[فيتامين سي]

بارت 4

نمر.. اريدها تفهم اني احبهة الهة وبس والي قبلهة كان كله لعب والمشكله اني گايللهة بكلشي والله بساعتهة. تمنيت اشوفهة ما ادري شأريد اسويلهة ركبت سيارتي ورحتلهم لان گلبي اشتعل نار 🔥 ردت اشوفهة بس هي ضلت تتوسل رجعت بس شگد اتصلت بية ودزت رسايل مرديت لان ردت اعلمهة درس انه ميصير تصدگ اي كلام ينگال ولازم علاقتنة تصير اقوى حتى نتجاوز كل المشاكل الي تواجهنة نور.. حسيت بنفسي غلطانة هو مكذب علية من البداية بس الحب الزايد والغيرة دفعني لهذا التصرف رجعت علاقتنة الحمد لله…… ..دا اسولف وية مينا مينا ..ها نور حبي شقررتو ع الخطوبة انتي ونمر نور ..والله مينا هو يلح علية واني مأجلتهة علمود الدراسة مينا ..لج والله نمر يموت عليج والعشيرة كلهة درت بيكم نور ..اوگفي نمر ديتصل نمر ....هاا نونتي حبيبتي شلونج نور ..حياتي تمام الحمدلله انت وين نمر .. راجع للبيت وانتي نور ..هسة دا انتظر الخط نمر ..خلي اجي اوصلج نور ..لا يروحي هسة يجي الخط واگفين اني ومينا وتسلم عليك نمر ..الله يسلمهة نور حبيبة گلبي مشتاقلج اريد نطلع واشوفج نور ..حبيبي مو مااگدر دوام واخاف نمر ..حبي مرة وحدة حاولي لخاطري اريد اشوفج ونسولف ونتونس ضايج نور ..خلي اشوف واگولك نمر ..اوك حبيبي باي نور ..باي مينا ..ها نور شبي نمر نور ..يريد نطلع صارله فترة يلح عليه مينا ..يي شكو بيهة نمر نيته صافية وياج مو مال لعب نور ..ما ادري هسة اشوف… رجعت للبيت وافكر بموضوع الطلعة اخاف احد يشوفني ويا والله محد يرحمني اتصل نمر ضلينة نسولف وبعدهة قررنة نطلع نور ..باوع حبيبي خليهة يوم الخميس حتى اروح لبيت اختي ومناك نطلع نمر ..ليش ما اخذج من الجامعة نور ..لا لا اخاف انكشف ع الاقل بيت اختي أأمن نمر ..زين ورجل اختج خاف يحس نور ..لا اخلي اختي تگوله معزومة يم صديقتهة وهو حباب ميتدخل ماشي نمر ..ماشي حبيبي الي تشوفي المهم نطلع واشوفج نور ..اعشقك نمر.. اااااااااااخ لج شنو احبج شنو اعشقج اريد كلمة قوية ومحد گايلهة حتى اعبرلج بيهة عن حبي……… المهم صار يوم الطلعة بابا وداني لبيت اختي لبست تنورة بڤ ميدي سودة وقميص وردي بي فيكة وسرحت شعري ولفيتة من جوة وشلته نص وحذاء العفواسود وجنطة وردي ومكياج بسيط ورحت اجة اخذني من مكان قريب ع بيت اختي تمشيتله وصعدت بالسيارة شگد حلو طالع لابس قاط ومتأنق وشايل سبحة والعطر مالته يجيب التايه نمر ..حبيبتي وروحي شطالعة كيكة شلون وين اگدر اشوف هالجمال وهذه الشامة واصبر نور ..ابتسمت بخجل ودنگت راسي نمر ..لج لتسوين هيج تذبحيني بخجلج وحركاتج نور ..حبيبي انت هم طالع حلووو واخذ ايدي ويبوس بيهة ويگول افييييييش امووووت عليج وتمشينة وتونسنة وتعشينة احلى يوم بحياتي نور ..نمر نمر ..عيونه نور ..حبيبي تأخرت خلي نرجع نمر ..اوك بس اشوفج مكان كلش احبه ودائما اجي هنا من اضوج ومگايل لاحد عليه بس انتي…… .ورحنة للمكان على نهر دجلة ونزلنة وگعدنة جوة مكان رهيب و محد يشوفه صاير مثل الختلة ومحد موجود مكان ساحر الهوى العليل والاضوية عاكسة ع المي وهدوووووووء بس صوت المي گعدنة وحط السترة

يتبع.
من هسه قولوا اذا محلوه امسحهه