السلام عليكم حسيت البارت قصير ف ها تكملته انشاء الله تعجبكم واي تعليق اتمنى تخبروني ايهه شكرا ربيعتكم truffle
تكمله البارت الاول:
ايه نفس ما قلتلك جيب لي كل المعلومات عن بنت علي مشعل ال ……
الطرف الثاني باستغراب:بس ليش تبا معلومات بنت علي ال……
الطرف الاول: انا قلت وانت تنفذ ولا ابي اسمع كلمه سمعت
الطرف الثاني:انشاء الله طال عمرك
الطرف الاول سكر الجوال:هههههههه والله اني بوريك الويل اجل انا سعود حمد ال…… تدخلني السجن
في الجامعه:
ريماس بدلع: اوفف ما اصدق خلص اليوم ملل
نوره:ايه صدقك مرهه بطيئ
عليا:باي بنات اشوفكم بكره
البنات:باي
ريماس:لحضه علايا
مريم :وجعع ريماس وش ذا الدلع المخيس
ريماس تقلب عينها بدلع: وش بك تراه حلو
نوره: بدينا نتدلع
عليا:بنات خلاص هلا ريماس وش بغيتي
ريماس:شرايك اجي انا ومريم بكره عندك
عليا:ايه والله حياكم بتونسونا اجل بعدي ع السوبرماركت وانا ف الطريق باخذ اغراض الجمعه
نوره:اجل انا بعد بجي
عليا:اوك يلا باايي
نوره تطالع ورا ريماس:اقول ريماسوهه شوفي اللي وراك من زمان يطالعك
ريماس تطالع ورا: وينه
نوره ذا اللي لابس قميص ازرق
ريماس بغرور ودلع:فديتني انا الكل يخق معي
مريم:خفي علينا يا سيلينا قومز
عن اميره: اوففف وش ذا ملل ما كنت اعرف انه الشغل لذي الدرجه ممل خلني اتصل ل الريم اسولف معها
ام احمد: الرييم الريم يالريمم
محمد:هلا يمه وش بغيتي
احمد:نادي اختك قلها جوالك يدق
محمد:ابشري يالغاليه
محمد خذ الجوال وراح لغرفه الريم:الريم الريم
الريم:هلا حمود
محمد:اصغر عيالك انا تناديني حمود
الريم:الزبده هلا امر وش بغيت
محمد:اي صح جوالك كان يدق
الريم:عطني اياه اوههه اميره من زمان عنها خلني ارد اتصل لها
الريم:الووو صباحح الورد
اميره: ياهلاا صباح الفل
الريم: شخبارك طمنيني عنك عساك بخير
اميره:بخير الحمدالله وانتي شخبارك
الريم:بخير دامك بخير الا بسالك وش صار ع الشغل ها كيف اول يوم معاك
اميره:الله لا يوريك ليني ما قدمت
الريم :افا وش صار
اميره:تخيلي…… وقالتلها كل اللي صار
الريم:اووبب وش نهايه ذي الصدف
اميره:تخيلي عاد وهو رايح بعد ماكلم العم خليل طالعني بنظرات كنها رصاصه
الريم:الله يستر وش ورا ذي النظرات
اميره:يمهه لا تخوفيني
الريم: خلينا منه الا ف اي شركه تشتغلين
اميره شركه ………
الريم:اوما ذي شركه اخوي
اميره:وشش
الريم:اي والله اني صادقه ماهوب اسمه سلطان آل……
اميره:اييي وربي اني ما ركزت وش ذا
الريم:اجل ذا اخوي طلع
اميره:يوهه فشلهه
الريم تضحك عليها
اميره:بس خلاص الريم يوهه وش ذا الفشيلع
الريم تضحك لدرجه خلت اميره تضحك من ضحكتها
مر سلطان وسمع صوت ضحك استغرب وقال بهمس:ذي من اول يوم وازعاج الله يعين تاليها
فتح الباب ووقف مبلم ذي شفتها ف مكان وين يوهه وش ذي ملاك ع هيئه بشر العين ولا الشفايف ولا الجسم يالبيهه
اميره من اول ما دخل خافت وتمت ساكته
الريم:اميييرهه وجعع امييرهه
اميره:اا الريم اكلمك بعدين باي
الريم :اميـر ططووطط طووطط
الريم باستغراب :وش فيها ذي
عند اميره وسلطان ساكتين وكل واحد يطالع الثاني
سلطان ف نفسه وش فيني انا وبعدين مو اول مره اشوف بنت مزه لا بس ذي غير نفض الافكار من راسه لاا مستحيل انا ارد احب واعجب بالبنات من بعد سالفه وتقرف من طاري رنا
سلطان بحده:مشاء الله اول يوم وكذا تسولفين وصوتك لآخر الممر
اميره بارتباك:اا انا اا
سلطان:يلا اا بلا خرابيط يلاا شوفي شغلك
اميره:بس سلمى ما عطتني شي اشتغل عليه
سلطان :بسيطه سلمى سلمى!
سلمى بركض ودخلت: امر عيونـ ااا احم هلا استاذ
سلطان:جبي الملفات اللي قلتلك تشتغلين عليهم وعطيها ذي
اميره بقهر:انا لي اسم على فكره
سلطان:تصدقين توني اعرف عبالي انك بدون اسم
اميره بتفسها الله ياخذك يال استغفر الله
سلمى بدلع وقهر:انت تامر امر الحين اجيبها
ومشت بدلع
اميره بهمس لاكن سلطان سمعه:الله لا يبلانا لا وتتدلع عاجبها جسمها ذا اللي كنه تمر يابس لا وعيونها عيون الفقمه اوفف وش ذا اليوم
سلطان كاتم ضحكته وبعصبيه مصطنعه: ثاني مرهه لا اشوفك كذا تسولفين بصوت عالي ولو ما عندك شي تشتغلين عليه تعالي لي انا اعطيك
اميره :فهمتت فهمت
سلطان طلع
اميره:اخيرا ما بغا يطلع يوهه قلبي
على وجهها طيف ابتسامه تشعر انها اسعد انسانه تذكرت ماذا حصل عندما اتى عمها وابناءه
ابو ريناد:ريناد مشاء الله انتي كبرتي الحمدالله خلصتني الجامعه وبصراحه جاني عمك احمد وطلبك لولده ابراهيم
ريناد احمرت ونزلت راسها بحيا
ابو ريناد: انا اخليك تفكرين وتستخيرين وبعدها خبريني عن رايك
ريناد بحيا:لحظه يبا انا نزلت راسها وتلعب بايدها انا موافقه
ابو ريناد بقرحه ويقوم يضمها:والله هاذي الساعه المباركه اخيرا بشوفك عروس
ريناد بخجل يخالطه فرحه من فرحه ابوها:ايه يبا عاد ابيك انت تزفني
ابو ريناد بدموع: انشاء الله انتي تامرين امر
ورجعت للواقع وهي تكتب في مذكرتها باناملها الناعمه الصغيره بكل حب وشوق لا يحسه الا الذي يعلم معنى الحب
أفتقده، أبحث عنه فلا أجده أمدّ له يداي فلا يلمسني
، أنادي عليه فلا يسمعني، أقول له متى تأتي وتسعدني
ذهبت انا وقلبي ابحث عنك ولكن لم اجدك
وها قد اتيت لي من البعيد وكأنك شعرت بي
وها قد تحققت امنيتي لقد اصبحت لحبيبي لقد ملكني
،أحببتك جدا لدرجه أنه عندما تغيب عني يغيب معاك كل شي
|