الرجل العاطفي الرومانسي العاشق من يغضب يكون انسان ثاني .. لأن مشاعره تكون وحده مو ملوثة .. ثائر من حقه وكل الحق وياه من يغضب... صعبة ع اي رجل شرقي وعراقي بعد ان تتصرف زوجته من كيفها وتحاول تلتقي وي شخص غريب من وراه حتى لو حاولت تثبت اله بالدليل القاطع انها ما كانت ناوية تشوف شخص غريب بدون ما تكول اله .. التأني بهذه الامور مو من صالح الزوجة نهائيا .. هي كبيرة عليه من تروح لصديقة وتتجاوز زوجها الي ارتبط بيها رغم كمية الاسرار الي بداخلها وكان وياها بسيط وحاول بكل وسية وحيلة انها تنطق وما نطقت وبعدها ترك الامر الها بس اسرار اختارت الصمت اختارت رزان وكريس وهملت زوجها .. اي رجل بمكانه راح يتصرف بهذا الشكل لأن اول شي يتوقعه انها ضربت رجولته بالصميم ..
اسرار صح مراح تلتقي بحسن من خلف ظهر ثائر بس التأخير مو من صالحها ابد لازم من اول ما وصلت الها الرسالة كانت ممكن تلجأ اله حتى يحس انه رجل عظيم بحياتها و هو سندها بالدنيا .. هي بنظره حاليا هدمت كل الحواجز الي بيناتهم هي بنظره حاليا هدمت كل معاني الرجولة عنده ... لغت وجوده وشخصيته .. الرجل يغلي اتوقع لو مكتشف هذه الاشياء وحده يمكن يكون الالم خفيف بس من يعرف من صديق اله لا هذه كبيره ..كل كلمة كالها بحقها وحتى لو شعر باالشمئزاز لازم تتفهمها اسرار وتعرفها طبيعية هو ميكرهها بس كره تصرفها بلحة انفجر كل الي بداخله ..
صح هي تخاف عليه وتحسب انها ممكن تسبب بموت شخص اخر ع حد ظنونها انها السبب بموت يسار بسبب انها عرفته ع حسن وخافت انها تكون بسبب موت الابن الثاني حبيبها والي ماله اي ذنب .. كلام ثائر صحيح ان يسار يهمه اله اولا قبلها بس هي كأنثى وعدها ضمير اكيد راح تفكر بقلبها والالم ينهش بروحها ..
الوجع صار اكبر حاليا ثائر من جهة وفادية من جهة ثانية .. ممكن فادية تتفهمها بس مو هسة من تتخطى صدمة ابنها او ع الاقل من يحجي وياها حبيب ..صعبة ع اي انثى لا اب ولا ام قريبين عليها وكل الابواب مغلقة بوجهها بسبب خطأ ارتكبته خوفا من القادم . رغم ان القادم كان ممكن يكون غير لوفكرت بالحاضر بالصورة الصحيحة ..
ثائر مساكت بس ثائر يحب يوصل للحقائق بالهدوء .. اضافة الى ان كريس ممكن يساعده كونه صحفي بس ثائر اذكى من هيج شي
تعاطفت مع اسرار بشدة وخصوصا بعد الي صار الها ..فرحة ما تمت
حامل بطفل وكان ممكن تفرح زوجها بثمرة الحب الي تجمعهم بس كل شي راح ادراج الريح ..
حاليا ممكن تفقده من الصدمة والالم النفسي ... اتوقع ابنها بخطر او يمكن تفقده هيج حالة غالبا متكون سهلة ولا تمر سلامات الا ما ندر اضافة الى لطف الله ..
طريقة اللقاء الي جمعتهم حبيتها جدااااا... الي كتبتيه دليل ع ان ربي من يريد يألف بين القلوب لو بعد المحيطات تصير .
من اعظم ما قرأت الك من مشاهد ع مر كل رواياتك هو رزان وثائر ( هذا المشهد تحديدا )
رااائع يا اسوووم راااائع منبهرة بالاداء الخرافي الي تقدميه وتكتبيه...
....
اولا النقيب كل واحد بهمه ..
حبيب اتوقع بمصارحته لسلوى عبر مرحلة كبيرة جدا جدا بحياته وي حبيبته وهذا الشي الي كان لازم يصير حتى تعرف انها محل ثقة وانها فعلا زوجته الي تشاركه الاسرار..
الاحلى بسلوى انها تفهمت حبيب واحتوته بس اتوقع احتفظت بهواية نقاط محبت تشاركه بيهم لأنه مو وقتها من جهة ومن جهة ثانيا حبيب كان محتاج حضن وهي كانت امانه ..الحلو بيها رغم طفوليتها ببعض التصرفات بس تملك عقل كبير ..
وهي راح توصل حبيب لبر الامان .. حبيب عبر باقي خطوة امه الكبيرة ويعيش براحة بال .. اني وياه صعب يعتذر لعمه .. العم الي ما عمل شي من شاف اولاد اخوه بهذا الشكل لأن مصلحته كانت فوق الكل فاكيد ميستحق يكون بمثابة الاب وحاليا يضغط عليهم ع شي هو مو صاحب حق بيه ..
تالي لا صائب يطلع بيده شي ولا حسن نبيل ولا اي واحد من الي شاكين بيهم ممكن جدا ووارد يطلع عمهم اله ايد بقتل يسار لأن الي يتصرف بكل هذه البشاعة وي ولد اخوه مو بعيده ياذيهم ..
....
كريس يا كريس العاشق الولهان الي ميمل ولا يكل .. رغم كل شي بعده مصر وذكي ويعرف شنو يريد ..حبيت الحوار الي بيناتهم عند باب بيت رزان وعجبني اكثر وجود عبير ههههههه .. النسخ الشرقية وين مترح هي وحدة متتغير ..
من سمعت بيه كريس ارتاحت لأن ماخذه فكرة من مريم...
مريم تريد بكل وسيلة تقرب بنتها من كريس او ع الاقل تحجي بيه الها حتى تمسكها وتزوجها اله بس بنفس الوقت ساكتة لأن رزان متنطي الجواب النهائي الها ..حاليا كريس بالعسل خصوصا بعد ما سمع كلمة ( سانتظرك .. ونعم )
الي عجبتني لينا وذكاءها بس وين هالذكاء وي جازي (فيس يسأل )
لينا وكريس عجبووووني هواية حتى يحركون قلب جازي ويخلون رزان تحترق ههههه
رزان تريد تلتقي جين ؟ كريس اكيد ميدري وجازي بعد وهالتصرف خطأ يعني هي مثل منصحت اسرار لان تطبق هالشي عليها بس هذه هم عقلها يابس ههههه
لينا تريد تلتقي ادم وجازي ميدري .. ذولي البنات راح يخبلون الرجال هههههه
جازي ذكي وبنفس الوقت يفرض نفسه ع لينا .. واضح عليه غيوووور جدا جدا عليها ويعرف شلون يخليها عصبية حتى يتقرب الها ..يعشق كل هذه الهالة الي بيها .. وكأنه ميريد يتقرب الا من تحترق حتى يطفيها بمشاعرة
خطوة اخرى للأمام.
فصل راااااااااااااااااااااااا ااااااااااااااااااااااااا ائع اسوم .. مذهل
فخورة بيج حبيبتي ( واعذريني ااذا اكو خطأ املائي) ضفت دون مراجعة
كل الحب وبأنتظار القادم ع احر من الجمر
|