[كنوز جواهر]

《روايه》

《《《يامحلى الصبر عند الهاوي والغاوي ويامبشعه عند الذيب العاوي 》》》.

《الفصل الخامس 》

بسم الله الرحمن الرحيم
الساعه 3:15 م بتوقيت بريطانيا

ريما بأبتسامه : تصير اخت عيال عمتي الجازي من الرضاعه .

رودينا بأعجاب : مشاء الله مزيونه .

ريما بأبتسامه : ايه مزيونه مثل أمها .

لورين وهي تصافح ريفال : أنا بكون صديقه ريما أسمي لورين .

ريفال بأبتسامه : تشرفت بمعرفتك انا ريفال .

المديره وهي تلوح بيدها : سوف أذهب لا تنسي قبل خروجك ان تأتي للتوقيع على الاستأذان .

ريفال وهي تعلق الجاكيت وااحجاب : انتي انهي ذلك أرجووك .

المديره : سوف افعل ذلك ياكسوله .

ريفال وهي ترمي لها بوسه على الطاير : شكرا .


لورين وهي تمد لها حزام رقص : خدي .

ريفال :شكرا ياقلبي .

المدربه فيونا بحماس : صلصه ام شرقي تودين .

ريفال بثقه : ما رئيكم من تتحداني .

الكل وهو يناظر لها بأعجاب وحماس .

بنت من الصبايا بغرور : انا سأتحداكي في الشرقي رجاء معلمتي اريد ان نرقص على أغنيه الفنان المصري أحمد شيبه اه ولعبت يازهر .

المدربه فيونا : ما رئيك ريفوو .

ريفال وهي تلف الحزام على خصرها وهي تتوجه لريما وهي تفك الشباصه حتى يطيح شعرها الاشقر مفرود لين نص ساقها
حتي يشهقوا كل البنات .

ريما بصوت عالي بخوف وهي تضم ريفال : الله وكبر عليكم قولوا مشاؤلله تبارك الرحمن لا تطقون وخيتي عين .

رودينا بعدم تصديق : مشاااءلله من صدقك هذا شعرك مو وصلات .

ريفال وهي تتهامس مع رودينا : بيني وبينك اي بس من بعد الشهقه هونت بقول لهم باروكه تخرعت من صوتهم .

ريما : أنها باروكه مابكم .

بنت : انا لم اصدق انه شعرها رغم ذلك اندهشت من اين اتيتي بها أريد شراء واحده .

ريفال بملل : ياويلي على الوهقه صدق .

لورين بتدارك الامر : اذهبي عند اي مصففه شعر وهي توصل لكي عزيزتي لايوجد شي صعب بذلك .

البنت : حسننا .

جوليا وهي تقرب من ريفال : انتي تهبلتي يابت لا يدوكي عين دلوقتي .

ريفال : نسيت والله .

ريما بأستغراب : وش جابك هنا اصلا .

ريفال : جيت أخذك عشان نروح السوق مع الصبايا وبعدها أجيبك هنا ثاني بس تحمست للرقص مع المدربه فيونا يوم سمعت الموسيقى من زمان عن الطقطقه .

ريما : انا ولا مره شفتك ترقصين .

ريفال وهي تغمز لريما وهي تنسحب حتى توقف بالوسط عند الدائره بوجهه البنت البريطانيا : الحين بتشوفي .

ريما : أنتبهي تراها تعرف ترقص مصري ومشهوره بالمدرسه بخفتها .

ريفال : الحين بنشوف .

فيونا : هيا بنات اريد الاتزام بالصمت والهدوء حتى حين أنتهاء المنافسه .

الكل : حسننا .

فيونا : مستعدين .

ريفال وهي تثبت الحزام على خصرها زين و البنت تناظر لها بغرور : نعم .

فيونا : 3)2)1 .

أشتغلت اغنيه اه ولعبت يازهر .

بدأ ريفال ببراعه وخفه ترقص عليها وهي تتمايل برقه وانوثه وشعرها يتمايل معها بحركات جذابه وهي تهز بخصرها بتقليد الرقاصه الا كوشنير وهي تنزل وتطلع بخصرها على نغمات الاغنيه .

وقفت البنت رقص بأندهاش من ريفال و جوليا تصفر بأعجاب وريما ورودينا يصفقون .

جوليا بضحكه : هو ده الرقص ولا بلاش عليها يا فوفو .

انتهت الاغنيه وهي وقفت وانفاسها متسارعه .


قربت ريما من ريفال وهي تلف لها شعرها .

البنت بأندهاش : انتي هائله انك مثل الراقصه التي ترقص عليها .


ريفال : ما رئيك .

البنت : رائع كيف تفعلين ذلك .

ريفال : قد تعلمتها انا وصديقتي عندما كنا بعمرك في المدرسه هنا عند المدربه فيونا .

فيونا : قبل ان تقولي شئ اوووكي سوف اعلمك .

ريفال : هههههههه .

فيونا : الان كيف اخرج من هذا الموضوع .

ريفال وهي ترتدي المعطف وهي تقفل الازره : هيا ريما أرتدي معطفك وحجابك حتى نخرج .


ريما : هل تريدون شئ للسهره .

جوليا : ايووة جيبي حلويات وفشار عشان نلعب شويه حجات .


ريما : اوووك اي شي تبوه دقوا علي .

البنات : طيب .

طلعت ريفال وريما بعد ما لبسوا حجابهم والمعاطف الطويله .

ريما : هههههه راح نروح بهذي السوق .

ريفال وهي تلبس النظاره : هههه اكيد .

ريما وهي تركب : وااااااااو ياناااس اعشقها هالسياره .

ريفال : هههههه ايوووة مريحه بالمره .

ريما : وكشخه والله لايقه عليك .

ريفال وهي تروح متوجهه لبيت البنات : بقولك شي .

ريما : وش .

ريفال : اوس يبيني أرجع ..قاطع كلامها رن الجوال .

ريفال :هاااي ديالا.

ديالا : أين انتم .

ريفال : انا بالقرب من منزلك .

ديالا بخيبه : لا عودي نحن متوجهي للطريق العام حدثي ريتا حتى تخرج .

ريفال : لا تقولي .

ديالا : سووووري .

ريفال : لا عليك انا سوف احدث ريتا حتى تخرج من العمل تقابلنا على الطريق .

ديالا : ننتظركم .

ريفال :بااااي .

ديالا : بااااي .

عند ريتا .

خرجت ريتا من الغرفه وهي تضع الحلق بأذنها .

فيليكس : وااااو ماهذا الجمال .

ريتا ذهبت للمرايه وهي تنظر لنفسها نظره اخيره وهي تتجاهل كلام فيليكس .

فيليكس : شكلك رائع لا يحتاج النظر .

تحركت ريتا عند التلفاز لأخذ مفتاح السياره التي أرسلته الخدامه الخاصه بها .

فيليكس : لاتجاوبي على كلامي السابق لاكن اين انتي ذاهبه فهذا من حقي سؤالك به .

ريتا بأبتسامه : انتهي عملي معك اليوم الان ليست مسؤله عنك بااااي باااي .

فيليكس : ولاكن .

قفلت ريتا الباب وهي خارجه من البيت متوجهه للطريق العام ذاهبين جميعا لشارع بوند بمايفير .

بعد عشر دقائق كان الجميع بالسوق .

لتكون جميع الانظار متوجهه عليهم .

ريتا فتاه أسبانيا الجنسيه ولاكن والدها ووالدتها منفصلين كما انها تعيش مع والدتها البريطانيا الجنسيه فتاه جميله ذات ساق طويل وجسم ممشوق رائع تمتلك بشره بيضاء وشعر أحمر ناري لنصف الظهر وشفايف صغيره ورديه وأعين عسلي فاتح كانت ترتدي ( بنطلون أحمر على بلوزه بأكمام طويله بيضاء لفح ومن عند الصدر متزينه بأزهار حمراء على أحجام مختلفه وشوز أبيض بأزهار حمراء وجاكيت لنصف الساق مشجر بأزهار بيضاء وحمراء ) وتاركه شعرها .

ديالا فتاه أيطاليه ولاكن ولده في بريطانيا الاصل سمراء (قمحويه)وجسمها رياضي جدا شعرها أسود قصير يصل لأذنها وشفايف ممتلئ وأعين سوداء كانت ترتدي (بنطلون أبيض ساده وبلوزه سوداء صوف بأكمام لنصف الفخد مفتوحه من الجنبين وبوت كعب أسود طويل .


لينا تؤم ديالا نفس المواصفات ولاكن شعرها وعينها لونهم بني (بلوزه صوف بأكمام بيضاء لنصف الفخد مفتوحه من الجنبين وبنطلون أسود وبوت أبيض كعب طويل .

ريما ملابس المدرسه وفوقها (معطف أزرق غامق طويل للقدم وحجاب أبيض ) .


ريفال وهي تنزل النظاره عن وجهها وهي تتكلم معهم :بنات انا جيت ويااكم ابيكم تساعدوني .

ريما : ليه وش فيه .

ريفال بتشتت : أوس يبيني أرجع لأليكس .

ريما بتأيد : انا معه صراحه .

ديالا بتنهيده :لا تفعلوا اننا لا نفهم .

ريفال : أوس يريد مني ان اعود لأليكس .

ريتا بالاسباني : انا أقترح عليكي نفس الشي فلا يوجد لديك دليل ان له يد بتلك الاشياء التي يتهمونه بها .


ريفال : لا أعلم فأن عقلي مشتت .

لينا : الان تريدين منا ان نساعدك بشراء كل ما يلزمك كأمرأه متزوجه .

ريفال وهي تهز راسها بمعنى نعم .

ريما بتفهم وهي تمسح على ذراع ريفال : فوفو أعطي فرصه لنفسك وله ترى هو يحبك و يستاهل انك تعطي فرصه ثانيه لحياتكم .

ريفال : انشاءلله .

لينا : انا سوف أتكفل بشراء الفساتين والاكسسوارات والاحذيه المناسبه لها .

ريما :اذا سأشتري أنا مساحيق التجميل والكريمات والعطور .

ديالا : يجب عليها هي شراء العطور لأن لكل جسم كيميائيه خاصه به تتفاعل بطريقه مختلفه مع زيوت العطور .

ريما :حسننا سوف اشتري المساحيق التجميليه والوشن وكل ما يخص الاستحمام للعروس .

ديالا : حسننا وانا سوف اساعد لينا باختيار الأشياء مع شراء الحقائب .


ريتا بخبث : انا سأشتري أقمصه النوم والملابس الداخليه والبيجامات والروب الابيض .

ريفال بعدم انتباه :جيد سوف اشتري المتبقي وهو العطور وملابس الرياضيه والنظارات والاستشوار والمكواه والملابس العمليه الرسميه والسهره ستكون على عاتق لينا وديالا لانني اثق بذوقكم فهو مشابه لذوقي .

لينا وديالا : اوووك هذا ممتع للغايه .


تفرقوا كل وحده منهم لمكان عند أوس .

الساعه 3:27م

أوس :السلام عليكم .

؟؟؟؟ :وعليكم السلام ورحمه الله وبركاته .

أوس : وش الاخبار .

؟؟؟؟؟ : الحمدلله تمام انت وش أخبارك .

أوس : بخير الحمدلله وينك يارجال زمان عنك حي انت ولا ميت ما ينسمع لك صوت .

؟؟؟؟؟؟ : موجودة كأني مو موجود .

أوس : فتره وتعدي ماعليك غير الصبر وش نقول دنيتك يابسه هذا وانت الوافي .

وافي : هههههه راضين بها نحمدلله .

أوس : ههههههه .

وافي : وينك .

أوس : بالبيت .

وافي : أخبار أختك .

أوس : الحمدلله تمام تسلم عليك .

وافي :الله يسلمها ويسلم اليد الي ربتها على الطيب .

أوس :جعلك سالم .

وافي : مو ناوي تزوني .

أوس : أنشاءلله قريب .

وافي : متى انشاءلله .

أوس وهو يحك ذقنه : كنت بسير عليك امس والله بس الا شغال وش نقول .

وافي : ياخي بجنبك مو بعيد تعال اسهر معي .

أوس : والله بس تجي اختي من السوق راح أمرك .

وافي : على متى كذه .

أوس :على موعد صلاه المغرب عشان نروح المسجد سوى .

وافي : خلاص بنتظرك .

أوس : تمام بأمان الله .


وافي : بحفظه .


في بيت أخر في بريطانيا

ريناد :جوج .

لجين وهي واقفه عند الدرج من فوق:نعم .

ريناد :انزلي .

لجين :ليش .

رينااد :مليت وانتي ما نزلتي حتى قرودك نايمين راح اجلس مع مين .

لجين :افااا رنود تطفش وانا هنا دقيقه وتلاقيني عندك .

ريناد :يازين قلبك يابعد قلبي .

دق جرس القصر .

ريناد بصوت عالي :شيماء .
زادت دقاات الجرس .

ريناد بعصبيه :...شيماء يامااال العافيه ..شيماء جاك صروخ .

قامت ريناد وراحت لجهه الباب وفتحته .

ندى :ايش ساعه .

ريناد :شيماء مدري وين طست هي وبقيه الخدم .

شوق :ما علينا اخبار جوج اليوم .

ريناد بحزن :من الصباح وهي قافله على حاله في غرفه شهد وفهد وكل مادقيت عليها الباب تقولي راح انوم شهد وفهد وانزل .

لميس :استغفر الله العظيم الله يعينها .

ندى :طيب شهد وفهد وين .

ريناد :عندها .

شوق :قدر الله وماشاء فعل .

ندى :اليوم راح انام عندها .

لميس :وانا بعد .

ريناد :اجل ننام عندها كلنا ونحاول انها ماتجلس لحالها كثير .

ندى :الشباب من الصباح واحد يدق الثاني يفصل لين طفشت منهم .

لميس :ايه حتى انا رعد كل دقيقه يدق .

ريناد :وش يبون .

شوق :يسألون عن لجين لانهم عرفوا من سعود اخوها ان اليوم عيد ميلاد امها .

ريناد :ياويلي عليها وعلى حالها انا امس خفت عليها شيماء دقت قالت لي من امس ما اكلت ولاشربت لين الحين جيت الصباح سألت عنها الخدم قالوا فوق صعدت لها مارضت تفتح لي الباب غير من شوي وقفت على الدرج وقالت لي راح انزل لك بعد شوي .

لميس :رعد يقول اخوها حجز امس عشان ترد السعوديه بس هي رافضه تروح لهم حتى جوري بنت عمها انخطبت بعد وفاة امها 9 اشهر بس لجين طبعا جت هنا لان المدرسه بدت وما رضت ترجع لهم لين اليوم وما ظنيت انها ترجع اصلا .

لجين وهي نازله من على الدرج وهي تصطنع الابتسامه :ياهلا بخواتي الحلوين مطولين وانتم واقفين على الباب .

كانت لابسه بجامه بالون الاسود ورافعه شعرها الاسود لفوق بأهمال ونازل منه خصل شعر و وجهها محمر من كثر الصياح .

شوق بزعل على حال خويتها :يا أهلين بعذابي .

لجين :ليش تقولين هذا الكلام .

شوق وهي تدخل مع البنات متوجهين لها :ناظري بالمرايه وراح تعرفين ليش .

لجين :ليش وش فيني ياحلاتي الابتسامه ماكله وجهي ونازله اجلس معكم .

ندى :لان ابتسامتك مصطنعه ياحياتي .

لجين :افااا الحين صارت مصطنعه وش حلاتها ابتسامتي تجنن .

لميس :ايه تجنن يوم تكون من قلبك مو تمثيل .

لجين :اقول اجلسوا مسرع ما سويتوها
سالفه .

شوق :ارجعي مثل اول لجين المرحه القويه حقت المقالب والعندليبه لجين الي تعرفت عليها مو هذي .

لجين وهي بحلقها غصه :طي..يب ايش تبون الحين .

شوق :انا ابيك ترجعي القويه الي اعرفها .

ندي :وانا ابيك تطلعي كل الي بقلبك .

لميس :انا مؤيده ندى ابكي وقولي كل الي بقلبك .

ريناد :هاوشيني بس لا تسكتين .

لجين :اناا....ان...اا ما..فيي.ني شي .

ريناد :لاتعاندي لجين مو شايفه حالتك من رديتي من السعوديه وانتي مو على بعضك صار لك سنتين وانتي على هذا الحال وش فيك .

لجين وهي بحاجه لحضن احد تبكي فيه جلست على الدرج وحطت راسها بين رجولها : ااااه يمه يمه تعاالي وخذيني معك لا تروحين وتتركيني يمه يمه يمه ضميني لحضنك .

جلست شوق جنبها وضمتها وصارت تبكي معها .

لجين :شوق امي راحت راحت وتركتني اناا اكرها ما احبها وعدتني انها تيجي وتزورني بس هي خلفت بوعدها انا مارح اسامحها .

شوق وهي تبكي وتمسح على ظهر لجين :اشششس لا تقولي كذه ادعي لها .

لجين :ليش راحت وتركتني يا شوق والله اني احبها وما اتخيل حياتي بدونها .

ندى وهي تبكي :جوج أدعي لها .

لجين :يمه قلبي يتقطع يمه انا هربت منهم كلهم ومن البيت عشان ما اتذكرك بس انتي بقلبي وعقلي وتفكيري و روحي .

ريناد وهي تبكي :اااه كل هذا كاتمه يا عمري عليك .

لجين :اااااااه تركت ابوي واخوي وخواتي وخلاتي وجدتي وخواني وخواتي لهنا حتى اجلس لحالي وما اتذكرها بس هي معي والله عشاانها ما اقبل اشوف احد منهم كل الي جوني رديتهم بدون ما اطلع لهم مع ان قلبي يتقطع على شوفتهم بس عقلي يمنعني حتى ما احن لايامهم واتعلق فيهم مثل ما تعلقت بامي .

لميس :قومي لاتمرضي من الدرج .

نزل فهد وشهد وهم يبكون على امهم .

ندى :تعالوا حبايبي .

شهد بصياح :اهئ اهئ ماما ليش تبكي .

فهد وهو يبعد شوق عن لجين :ابعدي عن ماما .

لجين :اااه ياارب خذني يارب .

فهد وهو يحط يدينه على فم لجين :ماما ليش تدعين مو انتي قلتي ما يصير احد يدعي على نفسه .

شهد :ابعدي مافي احد يضم ماما غيري .

لجين وهي تهدي روعت شهد وفهد ودموعها مثل السيل على خدها :مافي شئ حبايبي أصعدوا لفوق وانا راح اطلع لكم .

فهد وهو يمسح دموع لجين بيده الصغيره :ماما قويه مثل بابا ما تبكي .

شهد :ايه ماما قويه راح تحارب الي اخذو جدتي وتموتهم صح .

لجين بابتسامه حنونه :صح ياقلب الماما .

فهد وهو يدغدغ امه :اضحكي اضحكي .

لجين :هههههههه ابعد ههههههه خلاص خلاص هههههه .

شهد :هههه قولي مارح تبكي ثاني .

لجين :هههههه طيب طيب .

شهد :خلاص فهودي اتركها .

فهد وهو يمسح دموع امه الي صارت تطيح من الضحك .

شهد وهي تتثاوب :فهود نصعد ننام .

فهد :قبل ما اطلع ابغى بوسه من ماما .

لجين :ههه تعال إموووه شهوده ماتبي بوسه .

شهد :الا ابي .

لجين :طيب تعالي يازين بنوتي الحلوه إموووه .

شهو وفهد وهم يبوسون راس لجين :تصبحين على الخير ماما .

لجين بابتسامه :وانتم من اهل الخير .

البنات وهم يمسحون دموعهم عشان لجين .

لجين وهي تنااظر ساعتها .

دق الجرس .

لجين :شيماء .. .

شيماء :نعم ياست هانم .

لجين :افتحي الباب .

شيماء :من عيوني الاتنين .

لجين :يسلم عيونك .

ابراهيم بصوت عالي :إنسه لجين .

لجين : دقيقه .

راحت لبس جلال الصلاه وطلعت لبراهيم .

براهيم :اخبارك اليوم .

لجين :مثل كل يوم .

براهيم :التفائل والامل اهم شئ في الحياه .

لجين :ونعم بالله .

محمد بمزح :احم احم نحن هنا شكلك ناسيتني .

لجين :انا اقدر .

محمد بجديه : سعود دق .

نزلت لجين راسها .

محمد :مو ناويه تزوريهم او تخليهم يزورونك ترى ماصارت حرام عليك .

لجين :ماعليك مني اخبارهم .

محمد :يهمك حالهم .

لجين :اكيد هذول اهلي .

محمد :انتي عندك اهل .

لجين :محمد لا تقول كذه .

ابراهيم :كلهم مشتاقين لك .

لجين :اشتاقت لهم العافيه .

ابراهيم :لا تخلي قلبك قاسي سمعيهم صوتك راح تفقديهم من كثر شوقهم لك على الاقل دقي عليهم لا تقطعي فيهم .

لجين :انشااء الله .

محمد :سعود راجع بعد ثلاث ساعات السعوديه وكلهم راح يجتمعون بمناسبه رجوع سعود اتمني انك تكوني لجين الحنونه والطيبه والقويه بس مو القاسيه الي ماعندها قلب الي حارمه اهلها من شوفتها ابوك حزين وشوفتك صارت بالنسبه له امنيه صعب تحقيقها ارجعي لعقلك .

لجين :قريب قريب .

ابراهيم :وهذا هو قالب الكيك الي طلبتيه .

لجين :شيماء .

شيماء :حاضر ياست هانم .

دخلت لجين وشلحت الجلال وراحت لجهه البنات جلست على الكنبه بتعب من الهموم .

رجعت شيماء ومعها قالب الكيك وسكين واطباق وشوك وشمع وكبريت .

تقدمت لجين وحطت الشموع على الكيك وولعت الشموع .

لجين :شيماء .

شيماء طفت الانوار بحزن على لجين .

لجين بحزن ودموعها تنزل :
سوف ابدأ محاولةً
إن أبوح مابخاطري لشوقي لامي التي رحلت
هي كلمات تتراقص على وتر
حزين لها مذاق مر لا نستطيع الإبحار
بها لئن مجرد الإبحار في عالمها
سوف يقتلنا الألم والأسى لذكرى والدتي ذات القلب الحنون والعاطفة الجياشة هي قدرة القادر بأن لايتم لي اللقاء معها الا وهي على فراش الموت............
فالموت فرق بين الأحبة أحد فوق الثرى وأحد تحت الثرى .. الذي فوق الثرى ينعى من تحت ويتمناه في
السراء والضراء عالم مليء بالسواد ليس له روح بل له لون قاتم اسود ...
ذاك اليوم الذي انطفئ السراج المنير وحل مكانه الظلام وحالنا يرثى لها ... يمه تناثرت كلماتي وضاعت عباراتي وضاعت
حروفي يا أجمل وأحلى وارق ماخلقه ُ ربي لي في حياتي يااكثر شخص ٍ في هذه الدنيا
يسمع ُ آهاتي يا شمعةٌ تشع بنورها لتضئ ظلامي .. مشتاقة إليك يااماه .. يا ينبوع حناني وجنتي ...
وريحاني وفرحة أيامي. ونشوة فؤادي .... يمه أنت الربيع بلطفك و جمالك و إشراقك يادمعة أحزاني يا أمسي وحاضري يا صرخة آلامي وكلامك مرهما ً لـ ألآمي يمه. أنت البسمة والحكمة والصفاء و
النقاء أنت التي لايعرف قاموسها ماهو العداء أنت سعادتي أنت الأساس اللذي يقوم عليه ِ هذا البيت
هي أجمل خلق الله ..يمه فقدناك اشتقنا إليك اماااااااااه هل تسمعين ...
وماذا بعد يا أمي فمهما فعلت لأجلك لن أفيك ولو الجزء اليسير من حقك علي ... أقبل يديك وأقدامك
كل الكلمات و الحروف لن تستطيع أن توفيك حقك أمي القلب يحترق لفراقك بعد رحيلك ولم ينطفئ شوقنا إليك ...رحمك الله واسكنك جنة عرضها السموات والارض ...........
لـــحــــــضــــــه .. تكفين يـمه مابي اشوف بعيونك الدمعـــه
ترى دموعك تعذبني وتشقيني تزيد الهــم في عمري وتنهيني
وأنا محتاجه لك في كل لحظـــه ووحدها البسمه من شفااك تحييني
وانــا من لي غيرك ..؟؟ اذا كسرني الوقت
اذا كسرني الوقت
بأحضاااااانك تلمينــي .
اماانه ضميني اريد أدفــــى
اريد حضنك يغطينــي اريد ألملم شتاات بعضي وحلمي الي انكسر فيني.........
اه يمه مشتاقه لك حيل اه اه قلبي داخله نيران اه اه يمه يمه لا تروحي وتتركيني يمه امانه لاتروحي لو رحتي انا خلاص انتهيت يايمه اه اه انا تعبانه حيل يمه وقلبي لهفان لشوفتك يامنبع الحنان اه يايمه ومره وحده دخلت لجين في نوبه بكي ماتوقف عذاب وقلب مجروح وقدان امهااا
(منقوله)

انتهى ##

السموحه منكم حبايبي لاكن هذي الفتره بتكون عندي أختبارات😟 ما أقدر أوعدكم وعطيكم موعد محدد للتنزيل لان مثل ما تعرفون الاختبارات ما أقدر اجازف بشي جنبها عشان كذه اي وقت راح احس اني على مقدره لتنزيل فصل او اكثر راح انزل لكم أدعولي بالتوفيق 💕💕💕💕
أشوفكم على خير السلام عليكم ورحمه الله وبركاته ❤