[كنوز جواهر]

《روايه》
《《يامحلى الصبر عند الهاوي والغاوي ويامبشعه عند الذيب العاوي 》》.
《 الفصل السادس 》

قلتُ لها : اللهَ ما أكْرَمَها تلك الذِكَرْ أيَّامَ كنَّا .. كالعصافير غناءً وسَمَرْ نسابقُ الفراشةَ البيضاءَ ثمَّ ننتصِرْ وندفَعُ القواربَ الزرقاءَ في عَرْضِ النَهَرْ وأخطُفُ القُبْلَةَ من ثغرٍ بريءٍ مُخْتَصَرْ ونكسِرُ النُجُومَ ذَرَّاتٍ، ونُحصي ما انكسَرْ .. فيستحيلُ حولَنا الغروبُ شَلالَ صُوَرْ حكايةٌ نحنُ .. فعندَ كلِّ وردةٍ خَبَرْ !.. إنْ مرةً سُئِلتِ
قُولي : نحنُ دَوَّرنَا القَمَرْ ..


بسم الله الرحمن الرحيم

في بيت صهيب .
لمار : صهيب .
صهيب وهو يلتفت لها وهو يقلب بقنوات التلفزيون : نعم .
لمار وهي تجلس جنبه : خالتي ادق عليها ماترد انت رحت لهم .
صهيب وهو يلعب بشعرها : لا انا كنت عند امي العودة مارحت لبيتنا .
لمار بأبتسامه : طيب ودي أروح لبيتنا عماتي وعماني كلهم موجودين اذا ما كان عندك مانع يعني .
سرح بملامحها وكلام جدته ينعاد براسه مره ثانيه .
لمار بخجل : صهيب وش فيك تناظرني كذه .
صهيب بأبتسامه : هااا وش قلتي .
لمار بأحراج وهي تفرك بيدينها: سلامتك ولا شي .
وقفت لمار رايحه من عنده رفع صهيب يده بسرعه وهو يسحبها لحضنه وهو يطبع بوسه على خدها : على وين ياقلبي .
لمار بخجل : بروح اشوف العيال . صهيب : هههههه العيال عند جدهم كيف بتشوفيهم .
لمار وهي تحط يدها على عيونها بحرج : صهيب .
صهيب بضحكه : ههههههه عيون وقلب صهيب انتي .
لمار وهي تطالع عيونه بتوتر : انت مو برايح الشغل اليوم .
صهيب : لا مو رايح اليوم جالس عشانك من زمان ماجلسنا لحالنا والعيال انا متفق مع سهيل ياخذهم عنده البيت يستانسون معه .
لمار وهي تبوسه على خده وهي تحاوط رقبته بيدها : طيب وش رأيك بما أنك بتجلس عندي نسولف شوي مثل زمان . صهيب وهو يطبع بوسه طويله على ثغرها بشغف : انا من يدك هذي لهذي . لمار بحياء : طيب نرجع لموضوعنا . صهيب : امممم هو انتي قلتي شي . لمار : اي كنت أقول... قطع كلامها ببوسه وهو يحملها بين يدينة نتركهم يكملون الي أبتدون فيه 🙊🙊.

^^^^^^^^^^^^^^^^^

في بيت خوال ميرال الساعه 8:39م بتوقيت السعوديه .

دق جرس البيت بأزعاج .

ساندي بغضب : كلاص ماما كلاص انا في افتح .>>خلاص .
؟؟؟؟؟ : ايش ساعه .
ساندي بكرهه: انت مافي افهم انا قول كلاص انا في افتح انت مافي صبر .

ضحكوا البنات وهم يناظر وجهه رسيل المصدوم .
رسيل بدهشه: عيدي وش قلتي .
ساندي بعدم مبالاه وهي متوجهه على المطبخ : انت واحد حمار مافي افهم الله يصبر ماما انتي على هدا راس .
فطسوا البنات ضحك على وجهه رسيل:هههههه .
رسيل : اقول طسي لا جيك ووريك هذي الراس وش تسوي .
ساندي وهي تلف على رسيل بانزعاج:انت بس اعمل مثل بابا ذياب كل سويه فيوزات انت ضارب كتير مع سمسم انا .
رسيل : وش مسوي فيك ذياب يا وجه الفقر .
ساندي : قول ل سمسم انا انت مافي عقل مثل رسيل عقل كله راح مافي عقل لو سوي انا كلاص بروح عند ماما انا انت واحد فاضي .
رسيل عيونها طلعت : انا ماعندي عقل هو يقول كذه .
هزت ساندي رأسها بأي : صح والله انت مافي عقل انت مافي اسمع انت مافي سمع سي كل سويه شوف انت نفر راس كربان (خربان) .
فتحت رسيل فمها من الصدمه .
ساندي بأشمئزاز : سكر فم انت كلاص انا بروح انت نفر ما منه فايده نفر فاضي .
رسيل : الله يا خذ اليوم الي شفتك فيه يا وجه الفقر يالمشفوحه خذي نفس ايش راديوه. راحوا البنات يسلموا على جدتهم وعماتهم وصوت ضحكاتهم تعج المكان .
كلهم سلموا على الموجودين بأحترام وبعدها طلعوا على الدور الثاني يضبطون شكلهم ويجلسون مع بعض قبل وصول عمامهم وميرال .

وقفت بتول قدام المرايه وهي تطبطب على روجها العودي الغامق بعفويه وهي تلتفت على البنات المنسدحات :هااا بنات حلوو .
البنات ابتسموا علها بأعجاب .
شمس بضحكة :جدآ جميلة طالعه أطلالتك .
ارسلت بتول لها بوسها بحب :يا عمري أنتي الأجمل .
شمس كانت لابسه جمبسوت كت مفتوحه من عند الخصر على شكل v أخضر غامق سادة ومزينة خصرها بحزام قماش منقوش بألوان كثيرة مدموجه معطيها لوك ساحر وصندل عالي بينك وميك اب بارز ملامحها خفيف وقلوس وردي ورافعه شعرها ذيل حصان ومزينه نحرها بثلاث أعقد جولد بأحجام مختلفه .

و رسيل كانت لابسه تنورة طويله حمراء مفتوحه لين نصف الساق على صندل أبيض لف وبلوزة بيضاء حمالات عليها ورد أحمر بارز من الوسط ومدخله البلوزة داخل التنورة وفارده شعرها وجابته على جنب مع مكياج هادي شدو بني فاتح يميل للذهبي مع الظلال الامع الابيض تحت العين وكحل أبيض داخل العين مع قلوس مخملي بني فاتح ويدها متزينه بساعه الماس فخمه معطيها شكل جذاب .

مسكت رتيل جوالها وهي تناظر على محادثتها هي وصديقتها و أطلقت ضحكه بدون سابق انذار :ههههههه . البنات كلهم ناظروها بأستغراب .
شمس : ضحكتي من سرك قولي امين .
بتول :والله انك تافهه .
رسيل :بعد قلبي والله قولي أيش سبب ضحكتك .
رتيل وهي تغمز :فديت الي تفهمني وحده من صديقاتي أسمها جود ال**** . شمس : أعرف بنت عمها كانت معي بالمتوسط .

رتيل : تقول كنت جالسه على الجوال اتصفح في الانترنت ما لقيت غير أخوي جالس يناظر معي بالجوال فقالت له جود :خيير يا الاخو مضيع جوالك وجاي عندي.
قال : لا يا الأخت مو ضايع بس مضيع تفاصيل وجهك قلت أطالع الجوال على امل اني ألاقي شئ جديد .
قالت جود بطقطقه : تمزح انت وجههك انطم تراك إزعجتني.
قال وهو يضحك : ههههههههه خلاص أسف .
قالت جود بغضب :وسام قول ايش جابك عندي بهالوقت .
وسام بتمثيل للبرائه : كنت جاي ابيك تسوين لي قهوه ويوم شفتك منسجمه بالجوال قلت حرام اخرب عليك .
جود : الزبده تبي قهوه .
وسام : يعني ليش جايك اذا ما أبيها هالحين .
وقفت على الدرج ونادت : كرستين سوي لوسام قهوة بسرعه .
جاء وسام من وراها وقال : كرستين لا تسوين .
جود وهي تطالعه بأستهزاء : ليش
ان شاءلله .
وسام بأبتسامه ثقه: انا احب اشربها من يدينك الحلوين.
جود:أحد معلمك اني خدامت ابوك وانا مدري .
وسام :انتي كريمة وانا استاهل .
نزلت وهي تقول له :الشكوة لغير الله مذله .
وسام: ايه والله .
المهم ما علينا بعد ما جهزت القهوة والحلى نفسها انفتحت قالت :وسام وينك .جلس تدور عليه بالصالة مالقيته .
جود :افففففف وسام أكيد بالمجلس جالس .
دفت باب المجلس وهي ما تشوف احد بوجهها وهي متناسيه اخوها الواقف وتدخل وتروح تجلس عند ال tv وتربع رجولها وتلف شعرها ذيل حصان وتصب القهوة وتقطع الحلى و حدها مشتهيته ووسام من هول الصدمه مو قادر يقول لها شي عاد واختك بالله حطت لها بالطبق وجلست تأكل وهي معطيه الباب ظهرها جاء اخوها بنرفزه وهو يسحب الطبق وهو يقول :جوووود يا حيوووانه كيف تدخلين بدون لا تطالعي . جود بتطنيش :تعال بس كل الحلى يجنن طعمه .
وسام بنرفزة : جود اطلعي برى ولا تعصبيني .
جود وهي تاكل : انت وش فيك معصب مين راح يجي ابوي ومسافر وانت ما تعزم ربعك غير بالمطاعم والكوفي والمجلس بنفس الأثاث ايش أطالع فيه .
وسام بغضب: موجود واحد من الربع هنا ياخبله أطلعي بسرعه قبل لايجون الباقي وأتفشل يكفي واحد .

وطبعا اختكم بالله جالسه وداخله جوو مع الحلي قالت وهي مو ماخذه بالها من نص كلامه : حياهم الله بأي وقت يوم يجون علمني عشان أسوي لهم حلى . وسام :ما يحتاج هو هنا وجالس بعد . من سمعت كلامه غصت جود بالحلى : كح كح كح لا تقولها .
وصديق وسام كاتم ضحكته علي برائتها ووجها الاحمر وملامح وجهها اللي شوي وتبكي من الفشيله .
جود بصوت باكي فيه بحه : هو هنا . وسام بحنق : لا هناك وش رأيك تسلمين عليه بعد دامك مبلطة عندنا بالمجلس.
جود بفشلة: وسام بالله قول تمزح . وسام بغضب : طالعي وراك وانتي تعرفي يالخبلة .
طالعت وراهاا بثقل وهي تتمنى الارض تنشق وتبلعها وعلى الغرفه ماتشوف غير غبرتها مثل ما جت مثل ما راحت صديق وسام سامي: ههههههههه والله ان اختك تحفه عليها خفت دم ماهي بأحد كنت راح أضحك لو ما راحت .
وسام بغيظ: لا والله وتقولها بوجهي صدق ماتستحي .
سامي بصدق : مو احسن ما أقولها من وراك .
وسام : أقول لم قشك وعلى الكوفي بدون كلام .
سامي: هههه امزح معاك حشى مو كأنك صديقي وعرضك هو عرضي يا رجال لا تصير متزمر..... . طلت كرستين وهي تقاطع كلامهم وهي تقول :بابا وسام ماما جود تبي انت على باب مجلس .
شاور وسام لها انها تروح وطلع وسام من بعدها.
رد سامي بأبتسامته المعهوده بعد طلوع وسام: وأسمها جود بعد .
راح وسام لجود ؛ جود وهي لابسه الحجاب وبصوت واضح منه الخجل اللي يسمعه سامي داخل من وراء الباب وهي تقول : وسام تأسف لصديقك بالنيابه عني وعن دفاشتي وقله حياي وسامحني يا خوي اذا أحرجتك مع ربعك قسم بالله ما توقعت ان احد بالمجلس وادري اني خطيت بدخلتي لمجلس الضيوف ومدري كيف جلست فيه بقوه عين .
وسام وهو مبتسم لها بتسليك: راسك ما تنزل دام راسي يشم الهواء وعلى الموقف حنا نسيناه بس انتبهي مره ثانيه .
جود وهي تحب راس أخوها : أسفه يا ياعمري للمرة الثانيه وان شاءلله ماتتكرر .وطلعت غرفتها وجلست تكمل لعب على الجوال وهي تفكر بالموقف وشوي شوي ما لقت حالها غير وهي تكتب لرتيل. البنات : هههههههههه هههههههههههههه .
رسيل :هههههه حرام طاح وجهها . شمس :يويلللي على الاحراج مو متخيله شي ولا ابي اتخيل .
بتول وهي تمسح دموعها :هههههههه مسكينه هالبنت لو مكانها كنت سويت مثل ما يقولون الناس انني لا أسمع ولا أرى ولا أتكلم .
شمس :ايه مو ناقصها غير عصا جدتي وكذه تكون كملت .
البنات : هههههههههههههه .
رسيل بتفكير :تتوقعون تكون لحقت تشوف ملامح صديق وسام اخوها . انفقعن البنات ضحك .
رسيل بأستنكار :وش فيكم .
شمس : حنا في إيش وانتي تفكرين في أيش .
رسيل بحماس :أتكلم صدق شافتهم وله لأ. رتيل وهي تكتب على الجوال :تقول ما شافت غير وجه وسام المتنرفز . البنات :هههههههه . رسيل : حلو انها شافت وجه وسام قلت خلاص البنت راحت ملح ههههههههههههه .
شمس بتحدي :اتحداكم ان ماجاء وخطبها .
رسيل بطنازه :وش قالو لك سعاد حسني على اخر الزمن .
دق جوال الجناح .
قامت رتيل ترد :الووو يممه.
الجده عايشه وهي تكلم رتيل : يالله يابنات انزلن .
رتيل : طيب يمه نازلين .

وقفوا البنات على الدرج وهم يسمعون صوت جدتهم الفرحان وهي تذكر الله فيهم .
الجده (عايشه)بأبتسامه : بسم الله مشاءلله قل اعوذ برب الفلق عين الله ترعاكم الله يحميكم يانظر عيني .
ام رسيل :ربي يحفظكم لنا من عيون الحاسدين .
طلعت ريما وحصه من المطبخ وهم يسمون بالرحمن.
ام شمس :مشاءلله عيني عليكم بارده .
ام ذياب (حصه) :مشاءلله شحلاتكم وش زينكم وانتم مع بعض .
البنات بردود متفرقه : تسلمو .
شمس بغرور :ادري اني حلوة اخاف تصيرون شوربه من كثر ما انتم ميتين من جمالي .
الجده عايشه : هههه انتي ما تتركي حركاتك هذي .
شمس وهي ترمش بعيونها : مستحييل ياميمتي .
الجده عايشه :يا أنك عليك مصطلحات ما تعدميهم .
رسيل بخبث :شمس تخاف من الحسد . الجده عايشه بنص عين :وايش دخلك فينا .
رسيل بضحكه :بكل بساطه الباب اللي دخلت منه شمس .
الجده عايشه بحسرة : ياخساره الزين مايكمل .
رسيل :معلش يا جده العمر يمر ومانحس فيه ولاتزعلين حالك ي م أفضى أخذك المشغل اجدد لك شيبتك اقصد شبابك . الجده بحقد : وانتي ليش مسويه بنفسك مثل اليهود .
رسيل : اخخخ منك يا عجوز هذا وانتي تو ميته على شمس .
الجده بترقيع : شمس غير .
رسيل وهي كاتمه ضحكتها على ملامح الجده :والله عيونك فيها شي لايكون عندك انحراف لا تقوليها امنتك ياجده لاتصدميني .
الجده عايشه بخوف وهي تلامس عيونها :اسم لله على عيوني فالك متروك لك ياوجه العنز .
البنات :هههههههههه .
رتيل : لقطي وجهك هههه .
رسيل وهي تنزل يد الجده وهي تبوسها بضحكه : امزح معك يا وجه الخير والسعاده والفرح يا دنيتي كلها .
الجده وهي تضمها لصدرها : صدق بياعه كلام بس ياحبيلك يا ام الرجه والشقاوة .
رتيل وهي تسوي حالها مصدومه : ياسلاااام عليك انتي وياها وحنا مالنا نصيب بهذا الحضن .
الجده وهي تفتح يدينها لهم وهم راحوا بدورهم ضموها .
صارت رتيل ورسيل بحضنها وشمس ضامه يدها اليمين بحب لها الجده الطيوبه .
أم شمس وأم رسيل وحصه وهم حاطين يدهم على خصرهم بقهر :ياسلام حنا لنا المطبخ وهم لهم الحضن .
الجده بجرأة : عندكم أزواجكم هم مالهم غيري .
ام شمس وهي تمسح على شعرها بأحراج : عرفتي تسكتينا .
الجده عايشه ابعدت البنات وراحت لهم وهم ضموها.
الجده :عشان بس ماتطقون بناتي عين . الكل :هههههههه .
رسيل بضحكه :لا تخافين كل وحده متحصنة .
الجده :ههههههههه يعني مافي خوف . رسيل وهي تهز راسها بمعنى لا .
الجده : ليش صرتي مثل ساندي . رتيل :هههههههه ايه والله "وهي تقلدها" ماما مافي لاتهاول انا كلاص بنام انا في راس اوجع من صباح في شغل انا انت مافي ارحم انا .
رسيل :ههههههه الله عليك قلدتيها في كل شيئ يالحيوانه تعرفي تتكلمي مثلها وماقلتي لنا والله انك خاينه بس لايكون تقرب لك . البنات :هههههههههه .

وصاروا يتكلموا بمواضيع عامة حتى حين وصول ميرال.

.طق الباب معلن وصول غازي وميرال وضاحي
وقفوا البنات والحماس عندهم فل لشوفتها فتحت ساندي ودخل ضاحي على طلعة لولوة من غرفتها .
لولوة بشوق وهي تدور بعيونها وهي ماسكة كفوف ضاحي :وينها ياضاحي ماعاد فيني صبر .
ضاحي : انتظري بس شوي الحين بيدخلوا هم عند الباب .
لولوة بضياع :بروح لها ضاحي .
ضاحي وهو مقيد حركتها بحدة :قلت لك أنتظري يا لولوة البنت تجهز نفسها .
بالخارج
كانت ميرال واقفه على الباب بتوتر وشادة بيدها على يد خالها غازي بخوف شديد .
غازي وهو يحاول يطمنها ضمها لحضنة بكل حنان:لا تخافي يبة مافي شي يستدعي كل هالخوف بتشوفي أمك بعدها نرجعك لبيت جدك تمام ياعمري.
علقت ميرال عيونها بخالها بضعف :خلاص هونت مابي أشوفها .
غازي بحزن وهي كاسرة خاطرة :وتهون عليك امك .
ميرال بتوسل وهي تتمسك بذراعة ودموعها تطيح بخوف :خالي مابي والله ماعدت ابي لا تغصبني مو مستعدة لا نفسيآ ولا جسديآ .
غازي بتفهم : يبة أهدي و خذي نفس وبعدها سمي بالله وخلنا ندخل الله يهديك والله اذا ما دخلتي بتنهار امك علينا .
قاطع كلامهم زياد وهو يحتضن كتوفها بمحاوله تخفيف التوتر عنها وهو يسحبها من حضن عمه بمرح: شوفي يا حياتي اتركي موضوع امك وعفاريتها على جنب يهون عليك أخوك ينجلد من بنات عمة..كمل بثقة طبعآ نطلع منهم رسيل اما اذا على الباقي والله عاد هم لحالهم مو متقبليني تجي انتي بعد علي أحذرك من الحين أن مادخلتي بتلاقينهم مطيحيني من السطح لأنهم متجهزين وكاشخين من صباح ربي حرااام عليك أخوك .
ميرال بعفويه :اسم الله على عمرك ليش ان شاءلله جايبينك ببلاش .
زياد وهو يحرك بحواجبة بوناسة :جعل الله يطعني على هالكلام حضن راسها وهو يطبع بوسة هادئ على جبينها .
ميرال بتوتر :ههههههههه خلاص الحين بهون .
زياد وهو يسحبها لداخل البيت :وش تهوني يابنت ناويه على موتي ..رفع صوتها بنبرة حادة وجهورية :يااااولد درب .
دخلت وهي تشتت نظرها عن حرمة مسندة ظهرها على صدر خالها ضاحي والدموع تطيح مثل المطر على خدها .
ميرال بهمس وهي تبلع ريقها :زياد .
زياد بجدية بعد ماسحب نقابها وهو يدفها لقدام :مافي تراجع بلا زياد بلا بطيخ .
شهقت لولوة بوجع وهي تفتح يدينها على وسعها لبنتها .
ركضت ميرال لحضن أمها وهي تحس كأنها بحلم مو بحقيقه من شدت لولوة على ظهرها وهي صارت تتنفس عطر أمها شهقت بقوة وهي تدفن وجهها بعنق جنتها .
ميرال بلعثمة :لا عا...د ..تروحي وتتركينا شهقت بوجع وهي تشد على حضن أمها بكل قوتها كأنها خايفة تختفي عنها لا أبعدت .
لولوة بشهقة :ااااااااااااااااة يابعد قلب أمك ااااااااااااااة ياقلبي الله ياخذ عمرة ضيع عمري كلة وانا على أمل لقاكم والله ما اسامحك ولا أحللك ياجراح ليوم الدين
حسبي الله علية مسود الوجهه يومني أنام وعيوني مايجف منها الدمع من حرقة قليبي عليكم ربي حسيبك يالحقير يالظالم .
الرجال تلطموا بشماغاتهم وكل واحد فيهم يخفي دموعة عن الثاني من شكلهم أما البنات والحريم حدث ولا حرج .
دخل عبدالكريم بهالحظة .
أعطاهم عبدالكريم ظهره من سمع صوت صياحهم بتأثر.

عبدالكريم بجهوريه :يأم ضاري عسى عمرك طويل يابعد حيي بس مايصير الي تسوينة البنية بعدها تعبانة و مايصلح لها الأنفعال والله هي مناعتها صفر على أصغر شي تنتكس صحتها وبعدها مامر على خروجها من المشفى شي عشان كذة والي يرحم لي والدينك كفكفي دمعك ومايصير خاطرك الا طيب جعل الدنيا كلها تفدى هالعيون عشان خاطري ولك الي تبينة انتي بس أبشري .
لولوة وهي تحاول أنها تتماسك وهي تمسح على ظهر بنتها..ببحة وصوتها يالقوة يطلع :تعالي يايمة أجلسي أرتاحي .
ميرال وهي رافضة تبعد عنها بأنهيار :ادري بتروحين .
لولوة بغصة :ما بروح يمه انا جنبك .
هزت ميرال رأسها بالرفض وهي تدفن وجهها أكثر بعنق امها وهي كل ما شهقت زادت بالشد على أمها :لا يمة لا يمة لاتبعدي تكفين يمة.
لولوة بأنهيار وهي تشدها لحضنها أكثر والود ودها تدخلها داخل ضلوعها وتسكر عليها: والله مابتركك انا هنا شوفيني طالعي فيني.
عبدالكريم وهو يمسح بكفوفة على وجهه وهو يتمتم :لا حول ولا قوة الآ بالله العلي العظيم .
ميرال وهي ترفع يدينها لشعر أمها بخوف وهي تبعد عنها ببطئ ووجهها محمر من أندفاع مشاعرها وأنفها متوردة من الصياح وجفونها أنتفخت شوي ....قالت بشك ورعب متملكها :مابتروحي صح .
هزت لولوة رأسها بالرفض وهي تشهق .
مررت ميرال يدها على ملامح أمها بتأكيد :أكيد ماما .
لولوة بصوت رايح فية :أكيد ياعيونها هااا نجلس .
ميرال ببرائة وخوف :تمام نجلس مع بعض بس تضميني لحضنك .
لولوة :تمام تعالي .
جلست لولوة وميرال بحضنها متمسكه بجلابية امها بتملك .
طلعوا العيال حتى ياخذون راحتهم مابقى غير ضاحي وغازي ودخلوا البنات لها بعد ماضبطوا أشكالهم .
رسيل بتغير جوو : أخيرآ شفناك نورتي بيتنا .
ميرال بأبتسامه وهي توقف تسلم عليها وبيدها الثانية ماسكة يدين أمها: انتم الي اخيرآ .
رسيل : اخبارك واخبار الاهل .
ميرال بعفوية وهي ترجع شعرها لوراء أذنها: الحمدلله تمام يسألون عنكم .
رسيل : سألت عنهم العافيه .
غازي وهو يأشر على رسيل : هذي رسيل بنت خالك ضاحي انا متأكد ان فيوزاتكم راح تركب مع بعض . رسيل :عمي أشوفك من اول يوم تطلع فضايحي .
غازي : ماقلت غير الحق .
رسيل بضحكه :ترى ولدك مثلي الحمدلله والشكر .
غازي :هذي المشكله .
رسيل : وين جدتي المزيونه بس . الجده عايشه : جدتك ماريا راحت مع السواق الجمعيه .
غازي : لا يكون عمتي عايشه مو مزيونه .
رسيل : ياللا وقع بيننا .
؟؟؟؟ :اووووة علينا خالي ورسيل تناقروا اجل ماهم معرفينك علينا انا شمس اصير بنت خالتك وهذي أختي بتول والي جنبها بنت عمي ضاحي اخت رسيل وتكون رتيل .
ميرال بأحراج : أتشرفت بمعرفتكم . البنات : الشرف لنا .
بتول : شوفي بكره مسوين جمعه انا والبنات ونبيك تيجي عندنا .
ميرال بأحراج : بشوف جدي وعطيكم خبر .

رسيل : لا مافي غير تجين بيت عمتي . ميرال بخجل عفوي: انشاءلله .
مر الوقت وهم يسولفون على بعض واندمجت ميرال معهم وبين كل دقيقه والثانية تناظر امها ولولوة تشد على كفوفها الي محاوطتها بين يدينها بأبتسامة تطمنها .
بعد سوالف وكلام كثير...الساعه ١٢:٣٧ص .
لولوة بنعاس: ميرال حبيبتي راح تنامي عندي اليوم وله بتروحي مع البنات .
ميرال وهي تطالع خالها ضاحي بفزعه . ضاحي : بنجيبها بكره .
لولوة بصدمة: من صدقكم بتاخذوها مني بعد بهالسرعة...التفتت لميرال والدموع متجمعه بعيونها : بتروحين صدق لبيت أبوك .
ميرال وهي تبوس يدها بتوسل : يمه ابوي العود تعبان من امس ما أقدر اتركه لحاله وريفال اختي مو عنده وهو بهذا الوضع .
لولوة وهي تبكي : وانا راح تتركيني وانا الي مشتاقه لكم ومنحرمه من شوفتكم كل هذي السنين .
ميرال بحزن : ماكان قصدي كذه يمه .
لولوة وهي تقوم من جنبها واقفه :روحي لهم الله يسامح من كان السبب في جفاكم لي .
ميرال وهي تمسك يد امها بحزن وعتب : يمه لا تقولي كذه بس ابوي تعبان انتي تقدري تتركي ابوك وهو تعبان وتروحي عنه . لولوة وهي تأشر على نفسها: حتى انا تعبانه قلبي محترق ماتقدروا تنسوا كل الناس لمره عشاني .
الجده عايشه بأنزعاج : لولوة الله يهداك وش الي تقوليه .
لولوة بصراخ : اقول الي مفروض ينقال من زمان ترى خليتكم لعيال خويلد كثير اشوف كلام خوالي صدق .
ميرال بحدة : يمه جدي ماله اي دخل كل الي صار من تحت راس عمي جراح وزوجته لا تدخلي الباقي بسوء افعالهم .
لولوة بقهر : لا دافعي زين بعد عليهم هذا من سوء حظي انا وش سويت عشان الله يبلاني بعيال مثلكم .
الجده وهي تاخذ ميرال من عند لولوة وتروح فيها المجلس بغضب من لولوة : اذا كان هذا كلامك اجل لا أشره على سوات جراح فيك .
وقع كلام خالتها عليها مث الصاعقة الي تنبهها على كلامها .
الجدة عائشه بغضب :ضاحي قم يمه ودي البنيه عند جدها .
ميرال وهي مصدومه من كلام امها وهي تلبس العبايه وتطلع وراء عمها كأنها مصفوقه.
دخلت الجده البيت وهي ترجع تجلس مكان ما كانت جالسه .
ام ذياب (حصه) : الله يهداها البنت ماهي متعودة عليها للحين ماكان له داعي كلامها .
رسيل : ياخالتي عمتي من قهرها عليهم قالت كذه صح انها جرحت ميرال بكلامها بس معذوره .
غازي وهو يحط يده على راسه : بدال ما تحتوي البنت قامت تهاوشها استغفر الله العظيم البنيه صاحبه مرض والزعل مو زين لها انا مدري وش اقول صراحه . البنات بصوت واحد بأستنكار : مرض . غازي : اي ميرال عندها الربو ومن تزعل تصاب بنوبه شديده وتدخل بوعكه صحيه هذا وهي امس طالعه من المستشفى .
الحريم : لا حول ولاقوه الا بالله . شمس : الله يشفيها حنا بكره راح نمرها ونطلع فيها السوق دام عمتي خربت كل شي ونحاول نفهمها حاله خالتي لولوة . الجده بعد الصمت : الله ييسر الاحوال .
رسيل بأستهبال وهي تلطف الجو بعد رحيل ميرال بيتها وصعود لولوه غرفتها : جده الشيب طالع بشعرك ليش ما تصبغينه . الجده عايشه وهي فاهمه عليها: اصبغ ايش فيه راح أحنيه احسن . رتيل : وووع ياجده وش تحطين حناء على راسك .
الجده عايشه بطنازة : ايه احطها على راسي وبعدين تعالي الي يخليك تحطينها بيدينك يخليك تحطينها براسك .
رتيل : لا ياجده يدك غير شعرك الحناء تنشف الشعر .
الجده عايشه :هذي مشكله الجيل هذا جيل مدلع بس يقول يع وع ياي .
رسيل بعربجيه :هههه اشطح ياجده والله وعرفتي يااي بعد اه منك يادنيا . الجده وهي تضرب رسيل بالعصا على ظهرها .
رسيل : وش دعوه يا جدتي الحلوه أمزح .
البنات :هههههههه .
رتيل : ميمتي والله أتاريك مو هينه . الجده بثقه : وش على بالك .
البنات : ههههههه .
رتيل بضحكه :جدتي هذي عسسل . الجده بغرور : أكيد يا قلبي لا يكون عندك شك بهذا الشي .
رسيل : ههههههه لا على سلامتك يالغاليه .
شمس وهي تغمز لجدتها : بس أيش هذا والله حركات ثقه وغرور وياي ويع أيش هذا كله .
البنات وهم كاتمين ضحكتهم . رسيل : الله الله .
الجده وهي مطلعه عيونها : تحسدوني . رسيل : هههههه لا لا حالتك ميؤوس منها .
الجده وهي تضربهم بالعصا : قومن على الصلاه لا بارك الله لافيكم ولا في جلستكم الله لا يعطيكم العافيه . رسيل : افااا يا ميمتي حنا وش سوينا . الجده : انتم الغلط راكبكم من راسكم لساسكم . رسيل : ههههههههه متعودين على كذه . دخلوا البنات ركض على المجلس ينحاشون عشان ما توصل لهم جدتهم ومنها يصلون الوتر .
الجده بأبتسامه : عيني قويه أجيب روسكم وانا جالسه .
رتيل وهي تبوس راسها : لا واللي يسعدك الله لا يعوق بشر .
الجده : روحي صلي أجل .
رتيل : لجل عيونك يا نور البيت تكرم مدينه .
الجده بضحكه :ههه والله انك تاكلين الناس بلسانك المعسول هذا .
رتيل : هههه أتغلى عليكم شوي ولا ما يحق لي .
رسيل وهي تخز الجده :اذا رتيل السانها معسول اجل انا أيش .
الجده بقهر منها : تعلمي منها شوي بدال لسانك الطويل أسكتي عشان لا أجي لك وش ذا يا كثر قرقتك الفاضيه أبلعي لسانك شوي أيش بالعه مسجل قبل لا توصلي حشى مو بنت .
رتيل كاتمه ضحكتها وهي تشوف تعبير وجه رسيل المنصدمة لأن الكلمه نفسها الي قالتها لساندي .
رسيل بمزح : جده مالي مزاج حق حركاتك ذي الي ما لها داعي .
نادت شمس على رتيل و رسيل وراحوا وتركم الجده جالسه تفكر.

^^^^^^^^^

عند ريفال ببريطانيا الساعه 5:49م رجعت ريفال البيت وهي مهدوده والبنات كلهم معها الا ريما الي نزلوها في المدرسه دخلوا غرفه ريفال وكل وحده جلست لها بمكان والغرفه صارت ممتلئ بالشنط .
ريفال وهي تثبت نظرها على حركات ريتا : ما رأيكم نشاهد فلم .
ريتا بسرعه : لا لا انا سوف اذهب البيت حتى أخذ غفوة لأبدل مع جون في حراسه فيليكس .
ديالا بتعب : وانا كذلك لدي اعمال كثير علي ان اقوم بها .
ريفال : وبالطبع ستنسحب لينا بنفس الاسباب .
لينا بعفويه : ههههه بالطبع .
ريتا وهي تقوم : هيا انا ذاهبه وقفوا البنات وهم يسلمون على ريفال حتي يذهبوا .
ريفال وهي تودعهم : أتعبتكم اليوم شكرا لمساعدتكم عزيزاتي .
ريتا وهي ترسل لها بوسه على الطاير : في اي وقت نحن موجودين .
ديالا ولينا : باااااااي .
ريفال : مع السلامه استودعتكم الله . دق جوال ريفال .
طلعت ريفال الجوال من جيب البنطلون : هلا .
أوس وهو فاتح السبيكر : ياهلا بك ياقلبي .
ريفال : وينك حبيبي مختفي من البيت .
أوس : عند واحد من الربع .
ريفال : بجهز لك العشاء لين ترد . أوس : بدري جهزي على 8 كذه .
ريفال : من عيوني انت أخبارك اليوم . أوس : تسلم عيونك... بخير الحمدلله . ريفال : بتتأخر .
أوس : لا مو متأخر انتي صاير لك زمان واصله .
ريفال بتنهيده : لا من شوي .
أوس : ههههههه تعبتي من الفرفره . ريفال :تعبت من التفكير وانت الصادق مو الفرفره .
أوس : لا تفكرين ولا شي اتركي كل شي يمشي لحاله .
ريفال بتصريف : دقيت علي ابوي اليوم .
أوس بضحكه : فهمت ما تبي تتكلمي بالموضوع اوووك لا ما كلمته ليش . ريفال بقلق : مدري ادق عليه من امس مايرد لا هو ولا جدتي قلبي ما كلني عليهم وش رأيك نروح نزورهم .
أوس : الي تبيه عيوني لك نروح نشوفهم وش ورانا كذه كذه انتهت الاختبارات .
ريفال بدلع وهي تلعب بشعرها : اي عافيه عليك حدي مشتاقه لهم جعل عيونهم ماتذوق الحزن حبايب قلبي . أوس : ول كل هذا لهم وانا مالي شي . ريفال : ههههههههه انت لك ريفال كلها لا يكون مو مكفيتك .
أوس : ههههههه مكفيتي وزود اسمع كم كلمه بس شغلي الكاميره مشتاق لك . ريفال بتقليد : ول كل هذا شوق .
أوس : عشان تعرفي بس .
ريفال أنتظر بسكر ودق عليك .
أوس : اووووك .
جلست ريفال على الارجوحه الي بالحديقه .
أوس وهو يطالع وافي الي متربع وساند يده على رجله بأبتسامه : فديتها والله . وافي : بشوفها عادي .
دق جوال أوس .
اوس :تعال جنبي بسرعه جلس وافي جنب أوس وأوس فتح الجوال . ريفال بأبتسامه والهواء يلعب بشعرها : مساك الله بالخير يابعد قلبي .
أوس : مساك الله بالنور .
ريفال : قلبي الوافي ما يستحمل الغيبه طلبتك خلي روحي لروحك قريبة . أوس : هههههههههه من قلتي قلبي الوافي احسب انك بتتكلمي علي وافي . ريفال : تراك بايخ مو وجه احد يقولك شي .
أوس : ههههههههههه سبحان الله حتى بالكلام اسمه موجود التفكير مسوي شغله معك ههههههه .
ريفال : هههههههه لا والله ياحيوان قصدي انك شخص انسى خلاص لا تفهم الموضوع من عندك .
أوس : ههههههههههه قولي ما عرفت الاقي شي ارقع فيه السالفه .
ريفال وخدودها محمره حيل من الخجل : أوس وش فيك علي اليوم والله كنت بشبهك بوافي .
أوس : هههههههههه شفتي شفتي انتي قلتي اشبهك بوافي وكمان الخدود توردت .
ريفال وهي تحط يدها على خدها : جيت أكحلها عميتها .
أوس : ههههههههههههه قولي انك مشتاقه له ياللا أعترفي .
ريفال : وش عليك مشتاقه له أو لا . أوس : هههههه اكيد علي بالله كلمه حق بسرعه .
ريفال بأحراج وهي تصرفه : وش تبي يعني اي أحبه ومشتاقه له أيش تبي الحين .
أوس : لا تشتاقي له ولا شي خذيه هذا هو جالس ههههههههه لا تموتي علي بعدين .
مسك وافي الجوال وهو يبتسم .
ريفال بخرعه وهي تحط يدها على شفايفها : وافي .
وافي :يا قلب وافي انتي والله أشتقت لأسمي من فمك ترى وافي تطلع منك أحلى من أليكس .
تسكر الخط بوجهه .
أوس و وافي : هههههههههههههههههه . أوس : النحشه والله اليوم نايم عندك مو برايح البيت .
وافي : هههههههههه ياويلك منها . أوس : هههههه البنت راحت ملح فديتها وخيتي تستحي .
وافي : ههههههه تخرعت من شافتني . أوس : هههههههههه .

أنتهى #####
أشوفكم على خير كانت معكم
أختكم (كنوز جواهر ) السلام عليكم ورحمه الله وبركاته .