البارت الثالث الخطوبة
🌷بقلمي جوري🌷
جنت اجحي وية مرتضى ولازم ايدي من الشباك مااحس الة مرتضى انجر مني واشوف محمد وجاسم نزلو بي دك ضرب واني من خوفي من هول المنظر كمت اصيح عوفو لاتضربو حتموتو هم جانو ملتهين بمرتضى من سمعو صوتي اتذكرني جاسم التفتلي بخزرة عيونة😠 ووجهة احمر دم
اجاني لداخل البيت ودخل الغرفة
- ولج حقيرة بنت الشوارع تتمعشقين من ورانة وانت مخطوبة ادب سز تردين تنزلين راسنة بالوحل هسة شيكولون علينة العالم وبيت عمي.
- والله مامسوية شي ينزل روسكم
- سكتي الج عين تحجين بعد الصار مو شفت بعيني تحاجي ولازم ايدج
-اي احبة واريدة يصير الي ياريت توافقون عليه خطبني مثل الناس بالاصول ليش ماوافقتو لاتجبروني على محمد ماريدة والله مااحبة حرام عليكم تغصبوني
مااحس الة كف طير وجهي ودفعني بالكاع وضل يضرب بية بهل اثناء امي وابوية وخواتي بالباب يدكون الباب لان قفلهة جاسم حتة يضربني ومحد يمنعة
رضوان : ولك حقير لاتموتهة افتح الباب خلنتفاهم
-شتتفاهم داكلك شفت بنتك تحجي وية الضابط من الشباك ولازمين ايد بعض بعد على شنو تتفاهم هاي لازم تموت نغسل عارهة
-الهام :والله ممسوين شي
كلما احجي يزيد الضرب كسرني تكسر وورم وجهي وعيوني
بعدين كسرو الباب ابوية وعمي وطلعو جاسم وقفلوهة علية انحبست بالغرفة يومين منعهم جاسم احد يفتحلي الباب ويطلعني بس عند حاجتي بالتواليت والاكل يجيبو بالغرفة وسودة علية امي وخواتي يبجون على حالي
عند مرتضى ومحمد
ولك حقير سافل شعندك بالشباك تتغزل وتلزم ايد خطيبتي ويضرب بوكسيات بوجهة نزف خشم مرتضى
ومرتضى يقاومة وهم يضربة بس الضرب مو يترك اثر بمكان ضاهر لا لان مرتضى عندة فكرة جهنمية
لمن اجو جماعة من الناس المارة فاككوهم
بس اخر خسائر المعركة جاسم كسر ايد الضابط مرتضى وورم وجهة وخشمة ينزف
نقلو للمستشفى بس مرتضى شغل دماغة وفكر يساومهم واتصل بجماعتة الضباط ومن حسن حضة جان اثناء دوام
فبرك السالفة سواهة ضمن تادية واجبة اعتدو عليه
الضابط :نعم سيدي
-مرتضى: اريد ابلغ على جماعة اعتدو علية اثناء تادية واجب اني بالمستشفى
-حاضر سيدي جاييك
اجو وسحبو اقوالة وقدم تبليغ علة محمد وجاسم معتدين على ضابط اثناء واجبة
-سلامتك سيدي احنة طالعين سيارة الشرطة رايحين لبيتهم ناخذهم للحبس محمد وجاسم
-مرتضى اي اخذوهم حالا
وتداعبت على شفتيهي شبه ضحكة انتصار
الهام: ضليت محبوسة يومين بالغرفة ممنوع علية الطلعة خارج الغرفة عدى للتواليت مكرم القارئ ثاني يوم الحادث اندك الباب حيل
ام الهام: خير ان شاء الله منو جااينة بهل ضهاري سترك ربي كوم رضوان شوف منو
- اي كمت خل اشوف شكو من مصيبة جديدة جايتني
فتح الباب دخلت الشرطة
- رضوان: خير شرايدين
- جايين نريد جاسم رضوان ومحمد مرزوق مطلوبين بالمركز اكو تبليغ عنهم معتدين على ضابط
ام الهام : عزة بعين بليس يمةةة حياخذون ابني
رضوان: شنو هلحجي منيلكم اصلا هو اعتدة علينة وعلى حرمة البيت
- الكلام مو يمي وين المتهمين اريد يجون هناك يتفاهمون الضابط موجود
اخذوهم للحبس ولان هو ضابط فبرك السالفة لصالحة وكسب القضية
ضلو اهلهم يومية يرحون ويتوسلون بي يتنازل بس ماكو فائدة طلبو يسوون كعدة عشاير وينطو فلوس وطلعوهم ماقبل اخر شي ساومهم ينطو الهام مو فصلية لا بس يوافقون على الخطبة وتتحرر من نهوة محمد
راح عمي مرزوق لمحمد بالسجن يشوفة
- مرزوق: ها بوية شلونك
- شلوني نفس لوني اصفر على اخضر
-بوية مديقبلون يتنازلون دزينالهم شيوخ وناس كبار وماقبلو الة بشرط
-شنو شرطهم
- نطيهم الهام
- ختولي بعد مااريدهة طابت نفسي منهة بعد الشافتة عيني واكفة ويا ولازم ايدهة ماريدهة افك النهوة عنهة
- اذا هيج لعد عليمن مبقيكم بالسجن خل احاجي عمك يوافق حتة يتنازل الظابط
- شسوي سوي المهم الهام بعد ماريدهة
راح عمي حجة وية ابوية ابوية بلبداية انقهر بس بعدين رضخ لان ماكو حل
-مرزوق: ماكو غير حل ننطيهم الهام ويطلعون الولد من السجن
-رضوان: شتحجي انت الهام مخطوبة لمحمد بس يطلع يزوجهة
-مرزوق: شغل عقلك شلون يطلع اذا مايتنازلون وشرطو ياخذ الهام يلة يتنازل بعدين اني حاجيت محمد ومحمد كال افك النهوة انطوهة بس خل نطلع السجن ماينراد
-رضوان: هاا هيج صارت راسن باعهة البت عمة وينة من واعدني يزوجهة وينة من كلي عمي بس انطينياهة شو من كبر راح كل هذا بالشط اني حسيت بي الفترة الاخيرة جان مجبور عليهة بس ضليت ساكت وكلت هو ابن عمهة اولى بيهة والحب بعد الزواج بس هاي هية بعد عرفت معدنكم من باجر اروح اوافق على شرطهم
-اي خوية التسوي هو الصحيح لان ماعدنة غير حل ومانكدر نوكف ولدنة علمود بنية خوية لا تزعل مني موبيدي والله
رضوان ماجاوبة بس انطا نضرة غضب
-😡
ثاني يوم راح قابل الضابط مرتضى
-رضوان: عمي وافقنة على شرطك تعال تقدم الهة ومثل الاصول خطوبة ونطيكياهة بس طلع الولد من الحبس
- مرتضى : استبشر وجهي بالفرح والسرور جنت حيل فرحان كدرت اطلع الي احبها من حلك الاسد وحصير مرتي حسيت بكلبي يكمز بين ضلوعي وميهمني المهم اول خطوة لصالحي بس خل استعجل وازوجها كبل لا يلكولهم تدبارة و يبطلون
جاوبتة -تدلل عمي بس بالاول تصير الخطوبة واعقد عليهة واضمنهة الي يلة اتنازل
-ماشي تعال باجر جيب اهلك ننتضركم.
مرتضى: بابا اني احبهة ورايدهة اضطريت هيج اسوي
-بس السويتة اكبر غلط هسة شتكول علينة الناس انت استغلالي اني ماقابل عليك خطبتهة ورفضوك ليش جبرتهم ومو برضاتهم
- بابا دااكلك وافق برضاتة ماجبرتة بعدين اكلك احبهة وماازوج الة هي
-حبتك جرادة متولي من وجهي لا هسة اشمر الرادية بنص وجهك
الهام بعد الصار وحبسوني ورة يومين عافو الباب وكمت اطلع بس مااكعد يم ابوية واصلا ابويا مايحاجيني ولا يباوع بوجهي على الصار شايل بكلبة علية وامي هم مثكلة علية بس تنجبر تحاجيني اذا حاجيتهة بس اني مبتعدة عنهم مااكعد يمهم اكمل شغلي بالمطبخ ارجع للغرفة وهكذا نفس الروتين طاب وجهي وجسمي تقريبا راح اثر الضرب من وجهي بس ايدي شوية مرضوضة فبقت اتالم منهة بس مااشكي لاحد مر على الحادث اسبوعين وسمعت تنازلو لان وافقو على مرتضى ينطوني الة جانت الفرحة ماسايعتني رغم اهلي ماموافقين
صار يوم الخطبة وجنت فرحانة وطلعتلهم لابسة نفنوف حلو حضرتلياه امي امي بداخلهة فرحانة لان تكول خوش ناس
اجو اهلة امة وخالتة وهو وابو دخلت للنسوان
-امة: بسم الله ماشاء الله وردة خوش يعرف يختار الظابط ذواق ابني
-جاوبت واني خجلانة ومدنكة😏🤗شكرا خالة انت الورد كلة
اتفقو على الخطوبة وثاني يوم جان المهر لان جانو مستعجلين حتة يطلعون الولد محمد وجاسم لان مرتضى اشترط الة بعد ما نعقد
اليوم هو المهر مالتي جنت ملتهية احضر من الصباحيات رغم مالحكنة لان بس يوم واحد ماانطونة مجال بس مااهتميت المهم اصير زوجة روضي
اجرت بدلة حلوة لون ماوي ردان تور جان موديل ذاك الوقت ورتبت شعري بالبيت ساعدوني خواتي ومكيجتني بت خالتي تعرف تمكيج وطلعت اميرة فديتني كعدت بصف روضي ورة ماعقدنة وبدت الحفلة ماشال عينة مني
-مرتضى: لج شويبة شنو هل جمال ولا جنج انت ام عطوب هههه
-كافي روضي ولا تعرف تتغزل بطل من هلسالفة ترة اضوج والله
- يمة فدوة اروح لليضوج حبيبتي انت طالعة كيكة بودي اكلج لوما الكاعدين كلهم لج مامصدك صرتي الي
-خجلتني🤗
-يمة فدوة اروح للتخجل لج لهانتي اموت عليج
خلصت الحفلة بسلام وثاني يوم طلعو من الحبس
جاسم مايحاجيني واني اصلا ماراويتة وجهي ادري مرح يتركني بحالي ومحمد مااجانة واعتقد بعد مايجي لان ابوية ضاج من عمي كلة منريدهة شال بكلبة همزين خفتا وراحة مااحبهم ماينهضمون بيت عمي
كمنة نتخابر بالتليفون اني ورضرض يومية
-الوو
-الو هلو رضرض
-فدوة يروحلج رضرض
اكلج بعد مااتحمل بعدج اريدج يمي يومية اتخيلج بحضني نايمة وعلى صدري
-اوف رضرض مو جمرة كتلك لا تحجي هيج اخجل
-اروح فدوة للتخجل لج تعودي اني زوجج لعد من يصير صدك واكلج طبقي شلون شسوين
-ههه ماادري يمكن يغمي علية
-هو هذا الزين
-ليش تتمنة يغمي علية
-ههه لا مو بهلطريقة فهمتيني غلط
اكلج لهومة شكو عدنة متاخرين شو كلشي جاهز خلي الاسبوع اليجي زواجنو شتكولين
-بكيفك شوف اهلي واتدانشو بالموضوع اني ماعندي اعتراض.
ثاني يوم اجانة مرتضى وكعد يم ابوية يحاجي
-مرتضى : عمي اجيت احاجيك بموضوع الزواج اني ماعندي شي كلشي جاهز واريد ازوج الاسبوع اليجي طبعا الكلمة كلمتك وبعد شورك
-هي صارت مرتك والك بكيفك انشوفهة هي شتكول خل اصيحهة
الهااام
-نعم بابا
-تعاي بنتي مرتضى مستعجل يريد الزواج الاسبوع اليجي شتكولين
-بكيفك بابا ماعندي شي اكولة
-يعني موافقة هاي هية توكلو على الله
-مرتضى خوش لعد اكمل نواقص الشقة اني اجرت شقة لان دوامي بالموصل منا لمن انقل يم اهلي والشقة ماثثة وباجر اجيب الغرفة موصي عليهة باجر توصل
هاج فلوس اشتري بيهة التحتاجي من ملابس وكذا يلة في امان الله
-الله وياك
مشو الايام التهيت اطلع وية امي نشتري ملابس وغراض الي واجة يوم العرس واني كلش متوترة وخايفة ونفس الوقت فرحانة رح ننجمع تحت سقف واحد
رحت صالون رتبتني مكياج وتسريحة والبدلة البيضة طلع شكلي يخبل موغرور
ومرتضة حرجني كلسع بايسني شكد مايستحي مو الناس كاعدة صار المغرب واخذونة زفة للفندق....
وتم الفصل .....
لاتنسون التصويت فضلا وليس امرا
البارت من البارحة جان جاهز بس نت مامتوفر
ولا تزعلون مني اذا تاخرت عليكم لان النفسية زفت فماكو واهس للكتابة