[فيتامين سي]

التفتت تشوف مين اللي يكلمها و شافته .. شافت محمد اللي فقدته أكثر من 8 شهور ,, وقفت و ارتمت بحضه بقوة و هو مسح على ظهرها بعدين بعدها عنه ..

محمد بخوف : جوري ايش مسويه بنفسك ؟؟؟

جوري حست بدوخه بس كابرت عشان لا تفقده مرة ثانية : و لا شـــ ... طاحت مغمى عليها و هو مسكها قبل لا توصل الارض نزلها بخفيف و صار يضربها بوجهها و يناديها بس لا حياة لمن تنادي ما ترد عليه ...


فتحت عيونها بتعب تشوف وين هي الحين التفتت يسارها ما شافت احد و لما التفتت يمينها انصدمت باللي شافته جنبها رجال غريب ما تعرفه .. بس لحظة وين محمد ؟؟؟ غطت نفسها بالبطانية : وين محمد ؟؟؟ وانت ايش تسوي هنا جنبي و انت م تقرب لي ؟؟؟

ابتسم لها بحنيه و جلس جنبها بالسرير : جوري معقولة ما عرفتيني و لا الثمان شهور نستك شكل محمد ...

جوري بهجوم : بس قبل دقائق ما كنت كذا و لا كان لبسك كذا ... قول لي وييييييييييييييييييين محمد ؟؟؟ وييييييييييييييييينه ؟؟؟ انخرطت في موجه من البكاء لكنها حصلت يدين تضمها بكل حنيه رفعت راسها تشوف مين ؟؟ وكانت رفيف

جوري بتعب واضح من صوتها : قولي له يرجع لي محمد ؟؟؟ قولي لأخوك يرجع لي محمد ...

رفيف بعدتها شوي عنها و بابتسامه : و ليش يرجعه اذا كان هو محمد بنفسه واقف قدامك ...

جوري : بس هذا اخوك امجد اللي تتكلمي عنه و اللي عرسه كان اليوم .. ليش ما يروح عند زوجته ليش جالس هنا ؟؟؟

رفيف : الله ع البراءة يا البيبي ... امجد هو محمد و محمد هو امجد يا حلوه .. و لا لأنه لبس ملابس غير عن الملابس اللي اعتدتي عليها تغير عليك ... ترا الملابس ما تغير من الجوهرة اللي داخل النفس و لا تغير من القلوب ابد ... عمره يا جوري ما كانت الفلوس و الملابس الفارهة مقياس لمدى طهارة المرء ... و لا نسيتي كلامي ؟؟؟

هزت براسها بمعنى لا

اشر لرفيف تخرج بعد ما شاف اقتناعها بالسالفة و هو بدورة قرب منها و حضنها بقوة : خوفتيني عليك يا الداداه ... جوري حبيبتي حياتي عمري اتمنى تسامحيني كنت احبك و جيت خطبتك كذا مرة بس كنتي انتي ترفضيني و ابوك كان يبيك تتزوجيني بس انتي كل مرة ترفضي و كان زعلان كثير على الحال اللي وصلتي لها من غرور و تكبر و تحقير للناس و كان يتمنى تتغيري عشان كذا انا فكرت بخطه و هي ان ابوك يجبرك على اول واحد يتقدم لك في اليوم اللي بعده و جيت انا لك بهيئة شاب فقير و هذاك البيت ترا ما كان شكله مثل ما شفتيه بس انا خربته و غيرته من الداخل و الخارج عشان تشوفي قد ايش انا فقير ؟؟ ما حبيت اتزوجك و انتي جوري المغرورة حبيت اتزوج جوري الطيبة الحبوبة اللي حبيتها مسبقا و للحين احبها و اخاف عليها من نسمة الهواء ... كنت كل مرة اخليت تسوي شغل و اجي و انا متنكر بشكل ثاني و اخرب عليك شغلك و بعدين ابهذلك لما ترجعي عشان اكسر غرورك و كبريائك و كل مرة اسافر فيها اروح لعند ابوك اطمئنه عنك و انك بديتي تتغيري ..

نزل راسه شافها مخبيه راسها بين يديها تبكي بعد يديها و مسح دموعها و ضمها لصدره و هو يمسح على شعرها بعد ما فكه : اممممممممم تصدقي طول هذي الاشهر كنت معك هنا بالقصر اراقبك و طلبت من اختي رفيف تهتم فيك كان كل مرة اشوفك تبكي و لا اشوف كل ما فيك تضعفي و الحزن مرسوم على وجهك اتقطع مليون قطعه بس اكابر عشان اشوف هل خلاص صار الوقت المناسب عشان اخبرك بكل شي او لا .. حتى الزفت اختي كم مرة ضربتني عشانك و زعلت علي ... و صح كان الياسمين على عنقك روووعه و طالعه عسل لما رحتي السوق مع رفيف ... و صحيح اليوم كان زواجنا بس لأنك تعبتي أجلته لبعد شهر لحد ما ترجي زي قبل و احسن ...< ضربها بخفيف على كتفها > خربتي كل شيء جهزته ...

حس بضربات على صدره نزل ببصره و شافها تبكي و تضربه شد عليها بقوة بحضنه عشان ما تقدر تضربه اكثر ...

جوري : ليش تروح ؟؟؟ ليييييييييييييش ؟؟؟ تعرفني خوافه ... انت ما تعرف قد ايش تعذبت ؟؟؟ و قد ايش كنت خايفه و قد ايش انذليت ؟؟؟ كله منك يا حيوااااان بغيض اكرهك ما احبك ... قلبك حجر ما تحس ... < عضته ف صدره > : اساسا تستاهل لأن العرس تأجل كله منك انت ...

مسك وجهها : يعووووووور يا متوحشه ...بقتلك احسن ...

جوري ضحكت : تستاهل اكثر من كذا ...

ابتسم لها : من لما عرفتك متوحشه زين انتي ما تفكري تقتليني الحين .. و خلاص من اليوم و رايح لا تخافي لأني معك ... تصدقي لما قلتي لرفيف انك تحبيني طرت من الفرحة و كنت ناوي ادخل احضنك و اقول لك اني هنا معك و اني بعد انا احبك و ما اقدر ابعد عنك و كنت بخرب كل الخطة لو ما مسكني طلال من يدي و سحبني لبعيد ...

سكرت عيونها بتعب و شدة مسكتها على معصمه و صارت تأن بصوت مسموع ,, خاف عليها و رفع راسها يشوفها ..

امجد بهمس : جوريتي انتي بخير ؟؟؟

هزت راسها بنعم بس هو ما صدقها و راح ينادي الدكتور يشوفها خايف يكون صاير فيها شيء ...


دخلت عليه اخته بعد ما خرج الدكتور كان الشرود واضح على ذهنه حطت يدها بكل هدوء على كتفه تطمئنه : بتكون بخير ...

ابتسم لها : اتمنى هذا الشيء صدقيني اتمنى ... شوفي كيف جسمها ؟؟ و كيف وجهها تعبان ؟؟؟ و الله كله مني و بسببي تعبت اكثر انا الغبي ما كفاني اللي سويته فيها و نحن مع بعض فــ البيت إلا زدت الطينه بله لما قلت لجون يعاقبها على كل صغيرة كبيرة و يبهذلها .. اقسم لك يا رفيف كل يوم كنت اشوف نظره الخوف بعينها او اشوفها لما تجلس تحت الشجرة تبكي تكسرني و تكسر كل قوتي اللي اتصنعها .. صح كان صعب علي كثير اغيرها لأنه عنيدة و مغرورة و متكبرة و شايفه حالها على الناس و كنت كل يوم ادور حيله عشان اغيرها لكن احس نفسي تماديت كثير بحقها و زودتها معها .. و الله يا ليت خبرتها كل شيء و لا غبت عنها 8 شهور .. انا بس اذا تذكرت الرعب اللي يجيها و هي راجعه للبيت بنص الليل احس قد ايش انا حقير ؟؟ استصغر نفسي كيف اتجرأ و اسمح لنفسي يصير فيها كذا ، لو مهما كان تظل انثى رقيقه تخاف ع نفسها اي شيء ممكن يضرها و لو شيء بسيط ..

رفيف ضغطت بيدها على كتف اخوها : انت غلطت و عارف غلطتك قد ايش هي كبيرة بس كانت لسبب .. انت قادر تغير كل شيء و تنسيها العذاب اللي عاشته معك طول الفترة الماضيه و ادري رح تعيش وياك اميرة مثل م انا عشت ... بعدين هي تحبك و انت بعد تحبها فأكيد رح تعيشوا بسعادة بإذن الله ...

ابتسم لكلام اخته الوحيدة

رفيف : يلا انا بتركك و بروح عند طلال بس ها لازم تنام و تريح نفسك اخاف تتعب علينا انت الثاني بعدين نبتلش ...

امجد : لا احسن ترتاح هي وين يكفينا اثنينتنا السرير يلا يكفي لشخص واحد لحد ما تجهز غرفتنا الجديدة ...

رفيف : خلي عنك باقي السرير و شوي اغراض و تجهز ... يعني على هذا الاسبوع بتكون جاهزة ...

خرجت من الغرفة متوجهة عند زوجها او ع الاصح خطيبها و امجد نام و هو حاضن يد حبيبته جوري و كل شوي ينهض يتطمن عليها .


صحت من نومها و هي تفرك عيونها بيديها زي الاطفال للحين هي ما مصدقه اللي صار معها امس تحس نفسها بحلم معقولة محمد يطلع امجد اللي خطبها قبل سنه و ... قطع عاصفة افكارها دخوله للغرفه بكل هدوء بس لما شافها ناهضة راح لها ركض و جلس جنبها و رجع مددها مرة ثانية بالسرير و غطاها ..

امجد : جوريتي يا مجنونه انتي مريضة و تعبانة و لازم ترتاحي حرام كذا تتعبي نفسك ...

جوري ..............: لا رد

امجد : اعرف ... اعرف ... اعرف ... اعرف ... اعرف ... للحين ما مصدقه ان امجد هو محمد و محمد هو امجد بس ما تشوفي الشبه القوي بين الشخصيتين ...

ارتمت بحضنه : لو قلت لي من قبل و ما فاجأتني الحين ... ليش ما قلت لي و نحن هناك ...

بعدها عنه و مسح دموعها : اوووووووووه يعني لازم دموع ... خلاااااااص خلصنا من هالسالفة يعني انتي الحين ما اشتقتي لأمجد زي ما هو مشتاق لك ؟؟؟ ترا ازعل قسم بالله ..

جوري : كثير ...

امجد مسوي نفسه زعلان : ما اصدقك ... اساسا لو مشتاقه لي ما بكيتي ... صحيح انتي افتكرتيني سافرة عنك ؟؟

جوري : ايوه انت قلت انك مسافر ...

امجد ضحك : صدق ان هذا الراس داخله حصا و الله صدق ...

جوري : لا تتمسخر ...

مسكها من خدودها :طيب لما كنتي تنهضي من نومك ما تستغربي وجودك ع السرير ؟؟؟ مين كان يمددك عليه ؟؟ اكيد جني ...

فتحت عيونها بذهول : انت ؟؟؟

ابتسم لها : اي انا .. رجعها لحضنه و مسح ع شعرها : جوعانة ؟؟؟

جوري : لا ...

امجد : ليش ؟؟

جوري : مالي نفس اكل شيء ...

امجد : انتي كل يوم ما لك نفس تاكلي .. يلا خلينا نروح نفطر مع رفيف قبل لا طب علينا هنا ...

جات تتكلم بس قاطعها : اااااااااااااااااااششش انتي اميرة و سيدة هذا القصر حالك من حال رفيف اوك؟؟ الحين يلا اريد اشوفك انيقة مثل ذاك اليوم اللي جيتي فيه لعندي ... < اشر بعيونه للدولاب> فيه كل ملابسك و الاغراض اللي تحتاجيها ع التسريحة بس ها ترا ملابسي هناك بعد لا ترميهم بالأرض يا البيبي و تدوسيهم ترا ممكن يتوسخوا ... سحبها من انفها و هي ضربته ع ايده


راحت تتحمم و غيرت ملابسها لبست فستان ابيض مزين بورد احمر و عليه حزام احمر مرصع بالكريستال و شوز احمر ، مشتط شعرها و رفعت نصه و النص الثاني حطته ع كتفها الايمين لما خلصت وقفت ترتب فستانها لكنها حست باليدين اللي تحاوط خصرها بكل حب و باللي يهمس بإذنها : قمر بكل حالاتك و اي لبس تلبسيته تحليه ..

نزلت راسها ما تعودت على قربه هالكثر منها كانت هي بغرفه و هو بغرفه و يا الله يا الله يلتقوا بس الحين صاروا مع بعض بنفس الغرفة و يتشاركوا بكل شيء ردت ليه بهمس : تسلم ...

ابتسم لها و باسها بوسط عيونها بعدين سحبها عنده لصالة الطعام اللي فيها رفيف تنتظرهم

دخلت بعده بكل هدوء و انصدمت باللي شافته .....