البارت ٤
🌹بقلمي جوري🌹
الهام: وصلنة للفندق والزفافة ودعونة من باب الفندق وصعدنة للطابق الثاني وحدنة وصلنة للغرفة ههه زاد التوتر
-روضي🙁وعلامات التوتر واضحة
-عيون روضي امري حبيبتي
- مااريد ادخل وياك رجعني لاهلي نبقة مخطوبين احلة
- رفع راسة وباوعلي بعلامات تعجب ممزوجة بابتسامة🙄🙄
ليش لهانتي وين كلامج بالتليفون تكليلي شوكت ننجمع سوة
- ماادري معدتي تكلب وخايفة ادري بيك مو راحة ههه
- هذا تفكيرج بية للاسف عليج اني احبج واريد راحتج لاتفكرين بشي اليوم بس تعارف يصير بيناتنة يلة حبي اشيلج لو انت تدخلين برجلج اليمنى
- شيلني
- هلة هلة وتكلي رجعني لاهلي اذا اشيلج صدك اصير مو راحة 😉😉
- لا عمي بطلت اطب برجلي اليمنة بلكي تعدي هل يوم على خير
- ههههه كلنة بس تعارف بس مو عبالج صدك بس تعارف وغمزلي 😉لازم اكو عشة خفيف ميصير انام دون عشة
- اهئ اهئ روضي بديت تخوفني وبطني مغص ومعدتي تكلب
فتح الباب وشالني ودخلني للغرفة ذبني على السرير وضل هو لازمني ووجهة قريب عن وجهي يباوع بعيوني نضرات تربكني
مرتضى: لج شرح يصبرني عليج مااسوي شي الة برضاتج بس حكون مثل الصايم وباقيلة دقايق للفطور بس يتاني يصيح الله اكبر يسوي هجوم على الاكل ههه.
جاوبتة بفطارة
-رضيان لو تبقة علية تبقة طول عمرك صايم.
باوعلي بتعجب ويضحك
-الفهمتة منج تكليلي سوي التريدة ولا تبقة تنتضرني هههه
- لا مو هيج قصدي قصدي اخجل وماتطلع مني اكولك تعال نلعب بيت ابو بيوت
- واو صايرة جريئة يعني اكو امل ههههه
يلة حبي كومي بدلي علمود نتعشة ونفتح فلم نتفرج وهاي جبت كرزات وحلويات للسهرة وبعد لاتفكرين بشي خلي كلشي بوكتة
- اي حبي رضاوي حكوم روح اطلع اكعد بالحمام اسبح وبدل علما اني اكمل بالغرفة ابدل
ضحك وماحجة مراد يوترني اكثر طلع اخذ ملابسة يبدل بالحمام
وكعدت افتح تسريحة شعري قبل تسريحات بسيطة مو مثل هسة يترسوهة ماشات يكعد العريس ساعة يفك وياهة الماشات لا قبل كلش بسيطة التسريحات فكيتهة وحدي انوب البدلة سحابة بالضهر ومكدرت افتحهة ضليت حايرة ههه صحت علية بالحمام فتح الباب شوية ومد راسة كال ها لهانة والمي ينزل من شعرة
-روضي بس افتح السحابة مدااكدر 🤗
- خرب حضي مو نزعت وبديت اسبح
لف المنشفة على خصرة وطلع اجاني والمي ينزل من شعرة على جسمة جنت صافنة بصدرة بعدين حسيت وخجلت دنكت اجة فتحلياهة يفته ببطيء واعيونة على جسمي بعد مايقاوم ونسة الوعد وصار الصار🙈🙊
- حبيبتي مامصدك صرتي زوجتي شرعا وقانونا والله عبالك حلم حبيبتي يمي وملكي لوحدي
- حبيبي اني هم مامصدكة صرت زوجي الله يديم حبنة ويسعدنة ويرزقنة الذرية الصالحة
- امين.
يلة لهانتي كومي سبحي حتة نتعشة ترة جعت
كمنة سبحنة وكعدنة نتعشة وسهرنة على افلام مصرية لعادل امام وغفيت بحضنة نمت نومة الكهف محسيت الة الصبح يكعد بية شكد خبيث كرص خشمي حيل
- هلة على الرومانسية ناس تكعد الحبيبة ببوسة بكلمة حلوة انت تكرصني ليش
- شويبة اذا ابوسج ماتعدي البوسة على خير😉 لج احلة شي من نمنة نومت الكهف لج العرسان تسهر وتاخذ جرعات
- انوب شويبة شويبة شيبت راسك ان شاء الله لهانة قبلنة شويبة شنو شوكت تبطل منهة
- يلة كومي حيجون اهلنة يجيبون الريوك ونطلع منا يزفونة لشقتنة واهلي يتغدون ويطلعون الضهر للكوت بس بعد اسبوع نروحلهم ابوية ديسوي عزيمة العرس بالسبعة لان عيب من الناس تدور عزايم وشهرة العرس وخاصتا اني هلولد الهم على بنات ٣ فيريد يحتفل بية ويسويلي عرس ابيتة
- ليش منروح هسة وياهم كلش متشوقة اشوف الكوت
- اني ماقبلت هههه بعدني ماشبعان منج اريد بس اكابل هلوجه الحلو لوحدي اروح يم اهلي مامهيئيلي مكان ولا عدهم غرفة الي بعدين الكوت تشوفيهة وحتة تشبعين منهة وتكومين تكليلي شوكت نروح للموصل احتمال سنة واحصل نقلي للكوت ونروح نسكن هناك محضرلج بيت يخبل اشتريتة قبل سنتين وجنت يومية من افوت من يمة اكول شوكت تجي ست الحسن تشرفة البيت واسكن بي لان وحشة اكعد لوحدي
- اكلك شنو ست الحسن احسك مستهزء بية 🙄
- ما عاش اليستهزء بيج
- صدك رضو انت مو هلولد لاهلك ليش متعيش وياهم ماعدهم غيرك تخدمهم تداريهم خطية ماصدكو صار عدهم ولد تالي يعوفهم وخاف بعدين الناس تكول المرة خطفتة من اهلة.
ضحك ضحكة طويلة على تفكيري
- ههههههههههههههههه اول شي عبالي مقهورة على اهلي وحدهم تالي طلعتي خايفة لا الناس تحجي
- لا والله رضرض هم افكر بيهم وحدهم
- بلنسبة الحجي الناس عوفج منة مثل البحر مايخلص مية واذا على اهلي بيتي بنفس الشارع يعني يمهم بكل وقت مااعوفهم وابوية هو الرتبلي هلفكرة لان بيتهم صغير مكان ماعدهم واني حالتي زينة راد اعتمد على روحي وبهذا عمري اكون نفسي مراد تنعاد نفس التجربة هو ضل عايش وية اهلة وماكون نفسة وتالي من كبر ماحصل غير هلبيت ٢٠٠ متر يادوب مكفيهم فمن شاف جيرانة ديبيعون بيتهم واني توني متعين سوالي واهس اداين واشتري هلبيت للمستقبل ومن راتبي اسدد الدين كالي يفيدك ذخر مدامك ماعندك شي وعايش وياي راتبك ماتحتاجة سوي سلف بس والله خوش يفكر الحجي بهاي السنتين سددت ديوني ورممت البيت وهسة البيت جاهز بس ينتضر ست الحسن تشرف هههههه لا اقصد اني انقل للكوت
- زين سويت خوش عمي يفكر للمستقبل لازم واحد يفكر بمستقبلة ومستقبل جهالة هذا عمي تعلم من تجاربة بالحياة .
اجو اهلي واهلة نفس الوقت جابو اهلي الريوك كاهي وكيمر وحلاوة تريكنة وطلعنة للشقة وسيارتين ويانة اهلي واهلة وصلنة والغدة جاهز عمتي ام رضو طابختة شاطرة من الصبح مكملة الطبخ بقو كلهم على الغدة تغدو وكعدو وصار تعارف بين ابوية رضوان وعمي سلمان واحد ارتاح للثاني والتهو سوالف واني تونست وية خواتي هم جايات هم وازواجهم وبيت اخوية اخوية نوعا ما تحسن علاقتة بينة يحاول ينسة لان جويسم فدوة الكلبة حنين علينة خواتة يحبنة خلصت الكعدة والعصر كلمن راح لبيتة بقينة وحدنة رضو هواي مدللني ومعيشن ملكة مرت الايام واني اسعد انسانة وصار السبعة قبلهة بيوم اهلي عزموني يسموهة فكاك رجل وثاني يوم رحنة للكوت عيالي سوولي حفلة نسوان وثاني يوم عزيمة الرجال وتونست وياهم وهم خوش ناس طيبين عمتي حبابة فقيرة حبيتهة هواي
بقينة ثلاث ايام ورجعنة للموصل وخلصت اجازة رضاوي مال عرس كام يداوم كمت اشتاقلة من يرجع متلهفة عليه استقبلة واحضرلة الحمام والاكل ويخلص ينام يرتاح بعدهة يكوم يساعدني بالعشة نوكف سوية نشتغل ونسولف ويومية نفس الروتين .
مر ثلاث اسابيع عن العرس واحنة اسعد اثنين
مرتضى: لهومة اليوم نطلع نتغدة برة لاتسوين غدة
- بكيفك بعد احسن ضايجة
- اكو واحد مكابل هلوجه الحلو وياشر على وجهة ويضوج
- هههه شكد مغرور منو كلك حلو
- هواي بنات كلولي حلو 😉😍
- يجذبون عليك
- ههههه ميهم المهم اني مقتنع بشكلي
يلة كومي تحضري دنطلع
تحضرنة وطلعنة نتمشة المنطقة حلوة ومطعم قريب تمشينة من وصلنة وكعدنة على ميز مثل الدوار لزمني انتبه رضاوي كلي شبيج كتلة ماادري يمكن لان مشينة بالشمس تعبت ونسينة والتهينة نسولف وجابو الاكل خلصنة رجعنة لشقتنة وكملنة الروتين نفسة صار العصر دخلنة المطبخ نسوي عشة
- رضاوي عليك الزلاطة اني اسوي العشة لان حموت جوع اذا تبقة يومية انت تسوي
- هههه ليش بلة اصلا طبخي كلهة تمدح بي اصدقائي وهم يشهدولي
- غير يجاملوك حتة تطبخلهم
- ههههه يلة بكيفج خل اسوي الزلاطة
كعدنة نشتغل كلمن وشغلة وهو يسولف واني ساكتة لمن لزمني دوار بعد محسيت بروحي وكعت
- مرتضى: جنت اسولف وياهة شو كامت مترد علية شلت راسي واشوفهة واكعة من طولهة رحت اركض🏃♂️🏃♂️
الهااااام لج لهوووومة
يتبع ...
اعتذر على التاخير ظروفي مسمحتلي بنتي جانت مريضة والتهيت وياهة
ممكن تصويت وتعليق فضلا وليش امرا