[نغم]

المشاركة الأصلية كتبت بواسطة sohyla246

السلام عليكم
انا مصدومة يا عصام 😯 انا لما قلتك طريها يا نغومه مكنش قصدي في الحرام كده 🤗 بس يلا ملحوقة نشفيها عليهم تاني وخليهم يتربوا دول ما صدقوا 😎
عصام لازم يحس بغلطه.بس تقريبا لما يشوف فرح مع شادي هيحس بالذنب. روح ربنا يسامحكم. 😖
شادي دا معندوش دم من زمان فمش فارق معايا دلوقتي. هو مش فالح غير يقول انه احسن من مؤيد وبيحترم المراة ومش عارف ايه. ياخي احترم نفسك الاول. على الاقل مؤيد معترف انه ندل.
فرح حاسة ان عصام هيخالف توقعاتنا ويحاول يسمعها ويحتويها . وده هيكون احسن لانها بايظه من غير تهزيق اصلا. وبعدين انا حسيتها تابت خلاص. متبقيش شريرة يا نغم. خلي شادي يتربى لوحده دلوقت. فرح كفاية عليها كده. اما اسامة بقى فمع السلامة.
ام شادي موقفها مش وقته خالص. يعني الراجل عيان واحنا مش فاضيين دلوقتي للاوفر ده. احنا مركزين مع عصام.
كلام شاهيندا عن مؤيد يخوف الصراحة. ساعات بحس انه مجرد واحد معندوش مروءة وساعات احسه يخوف كده. بس الحركة اللي عملها مع فرح كانت عيالي جدا قال ايه راح يقول لدوللي . هو ده اخرك.
الحاج انور ربنا يتوب عليه حسيته صعب عليا بعد ما تعب 😔
اخيرا بقا انتي قلتي الفصل نازل يوم الاربع واجي يوم الاربع الاقيه نزل يوم التلات. ينفع كدة دا انا بستنا بالعافية 🤧😲

وعليكم السلام ورحمة الله وبركاته
" انا لما قلتك طريها يا نغومه مكنش قصدي في الحرام كده " الله ما ترسو على بر يا جماعه !!
بهزر طبعا يا جميل ، تأكدي ان البوسه دي ما اتحطتش عبثا كده ، دي بوسه غاليه و الكل هيدفع التمن
" فرح حاسة ان عصام هيخالف توقعاتنا ويحاول يسمعها ويحتويها " ده هو هيحتويها حتة احتواء انما ايه ، هو هيخالف توقعاتكو اكيد بس احتواء اعتقد ده يبقى نوع من الخيال العلمي .
" متبقيش شريرة يا نغم. خلي شادي يتربى لوحده دلوقت. فرح كفاية عليها كده. اما اسامة بقى فمع السلامة. " فضلتو طول الروايه تكرهوني في البت فرح و جايين دلوقتي تشفقو عليها ، للأسف هي لسه هتاخد على دماغها و شادي برضه هيتربى لكن افتكرو ان الضرب مش كل حاجه .
" الحاج انور ربنا يتوب عليه حسيته صعب عليا بعد ما تعب " و ده الي حبيت اوصله ، الرجاله دول مش سبع البرمبه و لا حاجه ، هما مخلوقات تعيسه بتثير الشفقه في حقيقة الامر مش اكتر و الله .
" اخيرا بقا انتي قلتي الفصل نازل يوم الاربع واجي يوم الاربع الاقيه نزل يوم التلات. ينفع كدة دا انا بستنا بالعافية " اولا تسلميلي على حماسك ليا يا قمر و بالنسبه لموعد التنزيل فالاساس هو يوم الاربع لكن اول ما يجهز الفصل و اشعر اني راضيه عنه بنزله على طول .
شكرا على مرورك يا عسل .