبه
ام عماد..ما ادري لسه صغيرة ..
ام سعد ..تتربى بعزك .
الجوهره بنت ام سعد..هاتيها ماشاء الله تهبل تدور فيها زي المجنونه** .
ام سعد.. رجعي البنت لامها لاتطيح.
الجوهرة..ام عماد بلعب فيها وارجعها لبيتك تراكم ساكنين بقصرنا يعني خطوتين وهي عندك..
وهكذا ترعرعت البنت بقصر امير..
كبرت الطفلة بين قصر الامير محمد يخالط خدودها محبة الجميع الفطريه.
الامير محمد وكان الله مطلعه على السر كان يحب البنت بشكل جنوني ويخفي حبه لها في محبة عيال فهد الكبار معها.
كان مايمسي ولا يصبح الى يشوفها ويطمن عليها اخذت منه حنانه رغم انها ماعرفته غير 7 سنوات وتوفى رحمه الله الى انه منحها الكثير الفرح الامان الراحه والاهم الابوه اللي ماعرفتها غير مكناة..
الاميرمحمد..فهد روح جيب عيالك ..
فهد ..ان شاء الله طال عمرك ..
دقايق دخلهم عنده ..
سلم عليهم واحد وسولف معاهم يوم جا يسلم على البنت ..وشلونك بابا طيبه انتي ..
عنود ببراءة ..تهز راسها بنعم.
تبغين حلاوة..اخذت منه
ماكان يتركها بدون مايرفع جسدها الضعيف ويقبل جبينها ويضمها ويمسح خدها.
طلعهم فهد للبيت وهذا روتين يومي لابد منه ..
قصر الامير محمد فتنه في المناظر والتصميم ..
حياض الورد النوافير اقفاص الحيوانات الضخمه مابين البريه والاليفة النعام الارانب الطيور كانت شاغله ومزينه نص القصر والاهم روعة اهل القصر.
**يقول منيع الصبر مني حسايف
على دهر معهم قليل التعايس
فقلت ضحى لا حيلةٍ استحيلها
وقد هب من ريح الفراق النسانس
أقلا خليلي اعتذالي وربما
بنا فكرتي في لاهقات القراطس
وقفت على حزم العذيب وخاطري
بعرق الانوى والجما فيه جالس
احايل نفسٍ ضاق ميدان صبرها
بلى عاد في الحسا لها العام خامس
يثير عليها الهم ريا ضعاين
إلى زجرت منها لحداة الحوانس
قمن الدجا داياتهن مخافه
يضيق عليهن نهار التنايس
قبل ظهور الشمس لم يبق حاجه
لهن غير بظهور الجمال القناعس
سارن من الحزم الذي يحجر الصوا
شمالٍ ويممن الدروب الدوارس
لكن تمايلهن الى ميل النيا
هواهن ميل المهويات العرايس
يتالين في زوماتهن معود
هزبر الوغا زاكي جدود المفارس
ضعاين مالي في لقاهن حاجه
ولا صاد قلبي من هواهن وساوس
ولكن من يتلين لي منه مطلب
جزيلٍ وظني فوق ما كنت هاجس
ويمنعني عنه الحيا حين اشوفه
وصرع الحيا لاولاد الاجواد حابس
لنا منه مأمول على طلب ديره
لنارٍ هواها في حجا الروح قابس
لها هاجسٍ من طارق الهم كلما
فجا القلب يوقظني ولو كنت ناعس
يناط ضميري من اذاياه مثل ما
تنوط نياب الضاريات الفرايس
اقمنا بها يا طال ما يرتجا بنا
لنيل وكم ننجي ارقاب الجوارس
وكم في رباها من صديقٍ نسره
ومن بطل في ملتقى الروع قابس
وذا اليوم لا مستالفينٍ ظليمه
ولا يرتجي منا يد الفضل بايس
رهين القضا واه القوى كلما نوى
مرام العلا عاقه من القل حابس
ولا من جدا الا من الله او يكن
جداً منه لا اضحى به الظن آيس.
بعد مرور سنوات ..
هلا انتقلت بعد وفاة زوجها لبيت ابنة خالتها مباشرة ام نمر .
نمر اللي ابنها في العشرين تأثر كثير بسالفة هلا وبنتها الجازي اللي تجمعهم الاقدار بعد سنوات من رحيل امها هلا تاركة ابنتها تصارع مرارة اليتم ..
|