[ام زياد محمود]

يخربيتك ياأبو شادى رجل متصابى بيهرب من زحف الزمن على سنين عمره بتجديد شبابه فى العلاقات النسائية ونسى انه المفروض فى سنه دا المفروض يهتم اكتر ببيته وببنته اللى على وش جواز
بس مش هلومه لوحدة بالعكس مراته ليها الدور الاكبر فى ما وصل ليه من خيانه واستهتار باستمرارها فى تجاهل علاقته النسائية وعدم محاسبته على افعاله واشعاره انها دايما موجودة مهما عمل وخان
شاهيندا انفجرت وسبب انفجرها كان زيادة طغيان ابوها وسكوت امها واحساسها بالنقص قدام عصام مش نقص مادى انما نقص عاطفى محتجاه فى احساسها بدعم الاسرة ودفئها وحبها
انا كمان بحب عصام جدا جدا جدا سعيدة انه قدر يحتويها ويخرجها من دايرة الاحباط انها ادالها اللى محتجاه من حب ودعم نفسى وشعور بالتفوق لانتزاعها اعتراف الحب منه اخيرا
نصيحته للبسها فى منتهى الجمال هو عارف ان شاهيندا عنديه ومش بتيجى بالعنف انا متأكدة انها هتتحجب عن اقتناع جدا قدر يوصلها لمحه من اللى ممكن اى راجل يفكر فيه وان الحركة ممكن تثير زيها زى اللبس بالظبط انا بصراحه لو فى مكانها وعصام طلبها منى والله ما ازعله ابدا
وكالعادة ياجميلة فصل ممتع جدا ومش عارفه اعبر عنه بما يليق بجمال كلماتك الف شكر وتسلم ايدك